အဂတိ၊ လျှပ်စစ်နှင့်စွမ်းအင်ဝန်ကြီး ဦးဝင်းခိုင်နှင့် LNG ငါးကြီးသလား။

အဂတိလိုက်စားမှုတိုက်ဖျက်ရေးကော်မရှင်သည် နေပြည်တော်ရှိ လျှပ်စစ်နှင့်စွမ်းအင်ဝန်ကြီးဌာနကို ယခုလဆန်းပိုင်းအတွင်း ဝင်ရောက်စစ်ဆေးလျက်ရှိကြောင်း၊ ထို့အတူ ပြည်ထောင်စုဝန်ကြီး၊ ဒုဝန်ကြီးအပါအဝင် ၎င်းတို့ ဇနီးများ၏ ငွေစာရင်းများကို စစ်ဆေးရန် အဂတိလိုက်စားမှုတိုက်ဖျက်ရေးကော်မရှင်က မြန်မာနိုင်ငံတော်ဗဟိုဘဏ်သို့ အကြောင်းကြားခဲ့ကြောင်း ပြည်တွင်းမီဒီယာတစ်ခုဖြစ်သော မဇ္ဈိမသတင်းဌာနက ဇူလိုင်လ၂၀ ရက်တွင် ဖော်ပြခဲ့သည်။

လွန်ခဲ့သည့် တစ်နှစ်ခန့် ဇွန်လ ၄ ရက်က ကျင်းပသည့် ပြည်သူလွှတ်တော်အစည်းအဝေးတွင် မင်းကင်းမဲဆန္ဒနယ်မှ ပြည်သူလွှတ်တော်ကိုယ်စားလှယ် ဦးမောင်မြင့်က သဘာဝဓာတ်ငွေ့ရည် LNG မှ လျှပ်စစ်ထုတ်မည့် စီမံကိန်းများကိစ္စ တင်ဒါမခေါ်ဘဲ ပုဂ္ဂလိကသို့လုပ်ကိုင်ခွင့်ပေးခဲ့မှုအပေါ် မေးခွန်းထုတ်ခဲ့သည်။

LNG မှ လျှပ်စစ်ထုတ်လုပ်မည့် စီမံကိန်းများဖြစ်သည့် ကန်ပေါက်စီမံကိန်း၊ မီးလောင်ဂျိုင်စီမံကိန်း၊ အလုံစီမံကိန်းနှင့် ကျောက်ဖြူ CCGT စီမံကိန်းလေးခုကို တင်ဒါမခေါ်ဘဲ လုပ်ကိုင်ခွင့်ပြုခဲ့ခြင်းအတွက် မေးခွန်းထုတ်ခဲ့ခြင်းလည်းဖြစ်သည်။

မီးလောင်ဂျိုင်စီမံကိန်းအတွက် Zhefu & Supreme ကုမ္ပဏီနှင့် ကျောက်ဖြူ CCGT စီမံကိန်းအတွက် Sinohydro & Supreme ကုမ္ပဏီက လုပ်ပိုင်ခွင့်ရရှိထားသည်။

အဆိုပါစီမံကိန်းနှစ်ခုတွင် ပါဝင်လျက်ရှိသည့် Supreme ကုမ္ပဏီသည် အဂတိမှုဖြင့် စစ်ဆေးခံရသည့် စီမံဘဏ္ဍာဝန်ကြီးဟောင်း ဦးကျော်ဝင်းဇနီး ဝင်ရောက်လုပ်ကိုင်နေသည်ကုမ္ပဏီဖြစ်သည်ဟု သတင်းထွက်နေကြောင်း ဦးမောင်မြင့်က လွှတ်တော်တွင် ဆွေးနွေးခဲ့သည်။

ထို့အတူ အဂတိသံသယဖြင့် စစ်ဆေးခံခဲ့ရသော စီမံဘဏ္ဍာဝန်ကြီးဟောင်း ဦးကျော်ဝင်းဇနီးဝင်ရောက်လုပ်ကိုင်နေသည်ဆိုသော Supreme ကုမ္ပဏီနှင့် လက်ရှိတွင် အဂတိမှုဖြင့် စစ်ဆေးခံနေရသည်ဟု သတင်းများထွက်ပေါ်နေသော လျှပ်စစ်နှင့်စွမ်းအင်ဝန်ကြီးဦးဝင်းခိုင်၏ UE Myanmar ကုမ္ပဏီတို့သည် ပူးပေါင်းလျက်ရှိသည်ဟု သတင်းများထွက်ပေါ်နေကြောင်းလည်း ဦးမောင်မြင့်က လွှတ်တော်အတွင်း ပြောကြားသည်။

ဝန်ကြီးဦးဝင်းခိုင်သည် လက်ရှိတွင် ဆေးခွင့်ယူထားသည်။

အသေးစိတ်ကို လွန်ခဲ့သော တစ်နှစ်ခန့်က The Voice Journal တွင် ဖော်ပြခဲ့သော ‘LNG ငါးကြီးသလား’ ဆောင်းပါးတွင် ဆက်လက်ဖတ်ရူနိုင်ပါသည်။

http://m.voicejournalmm.com/Home/Detail/10817

You may also like...

Leave a Reply

Your email address will not be published. Required fields are marked *