ရှုပ်ထွေးလာသော အခြေခံဥပဒေ ကကြိုးများ

၁၀ နှစ်ကျော် သက်တမ်းရှိပြီး လူပြောသူပြောများလှသည့် အခြေခံဥပဒေကို ပြင်ဆင်ရန် ပြည်ထောင်စုလွှတ်တော်တွင် ဝိဝါဒကွဲလျက်ရှိသည်။

ဆိုရလျှင် နာဂစ်မုန်တိုင်း တိုက်ခတ်ချိန်ကို အခွင့်ကောင်းအဖြစ်အသုံးချ၍ ၂၀၀၈ ဖွဲ့စည်းပုံအခြေခံဥပဒေကို မွေးဖွားစေခဲ့သူများနှင့် ၂၀၀၈ ဖွဲ့စည်းပုံအခြေခံဥပဒေကို အမြဲလိုလိုဆန့်ကျင်ခဲ့ပြီး အဆိုပါအခြေခံဥပဒေအောက်မှပင် နိုင်ငံအာဏာကို ရယူခဲ့သူတို့၏ ဝိရောဓိများဟု ဆိုရမည်။

အခြေခံဥပဒေပြင်ဆင်ရေးသည် NLD ပါတီ၏ ရွေးကောက်ပွဲကတိကဝတ်လည်းဖြစ်ပြီး နိုင်ငံ့အာဏာအရပ်ရပ်ကိုရရှိပြီး သုံးနှစ်ကျော်အကြာတွင် NLD က ယင်းကတိကို အကောင်အထည်ဖော်ရန် ကြိုးစားလျက်ရှိပြီဖြစ်သည်။

၂၀၁၄ ခုနှစ် မေလအတွင်း ဗဟန်းမြို့နယ် ဗိုလ်စိန်မှန်ကွင်းတွင်ပြုလုပ်ခဲ့သော ဖွဲ့စည်းပုံအခြေခံဥပဒေပြင်ဆင်ရေး လူထုဟောပြောပွဲ

ထို့ကြောင့် ပြည်ထောင်စုလွှတ်တော်တွင် ကိုယ်စားလှယ် ၄၅ ဦး ပါဝင်သော ၂၀၀၈ အခြေခံဥပဒေပြင်ဆင်ရေး ပူးပေါင်းကော်မတီတစ်ရပ်ကို ဖွဲ့စည်း၍ လွှတ်တော်ကိုယ်စားလှယ်များ၊ နိုင်ငံရေးပါတီများနှင့် တစ်သီးပုဂ္ဂလများထံမှ အကြံပြုချက်များကို တောင်းခံခဲ့ရာ အကြံပြုချက်ပေါင်း ၃၇၆၅ ချက် ရရှိခဲ့သည်။

တပ်မတော်အပါအဝင် နိုင်ငံရေးပါတီအသီးသီးထံမှ အခြေခံဥပဒေပြင်ဆင်ရေးကို မူအားဖြင့် သဘောတူညီမှုရရှိထားသော်လည်း မည်သည့်အချက်ကို ပြင်မည်၊ မည်သို့ပြင်မည်ဆိုသည်နှင့် ပတ်သက်၍ လက်ရှိအချိန်တိုင် ညှိနှိုင်းမရ သေးသည့် ပုစ္ဆာဖြစ်သည်။

ဝိဝါဒကွဲသော ပြင်ဆင်နည်း

NLD သည် အခြေခံဥပဒေပြင်ဆင်ရေး ပူးပေါင်းကော်မတီဖွဲ့ရန် အရေးကြီးအဆိုကို ဇန်နဝါရီလ ၂၉ ရက်တွင် အမျိုးသားလွှတ်တော်ကိုယ်စားလှယ် ဦးအောင်ကြည်ညွန့်က ပြည်ထောင်စုလွှတ်တော်တွင် အခြားအဆိုများနှင့်အတူ တင်သွင်းခဲ့သည်။

အခြေခံဥပဒေပြင်ရေးအတွက် မည်သို့ပြင်ဆင်ရမည်ကို အခြေခံဥပဒေ အခန်း (၁၂) တွင် ဖော်ပြထားပြီးဖြစ်သည်။ အခန်း (၁၂) တွင် အခြေခံဥပဒေပြင်ဆင်ရန် တင်သွင်းသောအဆိုကို ဥပဒေမူကြမ်းအဖြစ်တင်သွင်းရမည်။ ယင်းဥပဒေမူကြမ်းတွင် အခြားအဆိုများမပါရှိရ။ ပြည်ထောင်စုလွှတ်တော်၌ တင်သွင်းရမည်ဟူ၍ဖြစ်သည်။

NLD က တင်သွင်းသော အခြေခံဥပဒေပြင်ဆင်ရေးနှင့် စပ်လျဉ်းသော အရေးကြီးအဆိုသည် အခန်း (၁၂) ဖော်ပြပါအချက်များနှင့် ကိုက်ညီမှုမရှိဟုဆိုကာ ဝေဖန်ခံခဲ့ရသည်။

သို့သော်လည်း NLD ကမူ ၎င်းတို့ တင်သွင်းသော အရေးကြီးအဆိုသည် အခြေခံဥပဒေပြင်ဆင်ရေးအဆိုမဟုတ်။ အခြေခံဥပဒေပြင်ဆင်ရေး ပူးပေါင်းကော်မတီဖွဲ့စည်းရန် အရေးကြီးအဆိုသာဖြစ်သည်။ ထို့ကြောင့် ဥပဒေနှင့်ညီသည်ဟု ဆိုသည်။

ယင်းကိစ္စတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက ကန့်ကွက်သည်။ တပ်မတော်သားများကလည်း မတ်တပ်ရပ်ကန့်ကွက်သည်။ ပြည်ထောင်စုလွှတ်တော်က မဲခွဲဆုံးဖြတ်ခဲ့ရာ ပူးပေါင်းကော်မတီ (၄၅ ဦးကော်မတီ) ဖွဲ့ရန် အတည်ဖြစ်ခဲ့သည်။

ထိုနောက် ၄၅ ဦးကော်မတီကို ဖွဲ့စည်း၍ အကြံပြုချက်ရယူခဲ့ကြသည်။ ၄၅ ဦး ကော်မတီဖွဲ့ခြင်းသည် အခြေခံဥပဒေနှင့်မညီဟုဆိုကာ ကြံ့ခိုင်ရေးပါတီမှ အမျိုးသားလွှတ်တော်ကိုယ်စားလှယ် ဒေါက်တာ စိုင်းဆိုင်ကျောက်ဆမ်က အခြေခံဥပဒေဆိုင်ရာခုံရုံးသို့ ကန့်ကွက်လွှာတစ်စောင် တင်သွင်းခဲ့သည်။

