အမှိုက်က CNG ဓာတ်ငွေ့ထုတ်လုပ်ရန် ပိုလန်အစိုးရနှင့် ညှိနှိုင်း

ရန်ကုန်၊ ဇူလိုင် ၁၅

လှိုင်သာယာမြို့နယ် ထိန်ပင်အမှိုက်ပုံရှိ အမှိုက်က သဘာဝဓာတ်ငွေ့ (Wave to Bio Gas) ထုတ်လုပ်ရန် ပိုလန်နိုင်ငံအစိုးရနှင့် အစိုးရချင်း ချိတ်ဆက်ဆောင်ရွက်နေကြောင်း ပတ်ဝန်းကျင် ထိန်းသိမ်းရေးနှင့် သန့်ရှင်းရေးဌာနမှ ဒုတိယဌာနမှူး ဒေါက်တာ အောင်မြင့်မော်က ပြောကြားသည်။

စည်ပင်၏ ဝန်ဆောင်မှုများနှင့် ပတ်သက်၍ ရန်ကုန်မြို့တော်ခန်းမ၌ ယနေ့ (ဇူလိုင် ၁၅) ကျင်းပသည့် သတင်းစာရှင်းလင်းပွဲတွင် သတင်းမီဒီယာများ၏ မေးမြန်းချက်ကို ၎င်းက ယင်းသို့ ဖြေကြားခြင်းဖြစ်သည်။

တစ်ရက်လျှင် အမှိုက်တန်ချိန် တစ်ထောင် အသုံးပြုကာ ကာဗွန်ဒိုင်အောက်ဆိုဒ် တစ်ရက်လျှင် ၄၅ တန် ထွက်ရှိမည်ဖြစ်ပြီး ယင်းမှတစ်ဆင့် တစ်ရက်လျှင် CNG ၁၅၀ မီတာကျူ့ထွက်ရှိမည်ဖြစ်ကြောင်း ဒေါက်တာ အောင်မြင့်မော်က ပြောဆိုသည်။

ထို့အပြင်RTS (ကျောက်မီးသွေး၊ စပါးခွံ အစားထိုးလောင်စာ) တစ်ရက်လျှင် တန်ချိန် ၂၃၀ ထွက်ရှိမည် ဖြစ်ကာ လက်ရှိ ယင်းစီမံကိန်း ဆောင်ရွက်ရန် လုပ်ငန်းဆောင်ရွက်နေဆဲ ကာလဖြစ်ကြောင်း ၎င်းက ဆိုသည်။

သို့သော်လည်း လုပ်ငန်းစတင် လည်ပတ်မည့်နေ့နှင့် ထွက်ရှိသည့် စွမ်းအင်ကို မည်သည့်နေရာတွင် သုံးစွဲမည်ကို ၎င်းက ပြောကြားခဲ့ခြင်း မရှိချေ။

ထိန်ပင်အမှိုက်ပုံတွင် နေ့စဉ်အမှိုက်တန်ချိန် ၁၅၀၀ ကျော် စွန့်ပစ်လျက်ရှိကာ ပြီးခဲ့သည့် ဧပြီလတွင် အမှိုက်ပုံ မီးလောင်သဖြင့် အမှိုက်သစ်များ စွန့်ပစ်ရန် မီးလောင်ပြင်ကို အုတ်ကျိုး၊ ကျောက်ခင်းကာ မြေကိုပြန်ညှိ၍ အမှိုက်စုပုံရန် ဆောင်ရွက်နေသည်။

You may also like...

Leave a Reply

Your email address will not be published. Required fields are marked *