တွန်းသည်၊ သို့သော် မရွေ့

“ပြောင်းလဲချင်တယ်ပြောပြီးတော့ ကိုယ်ကိုယ်၌က မပြောင်းလဲရင် ဘယ်လိုပြောင်းလဲမလဲ”

မြန်မာနိုင်ငံ၏ ၁၀ ဦးမြောက်သမ္မတ ဦးဝင်းမြင့်၏ မန္တလေးမြို့သို့ ပထမဆုံးရောက်ရှိစဉ် ပြောဆိုခဲ့သည့်စကားဖြစ်သည်။

“ပြောင်းလဲချင်တယ်ပြောတဲ့သူတွေကိုယ်တိုင်ကိုက စပြီးပြောင်းလဲရင် လုံးဝပြောင်းလဲသွားမယ်။ ကိုယ်ကိုယ်၌ ပြောင်းလဲရမယ်။ ပြီးရင် ဌာနဆိုင်ရာအသီးသီးက ပြောင်းလဲရမယ်” ဟု သမ္မတ ဦးဝင်းမြင့်က ဆက်လက်ပြောဆိုသည်။

သမ္မတဖြစ်ပြီးနောက် ပထမဆုံးအကြိမ်အဖြစ် မန္တလေးမြို့သို့ လာရောက်ခဲ့သည့် ဦးဝင်းမြင့်သည် ဩဂုတ်လ ၂ ရက် နေ့တွင် မန္တလေးတိုင်းဒေသကြီးအတွင်းမှ အုပ်ချုပ်ရေး၊ ဥပဒေပြုရေးနှင့် တရားစီရင်ရေးကဏ္ဍ တာဝန်ရှိသူများနှင့် Mandalay Convention Center ၌ တွေ့ဆုံခဲ့သည်။

မဏ္ဍိုင်သုံးရပ် အပြန်အလှန်ထိန်းကျောင်းကာ ပူးပေါင်းဆောင်ရွက်ရန်၊ လွှတ်တော်ကိုယ်စားလှယ်များ၏ အခန်းကဏ္ဍ၊ နိုင်ငံ့ဝန်ထမ်းများ၏ တာဝန်နှင့် အခွင့်ရေးများအပြင် နိုင်ငံတော်၏ မျှော်မှန်းချက်များကိုပါ သမ္မတက ပြောဆိုခဲ့သည်ဟု အဆိုပါတွေ့ဆုံပွဲသို့ တက်ရောက်ခဲ့သည့် လွှတ်တော်ကိုယ်စားလှယ်တစ်ဦးက ပြောသည်။

ဝန်ထမ်းများ သတိထား

ဝန်ထမ်းများအနေနှင့်လည်း မိမိတွင် လုပ်ပိုင်ခွင့်ရှိသည်ဟုဆိုပြီး ပြည်သူများအပေါ် မောက်မောက်မာမာ မဆက်ဆံရန် သမ္မတကြီးက သတိပေးသွားသည်။

“ငါ့မှာ လုပ်ပိုင်ခွင့်ရှိတယ်။ ငါ့မှာ အာဏာရှိတယ်။ ငါ့မှာ ပါဝါရှိတယ်ဆိုပြီးတော့ ပြည်သူတွေကို ဟိန်းလား ဟောက်လား၊ ခြိမ်းလားခြောက်လား ဆိုရင်တော့ ဘာထူးလဲကွာလို့ ပြောခံရမယ်” ဟု အရပ်သားအစိုးရလက်ထက်တွင် ယခင်အာဏာရှင်ခေတ်ကကဲ့သို့ ပြည်သူများ မခံစားရစေရန် သမ္မတကြီးက ပြောဆိုခဲ့သည်။

ပြည်သူကို ပြည်သူလို ဆက်ဆံမှသာ ပြည်သူများ နှလုံးစိတ်ဝမ်း အေးချမ်းရမည်ဟု ၎င်းကဆိုသည်။

ယင်းကဲ့သို့ ဆက်ဆံခြင်းသည် ငွေကုန်ကြေးကျမရှိဘဲ ပြောင်းလဲနိုင်သည့်နည်းလမ်းဖြစ်ပြီး မိမိလာရခြင်း၏ အဓိကအကြောင်းရင်းဖြစ်ကာ မြန်မြန်အကောင်အထည်ဖော်စေချင်ကြောင်း သမ္မတက တိုက်တွန်းပြောဆိုသည်။

