ဖွဲ့စည်းပုံပြင်ဆင်ရေးအစီရင်ခံစာပါ အကြံပြုချက် ၃၇၆၅ ချက်တွင် တပ်မတော်အကြံပြုချက်မပါဝင်

ပုံစာ။ ။ အခြေခံဥပဒေပြင်ဆင်ရေးအတွက် ရရှိခဲ့သည့် အကြံပြုချက်များ။ photo credit - ပြည်ထောင်စုလွှတ်တော်

ရန်ကုန်၊ ဇူလိုင် ၁၅

၂၀၀၈ ခုနှစ် ဖွဲ့စည်းပုံအခြေခံဥပဒေပြင်ဆင်ရေးပူးပေါင်းကော်မတီသည် ပါတီများ၊ တစ်သီးပုဂ္ဂလများနှင့် လွှတ်တော်ကိုယ်စားလှယ်များထံမှ အကြံပြုချက်များကို ရယူခဲ့ရာ အကြံပြုချက် ၃၇၆၅ ချက်ရရှိခဲ့သော်လည်း ယင်းအကြံပြုချက်များတွင် တပ်မတော်၏ အကြံပြုချက်များမပါဝင်ကြောင်း အဆိုပါကော်မတီအတွင်းရေးမှူး ဒေါက်တာမြတ်ဉာဏစိုးက ဇူလိုင်လ ၁၅ ရက်တွင်ကျင်းပသည့် ပြည်ထောင်စုလွှတ်တော်အစည်းအဝေးတွင် တင်ပြခဲ့သည်။

တပ်မတော်သည် ၄၅ ဦးပါဝင်သော ၂၀၀၈ ခုနှစ် ဖွဲ့စည်းပုံအခြေခံဥပဒေပြင်ဆင်ရေးပူးပေါင်းကော်မတီ ဖွဲ့စည်းစဉ်ကပင် ဖွဲ့စည်းပုံအခြေခံဥပဒေပါ ဖွဲ့စည်းပုံအခြေခံဥပဒေပြင်ဆင်ခြင်း အခန်း(၁၂) နှင့်မညီသောကြောင့် ကန့်ကွက်ခဲ့သည်။

ယင်းသို့ကန့်ကွက်ခဲ့သော်လည်း ပြည်ထောင်စုလွှတ်တော်က ၂၀၀၈ ခုနှစ် ဖွဲ့စည်းပုံအခြေခံဥပဒေပြင်ဆင်ရေး ပူးပေါင်းကော်မတီဖွဲ့စည်း အတည်ပြုခဲ့သည်ကို လေးစားသောအားဖြင့် အဆိုပါကော်မတီတွင် တပ်မတော်သားလွှတ်တော် ကိုယ်စားလှယ်များ ပါဝင်ခဲ့ကြောင်း ဒေါက်တာမြတ်ဉာဏစိုးက ဆိုသည်။

တပ်တော်သားလွှတ်တော်ကိုယ်စားလှယ်များသည် ထို့ကဲ့သို့ ကော်မတီတွင် ပါဝင်ခဲ့သော်လည်း အခြေခံဥပဒေ ပုဒ်မများ ပြင်ဆင်ခြင်း၊ ဖြည့်စွက်ခြင်း၊ ပယ်ဖျက်ခြင်းဆိုင်ရာ အကြံပြုချက်များပေးခဲ့ခြင်းမရှိကြောင်း တပ်မတော်၏သဘောထားဆန္ဒကို ဒေါက်တာမြတ်ဉာဏစိုးက ပြည်ထောင်စုလွှတ်တော်တွင် ပြန်လည်တင်ပြသည်။

တပ်မတော်က ပေးပို့သော အဆိုပါသဘောထားမှတ်ချက်ကိုလည်း အစီရင်ခံစာတွင် သီးခြားဖော်ပြ၍ ကော်မတီက ပြည်ထောင်စုလွှတ်တော်ထံသို့ တင်ပြခဲ့သည်။

ဖွဲ့စည်းပုံအခြေခံဥပဒေပြင်ဆင်ရေးအတွက် အခန်း ၁၅ ခန်းနှင့် နောက်ဆက်တွဲ ဇယား ၅ ခုရှိပြီး အခန်းတိုင်းနှင့် ဇယား ၅ ခုလုံးရှိ ပုဒ်မ၊ ပုဒ်မခွဲများကို ပြင်ဆင်ရန်၊ ဖြည့်စွက်ရန် နှင့်ပယ်ဖျက်ရန် အကြံပြုချက် ၃၇၆၅ ချက်ရရှိထားသည်။

အခြေခံဥပဒေအခန်း (၅)အုပ်ချုပ်ရေးအခန်းအတွက် အကြံပြုချက် ၁၂၁၁ ချက်၊ အခန်း(၄) ဥပဒေပြုရေးအခန်းအတွက် အကြံပြုချက် ၈၅၉ ချက်နှင့် အခန်း(၆) တရားစီရင်ရေးအခန်းအတွက် အကြံပြုချက် ၆၃၂ ချက်ရရှိထားပြီး ယင်းတို့သည် အကြံပြုချက်အများဆုံး ရရှိထားခြင်းလည်းဖြစ်သည်။

ယနေ့ ဇူလိုင်လ ၁၅ ရက်တွင် ကျင်းပသည့် ပြည်ထောင်စုလွှတ်တော်တွင် ၂၀၀၈ ခုနှစ် ဖွဲ့စည်းပုံအခြေခံဥပဒေ ပြင်ဆင်ရေးပူးပေါင်းကော်မတီ၏ ၃၅၃ မျက်နှာပါ အစီရင်ခံစာကို လွှတ်တော်ကိုယ်စားလှယ်များသို့ ဝေငှခဲ့သည်။

လာမည့် ဇူလိုင်လ ၂၂ ရက်တွင် အဆိုပါအစီရင်ခံစာနှင့်ပတ်သက်၍ ဆွေးနွေးလိုသည့် ကိုယ်စားလှယ် အမည်စာရင်းပေးပို့ရမည်ဖြစ်ပြီး အစီရင်ခံစာကို လွှတ်တော်က အတည်ပြုနိုင်ပါက ကော်မတီသည် ဖွဲ့စည်းပုံအခြေခံဥပဒေပြင်ဆင်ရေး ဥပဒေမူကြမ်းကို ဆက်လက်ရေးဆွဲရမည်ဖြစ်ကြောင်း အဆိုပါကော်မတီ၏ တာဝန်များတွင် ဖော်ပြထားသည်။

တပ်မတော်ကမူ အခြေခံဥပဒေပြင်ဆင်ရေးအတွက် အခြေခံဥပဒေပါ ‘အခန်း(၁၂) အခြေခံဥပဒေပြင်ဆင်ရေး’ အခန်းနှင့်အညီ ပြင်ဆင်ရေးကိုသာ လက်ကိုင်ထားလျက်ရှိပြီး အခြေခံဥပဒေနှင့်မညီဟုဆိုကာ ပြင်ဆင်ရေး အကြံပြုချက်များ မပေးပို့ခြင်းလည်းဖြစ်သည်။

You may also like...

Leave a Reply

Your email address will not be published. Required fields are marked *