သို့သော်လည်း ဇူလိုင်လ ၂၅ ရက်တွင် အခြေခံဥပဒေဆိုင်ရာခုံရုံးက ယင်းတင်သွင်းလွှာနှင့်ပတ်သက်၍ ခုံရုံး၏ စီရင်ပိုင်ခွင့်အတွင်းမရှိဟုဆိုကာ ပယ်ချခဲ့သည်။

ထို့အတူ အမျိုးသားလွှတ်တော်ကိုယ်စားလှယ် ဒေါ်နန်းနီနီအေးကလည်း အခြေခံဥပဒေပြင်ဆင်ရေးတွင် အခန်း (၁၂) နှင့်အညီတင်သွင်းရမည်ဟု ဖွင့်ဆိုပေးရန် အခြေခံဥပဒေဆိုင်ရာခုံရုံးသို့ တင်ပြသည့် တင်သွင်းလွှာ အမှတ် (၂) သည်လည်း ခုံရုံး၏ စီရင်ပိုင်ခွင့်အတွင်းမရှိဟုဆိုကာ ပယ်ချခံခဲ့ရသည်။

တပ်မတော်သည် အခြေခံဥပဒေပြင်ဆင်ရေးပူးပေါင်းကော်မတီတွင်ပါဝင်ခဲ့သော်လည်း ပြင်ဆင်ရေးနည်းလမ်းသည် အခန်း (၁၂) နှင့်မညီဟုဆိုကာ ဝင်ရောက်ဆွေးနွေးခဲ့ခြင်း မရှိချေ။

NLD ပါတီ၏ အခြေခံဥပဒေပြင်ဆင်ရေးနည်းလမ်းနှင့် ပတ်သက်၍ NDF ပါတီဥက္ကဋ္ဌ ဦးခင်မောင်ဆွေက ယခုကဲ့သို့ ဆိုသည်။

“ကျွန်တော်တို့ဘက်က ပြင်ပုံပြင်နည်းပေါ့။ ပြင်တဲ့အခါမှာ ကျွန်တော်တို့ ဒီရုတ်ရုတ်သဲသဲဖြစ်ပြီး တိုင်းပြည်အပေါ်မှာလည်း အမျိုးသားညီညွတ်ရေးကို ထိပါးတာမျိုး ဖြစ်နေတယ်လေ”

ဦးခင်မောင်ဆွေသည် NLD ပါတီ ဗဟိုအလုပ်အမှုဆောင်တစ်ဦးဖြစ်ပြီး ၂၀၁၀ ပြည့်နှစ် ရွေးကောက်ပွဲကို NLD ပါတီက သပိတ်မှောက်ခဲ့သောကြောင့် NLD ပါတီမှနုတ်ထွက်ခဲ့သည်။ ထိုနောက် အမျိုးသားဒီမိုကရေစီအင်အားစုပါတီ NDF ပါတီကိုတည်ထောင်ခဲ့သည်။

NDF ပါတီ ကိုယ်စားလှယ်များသည် ၂၀၁၀ ရွေးကောက်ပွဲတွင် တစ်နိုင်ငံလုံးအနှံ့ ဝင်ရောက်ယှဉ်ပြိုင်ခဲ့ရာ ၁၆ နေရာ အနိုင်ရရှိခဲ့သည်။

သိုဝှက်ခဲ့သော ရည်ရွယ်ချက်များ

၂၀၀၈ အခြေခံဥပဒေပြင်ဆင်ရေး ပူးပေါင်းကော်မတီတွင် တပ်မတော်သားလွှတ်တော်ကိုယ်စားလှယ်များ ပါဝင်ခဲ့သော်လည်း ကော်မတီအစည်းဝေးတွင် ဆွေးနွေးခဲ့ခြင်းမရှိ။ ထို့အတူ အကြံပြုချက်များပေးခဲ့ခြင်းလည်း မရှိချေ။ ထို့ကြောင့် ပူးပေါင်းကော်မတီက ရရှိခဲ့သော အစီရင်ခံစာပါ အကြံပြုချက် ၃၇၆၅ ချက်တွင် တပ်မတော်၏ အကြံပြုချက်များတစ်ခုမျှ မပါဝင်ချေ။

ကနဦးတွင် ပူးပေါင်းကော်မတီ၏ အစီရင်ခံစာကို ပြည်ထောင်စုလွှတ်တော်တွင်ဆွေးနွေးရန် တပ်မတော်သားလွှတ်တော်ကိုယ်စားလှယ် ၇၀ ကျော်က စာရင်းပေးခဲ့သည်။ သို့သော်လည်း နောက်ပိုင်း ပြည်ထောင်စုလွှတ်တော်တွင် ဆွေးနွေးကြသည့်အချိန်တွင် တပ်မတော်သားလွှတ်တော်ကိုယ်စားလှယ်များ မပါဝင်ခဲ့ချေ။

“အပြင်မှာ ပွဲဆူကြတာပေါ့ဗျာ။ တော်ရုံတန်ရုံလူကတော့ ဖွဲ့စည်းပုံအခြေခံဥပဒေပြင်ဆင်ရေးကို တပ်မတော် ကန့်ကွက်တယ်ပေါ့။ ဒီလိုပဲ နားလည်သွားတာပေါ့။ အောက်ခြေမှာလည်း အဲဒီလိုပဲ ဆန္ဒထုတ်ဖော်တာတွေ့တယ်” ဟု ရခိုင် အမျိုးသားပါတီ ANP မှ ပြည်သူ့လွှတ်တော်ကိုယ်စားလှယ် ဦးဖေသန်းက ဆိုသည်။

ထို့ကြောင့် တပ်မတော်သည် ၎င်း၏သဘောထားကို အချိန်မတိုင်မီ ထုတ်ဖော်လိုခြင်းမရှိဘဲ နိုင်ငံရေးအရ ပြည်သူများအမြင်မကြည်မည့်ကိစ္စမျိုးကို ရှောင်ကွင်းခြင်းဖြစ်နိုင်သည်ဟု နိုင်ငံရေးသုံးသပ်သူများက ဆိုသည်။

