၂၁ ရာစုအတွက် သင်ခန်းစာ ၂၁ ခု

သင်ခန်းစာ (၅) အသိုက်အဝန်း

လူသားများတွင် ခန္ဓာကိုယ်ရှိသည်

ကယ်လီဖိုးနီးယားပြည်နယ်အဖို့  ငလျင်ဆိုသည်မှာအဆန်းမဟုတ်ပါ။ သို့နှင့်တိုင် ၂၀၁၆ အမေရိကန် ရွေးကောက်ပွဲကလှုပ်လိုက်သည့် နိုင်ငံရေးငလျင်မှာမူ ဆီလီကွန်တောင်ကြားကိုအထိတ်တလန့် ဖြစ်စေခဲ့ ပါသည်။ သူတို့ကိုယ်တိုင်ပြဿနာ၏ တစ်စိတ်တစ်ပိုင်းဖြစ်နေနိုင်သည်ကို  သဘောပေါက်သည့်အားလျော်စွာ ကွန်ပျူတာဂုရုကြီးများတုံ့ပြန်ပုံမှာ  အင်ဂျင်နီယာများပီပီ နည်းပညာနယ်ပယ်မှအဖြေကို ရှာကြတော့သည်။  ဖေ့စ်ဘုတ်ဌာနချုပ်ရုံးစိုက်ရာမန်လိုပါ့ခ်မှာတော့ ကျန်သောနေရာများထက်ပိုပြီးသဲသဲမဲမဲသိ၏။ ဤသို့ဖြစ်သည်မှာလည်းမဆန်းလှ။ ဖေ့စ်ဘုတ်၏စီးပွားရေးမှာ လူမှုကွန်ရက်ချိတ်ဆက်ခြင်း (Social Networking)  ဖြစ်သောကြောင့် လူမှုရေးရာရုတ်ရုတ်သဲသဲဖြစ်မှုများမှာ သူနှင့်ပတ်သက်နှီးနွှယ်နေသောကြောင့်ဖြစ်သည်။

သုံးလလောက် အဇ္ဈတရှာဖွေရေးလုပ်ဆောင်ပြီးနောက် ၂၀၁၇  ဖေဖော်ဝါရီ ၁၆ တွင် မတ်ဇူကာဘတ်က ဝံ့စားသည်ဟုဆိုနိုင်သည့်  ကြေညာချက်တစ်ရပ်ကိုထုတ်ပြန်လိုက်သည်။ ယင်းမှာ ကမ္ဘာလုံးဆိုင်ရာ အသိုက်အဝန်း (Global Communities) တည်ဆောက်ရေးဖြစ်ပြီး  အဆိုပါကိစ္စရပ်တွင် ဖေ့စ်ဘုတ်၏ အခန်းကဏ္ဍကိုလည်း ထုတ်ပြန်ကြေညာလေသည်။နောက်ဆက်တွဲအဖြစ်၂၀၁၇ ဇွန်လ ၂၂ တွင် ကျင်းပသည့်  “အသိုက်အဝန်းများ ညီလာခံ” တွင်အဖွင့်အမှာစကားပြောကြားရာ၌  ဇူကာဘတ်ကနေရာတိုင်းကြုံနေရသည့် မူးယစ်ဆေးစွဲခြင်းပြဿနာမှအစ  လူသတ်နေကြသည့်အာဏာရှင်အစိုးရများအဆုံး ယနေ့ခေတ်၏ လူမှုရေး၊ နိုင်ငံရေးပြဿနာများမှာ လူ့အသိုက်အဝန်းများ (Communities)  ပြိုကွဲလာခြင်း အကြောင်းခံရှိသည်ဟု ဆိုလေသည်။ သူက “ ဆယ်စုနှစ်များစွာအတွင်း လူသားများမှာ အသိုက်အဝန်းအုပ်စုမျိုးစုံတွင်ပါဝင်မှု   လေးပုံတစ်ပုံထိ ကျဆင်းလာပါတယ်။ ဆိုလိုတာက ယခုအခါလူအများအပြားဟာ ဘ၀အဓိပ္ပာယ်နှင့် ဘ၀အတွက် လိုအပ်တဲ့အကူအညီကို အခြားမှာသွားရှာနေကြရတယ်” ဟု မချိတင်ကဲဆိုရှာသည်။ သူက   ဖေ့စ်ဘုတ်အနေနှင့် ယင်းအသိုက်အဝန်းအုပ်စုများကို ပြန်လည်တည်ဆောက်ရာတွင် ဦးဆောင်မည်ဖြစ်ပြီး သူ့အင်ဂျင်နီယာများက ဆိုင်ရာအသင်းတော်များမှ ဘုန်းတော်ကြီးများစွန့်ပစ်လိုက်သည့် ဤဝန်တာကို  ထမ်းရွက်မည်ဟုကတိပေးလေသည်။ ‘အသိုက်အဝန်းလူအုပ်စုများတည်ဆောက်ရန် ပိုလွယ်ကူစေမည့် နည်းပညာများစတင်ဖြန့်ဝေတော့မည်’  ဟုဆိုလေသည်။

