တစ်ရက်တာ ပြည်တွင်းရွှေ၊ ဒေါ်လာနှင့် စတော့ရှယ်ယာကိန်းဂဏန်းများ

(ဇူလိုင်လ ၂၆ ရက်၊ ၂၀၁၉ ခုနှစ်)

ရွှေ

စံချိန်တင်မြင့်တက်ခဲ့သည့်ရွှေဈေးမှာ ယခုရက်ပိုင်းတွင် အနည်းငယ်ပြန်ကျခဲ့ပြီး ယနေ့နံနက်ပိုင်း ၁၁ နာရီဝန်းကျင်တွင် ရွှေတစ်ကျပ်သား ကျပ် ၁,၁၄၆,၀၀၀ ရှိရာမှ ညနေ ၅ နာရီတွင် ကျပ် ၁,၁၄၇,၀၀၀ ဖြင့် ဈေးပိတ်ခဲ့သည်။
ရွှေဈေးမှာ တစ်ကျပ်သားလျှင် ကျပ် ၁၁၅၀၀၀၀ အထိ ဈေးမြင့်တက်ခဲ့ပြီးနောက် နှစ်ရက်ဆက် ဈေးပြန်ကျလာခြင်းဖြစ်သည်။

နိုင်ငံခြားငွေလဲနှုန်း

နိုင်ငံတကာတွင် ကမ္ဘာ့ရွှေဈေးနှင့် အမေရိကန်ဒေါ်လာတန်ဖိုးတို့ ဈေးတက်နေသော်လည်း ပြည်တွင်းငွေလဲနှုန်းမှာ အမေရိကန်တစ်ဒေါ်လာလျှင် ၁၅၀၅ ကျပ်မှ ၁၅၁၅ ကျပ်ဝန်းကျင်တွင် တည်ငြိမ်လျက်ရှိသည်။
ယနေ့ ပုဂ္ဂလိကဘဏ်အများစုတွင် အမေရိကန်ဒေါ်လာ အဝယ် ၁၅၀၃ ကျပ်မှ ၁၅၀၉ ကျပ်အတွင်း၊ အရောင်း ၁၅၁၀ ကျပ်မှ ၁၅၁၅ ကျပ်အတွင်း ဈေးအသီးသီးဖွင့်ခဲ့ကြပြီး ပြင်ပငွေလဲကောင်တာများတွင် ၁၅၀၆ ကျပ်မှ ၁၅၁၁ ကျပ်အတွင်း အရောင်းအဝယ်ဖြစ်လျက်ရှိသည်။
ဘဏ်အချင်းချင်းနှင့် ဘဏ်-ဝယ်သူ အမေရိကန်ဒေါ်လာရောင်းဝယ်မှုကို အလေးပေးပျမ်းမျှတွက်ချက်ထားသော ဗဟိုဘဏ်ရည်ညွှန်းနှုန်းမှာ ၁၅၁၁ ဒသမ ၄ ကျပ်ဖြစ်ပြီး ယနေ့တွင် တိုက်တိုက်ဆိုင်ဆိုင်ပင် ဗဟိုဘဏ်ရည်ညွှန်းနှုန်း၊ ဘဏ်အချင်းချင်းရောင်းဝယ်မှုပျမ်းမျှနှုန်းနှင့် ဘဏ်-ဝယ်သူ ရောင်းဝယ်မှုနှုန်းတို့အားလုံး တူညီခဲ့သည်။
ဗဟိုဘဏ်ရည်ညွှန်းနှုန်းနှင့် ဈေးကွက်အလေးပေးပျမ်းမျှတွက်ချက်နှုန်းများအရ ငွေလဲနှုန်းမှာ ၁ ကျပ် ပြား ၄၀ မှာ ၂ ကျပ် ပြား ၈၀ အထိ ဈေးကျခဲ့သည်။

စတော့ရှယ်ယာ

ယနေ့စတော့ရှယ်ယာဈေးကွက်မှာ ယမန်နေ့ဈေးကွက်ပိတ်ချိန်ထက် အရောင်းအဝယ် လေးပုံ သုံးပုံကျော် လျော့နည်းသွားပြီး တစ်လအတွင်း အရောင်းအဝယ်အနည်းဆုံးရက်ဖြစ်သည်။
ယမန်နေ့ ဈေးကွက်ပိတ်ချိန်ရှယ်ယာဈေးများနှင့်ယှဉ်ပါက FPB ရှယ်ယာမှာ ၅၀၀ ကျပ် ဈေးကျခဲ့ပြီး ကျန်ရှယ်ယာများမှာ အပြောင်းအလဲမရှိခဲ့ပေ။
ယနေ့တွင် ရှယ်ယာအစု ၃၄၀၀ ကျော်၊ ကျပ် ၁၅ ဒသမ ၅၂ သန်း အရောင်းအဝယ်ဖြစ်ခဲ့ပြီး စတော့အညွှန်းကိန်းမှာ ဈေးကွက်ဖွင့်ချိန်တွင် ၄၄၈ ဒသမ ၀၉၊ အမြင့်ဆုံး ၄၄၈ ဒသမ ၀၉၊ အနိမ့်ဆုံး ၄၄၇ ဒသမ ၁၉ နှင့် ဈေးကွက်ပိတ်ချိန်တွင် ၄၄၇ ဒသမ ၁၉ ဖြင့် ဈေးပိတ်ခဲ့သည်။

You may also like...

Leave a Reply

Your email address will not be published. Required fields are marked *