မည်သို့ပင်ဖြစ်စေ အခြေခံဥပဒေပြင်ဆင်ရေးတွင် ပုဒ်မ ၄၃၆ (က) ကဲ့သို့ အရေးကြီးပုဒ်မများကို ပြင်ဆင်ရန်အတွက် တပ်မတော်၏သဘောထားသည်သာ အဓိကကျလျက်ရှိရာ နောက်ဆုံးအချိန်ရောက်မှသာ ၎င်း၏ရပ်တည်ချက်ကို ဖွင့်ဟမည့်သဘောပင် ဖြစ်သည်။

အခြေခံဥပဒေပြင်ဆင်ရေး ကြွေးကြော်ခဲ့သည့် NLD ပါတီသည်လည်း တကယ်တမ်းပြင်ဆင်ကြမည်ဆိုသည့်အခါ ၎င်း၏အကြံပြုချက်မှာ ၁၁၄ ချက်သာ ရှိသည်။

ထို့ကြောင့် NLD သည် အခြေခံဥပဒေပြင်ဆင်ရေးလုပ်ငန်းစဉ်တွင် ၎င်း၏ သဘောထားထက် အခြားသော တိုင်းရင်းသားပါတီများက မည်သည့်အချက်ကို ပြင်ဆင်လိုကြသည်၊ တပ်မတော်က မည်သို့သဘောထားရှိသည်ကို ဖော်ထုတ်ပြီး နိုင်ငံရေးအကျိုးအမြတ်ရယူလိုရင်းဟု နိုင်ငံရေးအသိုင်းအဝိုင်းက ဆိုသည်။

“NLD က မပြောဘူး။ ဝှက်ထားတယ်” ဟု ANP ပါတီမူဝါဒရေးရာ ဦးဆောင်ကော်မတီဝင်၊ ပြည်သူ့လွှတ်တော်ကိုယ်စားလှယ် ဦးဦးလှစောက ဆိုသည်။

အဟောင်းပြင်ခြင်းလော၊ အသစ်ရေးခြင်းလော

၂၀၀၈ အခြေခံဥပဒေပြင်ဆင်ရေး ပူးပေါင်းကော်မတီက စုဆောင်းရရှိသောအကြံပြုချက်မှာ ၃၇၆၅ ချက်ရှိသည်။ ပြင်ဆင်ရန် အကြံပြုချက်အများစုကို တိုင်းရင်းသားပါတီများဆီမှ ရရှိခြင်းဖြစ်သည်။

နိုင်ငံရေးပါတီ ၁၃ ခုနှင့် တစ်သီးပုဂ္ဂလများက အကြံပြုချက်များ ပေးပို့ရာတွင် ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီ (SNLD) က အများဆုံးဖြစ်ပြီး ၁၁၁၂ ချက်၊ ရခိုင်အမျိုးသားပါတီ (ANP) က ၈၅၈ ချက်၊ မွန်အမျိုးသားပါတီက ၆၄၁ ချက်၊ အမျိုးသားညီညွတ်သောဒီမိုကရက် တစ်ပါတီ (NUD) က ၄၆၂ ချက် ပေးပို့ခဲ့ကြသည်။

“ဥပဒေပြင်ဖို့ နာမည်တပ်ပြီး အသစ်ရေးဖို့ လုပ်နေတာပါ” ဟု ရခိုင်ပြည်နယ် ကျောက်ဖြူမြို့နယ် မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးဘရှိန်က ပြည်ထောင်စုလွှတ်တော်တွင် ဆိုသည်။ ၎င်းသည် ANP ပါတီမှ ဖြစ်သည်။

အခြေခံဥပဒေအသစ်တစ်ခုရေးမည်ဆိုပါကလည်း လက်ခံကြောင်း၊ သို့သော်လည်း ယခုအချိန်သည် ယင်းသို့ပြုလုပ်ရမည့်အချိန် မဟုတ်ကြောင်း၊ လွှတ်တော်ထဲတွင် ဖွဲ့စည်းပုံအခြေခံဥပဒေသစ်တစ်ခုရေး၍မရကြောင်း ဦးဘရှိန်ကဆိုသည်။

NLD အများစုပါဝင်သော ၄၅ ဦး ကော်မတီသည် အကြံပြုချက်များကို ပြည်ထောင်စုလွှတ်တော်က အတည်ပြုပြီးနောက်တွင် ပြင်ပမှ တတ်သိပညာရှင်၊ ကျွမ်းကျင်သူများ၊ နိုင်ငံရေးပါတီများ အစရှိသည့် အစုအဖွဲ့ ကိုးဖွဲ့ကို ဖိတ်ခေါ်၍ အခြေခံဥပဒေပြင်ဆင်ရေးမူကြမ်းတစ်ခု ရေးဆွဲမည်ဖြစ်သည်။

ထို့သို့ ရေးဆွဲရာတွင် ပြင်ဆင်လိုသည့်အချက်များနှင့် ပတ်သက်၍ သဘောထားမတိုက်ဆိုင်ပါက ကော်မတီအတွင်း မဲခွဲဆုံးဖြတ်ကြမည်ဖြစ်သည်။ အဆိုပါ ကော်မတီတွင်လည်း NLD သည် အများစုဖြစ်ရာ အခြားသော တိုင်းရင်းသားပါတီ များက ၎င်းတို့၏ တန်းတူညီမျှမှုတောင်းဆိုချက်များ မရရှိမည်ကို စိုးရိမ်နေကြခြင်း ဖြစ်သည်။

“ကိုးဖွဲ့ကလည်း ဒီအစိုးရဖွဲ့ထားသူ တွေများမယ်လေ။ ပြည်သူကပါလည်း နည်းနည်းပဲပါမယ်။ လက်နက်ကိုင်အဖွဲ့တွေထည့်လည်း နည်းနည်းပဲပါမှာပဲ။ အများစုခန့်ထားတာက ဒီအစိုးရခန့်ထားတာဆိုတော့ ဒီအစိုးရလိုချင်တဲ့လမ်းကြောင်း အတိုင်း ထောက်ခံကြရင် တိုင်းရင်းသားတွေ လိုချင်တဲ့အခွင့်အရေးဟာ သိပ်မျှော်လင့်လို့မရဘူး” ဟု ပျော်ဘွယ်မြို့နယ် ပြည်သူ့လွှတ်တော်ကိုယ်စားလှယ် ဦးသောင်းအေးက ရှင်းပြသည်။

“ဒါပေမဲ့ သူ (NLD) က လုပ်ချင်တဲ့ဟာကို ဇွတ်လုပ်မယ့်သဘော ဖြစ်နေတယ်”