သူကဆက်၍ရှင်းပြသည်။ “ကျွန်တော်တို့အနေနဲ့ လူတွေအတွက်အဓိပ္ပာယ်ရှိမယ့် ဂရုတွေကို အကြံပြုတဲ့နေရာမှာ ပိုကောင်းအောင်လုပ်ဖို့ဆိုတဲ့စီမံချက်တခုကို စတင်ခဲ့ပါတယ်။ ဒီလိုလုပ်ဖို့ကို ဉာဏ်တု (AI) ကို စတင်တည်ဆောက်ခဲ့ပါတယ်။ အဲဒီစီမံချက်အောင်မြင်ပါတယ်။ ပထမခြောက်လတွင်းမှာ ကျွန်တော်တို့ နောက်ထပ် လူ ၅၀ ရာခိုင်နှုန်းကို  သူတို့အတွက်အဓိပ္ပာယ်ရှိတဲ့ အသိုက်အဝန်းများမှာပါဝင်လာနိုင်အောင်  ကူညီပေးခဲ့ပါတယ်။” သူ့၏ အန္တိမပန်းတိုင်မှာ “လူပေါင်းသန်းတစ်ထောင်ကို အဓိပ္ပာယ်ရှိတဲ့ အသိုက်အဝန်းတွေမှာပါဝင်လာနိုင်အောင် ကူညီပေးဖို့ဖြစ်ပါတယ်။ကျွန်တော်တို့ ဒါကိုလုပ်နိုင်မယ်ဆိုရင် ဆယ်စုနှစ်များစွာကျွန်တော်တို့ကြုံလာရတဲ့ ရပ်ရွာလူထုအသိုက်အဝန်းတွေမှာပါဝင်မှု  လျော့ကျလာတာကို ပြောင်းပစ်ရုံတင်မကဘဲ ကျွန်တော်တို့ရဲ့လူမှုအသိုက်အဝန်းကို ပိုမိုအားကောင်းလာစေမှာဖြစ်ပြီး ကမ္ဘာကြီးဟာလည်း ပိုမိုနီးကပ်လာမှာ ဖြစ်ပါတယ်”ဟူ၍ဖြစ်သည်။ ဤရည်မှန်းချက်မှာ အရေးကြီးသည့် ရည်မှန်းချက်ဖြစ်သည့်အတွက် ဇူကာဘတ်က “ဤကိစ္စကိုဆောင်ရွက်ရန် ဖေ့စ်ဘုတ်၏ လုပ်ငန်းစဉ်ကြီးတစ်ခုလုံးကို ပြောင်းလဲပစ်မည်” ဟုသန္နိဋ္ဌာန်ပြုလေသည်။

ဇူကာဘတ်မချိတင်ကဲပြောသည့် လူသားအသိုက်အဝန်းများ ယိုယွင်းလာသည်ဆိုသည်မှာ သေချာပေါက် မှန်ပါသည်။  ဇူကာဘတ်သန္နိဋ္ဌာန်ချပြီး လများမကြာမီ၊ ဤစာအုပ်ထုတ်ခါနီးတွင် ဖေ့စ်ဘုတ်ကို ယုံကြည် စိတ်ချပြီး ပေးထားသည့်ဒေတာများကို အပြင်ပုဂ္ဂိုလ်များကိုရယူခွင့်ပြုထားပြီး ယင်းဒေတာများကိုသုံး၍ ကမ္ဘာတစ်လွှားရှိရွေးကောက်ပွဲများကို  ဩဇာလွှမ်းမိုးရန်အသုံးပြုခဲ့သည်ဆိုသည်ကို Cambridge Analytica အရှုပ်တော်ပုံကြီးမှာပေါ်လာပါသည်။ ယင်းအဖြစ်ကြောင့် ဇူကာဘတ်၏ဟိတ်ကြီးဟန်ကြီးနှင့်ပေးထားသည့် ကတိမှာလှောင်စရာဖြစ်သွားပြီး  ဖေ့စ်ဘုတ်အပေါ်လူထုယုံကြည်မှုလည်း ပြိုကွဲကျဆင်းသွားပါသည်။  လူသားအသိုက်အဝန်းအသစ်များတည်ဆောက်ရန်မလုံးပမ်းသေးခင်  ဖေ့စ်ဘုတ်အနေနှင့်ရှိနေသည့် အသိုက်အဝန်းများ၏ပုဂ္ဂလိကအချက်အလက်များနှင့် လုံခြုံရေးကိုကာကွယ်ရန်အရင်ကြိုးပမ်းပါဦးဟုသာ  ဆုတောင်းရပါသည်။

