တစ်ရက်တာ ပြည်တွင်းရွှေ၊ ဒေါ်လာနှင့် စတော့ရှယ်ယာကိန်းဂဏန်းများ

ဇူလိုင်လ ၃၀ ရက်၊ ၂၀၁၉ ခုနှစ်

ရွှေ

ပြည်တွင်းရွှေဈေးမှာ ယခုရက်ပိုင်းတွင် အနည်းငယ်တည်ငြိမ်နေသော်လည်း မနက်ဖြန်တွင် ကမ္ဘာ့ရွှေဈေးကို လှုပ်ခတ်စေမည့် အမေရိကန်စီးပွားရေးအချက်အလက်များ၊ အမေရိကန်ဗဟိုဘဏ်အစည်းအဝေး၊ အမေရိကန်ဗဟိုဘဏ်အတိုးနှုန်း စသည့်အခြေအနေတို့ကြောင့် စောင့်ကြည့်အနေအထားသို့ရောက်နေသည်။

ယနေ့အတွက် ပြည်တွင်းရွှေဈေးမှာ နံနက်ပိုင်းတွင် ရွှေတစ်ကျပ်သား ကျပ် ၁,၁၄၈,၀၀၀ မှ ကျပ် ၁,၁၅၀,၀၀၀ အတွင်း ဈေးဖွင့်ခဲ့ပြီး နေ့လည်ပိုင်းတွင် ဈေးအနည်းငယ်ကျဆင်းကာ ညနေ ၅ နာရီတွင် ကျပ် ၁,၁၄၉,၀၀၀ ဝန်းကျင်ဖြင့် ဈေးပိတ်ခဲ့သည်။

ယနေ့တစ်ရက်တာ ရွှေဈေးမှာ တစ်ကျပ်သားလျှင် ကျပ် ၁,၁၄၇,၅၀၀ မှ ကျပ် ၁,၁၅၀,၀၀၀ အတွင်း ရှိခဲ့သည်။

နိုင်ငံခြားငွေလဲနှုန်း

ယနေ့ ပုဂ္ဂလိကဘဏ်အများစုတွင် အမေရိကန်ဒေါ်လာ အဝယ် ၁၅၀၀ ကျပ်မှ ၁၅၀၇ ကျပ်အတွင်း၊ အရောင်း ၁၅၀၇ ကျပ်မှ ၁၅၁၂ ကျပ်အတွင်း ဈေးအသီးသီးဖွင့်ခဲ့ကြပြီး ပြင်ပငွေလဲကောင်တာများတွင် ၁၅၀၆ ကျပ်မှ ၁၅၁၀ ကျပ်အတွင်း အရောင်းအဝယ်ဖြစ်လျက်ရှိသည်။

ဘဏ်အချင်းချင်းနှင့် ဘဏ်-ဝယ်သူ အမေရိကန်ဒေါ်လာရောင်းဝယ်မှုကို အလေးပေးပျမ်းမျှတွက်ချက်ထားသော ဗဟိုဘဏ်ရည်ညွှန်းနှုန်းမှာ ၁၅၀၉ ဒသမ ၂ ကျပ်ဖြစ်ပြီး ဘဏ်အချင်းချင်းရောင်းဝယ်မှုပျမ်းမျှနှုန်းမှာ ၁၅၀၉ ဒသမ ၇ ကျပ်နှင့် ဘဏ်-ဝယ်သူ ရောင်းဝယ်မှုနှုန်း ၁၅၀၈ ဒသမ ၅ ကျပ်ဖြစ်သည်။

ဗဟိုဘဏ်ရည်ညွှန်းငွေလဲနှုန်းသည် သုံးပတ်အတွင်း အနိမ့်ဆုံးဖြစ်သည်။

စတော့ရှယ်ယာ

ယနေ့စတော့ရှယ်ယာဈေးကွက်မှာ ယမန်နေ့အရောင်းအဝယ်ထက် ၁၁ ရာခိုင်နှုန်းခန့် လျော့နည်းခဲ့သော်လည်း ဇူလိုင်လ နေ့စဉ်ပျမ်းမျှအရောင်းအဝယ်ပမာဏထက် များပြားဆဲ ဖြစ်သည်။

ပြီးခဲ့သည့်သီတင်းပတ်ဈေးကွက်ပိတ်ချိန်ရှယ်ယာဈေးများနှင့်ယှဉ်ပါက MCB ရှယ်ယာမှာ ၂၀၀ ကျပ် ဈေးကျခဲ့ပြီး ကျန်ရှယ်ယာများမှာ အပြောင်းအလဲမရှိခဲ့ပေ။

ယနေ့တွင် ရှယ်ယာအစု ၁၁၀၀၀ ကျော်၊ ကျပ် ၆၈ ဒသမ ၉၂ သန်း အရောင်းအဝယ်ဖြစ်ခဲ့ပြီး စတော့အညွှန်းကိန်းမှာ ဈေးကွက်ဖွင့်ချိန်တွင် ၄၄၈ ဒသမ ၀၉၊ အမြင့်ဆုံး ၄၄၈ ဒသမ ၀၉၊ အနိမ့်ဆုံး ၄၄၆ ဒသမ ၅၇ နှင့် ဈေးကွက်ပိတ်ချိန်တွင် ၄၄၆ ဒသမ ၅၇ ဖြင့် ဈေးပိတ်ခဲ့သည်။

You may also like...

Leave a Reply

Your email address will not be published. Required fields are marked *