ဦးသောင်းအေးသည် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ဖြစ်သည်။

ထို့သို့ ကော်မတီအတွင်း မဲခွဲဆုံးဖြတ်၍ အတည်ဖြစ်ပြီးသော အခြေခံဥပဒေပြင်ဆင်ရေးဥပဒေကြမ်းသည် လွှတ်တော်သို့ရောက်ရှိပြီးနောက် ဆွေးနွေးကြမည်ဖြစ်သည်။ ထို့နောက်တွင် ပုဒ်မ ၄၃၆ နှင့်ဆက်နွှယ်သည့် ပြင်ဆင်ရန်ခက်ခဲသည့် ပုဒ်မများမှအပ အခြားပုဒ်မများကို လွှတ်တော်အတွင်း မဲအများစုဖြင့် အတည်ပြုကြမည်ဖြစ်သည်။ ယင်းအချက်ကို ပြည်သူ့လွှတ်တော်ကိုယ်စားလှယ် ဦးဘရှိန်ကလည်း စိုးရိမ်လျက်ရှိသည်။

ဦးဘရှိန်သည် ရခိုင်ပြည်နယ် ကျောက်ဖြူမဲဆန္ဒနယ်မှ ပြည်သူ့ လွှတ်တော်ကိုယ်စားလှယ် ဖြစ်သည်။

“လွှတ်တော်ထဲမှာ မဲများရင်နိုင်တယ်ဆိုတဲ့ပုံစံနဲ့ (အခြေခံဥပဒေ) ရေးလို့မရဘူး” ဟု ၎င်းကဆိုသည်။

သမ္မတဦးသိန်းစိန်အစိုးရလက်ထက် သမ္မတရုံးဝန်ကြီးဟောင်း၊ ယခု အမျိုးသားလွှတ်တော်ကိုယ်စားလှယ် ဦးစိုးသိန်းကမူ အခြေခံဥပဒေအသစ်ရေးမည်ဆိုပါက ကြိုဆိုပြီး ယင်းသို့ရေးဆွဲခြင်းသည် ကျွမ်းကျင်သော ဥပဒေပညာရှင်များ၏ အလုပ်ဟု လွှတ်တော်တွင်ဆိုသည်။

လက်ရှိ အခြေခံဥပဒေပြင်ဆင်ရေး အကြံပြုချက် ၃၇၆၅ ချက်ကို သဲသဲကွဲကွဲသိရန် ပြည်သူလူထုထံ တင်ပြသင့်ကြောင်း ပျော်ဘွယ်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးသောင်းအေးကဆိုသည်။

ပြည်ထောင်စုလွှတ်တော်ကိုယ်စားလှယ် ဦးစိုင်းသန်းနိုင်ကမူ ၂၀၀၈ အခြေခံဥပဒေဖြင့်ပင် တစ်နိုင်ငံလုံး အပစ်အခတ်တိုက်ခိုက်မှုရပ်စဲရေး သဘောတူစာချုပ် (NCA) ကို လက်မှတ်ရေးထိုးနိုင်ခဲ့သည်ဟု ဩဂုတ်လ ၁ ရက်က ကျင်းပသည့် ပြည်ထောင်စုလွှတ်တော်တွင် ဆိုသည်။

ထို့ပြင် အခြေခံဥပဒေပြင်ဆင်ရေး ဥပဒေမူကြမ်းတစ်ခုရေးမည်ဆိုပါကလည်း ၂၀၀၈ အခြေခံဥပဒေကို မည်သို့ရေးဆွဲခဲ့သည့်သမိုင်းကို ပြန်လည်ကြည့်ရန်လိုမည်ဟု ၎င်းကဆိုသည်။

၂၀၀၈ ဇာစ်မြစ်

လက်ရှိတည်ဆဲဖြစ်နေသည့် ၂၀၀၈ အခြေခံဥပဒေကို မည်သို့ရေးခဲ့သနည်း။

၁၉၉၃ ခုနှစ်တွင် အမျိုးသားညီလာခံ ခေါ်ယူခဲ့သည်။ ဖိတ်ကြားခံရသူစာရင်းတွင် နိုင်ငံရေးပါတီကိုယ်စားလှယ် ၄၉ ဦး၊ ရွေးကောက်ခံအမတ် ၁၀၇ ဦး၊ တိုင်းရင်းသားကိုယ်စားလှယ် ၂၁၅ ဦး၊ တောင်သူလယ်သမားကိုယ်စားလှယ် ၄၈ ဦး၊ အသိပညာရှင်၊ အတတ်ပညာရှင် ၄၁ ဦး၊ ဝန်ထမ်းကိုယ်စားလှယ် ၉၂ ဦးနှင့် အခြားဖိတ်ကြားသင့်သူ ၅၇ ဦးတို့ ပါဝင်ခဲ့သည်။

NLD ပါတီနာယကတစ်ဦးဖြစ်သူ ဦးဝင်းထိန်၏ ‘သံသရာတစ်ကွေ့’ စာအုပ် စာမျက်နှာ ၄၆၉ တွင်မူ ‘ကိုယ်စားလှယ် ပေါင်း ၆၀၀ ကျော်မှာ ၁၉၉၀ ခုနှစ် ရွေးကောက်ပွဲအရ အရွေးခံထားရတဲ့ ကိုယ်စားလှယ် ၈၅ ဦးပဲ ပါတာတွေ့ရတယ်။ ကျန်တဲ့ကိုယ်စားလှယ်တွေကတော့ န၀တကိုလိုလားတဲ့ ဝန်ထမ်းများ၊ တပ်မတော်အရာရှိများနဲ့ တိုင်းရင်းသားကိုယ်စားလှယ်များ ပါဝင်ပါတယ်။ ပြည်သူလူထု အရွေးချယ်ခံထားရတဲ့ ပုဂ္ဂိုလ်တွေက လူအနည်းစုဖြစ်ပြီး အစိုးရဘာပြောပြော ခေါင်းညိတ်မယ့် ပုဂ္ဂိုလ်တွေက ၈၀ ရာခိုင်နှုန်း ကျော် ပါနေပါတယ်” ဟု ဖော်ပြခဲ့သည်။