မည်သို့ပင်ဖြစ်ပါစေ ဖေ့စ်ဘုတ်၏အသိုက်အဝန်းတည်ထောင်ရေးရည်မှန်းချက်ကို အတွင်းကျကျ သုံးသပ်ကြည့်ရန်နှင့် လုံခြုံရေးတောင့်တင်းအောင်လုပ်ပြီးပါက အွန်လိုင်းလူမှုကွန်ရက်များအနေနှင့် ကမ္ဘာလုံးဆိုင်ရာ လူ့အသိုက်အဝန်းတစ်ရပ်တည်ထောင်ရန်ကူညီနိုင်မလားဆိုတာကို  ဆန်းစစ်ကြည့်ဖို့ ကောင်းပါသည်။ ၂၁ ရာစုတွင် လူသားများအနေနှင့်နတ်ဘုရားလောက်နီးနီး အဆင့်မြင့်ကောင်း မြင့်လာနိုင်သော်လည်း လက်ရှိ ၂၀၁၈ အခြေအနေအရမူ ကျွန်ုပ်တို့မှာ ကျောက်ခေတ်တိရစ္ဆာန်များအဆင့်သာ ရှိပါသေးသည်။ သာယာဝပြောစည်ပင်လာရန် ကျွန်ုပ်တို့ရင်းနှီးကျွမ်းဝင်လက်ပွန်းတတီးနေသော လူ့အသိုက်အဝန်းများတွင် နေထိုင်မြှုပ်နှံရန်လိုအပ်ပါသေးသည်။ လူသားများအနေနှင့် နှစ်သန်းပေါင်းများစွာ လူတစ်ဒါဇင်ထက်မပိုသော အုပ်စုငယ်လေးများတွင် နေထိုင်ရန်လိုက်လျောညီထွေရှိခဲ့ပါသည်။ ယနေ့ခေတ်တွင်ပင် ကျွန်ုပ်တို့အများစုမှာ ဖေ့စ်ဘုတ်တွင် သူငယ်ချင်းမည်မျှရှိသည်ဟု   ကြွားနေပါစေ  တကယ်တမ်း လူအယောက် ၁၅၀ ထက်ပိုပြီးသိကျွမ်းခင်မင်ရန် မဖြစ်နိုင်ကြောင်းတွေ့ရပါသည်။ ထိုသို့သော အုပ်စုငယ်လေးများတွင် နေထိုင်ရခြင်းမရှိပါက လူသားများအနေနှင့် အထီးကျန်ဆန်ပြီး သီးခြားဖြစ်နေသလို ခံစားရပါသည်။

ကံဆိုးသည့်အချက်မှာ လွန်ခဲ့သောရာစုနှစ်နှစ်ခုအတွင်း လူ့အသိုက်အဝန်းများမှာ အမှန်တကယ်ပင် ပြိုကွဲလာခြင်းဖြစ်ပါသည်။ တစ်ယောက်နှင့်တစ်ယောက် အမှန်တကယ်ပင်ကျွမ်းဝင်သည့် လူအုပ်စုငယ်လေးများကို စိတ်ကူးဖြင့်ဖန်တီးထားသည့် လူ့အသိုက်အဝန်းများဖြစ်သည့် အမျိုးသားနိုင်ငံတော်များ၊ နိုင်ငံရေးပါတီများဖြင့် အစားထိုးရန်ကြိုးပမ်းချက်မှာဘယ်သောအခါမှ အပြည့်အဝအောင်မြင်မည်မဟုတ်ချေ။ မိမိ အမျိုးသားနိုင်ငံတော်မိသားစုထဲမှ သန်းချီသောသွေးချင်းညီအကိုများနှင့် မိမိကွန်မြူနစ်ပါတီမှ သန်းချီသောရဲဘော်များမှာ တကယ့်သွေးသားတော်စပ်သည့် မောင်နှမတစ်ဦးဦး သို့မဟုတ် တကယ့်သူငယ်ချင်းတစ်ဦးပေးနိုင်သည့် ရင်းနှီးနွေးထွေးမှုမျိုး မပေးနိုင်ချေ။ သို့ဖြစ်ရာ ဆက်သွယ်မှုများပိုပြီးမြင့်မားလာပါသည်ဆိုသည့် ကမ္ဘာကြီးတွင် ပိုပြီးအထီးကျန်သောလူများ များပြားလာခြင်းဖြစ်ပါသည်။ကျွန်ုပ်တို့ခေတ်၏ လူမှုရေးနှင့် နိုင်ငံရေးရိုက်ခတ်မှုများအများအပြားမှာ ဤအဖြစ်ဆိုးမှအခြေခံလေသည်။