ပြောင်းလဲချိန်တန်ပြီဟု ကြွေးကြော်သံသည် သုံးနှစ်ကျော်သည်အထိ ပြောင်းလဲရန် တွန်းတွန်းတိုက်တိုက် လုပ်နေရဆဲပင် ဖြစ်သည်။

မည်သည့်အစိုးရဖြစ်စေ နိုင်ငံလည်ပတ်ရေးအတွက် ဝန်ထမ်းများသည် အရေးကြီးသည့် အခန်းကဏ္ဍတွင် ပါဝင်သည်ဟု သမ္မတနှင့်တွေ့ဆုံပွဲသို့ တက်ရောက်ခဲ့သည့် အစိုးရဝန်ထမ်းတစ်ဦးက ပြောသည်။

ထို့ကြောင့် ဝန်ထမ်းများအတွက် လုံလောက်သည့် အဆောင်အယောင်နှင့် လစာများကို ပေးထားနိုင်လျှင် ပြည်သူများအပေါ် အနိုင်ကျင့်သည့်၊ လာဘ်စားသည့်ဝန်ထမ်းများ ရှိမည်မဟုတ်ကြောင်း လုပ်သက် ၁၀ နှစ်ကျော်ပြီဖြစ်သည့် ၎င်းက သူ့အမြင်ကို ပြောပြသည်။

ဌာနဆိုင်ရာဝန်ထမ်းများတွင် စားဝတ်နေရေး အခက်အခဲရှိသည်ကို နားလည်ပြီး ယင်းကို ကိုယ်ချင်းမစာ၍ ပြောခြင်းမဟုတ်ကြောင်း၊ ဌာနဆိုင်ရာအဖွဲ့အစည်းအသီးသီးအား ဒီထက်မကသည့် ခံစားခွင့်များ လစာများကို ပေးချင်ကြောင်း သမ္မတက ဆိုသည်။

“ကျွန်တော်တို့လည်း တတ်နိုင်သမျှ ဌာနဆိုင်ရာဝန်ထမ်းအသီးသီးကို တတ်နိုင်သမျှ ဖြည့်ဆည်းပေးဖို့ အမြဲ ခေါင်းထဲမှာ ရှိပါတယ်။ တွက်ချက်ပြီးတော့လည်း တတ်နိုင်သမျှ လုပ်ပေးပါတယ်။ ကျွန်တော်တို့ မခွဲခြားဘူး” ဟု ဝန်ထမ်းများအတွက် လစာများတိုးပေးနိုင်မည့်သဘောကို သမ္မတက ပြောဆိုခဲ့သည်။

ထို့ကြောင့် ဝန်ထမ်းများအနေနှင့် အခက်အခဲအကျပ်အတည်းများ ရှိသည်ကို နားလည်သော်လည်း ပြည်သူတို့၏ အခက်အခဲအကျပ်အတည်းကို ပို၍ ဦးစားပေးစေချင်သည်ဟု သမ္မတက တိုက်တွန်းသည်။

“နိုင်ငံ့ဝန်ထမ်းတွေမှာလည်း ကိုယ့်မိသားစုနဲ့၊ ကိုယ့်ကိုယ်ရေးကိုယ်တာကိစ္စတွေနဲ့ ကိုယ့်ဝေဒနာတွေ ရှိတယ်ဆိုတာ ကျွန်တော်နားလည်ပါတယ်။ သို့သော် ဝန်ထမ်းအားလုံးသည် ကိုယ့်ဝေဒနာဖြေသိမ့်ပြီးတော့ ပြည်သူလူထု နိစ္စဓူဝခံစားနေရတဲ့ ဝေဒနာကို ကုစားပေးကြပါ”

ဥပဒေစိုးမိုးရေး အဓိက

ဖယ်ဒရယ်ဒီမိုကရေစီစနစ်သို့ သွားနေချိန်တွင် နိုင်ငံအတွင်း တရားဥပဒေစိုးမိုးမှုသည် အဓိကကျသည်ဟု သမ္မတက ဆိုသည်။

တရားစီရင်ဆုံးဖြတ်ရာတွင် ပြဋ္ဌာန်းပြီးသည့် ဥပဒေများအတိုင်း လုပ်ဆောင်ရန်လိုအပ်ပြီး ယင်းဥပဒေများက မှားယွင်းနေသည်ဆိုလျှင် ရအောင်ပြင်ဆင်စေလိုသည်ဟု သမ္မတက ပြောသည်။