၁၉၉၅ ခုနှစ်တွင် အမျိုးသားညီလာခံမှ NLD ပါတီကိုယ်စားလှယ်များ နုတ်ထွက်သွားခဲ့သည်။ ၂၀၀၈ ခုနှစ်တွင် အခြေခံဥပဒေမူကြမ်းကို စတင်ရေးဆွဲခဲ့သည်။ ယင်းသို့ ရေးဆွဲရာတွင် တရားသူကြီးချုပ် ဦးအောင်တိုး၊ ရှေ့နေချုပ် ဦးအေးမောင်၊ ဗိုလ်မှူးချုပ်ကျော်ဆန်း၊ ဗိုလ်ချုပ်ခင်အောင်မြင့်၊ ဒေါက်တာ ထွန်းရှင်၊ ဦးတီခွန်မြတ် (လက်ရှိ ပြည်ထောင်စုလွှတ်တော်နာယက) အပါအဝင် ပညာရှင် ၅၄ ဦး ပါဝင်ခဲ့သည်။

မည်သို့ဆိုစေ ဤသို့ ပြင်ရခက်လွန်းသည့် ဥပဒေတစ်ရပ်ဖြစ်ရေးအတွက် ထောင့်စုံမှ ကြိုးစားပမ်းစား ရေးဆွဲခဲ့ကြသည်က အမှန်ပင်ဖြစ်သည်။ ၂၀၀၈ အခြေခံဥပဒေသည် ပြင်ရခက်ရေးရည်မှန်း ရေးဆွဲထားသည်ဖြစ်ရာ ယခုကဲ့သို့ ပြင်ရခက်သည့်အခြေအနေကို လက်တွေ့ကြုံနေရပြီဖြစ်သောကြောင့် န၀တအစိုးရ၏ ရည်မှန်းချက် ပေါက်မြောက်သည်ဟုပင် ဆိုရပေမည်။

လွှတ်တော်အတွင်းက ပြင်နိုင်၏လော

ဤမျှ ပြင်ဆင်ရန်ခက်ရေး စနစ်တကျ ရေးဆွဲခဲ့သော အခြေခံဥပဒေကို လွှတ်တော်အတွင်းက ပြင်နိုင်၏လောဆိုသည့်မေးခွန်းသည် ယခုအချိန်အခါအတွက် မေးသင့်မေးထိုက်သောမေးခွန်းပင် ဖြစ်သည်။

ဥပဒေမှန်သမျှ လွှတ်တော်အတွင်းက ပြင်ဆင်ခြင်းကသာ လုပ်ရိုးလုပ်စဉ်ဖြစ်သော်လည်း အခြေခံဥပဒေကမူ လွှတ်တော်အတွင်းထက် လွှတ်တော်ပြင်ပအခင်းအကျင်းက ပိုမိုအရေးကြီးသည့်သဘော သက်ရောက်လျက်ရှိသည်။

အကြောင်းမှာ လွှတ်တော်အတွင်း အများစုရှိနေသော NLD ပါတီဝင်ကိုယ်စားလှယ်များကို ပြည်သူက မဲပေးထားခြင်းသည် ဒေါ်အောင်ဆန်းစုကြည်၏ ‘လူကိုမကြည့်ဘဲ ပါတီကိုကြည့်ပြီး မဲပေးပါ’ ဟူသည့်စကားအတိုင်း NLD ပါတီကို ကြည့်၍ မဲပေးခဲ့ကြခြင်းဖြစ်သည်။

NLD ပါတီတွင် ပြည်သူများ၏မဲကို သိမ်းကျုံးယူငင်နိုင်သူ၊ ပြည်သူ့မေတ္တာကို တပွေ့တပိုက်ရရှိသူသည် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်မှလွဲ၍ အခြားမရှိ။ ထို့ကြောင့် လွှတ်တော်အတွင်း ကိုယ်စားလှယ်များ၏ သဘောထားသည် ဒေါ်အောင်ဆန်းစုကြည်၏အပေါ်တွင်သာ မှီတည်လျက်ရှိသည်။

တစ်ဖက်တွင်လည်း အခြေခံဥပဒေပါပုဒ်မ ၄၃၆ ကဲ့သို့ အရေးကြီးပုဒ်မများကို ပြင်ဆင်ရေးတွင် တပ်မတော်သားလွှတ်တော်ကိုယ်စားလှယ်များ၏ သဘောထားမပါ၍မဖြစ်။ တပ်မတော်၏ သဘောထားသည် တပ်မတော်ကာကွယ်ရေးဦးစီး ချုပ်ပေါ်တွင် အဓိကတည်လျက်ရှိသည်။

ထို့ကြောင့် လွှတ်တော်အတွင်း ပြည်သူရွေးကောက်ထားသည်ဆိုသော လွှတ်တော်ကိုယ်စားလှယ်များနှင့် တပ်မတော်သားလွှတ်တော် ကိုယ်စားလှယ်များ၏ အခြေခံဥပဒေပြင်ဆင်လိုခြင်း၊ မပြင်လိုခြင်းသဘောထားသည် လွှတ်တော် ထဲတွင် မရှိ။ လွှတ်တော်အတွင်း သဘောထားထက် လွှတ်တော်ပြင်ပ နိုင်ငံ့ခေါင်းဆောင်များအကြား သဘောထားက ပို၍အခရာကျသည်ကို တွေ့ရမည်ဖြစ်သည်။

အခြေခံဥပဒေပြင်ဆင်ရေးတွင် လွှတ်တော်ပြင်ပရှိ နိုင်ငံခေါင်းဆောင်များဖြစ်သော နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တပ်မတော်ကာကွယ်ရေးဦးစီးချုပ်အပေါ်တွင်သာ မှီတည်လျက်ရှိပြီး ၎င်းတို့ ညှိနှိုင်းနိုင်လျှင် အခြေခံဥပဒေပြင်ဆင်ရေး ခရီးပေါက်ပြီဟု မြေပုံမြို့နယ် မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးဖေသန်းက ဆိုသည်။

“ဖွဲ့စည်းပုံတံခါးသော့ တစ်ချောင်းစီကို ပိုင်ဆိုင်ထားတဲ့ တပ်မတော်နဲ့ NLD တို့ ညှိညှိနှိုင်းနှိုင်းလုပ်ရင် ခရီးက အတော်ပေါက်နေပါပြီ” ဟု ၎င်းကဆိုသည်။

လက်ရှိအခြေအနေကမူ ၎င်းတို့မညှိနှိုင်းနိုင်၍ ခရီးမပေါက်သေးသည့် သဘောပင်။

ကြွေးတောင်းချိန် ရန်ဖြစ်ခြင်းလော

လွှတ်တော်အတွင်း အခြေခံဥပဒေပြင်ဆင်မည်ဟုဆိုသည်နှင့် တစ်ပြိုင်နက်တည်းမှာပင် လမ်းပေါ်ထွက်လာသော နှစ်ဖက်သော လူအုပ်ကြီးရှိလာသည်။ တစ်စုသော လူအုပ်ကြီးသည် အခြေခံဥပဒေပြင်ဆင်ခြင်းကို ထောက်ခံခြင်းဖြစ်သည်။
အခြားသော လူအုပ်ကြီးမှာ တပ်မတော်ကို ထောက်ခံကြခြင်းဖြစ်သည်။