သို့ဖြစ်ရာ ဇူကာဘတ်၏ လူသားများကို ပြန်လည်ချိတ်ဆက်ပေးရန်ဆိုသည့် ရည်မှန်းချက်မှာ အခြေအနေနှင့် အချိန်အခါအရ သင့်တော်သည့်ရည်မှန်းချက်ပင်ဖြစ်သည်။ သို့သော်ပြောရလွယ်သလောက် လုပ်ဖို့ခက်ပါသည်။ ဤရည်မှန်းချက်ကို အကောင်အထည်ဖော်ရန် ဖေ့်စ်ဘုတ်အနေနှင့် သူ၏စီးပွားရေးပုံစံတစ်ခုလုံးကို ပြောင်းပစ်ဖို့ လိုကောင်းလိုနိုင်ပေသည်။ လူအများ၏ စိတ်အာရုံစိုက်မှုကိုရယူ၊ ယင်းနောက် ထိုစိတ်အာရုံစိုက်မှုကို ကြော်ငြာသမားများထံ ရောင်းချပြီး ပိုက်ဆံရှာသည့်အလုပ်လုပ်သည်ဆိုပါက ကမ္ဘာလုံးဆိုင်ရာ လူ့အသိုက်အဝန်းကို တည်ဆောက်ဖို့ဆိုသည်မှာ မဖြစ်နိုင်လှချေ။ သို့သော်ငြားလည်း ဇူကာဘတ်အနေနှင့် ထိုသို့ရည်မှန်းချက်မျိုးချမှတ်ရန် စိတ်အားထက်သန်မှုရှိခြင်းကိုက ချီးကျူးဖို့ကောင်းပါသည်။ ကော်ပိုရေးရှင်းအများစုမှာ ပိုက်ဆံရှာရန်သာ အာရုံစိုက်ရမည်ဟုယုံကြည်ပြီး အစိုးရကစွက်ဖက်မှုနည်းနိုင်သမျှနည်းသည်က  ပိုကောင်းသည်ဟု ယူဆကြသည်။ လူသားမျိုးနွယ်အနေနှင့် မိမိအတွက်အရေးကြီးဆုံးဖြတ်ချက်များ ချမှတ်ရန် ဈေးကွက်အင်အားစုများကို  ပုံအပ်ထားရမည်ဟု ယုံကြည်လေသည်။ သို့ဖြစ်ရာ ဖေ့စ်ဘုတ်အနေနှင့်လူသား အသိုက်အဝန်းများတည်ဆောက်ရန် သဘောတရားရေးအရအမှန်တကယ် သန္နိဋ္ဌာန်ချမှတ်ထားသည်ဆိုပါက ဖေ့စ်ဘုတ်၏ဩဇာအာဏာကို ကြောက်ရွံ့သူများမှာ ‘Big Brother!’ ဟု အကြောက်ကြီးကြောက်ကာ ကော်ပိုရိတ်ရပ်ဝန်းကို ပြန်လည်တွန်းမပို့သင့်ပေ။ ထိုသို့လုပ်မည့်အစား ကျွန်ုပ်တို့အနေနှင့် အခြားကော်ပိုရေးရှင်းများ၊ အင်စတီကျူးရှင်းများနှင့် အစိုးရများကိုဖေ့စ်ဘုတ်နှင့်အပြိုင် သူတို့ကိုယ်ပိုင်သဘော တရားရေးရာသန္နိဋ္ဌာန်များချမှတ်ပြရန် တိုက်တွန်းသင့်ကြလေသည်။

