အမေရိကန် – တရုတ် ကုန်သွယ်ရေးစစ်ပွဲ အာရှကိုထိပြီလား

BBC

အမေရိကန် – တရုတ်ကုန်သွယ်ရေးစစ်ပွဲ၏ အာရှအပေါ် အကျိုးသက်ရောက်မှုကို သံသယရှိမည်ဆိုပါက အခြား ကြည့်စရာမလို စင်ကာပူနိုင်ငံ၏ ပို့ကုန်တင်ပို့မှုပမာဏကိုသာ ကြည့်ပါဟု ဆိုချင်ပါသည်။ ယခုဆိုလျှင် စင်ကာပူန်ိုင်ငံ၏ ပို့ကုန်တင်ပို့မှုကျဆင်းမှုမှာ နှစ်လမြောက်ဖြစ်လာပါပြီ။ ပြီးခဲ့သည့် ဇွန်လ ပို့ကုန် တင်ပို့မှုမှာ ယမန်နှစ်ဇွန်လနှင့် နှိုင်းယှဉ်ပါက ၁၇ ဒသမ ၃ ရာခိုင်နှုန်း ကျဆင်းသွားသည်။ စင်ကာပူပို့ကုန်ကျဆင်းမှုနှင့်အတူ စင်ကာပူစီးပွားရေးတိုးတက်နှုန်းမှာလည်း ယခုနှစ်ဒုတိယသုံးလပတ်တွင် ပထမသုံးလပတ်အောက် ၃ ဒသမ ၄ ရာခိုင်နှုန်း ကျဆင်းသွားသည်။

ကျောက်မီးသွေးမိုင်းတွင်းက ငှက်ငယ်

မြို့ပြန်ိုင်ငံဖြစ်သည့်စင်ကာပူမှာကမ္ဘာပေါ်တွင်ပို့ကုန်အပေါ်အမှီခိုနေရဆုံးတိုင်းပြည်တစ်ပြည်ဖြစ်သည်။ကမ္ဘာ့ ကုန်သွယ်ရေး၏ညွှန်ကိန်းအဖြစ်မကြာ ခဏရှုမြင်ကြသည့်နိုင်ငံလည်း ဖြစ်သည်။

လေ့လာသုံးသပ်သူများ၏ စင်ကာပူနိုင်ငံ၏ ကိန်းဂဏန်းအချက်အလက်များကို ‘ ကျောက်မီးသွေးတွင်းထဲက ငှက်ငယ်’ဟု ခေါ်ကြသည်။ ရှေ့လာမည့် အန္တရာယ်ကို ညွှန်ပြနေသည့် ညွှန်ကိန်းပင်ဖြစ်သည်။

‘ ကျောက်မီးသွေးတွင်းထဲက ငှက်ငယ်’ဆိုသော စကားမှာ ကျောက်မီးသွေးတွင်းတူခြင်းနှင့် ဆက်စပ်ဖြစ်လာခဲ့သည့် စကား ဖြစ်သည်။ကျောက်မီးသွေးတူးသူများက Canary ဆိုသည့်ငှက်ငယ်ကို လှောင်အိမ်တွင်ထည့်၍ တွင်းအောက်သို့ဆင်းရာတွင် သယ်သွားလေ့ရှိသည်။ တွင်းထဲ၌ အဆိပ်ဓာတ်ငွေ့များရှိပါက ငှက်ငယ်မှာ သေဆုံးသွားသည်။ ငှက်မှာ ကျောက်မီးသွေးတွင်းတူးသူများ အန္တရာယ်ရှိ တွင်းထဲမှ ထွက်ရန် အချက်ပြသတိပေးရသည့် သဘောဖြစ်ပါသည်။ အာရှဒေသစောင့်ကြည့်လေ့လာသူများက စိုးရိမ်နေကြသည့်ကိစ္စမှာ လက်ရှိ ကြုံတွေ့နေရသည့် စင်ကာပူ၏ ကိန်းဂဏန်းအချက်အလက်များမှာ အာရှဒေသ အခြားနိုင်ငံများမှ လာမည့်ပိုဆိုးမည့် သတင်းဆိုးများ၏ အရိပ်လက္ခဏာဖြစ်နေခြင်းပင်ဖြစ်သည်။

ကုန်သွယ်ရေးစစ်ပွဲ၏အကျိုးဆက်

အမေရိကန်- တရုတ်ကုန်သွယ်ရေးစစ်ပွဲကြောင့် အာရှစီးပွားရေးထိခိုက်ကြောင်းပြသသည့် အထောက်အထားများမှာ တိုး၍လာနေပါသည်။