ဆိုရလျှင် NLD ထောက်ခံသူနှင့် တပ်မတော်ထောက်ခံသော နှစ်ဖက်လူအုပ်ကြီးဖြစ်သည်။ အဆိုပါ နှစ်ဖက်လူအုပ်ကြီးသည် အခြေခံဥပဒေပြင်ရေး လွှတ်တော်တွင် ကြိုးပမ်းနေချိန်၌ လမ်းပေါ်ထွက်၍ ၎င်းတို့ဆန္ဒကို ဖော်ထုတ်ကြခြင်းဖြစ်သည်။ ထို့ကြောင့် နှစ်ဖက်သော နိုင်ငံရေးတင်းမာမူများသည် စိုးရွံ့စရာဖြစ်လာသည်။

ဤအခြေအနေကို တိုင်းရင်းသားပါတီများက မနှစ်သက်ကြောင်း အခြေခံဥပဒေပြင်ဆင်ရေးပူးပေါင်းကော်မတီအစီရင်ခံစာကို ဆွေးနွေးစဉ် ရခိုင်အမျိုးသားပါတီမှ ပြည်သူ့လွှတ်တော်ကိုယ်စားလှယ် ဦးဖေသန်းက ဆိုသည်။

“အခုမြင်တွေ့ရတာက လွှတ်တော်ထဲမှာ ဆွေးနွေးမှုတွေတောင် မစရသေးဘူး။ လမ်းပေါ်မှာ အနီရောင်၊ အစိမ်းရောင် အုပ်စုတွေက ပွဲဆူနေကြပါပြီ။ ပြည်သူ့သဘောထားဆိုတာထက် ပါတီပုံရိပ်တွေရဲ့ မဲဆွယ်မှုနဲ့ ပိုတူနေပါတယ်” ဟု ဩဂုတ်လ ၁ ရက်တွင် ကျင်းပသည့် ပြည်ထောင်စုလွှတ်တော်၌ ဦးဖေသန်းက ပြောကြားသည်။

အခြေခံဥပဒေပြင်ဆင်ရေးဟု ဆိုလိုက်သည်နှင့် တပ်မတော်နှင့် NLD ပါတီတို့အကြား လွန်ဆွဲမှုများ၊ အငြင်းပွားမှုများသည် တိုင်းရင်းသားများလိုလားသည့် ဖက်ဒရယ်ပြည်ထောင်စုတည်ဆောက်ရေးနှင့် တန်းတူညီမျှခွင့်ရရေး အိပ်မက်အတွက် အဟန့်အတားများဖြစ်နေပြီလော။

“အကြွေးလာတောင်းတိုင်း လင်မယားရန်ဖြစ်ချင်ယောင်ဆောင်ပြီးတော့ အချိန်ဆွဲနေတယ်လို့ တိုင်းရင်းသားတွေက ထင်မြင်သွားမှာကို သတိထားသင့်ပါတယ်” ဟု ဦးဖေသန်းက မှတ်ချက်ပြုသည်။

မျက်နှာများသည့် ပုဒ်မ ၂၆၁

အခြေခံဥပဒေပြင်ဆင်ရေးနှင့်ပတ်သက်လျှင် ပြီးခဲ့သည့် သမ္မတဦးသိန်းစိန်လက်ထက် ပထမအကြိမ်လွှတ်တော်ကတည်းက ပြင်ဆင်ခဲ့ကြသည်။ ပြင်ဆင်ချက်များသည်ပင် လူထုဆန္ဒခံယူပွဲလုပ်ရမည်ဖြစ်၍ အစိုးရအဆင်းတွင် အချိန်မလောက်၍ မလုပ်ဖြစ်ခဲ့။ ထို့ကြောင့် ပြင်ဆင်ခဲ့သည့်ပုဒ်မများသည်ပင် အတည်ဖြစ်ခဲ့သော်လည်း ယနေ့တိုင်အသက်မဝင်။

ထိုစဉ်ကတည်းကပင် ပုဒ်မ ၂၆၁ ကို ပြင်ဆင်ရန် တင်ပြခဲ့ကြသည်များ ရှိသည်။ ယင်းပုဒ်မ၏အနှစ်ချုပ်မှာ တိုင်းနှင့် ပြည်နယ်ဝန်ကြီးချုပ်ကို သမ္မတက ရွေးချယ်ရခြင်းဖြစ်သည်။

ပြီးခဲ့သည့် ပထမအကြိမ်လွှတ်တော်သက်တမ်းတွင် အတိုက်အခံဖြစ်သော NLD က ယင်းပုဒ်မပြင်ဆင်ရေး ထောက်ခံခဲ့သည်။ ပြင်ဆင်လိုသည့် သဘောထားအနှစ်ချုပ်မှာ တိုင်းနှင့်ပြည်နယ်ဝန်ကြီးချုပ်ကို သမ္မတသဘောထားမပါဘဲ သက်ဆိုင်ရာ တိုင်းနှင့် ပြည်နယ်လွှတ်တော်က ရွေးချယ်ခွင့်ရှိရေးဖြစ်သည်။

ထိုစဉ်က အဆိုပါပြင်ဆင်မှုကို ကန့်ကွက်သူသည် အာဏာရပါတီ USDP နှင့် တပ်မတော်သားလွှတ်တော်ကိုယ်စားလှယ်များဖြစ်သည်။ ပြင်ဆင်ရေးမှာ မအောင်မြင်ခဲ့ချေ။

ယခုဒုတိယအကြိမ်လွှတ်တော်သက်တမ်းတွင်မူ အာဏာလက်လွှတ်ခဲ့ရသော ကြံ့ခိုင်ရေးပါတီက ယင်းပုဒ်မကို ပြင်ဆင်ရန် တင်ပြခဲ့သည်။ တပ်မတော်သားလွှတ်တော်ကိုယ်စားလှယ်များက ထောက်ခံသည်။ အတိုက်အခံမှသည် အာဏာရလာသော NLD ပါတီက ကန့်ကွက်သူဖြစ်သွားသည်။