“ဘက်မလိုက်တဲ့ တရားစီရင်ရေး ဖြစ်စေချင်တယ်” ဟု တရားလွှတ်တော်ရှေ့နေတစ်ဦးလည်းဖြစ်သည့် သမ္မတက သူ့ဆန္ဒကို ပြောသည်။

သို့သော်လည်း လက်ရှိအနေအထားသည် ဘက်လိုက်မှု မကင်းသေးဘဲ ရှိနေဆဲဖြစ်ကြောင်း မန္တလေးမြို့ခံ တရားလွှတ်တော်ရှေ့နေ ဦးမျိုးမင်းဇော်က ဝေဖန်သည်။

ပြုပြင်ပြောင်းလဲရေး ရာခိုင်နှုန်းအပြည့်မဟုတ်သေးသဖြင့် ယခင်အတိုင်းဟုသာ ပြောဆိုရမည်ဟု ၎င်းကဆိုသည်။

“ဥပမာ – တပ်ကအရာရှိတွေ ပြစ်မှုတစ်ခုခုဖြစ်လို့ တိုင်ကြားရင်တောင် ချက်ချင်း အရေးယူဆောင်ရွက်တာမျိုးတွေ ရှိသေးတာပဲ။ ဒါက စစ်တပ်လိုဌာနမှာနော်။ ဒါပေမဲ့ တရားရေးက တာဝန်ရှိသူတွေ လုပ်ဆောင်ချက် မှားယွင်းတာမျိုးကို တိုင်ကြားရင် အရေးယူတယ်ဆိုတာ တစ်ခါမှ မကြားဖူးဘူး” ဟု ဦးမျိုးမင်းဇော်က ပြောသည်။

ဥပဒေအထက်တွင် မည်သူမျှ မရှိစေရဆိုသည်ကို လိုက်နာလျှင် တရားဥပဒေစိုးမိုးရေး မအောင်မြင်စရာမရှိကြောင်း၊ တရားဥပဒေစိုးမိုးရေး အောင်မြင်လျှင် ဒီမိုကရေစီ မြန်ဆန်မည်ဖြစ်ကြောင်း သမ္မတက ဆိုသည်။

“မရှိတဲ့သူက မရှိသလို အချုပ်ကားကြီးနဲ့ ပြွတ်သိပ်ကျပ်ညပ်။ အထည်ကြီးပျက်တွေကျတော့ ကိုယ့်ကားလေးနဲ့ ကိုယ်၊ ဒါမှမဟုတ် အရာရှိကားလေးနဲ့ပို့ပေး၊ ဒါက မြင်မကောင်းဘူး။ အဲဒါက တရားဥပဒေစိုးမိုးမှု မဟုတ်ဘူး” ဟု လက်ရှိ တရားစီရင်ရေးကဏ္ဍတွင် ဖြစ်ပေါ်နေသည်များကို သမ္မတက ထောက်ပြပြောဆိုသည်။

ယင်းအပြင် ရဲစခန်းသို့ အမှုဖွင့် တိုင်တန်းလျှင် ချက်ချင်းဖွင့်လှစ်ဆောင်ရွက်ပေးရန် လိုအပ်ပြီး တစ်ပတ်ခန့်နေမှ အမှုဖွင့်လှစ်ပေးမည်ဆိုလျှင် အရေးကြီးသည့် သက်သေခံအထောက်အထားများ ပျက်စီးသွားနိုင်သဖြင့် အမှုလမ်းကြောင်း လွဲသွားနိုင်သည်ကို သတိထားရန် လိုအပ်ကြောင်း သမ္မတက ထပ်လောင်းပြောဆိုသည်။

ရဲလက်စွဲတွင် တယ်လီဖုန်းဖြင့်ဆက်သွယ်၍ အမှုဖွင့်တိုင်ကြားလျှင်ပင် အမှုဖွင့်ပေးရမည်ဖြစ်ပြီး တိုင်ကြားသော်လည်း အမှုမဖွင့်ပေးလျှင် တစ်ဖန်ပြန်လည်တိုင်ကြားနိုင်သည်ဟု တရားလွှတ်တော်ရှေ့နေ ဦးမျိုးမင်းဇော်က ရှင်းပြသည်။

တရားစီရင်ရေး ကောင်းမွန်ရန်အတွက် ဥပဒေကို လေးစားလိုက်နာသည့် တရားသူကြီးများသည် မြို့ပေါ်ကဲ့သို့ နေရာကောင်းများတွင် မရကြဘဲ တောရွာဒေသများတွင်သာ ရောက်ရှိနေကြသည်ကို သတိပြုစေလိုကြောင်း ၎င်းက ထောက်ပြသည်။