“အာရှဒေသတစ်ခုလုံးမှာ ဒီလို ဇာတ်လမ်းတွေချည်းပါပဲ။ ကမ္ဘာ့စီးပွား ရေးကဆယ်နှစ်လောက် တစ်စုံတစ်ရာတည်ငြိမ်နေပြီးတော့ စီးပွားရေး နှေးကွေးတဲ့အချိန်မျိုးမှာ ဒီကုန်သွယ်ရေးစစ်ပွဲ ဖြစ်လာတာပါ။ မှော်ကြိမ်လုံးနဲ့ ဒဏ္ဍာရီဆန်ဆန်လုပ်လိုက်လို့ ဒီကုန်သွယ်ရေးစစ်ပွဲက ပျောက်ကောင်းပျောက်သွားနိုင်ပါတယ်။ အဲဒီလိုဖြစ်လာခဲ့ရင်လည်း ကြုံတွေ့လာမယ့် အရာတွေက တကယ်ဆိုးတယ်ဆိုတာထက် အဆိုးနည်းတဲ့အရာမျိုးပဲ ဖြစ်လာပါလိမ့်”ဟု CIMB ဘဏ်က အရှေ့တောင်အာရှဆိုင်ရာစီးပွားရေးပညာရှင် ဆောင်ဆန်ဝန်က ပြောကြားသည်။

အိန္ဒိယ၊အင်ဒိုနီးရှားနှင့် တောင်ကိုရီးယားတို့နှင့်ပတ်သက်သော ကိန်းဂဏန်းများမှာလည်း သတင်းဆိုးများပင် ဖြစ်သည်။ ယခုနှစ်ဇွန်လမှာ ယင်းနိုင်ငံ သုံးနိုင်ငံအတွက် စိတ်ပျက်စရာလပင်ဖြစ်တော့သည်။ အိန္ဒိယပို့ကုန်မှာ ကိုးလအတွင်း ပထမဆုံးအကြိမ်အဖြစ် ၉ ဒသမ ၇ ရာခိုင်နှုန်းကျဆင်းသွားသည်။ တရုတ်ကို အကြီးဆုံးကုန်သွယ်ဖက်အဖြစ် မှီခိုနေရသည့် အင်ဒိုနီးရှားမှာ ၂၀၁၈ ဇွန်လက ပို့ကုန်ပမာဏထက် ၂၀၁၉ ဇွန်လပို့ကုန်ပမာဏမှာ ၈ ဒသမ ၉၈ ရာခိုင်နှုန်းကျဆင်းခဲ့သည်။ တောင်ကိုရီးယားမှာလည်း ထို့အတူပင် ပိုကုန်တင်ပို့နှုန်း ၁၃ ဒသမ ၅ ရာခိုင်နှုန်းကျဆင်းခဲ့သည်။

အဆိုပါသုံးနိုင်ငံစလုံးမှာ စာအုန်းဆီက အစဓာတုပစ္စည်းများအလယ် ဆီမီကွန်ဒတ်တာချစ်ပ်ပြားများအဆုံး တရုတ်ကိုရောင်းချနေသည့် နိုင်ငံများ ဖြစ်သည်။ ယခုသီတင်းပတ်အတွင်း တရုတ်နိုင်ငံမှာလည်း နှစ်ပေါင်းသုံးဆယ်နီးပါးအတွင်း အဆိုးဝါးဆုံးသုံးလပတ်စီးပွားရေးတိုးတက်နှုန်း ဖြစ်ခဲ့သည်။

အမေရိကန်သမ္မတဒေါ်နယ်ထရမ့်က တရုတ်ကုန်စည်များအပေါ် အခွန်တိုးကောက်မှုသည် ယခုအခါ တရုတ်မှ အမေရိကသို့တင်ပို့သည့် ပို့ကုန်အားလုံး၏ ထက်ဝက်နီးပါးရှိသွားပြီဖြစ်သည်။ ယင်းသို့ဖြစ်ရာ တရုတ်ကုမ္ပဏီများအနေဖြင့် ၎င်းတို့၏ ဝယ်ယူသူများထံမှာ စရိတ်များကို လျှော့ချလိုက်ရသလို အမေရိကသို့ တင်ပို့ရောင်းချမှုကိုလည်း လျှော့ချလိုက်ရတော့သည်။

ယင်း၏အဓိပ္ပာယ်မှာ တရုတ်စက်ရုံများသို့ ကုန်စည်များတင်ပို့ရောင်းချနေသည့် နိုင်ငံများလည်း ထိသည့်သဘောပင် ဖြစ်သည်။ယခုအခြေအနေဆိုးမှာ မကြာမတင်ကာလအတွင်း ပြန်လည်ကောင်းမွန်လာဖွယ်လည်း မရှိပါ။ ဂျပန်သုတေသနဌာနတစ်ခုဖြစ်သည့် Nomura က အာရှပို့ကုန်နှင့်ပတ်သက်သော အချက်အလက်များကို ယခုသီတင်းပတ်အတွင်း ထုတ်ပြန်ခဲ့ရာ ပို့ကုန်တင်ပို့မှုမှာ လာမည့်လပ်ိုင်းအထိ ဆက်လက်ဆိုးဝါးနေဦးမည်ဟုဆိုသည်။