ပုဒ်မ ၂၆၁ ပြင်ဆင်ရေးအတွက် အမျိုးသားရေးသမားများကလည်း ပြီးခဲ့သည့် မေလအတွင်း ဆန္ဒပြခဲ့ကြသည်။ ယင်းဆန္ဒပြပွဲတွင် ဆရာတော်ဦးဝီရသူနှင့် ဦးဝင်းကိုကိုလတ်ကဲ့သို့ ပုဂ္ဂိုလ်များလည်း ပါဝင်ခဲ့သည်။

ပုဒ်မ ၂၆၁ ပြင်ဆင်မှုသည် ရှမ်းပြည်နယ်ကဲ့သို့ ပြည်နယ်များအတွက် များစွာအကျိုးမထူးလှ။ အကြောင်းရင်းမှာ ရှမ်းပြည်နယ်လွှတ်တော်တွင်လည်း ကြံ့ခိုင်ရေးပါတီက အများဆုံးအနိုင်ရရှိထားသည်ဖြစ်ရာ ကြံ့ခိုင်ရေးပါတီနှင့် တပ်မတော်၏ သဘောတူညီမှုဖြင့်သာ ပြည်နယ်ဝန်ကြီးချုပ် ခန့်အပ်နိုင်မည် ဖြစ်သည်။

ပြည်နယ်လွှတ်တော်၏ သဘောထားဖြင့် ဝန်ကြီးချုပ်တင်မြှောက်ရမည်ဆိုသောကြောင့် လွှတ်တော်အတွင်းရှိ တပ်မတော်သား ၂၅ ရာခိုင်နှုန်း၏ ဆန္ဒမဲလည်း ပါဝင်မည်ဖြစ်သည်။ ထို့ကြောင့် တိုင်းနှင့်ပြည်နယ် ဝန်ကြီးချုပ်တစ်ဦး တင်မြှောက်မည့်ကိစ္စအတွက် တပ်မတော်၏ပါဝါကို အရှိန်မြှင့်လိုက်သည့်သဘောဟု သုံးသပ်သူများလည်း ရှိသည်။

မည်သို့ဆိုစေ ပုဒ်မ ၂၆၁ ပြင်ဆင်ရေးနှင့်ပတ်သက်လျှင် ပါတီကြီးများက နိုင်ငံ့အာဏာရရှိချိန်တွင် ကန့်ကွက်ကြပြီး အတိုက်အခံဖြစ်ချိန်တွင် ထောက်ခံကြသည့် ထင်ရှားသော ပုဒ်မတစ်ခုဖြစ်လာသည်။

ထို့ကြောင့် အချို့သော နိုင်ငံရေးသုံးသပ်သူများက ပုဒ်မ ၂၆၁ ပြင်ဆင်လိုကြခြင်းသည် ပြည်မအခြေစိုက် အင်အားကြီးနိုင်ငံရေးပါတီနှစ်ခု၏ နိုင်ငံရေးအမြတ်ထုတ်ကစားပွဲတစ်ခုသာဖြစ်ပြီး တိုင်းရင်းသားပါတီများအတွက်မဟုတ်ဟု ဆိုကြသည်။

သို့သော်လည်း ရခိုင်ပြည်နယ်အတွက်မူ တစ်မျိုးဖြစ်သည်။ ရခိုင်ပြည်နယ်လွှတ်တော်တွင် ကြံ့ခိုင်ရေးနှင့် NLD က မကြီးစိုးနိုင်။ ကြီးစိုးထားသည်က ရခိုင်အမျိုးသားပါတီ ANP ဖြစ်သည်။ ထို့ကြောင့် ရခ်ိုင်အမတ်များက ဤပုဒ်မကို ပြင်ဆင်လိုကြသည်။

“အစိုးရက ပြည်သူကိုယ်စားပြုမှ ကောင်းတာလေ။ အများစုကိုယ်စားပြုတဲ့ပါတီက ဝန်ကြီးချုပ်မဖြစ်ဘဲနဲ့ အနည်းလေး တစ်ယောက်၊ နှစ်ယောက်နိုင်တဲ့ပါတီက ငါခန့်မယ်၊ ငါ့လူဆိုတဲ့ပုံစံဖြစ်သွားတယ်။ အဲဒီတော့ သူတို့ကြွေးကြော်နေတဲ့ ဖက်ဒရယ်တို့ ဒီမိုကရေစီတို့ဆိုတာ အကုန်လုံး ပျောက်သွားတာပေါ့နော်” ဟု ရခိုင်အမျိုးသားပါတီ ANP မှ ပြည်သူ့လွှတ်တော်ကိုယ်စားလှယ် ဦးဖေသန်းက ဆိုသည်။

အခြေခံဥပဒေပြင်ဆင်ရေးလုပ်ငန်းစဉ်အတွင်း ပြင်ဆင်နိုင်မည့် ပုဒ်မများတွင် ပုဒ်မ ၂၆၁ ပါဝင်မည်လော။ အခြေအနေကို အမျိုးသားဒီမိုကရေစီအင်အားစုပါတီဥက္ကဋ္ဌ ဦးခင်မောင်ဆွေက ယခုကဲ့သို့ ဆိုသည်။

“အဲဒါမျိုး အာရုံစိုက်ပြီးပြင်တာက NLD ဘက်မှာ မတွေ့ရဘူးလေ။ ပြင်ချင်တာက ကြံ့ခိုင်ရေးက ဖြစ်နေတာကိုး။ ဒီဟာလည်း ပူးပေါင်းကော်မတီထဲမှာ ဆုံးဖြတ်သုံးသပ်ပြီးမှ လုပ်ကြမယ်ဆိုတော့ အပြတ်ပြောဖို့ တော်တော်ခက်သွားတယ်” ဟု ၎င်းကဆိုသည်။

ရှုပ်ထွေးလာသော အခြေခံဥပဒေ ကကြိုးများ

ယခုလွှတ်တော်တွင် လုပ်ဆောင်နေကြသည့် အခြေခံဥပဒေပြင်ဆင်ရေးတွင် မည်သည့်ပုဒ်မများကို ပြင်ဆင်နိုင်မည်နည်း။

ပုဒ်မ ၄၃၆ (က)ကဲ့သို့ အရေးကြီး ပုဒ်မမျိုးကိုမူ ပြင်ဆင်နိုင်မည်မဟုတ်ဟု ပြည်သူ့လွှတ်တော်ကိုယ်စားလှယ် ဦးဖေသန်း က ဆိုသည်။

“၄၃၆ (က) ကတော့ မရတော့ဘူးဗျာ။ ဒါက အချိန်သိပ်ကပ်နေပြီ။ Referendum လုပ်ရဦးမှာကို။ ၄၃၆ (ခ) ကိုပြင်ရမယ်” ဟု ၎င်းကဆိုသည်။

