ရန်ကုန်တွင် တစ်နာရီ ၂၀၀ ကျပ်ဖြင့် ကားပါကင်ကြေးကောက်ရန် ကုမ္ပဏီခြောက်ခု အဆိုပြုလွှာအောင်မြင်

ရန်ကုန်၊ ဇူလိုင် ၁၅

ရန်ကုန်မြို့တွင်း ခြောက်မြို့နယ်တွင် တစ်နာရီ ၂၀၀ ကျပ်နှုန်းဖြင့် ကားပါကင်ကြေးကောက်ခံရန် ကုမ္ပဏီ ခြောက်ခု အဆိုပြုလွှာအောင်မြင်ကြောင်း ရန်ကုန်မြို့တော် စည်ပင်သာယာရေးကော်မတီမှ တွဲဖက် အတွင်းရေးမှူး ဦးသန်း က ပြောကြားသည်။

စိတ်ပါဝင်စားမှု ဖော်ပြခြင်း EOI အဆိုပြုလွှာခေါ်ခဲ့ရာ ကုမ္ပဏီ ခြောက်ခု အောင်မြင်ထားကြောင်း စည်ပင်၏ ဝန်ဆောင်မှုများနှင့် ပတ်သက်၍ ယနေ့ (ဇူလိုင် ၁၅) မြို့တော်ခန်းမတွင် ပြုလုပ်သည့် သတင်းစာရှင်းလင်းပွဲတွင် ၎င်းက ယင်းသို့ ပြောဆိုခြင်းဖြစ်သည်။

EOI အောင်မြင်သည့် ကုမ္ပဏီခြောက်ခုသည် တင်ဒါ ပြန်လည်ယှဉ်ပြိုင်ရမည်ဖြစ်ကာ တင်ဒါအောင်မြင်သည့် ကုမ္ပဏီက မော်တော်ယာဉ်ရပ်နားခ ကောက်ခံခြင်းလုပ်ငန်း လုပ်ကိုင်ခွင့် ရရှိမည် ဖြစ်ကြောင်း ၎င်းက ဆိုသည်။

ယင်းလုပ်ငန်းကို အကောင်အထည်ဖော်ရန်အတွက် ပြီးခဲ့သည့် ဧပြီလတွင် ပြည်တွင်းကုမ္ပဏီ၊ ပြည်တွင်း-ပြည်ပ ဖက်စပ် ကုမ္ပဏီများကို စိတ်ပါဝင်စားမှု အဆိုပြုလွှာ ခေါ်ခဲ့ခြင်းဖြစ်သည်။

ရန်ကုန်မြို့တွင်း မော်တော်ယာဉ်ရပ်နားခ ကောက်ခံခြင်းကို သမ္မတဦးသိန်းစိန်အစိုးရ လက်ထက်တွင် ဖျက်သိမ်း ခဲ့ပြီးနောက် ပြန်လည်ကောက်ခံရန် ရန်ကုန်မြို့တော်စည်ပင်သာယာရေး ကော်မတီက ၂၀၁၈ခုနှစ် နိုဝင်ဘာလ တွင် တင်ဒါခေါ်ယူခဲ့သော်လည်း တင်ဒါအောင်မြင်သူ မရှိသဖြင့် မော်တော်ယာဉ်ရပ်နားခ ကောက်ခံမည့် အစီအစဉ်ကို ဖျက်သိမ်းခဲ့ခြင်းဖြစ်သည်။

You may also like...

Leave a Reply

Your email address will not be published. Required fields are marked *