လူသားအသိုက်အဝန်းအုပ်စုများ ပြိုပျက်လာခြင်းကို မချိတင်ကဲပြောနေသော အဖွဲ့အစည်းများ မရှိမဟုတ်ပါ။ ထို့အတူ ယင်းအသိုက်အဝန်းများကို ပြန်လည်တည်ဆောက်ရန် ကြိုးပမ်းနေသည့် အဖွဲ့အစည်းများလည်း ရှိပါသည်။ အမျိုးသမီးရေးတက်ကြွလှုပ်ရှားသူများမှအစ အစ္စလာမ်မစ်အစွန်းရောက်များအဆုံး လူတိုင်းမှာ အသိုက်အဝန်းပြန်လည်တည်ဆောက်ရေးလုပ်ငန်းကြီးကို ဝင်ရောက်လုပ်ကိုင်လျက်ရှိပါသည်။ ကျွန်ုပ်တို့အနေနှင့် ယင်းအကြောင်းများကို နောက်ပိုင်းအခန်းများတွင် ဆက်လက်ဆန်းစစ်ကြည့်ကြပါမည်။ ဖေ့စ်ဘုတ်စရွှေ့သည့် အကွက်ဆန်းရခြင်းမှာ သူ့အနေနှင့်ကမ္ဘာလုံးချီသည့် နယ်ပယ်ရှိခြင်း၊  ကော်ပိုရိတ်ကြီး ကျောထောက်နောက်ခံရှိခြင်းနှင့် နည်းပညာအပေါ်တွင်  အလေးအနက်ယုံကြည်မှုရှိခြင်းတို့ဖြစ်သည်။ ဇူကာဘတ်ပြောပုံကိုကြည့်လျှင် ဖေ့စ်ဘုတ် AI အသစ်အနေနှင့် ‘အဓိပ္ပာယ်ပြည့်ဝသော အသိုက်အဝန်းအုပ်စုများ’ ရှာဖွေပေးနိုင်ရုံတင်မကဘဲ ‘ကျွန်တော်တို့ရဲ့ လူမှုအသိုက်အဝန်းကို ခိုင်ခံ့အားကောင်းစေကာ ကမ္ဘာကြီးကိုပိုမိုနီးကပ်လာစေမည်’ ဟု ယုံကြည်နေပုံပေါက်သည်။ ဤသည်မှာ AI ကိုသုံး၍  ကားမောင်းခြင်းနှင့် ကင်ဆာရောဂါရှာဖွေခြင်းထက် များစွာရည်မှန်းချက်ကြီးရာကျပါသည်။

ဖေ့စ်ဘုတ်၏အသိုက်အဝန်းအမြင်မှာ ဗဟိုကချုပ်ကိုင်စီမံသည့် လူမှုရေးဆိုင်ရာအင်ဂျင်နီယာလုပ်ခြင်းကို AI အသုံးပြုပြီးဆောင်ရွက်ရန်  ပထမဆုံးကြိုးပမ်းချက်တစ်ရပ်ဖြစ်ပါသည်။ သို့ဖြစ်ရာသည်လုပ်ငန်းမှာ  အရေးကြီးသည့်စမ်းသပ်ချက်တစ်ခုဖြစ်ပါသည်။ ၎င်းကိစ္စအောင်မြင်ပါက ကျွန်ုပ်တို့အနေနှင့် ထိုသို့သောကြိုးပမ်းမှုများကို များစွာထပ်တွေ့ရဖွယ်ရှိပြီး အယ်လ်ဂိုရစ်သမ်များကို လူသားဆိုရှယ်ကွန်ရက်များ၏ သခင်အသစ်များအဖြစ် အသိအမှတ်ပြုခံရမည်ဖြစ်သည်။ ၎င်းကိစ္စမအောင်မြင်ပါက နည်းပညာအသစ်များ၏ အားနည်းချက်၊ ကန့်သတ်ချက်များကိုမြင်ရမည်ဖြစ်ပြီး အယ်လ်ဂိုရစ်သမ်များမှာ ယာဉ်များမောင်းနှင်ခြင်းနှင့်  ရောဂါများကုသရာတွင် ကောင်းမွန်ကောင်းမွန်နိုင်သော်လည်း လူမှုရေးပြဿနာများကို ဖြေရှင်းရာတွင်မူ ကျွန်ုပ်တို့အနေနှင့် နိုင်ငံရေးသမားများနှင့် ဘုန်းတော်ကြီးများကို ဆက်လက်အားကိုးနေကောင်းနေရဦးမည်ဆိုသည့်အချက် ပေါ်လွင်လာမည်ဖြစ်ပါသည်။

         

သီဟဝင့်အောင်

(ဆက်လက်ဖော်ပြပါမည်။)

 

 

 

You may also like...

Leave a Reply

Your email address will not be published. Required fields are marked *