ကူ၍ တွန်းပေးကြပါ

ပြည်သူများကို မိမိဖြတ်သန်း ကြုံတွေ့ခဲ့ရသည့်အခြေအနေများ (စစ်အာဏာရှင်ခေတ်တွင် ကြုံတွေ့ခဲ့ရသည့် မတရားဖိနှိပ်မှုများ) ဖြင့် နှိုင်းယှဉ်ကာ ကိုယ်ချင်းမစာဘဲ ဆက်ဆံလျှင် ဒီမိုကရေစီ အသွင်ကူးပြောင်းရေး နိုင်ငံတော်တော်များများသည် နောက်ပြန်လျှောကျသွားတတ်ကြောင်း သမ္မတက သတိပေးသည်။

မြန်မာနိုင်ငံသည် ဒီမိုကရေစီအသွင် ကူးပြောင်းခွင့်ရရှိရန် ရာစုနှစ်ထက်ဝက်ကျော် စောင့်စားခဲ့ရပြီး ရတောင့်ရခဲ ရှားရှားပါးပါး အခြေအနေမျိုးတွင် သမိုင်းပေးတာဝန်အရ ထမ်းဆောင်နေရသူများသည် အပြောင်းအလဲတစ်ခု၊ ပန်းတိုင်တစ်ခုကို ရောက်ရှိအောင် မလုပ်ဆောင်နိုင်လျှင်၊ သမိုင်းပေးတာဝန် မကျေပွန်လျှင် လာမည့်မျိုးဆက်များအနေနှင့် အာဏာရှင်ဒဏ်ကို အလူးအလဲခံရနိုင်သည်ဟု သမ္မတက ထပ်လောင်းပြောဆိုသည်။

လက်ရှိအစိုးရ၏ ဆောင်ရွက်ချက်များသည် နာမည်ကောင်းရရန် ဆောင်ရွက်နေခြင်းမဟုတ်ဘဲ နောင်မျိုးဆက်များအတွက် ရည်ရွယ်လုပ်ဆောင်နေခြင်းဖြစ်ပြီး ပူးပေါင်းဆောင်ရွက်ကြရန် သမ္မတက တိုက်တွန်းသည်။

“တာဝန်ကြီးကြီးယူထားပြီး တာဝန်မကျေတော့ ဘာဂုဏ်သိက္ခာရှိမှာလဲ” ဟု တာဝန်မကျေသည့် တာဝန်ရှိသူများသို့ ရည်ညွှန်း၍ သမ္မတ ဦးဝင်းမြင့် ပြောဆိုလေသည်။

သမ္မတ၏ မိန့်ခွန်းတွင် တရားဥပဒေစိုးမိုးရေးကဏ္ဍကို ဦးစားပေးပြောဆိုသွားသည်ကို သတိပြုမိကြောင်း ပြည်သူ့ပါတီ မန္တလေးတိုင်းဒေသကြီး အတွင်းရေးမှူး ဦးခင်မောင်ထွန်းက ဆိုသည်။

သမ္မတ၏ ပြောဆိုချက်များသည် နိုင်ငံ့အပြောင်းအလဲအတွက် ကောင်းမွန်ပြီး တွေ့ဆုံပွဲတိုင်း ယင်းစကားတို့ကို မကြာခဏ ပြောဆိုတတ်သော်လည်း နောက်မှလိုက်ပါဆောင်ရွက်ခြင်း မရှိခြင်းသည် အပြောင်းအလဲအတွက် အဟန့်အတား ဖြစ်စေသည်ဟု ၎င်းကသုံးသပ်သည်။

ပြောင်းလဲရမည့်သူများသည် အပြောင်းအလဲကို စိတ်မပါသည်လားဟု တွေးမိပြီး အဂတိကင်းကင်းဖြင့် လုပ်ဆောင်စေချင်ကြောင်း ၎င်းက တိုက်တွန်းသည်။

လက်ရှိ မြန်မာ့နိုင်ငံရေးအခင်းအကျင်းကို ၎င်းက အောက်ပါအတိုင်း မှတ်ချက်ပေးသည်။

“ရှေ့ကပြေးသလောက် နောက်က ပါမလာကြဘူး” 

 

မြတ်(ကလေး)

You may also like...

Leave a Reply

Your email address will not be published. Required fields are marked *