ယင်းသို့ပြင်ရာတွင်လည်း အငြင်းမပွား၊ တစ်ဖက်နှင့်တစ်ဖက် ပုတ်ခတ်မှုမရှိဘဲ NLD နှင့် တပ်မတော်တို့ ညှိညှိနှိုင်းနှိုင်းဖြစ်နိုင်မှသာ ပြင်ဆင်လို့ရမည်ဟု ၎င်းကဆိုသည်။

မည်သို့ဆိုစေ နိုင်ငံရေးအသိုင်းအဝိုင်းက သုံးသပ်ရာတွင် လက်ရှိအခြေခံဥပဒေပြင်ဆင်ရေးသည် တပ်မတော်သဘောထား မပါဝင်သောကြောင့် ကောင်းစွာအထမမြောက်နိုင်သေး။ အရေးကြီးပုဒ်မများမှအပ အနည်းငယ်သောပုဒ်မလောက်ကိုသာ ပြင်ဆင်နိုင်မည့်သဘောဟုဆိုသည်။ ထို့ပြင်လည်း လာမည့်ကာလတွင် ရွေးကောက်ပွဲများရှိခြင်းကြောင့်လည်း အချိန်အခါမသင့်ဟု ဆိုကြသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ပြည်သူ့လွှတ်တော်ကိုယ်စားလှယ် ဦးသောင်းအေးကမူ “ပြင်ဖို့သင့်တဲ့ဟာကတော့ တပ်ကလည်း လက်ခံမှာပဲ။ ကျွန်တော်တို့လည်း လက်ခံမှာပဲ။ တခြားပါတီတွေလည်း လက်ခံမှာပဲ။ မပြင်သင့် သေးတဲ့ဟာပေါ့ဗျာ ၄၃၆ (က)၊ (ခ) ရော၊ အထူးသဖြင့် (က) ပေါ့။ ဒါတွေက မရသေးဘူးလေဗျာ” ဟု ဆိုသည်။

အခြေခံဥပဒေပြင်ဆင်ရေးလုပ်ငန်းသည် ပြည်သူများက စောင့်မျှော်နေကြသည့် လုပ်ငန်းစဉ်တစ်ရပ်ဖြစ်သည်။ ထို့ကြောင့် အရေးကြီးသည်။ ဖက်ဒရယ်ပြည်ထောင်စုဖြစ်ရေး အိပ်မက်အတွက် အခြေခံဥပဒေပြင်ဆင်ရေးသည် အဓိက ကျသော အခန်းကဏ္ဍမှ ပါဝင်လျက်ရှိသည်။

အခြေခံဥပဒေ ပြင်ဆင်ရေးတွင် နိုင်ငံရေးအသိုင်းအဝိုင်းက လက်ခံထားကြသည်မှာ တပ်မတော်၏သဘောထား ဖြစ်သည်။

ဤမျှအရေးကြီးသောကိစ္စရပ်တွင် တပ်မတော်၏ သဘောထားကို ရယူနိုင်ခြင်းမရှိသော၊ တပ်မတော်ဘက်ကလည်း NLD နှင့် ပူးပေါင်းဆောင်ရွက်ရန် လိုလားဟန်မပြသေးသော အခြေအနေသည် ပြည်သူများအတွက် စိတ်မချမ်းမြေ့ဖွယ်ရာပင်။

တပ်မတော်သည် မြန်မာ့နိုင်ငံရေးမှ တဖြည်းဖြည်းဆုတ်ခွာမည်ဟုလည်း ဆိုထားရာ မည်သည့်အချိန်တွင် ဆိုသည်ကလည်း စိတ်ဝင်စားစရာကောင်းသည့်မေးခွန်းဖြစ်သည်။

သို့သော်လည်း NLD ပါတီဝင် အမျိုးသားလွှတ်တော်ကိုယ်စားလှယ် ဦးအောင်ကြည်ညွန့်ကမူ NLD က ပြင်ဆင်ရန်အကြံပြုသော နိုင်ငံရေးမှတပ်မတော်ဆုတ်ခွာရေး ချဉ်းကပ်းနည်းသည် အနည်းဆုံး ၃၅ နှစ်ခန့် ကြာမြင့်မည်ဖြစ်ရာ ကောင်းမွန်သည့် အဆိုပြုချက်ဟု ဆိုသည်။

အခြေခံဥပဒေပြင်ဆင်ရေးသည် ခက်ခဲသည်မှန်သော်လည်း တပ်မတော်ခေါင်းဆောင်များ၏ နိုင်ငံရေးစိတ်ဆန္ဒသည် များစွာအရေးကြီးသည်ဟု ၎င်းက ဆိုသည်။

မည်သို့ပင်ဖြစ်စေ တပ်မတော်၏သဘောထားကို ရယူနိုင်ခြင်းမရှိခြင်း၊ ရွေးကောက်ပွဲကာလနှင့် အချိန်ကပ်နေခြင်းအပြင် ရွေးကောက်ပွဲကတိတည်ရန် ကြိုးစားနေရှာသည် NLD ၏ အခြေခံဥပဒေပြင်ဆင်ရေး ဆောင်ရွက်ချက်အပေါ် အမျိုးသားဒီမိုကရေစီအင်အားစုပါတီ ဥက္ကဋ္ဌ ဦးခင်မောင်ဆွေက သူ့အမြင်ကို ယခုကဲ့သို့ ဖွင့်ဟသည်။

“၂၅ ရာခိုင်နှုန်းကျော်ရှိနေတဲ့ တပ်မတော်ဘက်က သဘောတူညီမှုရှိမှ။ အဲဒါတွေကို ကျော်လွှားပြီး တင်ဖို့ဆိုတာက တော်တော်ခက်တယ်။ အဲဒီလိုခက်မှန်းသိပါလျက်နဲ့ ဘာကြောင့်မလို့ ဒါမျိုး NLD က ကြိုးပမ်းတာလဲ။ ပြင်လို့မရမှန်း သိလျက်နဲ့ပြင်တာဟာ ခုနကပြောခဲ့တဲ့ ငါတို့ပါတီကတော့ အခြေခံဥပဒေပြင်တာပဲ။ တပ်မတော်သားတွေ လက်မခံလို့ ပြင်လို့မရဘူးဆိုတဲ့အနေအထား ရောက်တဲ့အခါမှာရပ်သွားမှာပါ” 

ရဲနိုင်ဦး

You may also like...

Leave a Reply

Your email address will not be published. Required fields are marked *