ယင်းကဲ့သို့ဖြစ်ပွားနေခြင်းမှာ အမေရိကန် – တရုတ်ကုန်သွယ်ရေးဆွေးနွေးမှုများတိုးတက်မှုမရှိခြင်းကြောင့်ဟု Nomura သုတေသနဌာနက ဆိုသည်။ ယင်းကြောင့် တကမ္ဘာလုံးမသေချာမရေရာမှုများဖြစ်စေပြီး ကော်ပိုရိတ်စီးပွားရေးလုပ်ငန်းများ၏ ဆုံးဖြတ်ချက်အပေါ် အကျိုးသက်ရောက်စေသည်။ ကုန်သွယ်ရေး ကိုယ်ကျိုးစီးပွားကာကွယ်ရေးဝါဒကို ဒေသတွင်းနိုင်ငံများ၌ နိုင်ငံခြားရေးမူဝါဒလက်နက်အဖြစ် အသုံးချနေသည့် လက္ခဏာများတွေ့ရကြောင်းလည်း ယင်းအဖွဲ့က ထောက်ပြထားသည်။

ရှေ့ဆက်ဘာဖြစ်လာမလဲ

အမေရိကန် – တရုတ်ကုန်သွယ်ရေးစစ်ပွဲမှာ အဖြေရနိုင်ခြင်းရှိ၊ မရှိ၊ မည်သည့် အချိန်တွင် အဖြေရမည် သို့မဟုတ် ယခုလုပ်ရပ်မှာ လွတ်လပ်သောကုန်သွယ်ရေးမှ ဝေးရာသို့သွားမည့် အမေရိကန်မူဝါဒ၏ အစလေလောဆိုသည့် မေးခွန်းများနှင့်ပတ်သက်၍ ရှင်းရှင်းလင်းလင်းမသိရသေးကြောင်း သုတေသနအဖွဲ့တစ်ဖွဲ့ ဖြစ်သည့် Capital Economic က ထောက်ပြပြောဆိုသည်။

လက်ရှိအချိန်တွင် ကုန်သွယ်ရေးစစ်ပွဲကြောင့် အကျိုးရှိနေသည့် ဗီယက်နမ်နိုင်ငံကိုလည်း အခွန်တိုးကောက်သည့် စာရင်းတွင်ထည့်သွင်းမည်ဟု အမေရိကန်သမ္မတဒေါ်နယ်ထရမ့်က ပြောဆိုထားသည်။ ထို့ပြင် စီးပွားရေးပညာရှင်များက ထိုင်ဝမ်နှင့် တောင်ကိုရီးယားတို့မှာလည်း ဒေါ်နယ်ထရမ့်၏ နောက်ပစ်မှတ် ဖြစ်လာနိုင်သည်ဟုဆိုသည်။

အာရှဒေသမှာ ကမ္ဘာကြီး၏နောက်မျိုးဆက်ကုမ္ပဏီများ၊ စားသုံးသူများတည်ရှိရာဒေသကြီးဖြစ်သည်။ ၂၀၅၀ ခုနှစ်တွင် အာရှဒေသ၏ စီးပွားရေးမှာ တစ်ကမ္ဘာလုံးစီးပွားရေး၏ ၅၂ ရာခိုင်နှုန်းရှိလာနိုင်ကြောင်း အာရှ ဖွံဖြိုးရေးဘဏ်က ဆိုသည်။ အဓိပ္ပါယ်မှာ အာရှဒေသသည် ကမ္ဘာ့စီးပွားရေးတိုးတက်မှုကို အဓိကမောင်းနှင်သူဖြစ်လာမည်ဆိုသည့်သဘောပင်။

သို့သော် အမေရိကန်၏ကုန်သွယ်မှုဆန့်ကျင်ရေးအလားအလာများဆက်လက်ရှိနေမည်ဆိုပါက အခြားအာရှနိုင်ငံများကိုလည်း ထိခိုက်လာမည်ဖြစ်သည်။ အာရှဒေသ၏ ရေရှည်အလားအလာရှိသော စီးပွားရေးတိုးတက်မှုကို ထိခိုက်မည်ဖြစ်သည်။ အပြန်အလှန်အားဖြင့် တစ်ကမ္ဘာလုံးကိုလည်းထိခိုက်မည်သာ ဖြစ်ပါတော့သည်။

စာညွှန်း။       ။ New cracks in the global economy as exports tumble

ဉာဏကျော်

You may also like...

Leave a Reply

Your email address will not be published. Required fields are marked *