အဝေးပြေး ယာဉ်ရပ်နားကွင်းသစ် တည်ဆောက်မည်

ရန်ကုန် ဇူလိုင် ၁၅

ရန်ကုန်တိုင်းဒေသကြီး အမှတ် ၂ လမ်းမကြီးဘေးတွင် အဝေးပြေးယာဉ်ရပ်နားကွင်းသစ်ကို တည်ဆောက်ရန် စီစဉ်ထားကြောင်း ရန်ကုန်မြို့တော်စည်ပင်သာယာရေးကော်မတီမှ တွဲဖက်အတွင်းရေးမှူး ဦးသန်းက ပြောကြားသည်။

အဆိုပါ အဝေးပြေး ယာဉ်ရပ်နားကွင်းတွင် မွန်၊ တနင်္သာရီ၊ ပဲခူးစသည့် တိုင်းဒေသကြီးနှင့် ပြည်နယ် များသို့ ပြေးဆွဲမည့် အဝေးပြေးယာဉ်များ ရပ်နားရန် တည်ဆောက်ရန် စီစဉ်ခြင်းဖြစ်ကြောင်း ၎င်းက ပြောဆိုသည်။

“စတင်မယ်ဆိုတာနဲ့ တင်ဒါခေါ်သွားမှာဖြစ်တယ်။ ဘယ်သူ့ကိုမှ လက်သိပ်ထိုးချပေးမှာမဟုတ်ပါဘူး” ဟု ဦးသန်းက ပြောဆိုသည်။

ရန်ကုန်မြို့ပြစီမံကိန်း Master Plan တွင်ပါဝင်သည့် အဆိုပါစီမံကိန်းကို လက်ရှိ အောင်မင်္ဂလာအဝေးပြေး ယာဉ်ရပ်နားစခန်းအနီးရှိ အမှတ်၂ လမ်းမကြီးဘေး မြေဧက ၃၀ ပေါ်တွင် အဝေးပြေးကွင်းသစ် ဖော်ရန် ခန့်မှန်း ထားကြောင်း ၎င်းက ဆိုသည်။

လက်ရှိ ရန်ကုန်မြို့တော်တွင် မင်္ဂလာဒုံမြို့နယ်ရှိ အောင်မင်္ဂလာ အဝေးပြေးယာဉ်ဝင်း နှင့် လှိုင်သာယာမြို့နယ်ရှိ ဒဂုံဧရာအဝေးပြေးယာဉ်ဝင်းဟူ၍ နှစ်ခုရှိသည်။

You may also like...

Leave a Reply

Your email address will not be published. Required fields are marked *