မြန်မာ့ရွှေဈေး ထပ်မံမြင့်တက်၊ စံချိန်သစ်တင်

တစ်ရက်တာ ပြည်တွင်းရွှေ၊ ဒေါ်လာနှင့် စတော့ရှယ်ယာကိန်းဂဏန်းများ (ဇူလိုင်လ ၁၅ ရက်၊ ၂၀၁၉ ခုနှစ်)

ရွှေ

ကမ္ဘာ့ရေးရာများ အထူးသဖြင့် အမေရိကန်ဗဟိုဘဏ် အတိုးနှုန်းနှင့် အမေရိကန်-အီရန် နိုင်ငံရေးအခြေအနေများကြောင့် ကမ္ဘာ့ရွှေဈေးမှာ လှုပ်ခတ်နေပြီး ရွှေတစ်အောင်စလျှင် အမေရိကန်ဒေါ်လာ ၁၄၀၀ အထက်တွင် ဆက်လက်ရပ်တည်နေသည်။

ကမ္ဘာ့ရွှေဈေးမြင့်တက်မှုကြောင့် ပြည်တွင်းရွှေဈေးလည်း ဈေးမြင့်တက်လာပြီး ယခင်သီတင်းပတ်က စံချိန်တင်အမြင့်ဆုံးဖြစ်သည့် ရွှေတစ်ကျပ်သား ကျပ် ၁,၁၃၂,၀၀၀ ကို ယနေ့ ညနေပိုင်းတွင် ထပ်မံချိုးဖျက်လိုက်သည်။

ပြည်တွင်းရွှေဈေးသည် ယနေ့ နံနက်ပိုင်းတွင် ကျပ် ၁,၁၃၅,၀၀၀ ဖြင့် ဈေးဖွင့်ခဲ့သော်လည်း ညနေပိုင်းတွင် ကျပ် ၁,၁၄၀,၀၀၀ ထိ ဈေးမြင့်တက်ခဲ့ပြီး မြန်မာ့ရွှေဈေးသမိုင်းတစ်လျှောက် အမြင့်ဆုံးစံချိန်ဖြစ်သည်။

နိုင်ငံခြားငွေလဲနှုန်း

အမေရိကန်ဒေါ်လာငွေလဲနှုန်းမှာ ဈေးအနည်းငယ်ကျဆင်းပြီး ပုဂ္ဂလိကဘဏ်အများစုတွင် အမေရိကန်ဒေါ်လာ အဝယ် ၁၅၀၂ ကျပ်မှ ၁၅၀၈ ကျပ်အတွင်း၊ အရောင်း ၁၅၀၈ ကျပ်မှ ၁၅၁၂ ကျပ်အတွင်း ဈေးအသီးသီးဖွင့်ခဲ့ကြရာ ပြီးခဲ့သည့်သောကြာနေ့ငွေလဲနှုန်းထက် ၃ ကျပ် ဈေးကျခဲ့သည်။ပြင်ပငွေလဲကောင်တာများတွင် ဝယ်ဈေး ၁၅၀၅ ကျပ်မှ ၁၅၀၈ ကျပ်အတွင်း၊ ရောင်းဈေး ၁၅၀၉ ကျပ်မှ ၁၅၁၁ ကျပ်အတွင်း အရောင်းအဝယ်ဖြစ်လျက်ရှိသည်။

ဘဏ်အချင်းချင်းနှင့် ဘဏ်-ဝယ်သူ အမေရိကန်ဒေါ်လာရောင်းဝယ်မှုကို အလေးပေးပျမ်းမျှတွက်ချက်ဖော်ပြသော ဗဟိုဘဏ်ရည်ညွှန်းနှုန်းမှာ ၁၅၁၀ ဒသမ ၅ ကျပ်၊ ဘဏ်အချင်းချင်းရောင်းဝယ်မှုပျမ်းမျှနှုန်းမှာ ၁၅၁၀ ဒသမ ၇ ကျပ်နှင့် ဘဏ်-ဝယ်သူ ရောင်းဝယ်မှုနှုန်း ၁၅၁၀ ဒသမ ၂ ကျပ်ရှိကြောင်း မြန်မာနိုင်ငံတော်ဗဟိုဘဏ်၏ ညနေ ၄ နာရီ ဈေးနှုန်းထုတ်ပြန်ချက်တွင် ဖော်ပြထားသည်။

စတော့ရှယ်ယာ

စတော့ရှယ်ယာဈေးကွက်မှာ ပြီးခဲ့သည့်သောကြာနေ့ အရောင်းအဝယ်ထက် တစ်ဆနီးပါး ပိုများခဲ့ပြီး စတော့အညွှန်းကိန်းမှာ ယနေ့ နေ့လယ်ပိုင်းတွင် ၄၅၆ ဒသမ ၄ အထိမြင့်တက်ခဲ့ရာ ဇူလိုင်လအတွင်း အမြင့်ဆုံးစတော့အညွှန်းကိန်းဖြစ်သည်။

ပြီးခဲ့သည့်သီတင်းပတ် သောကြာနေ့ဈေးကွက်ပိတ် ရှယ်ယာဈေးများနှင့်ယှဉ်ပါက FMI ရှယ်ယာ ၅၀၀ ကျပ်၊ MTSH ရှယ်ယာ ၁၅၀ ကျပ် ဈေးတက်ခဲ့ပြီး MCB ရှယ်ယာ ၅၀၀ ကျပ် ဈေးကျခဲ့သည်။

ယနေ့စတော့ရှယ်ယာဈေးကွက်တွင် ရှယ်ယာအစု ၁၈၀၀၀ ကျော်၊ ကျပ် ၁၀၂ ဒသမ ၁ သန်းခန့် အရောင်းအဝယ်ဖြစ်ခဲ့ပြီး စတော့အညွှန်းကိန်းမှာ ဈေးကွက်ဖွင့်ချိန်တွင် ၄၄၃ ဒသမ ၆၂၊ အမြင့်ဆုံး ၄၅၆ ဒသမ ၄၊ အနိမ့်ဆုံး ၄၄၃ ဒသမ ၆၂ နှင့် ဈေးကွက်ပိတ်ချိန်တွင် ၄၄၉ ဒသမ ၉၇ ရှိရာ ပြီးခဲ့သည့်သောကြာနေ့ထက် ၁၀ ဒသမ ၄ ပွိုင့် တက်လာခဲ့သည်။

You may also like...

Leave a Reply

Your email address will not be published. Required fields are marked *