ပညာရှင်တို့အတွက် အရေးပါအရာ သို့မဟုတ် Profession နှင့် Passion

Profession သည် သက်မွေးပညာလုပ်ငန်းဖြစ်ပြီးပညာဖြင့် သက်မွေးဝမ်းကျောင်းပြုမည့်သူတိုင်းအတွက် လွန်စွာအရေးပါလှပါတယ်။ အပ်ချုပ်သမားအနေနှင့် အင်္ကျီဒီဇိုင်းချုပ်သားချုပ်ရာ ဒီဇိုင်းပြုလုပ်မှုအပေါ်မူတည်ပြီး ဈေးကြီးကြီးနှင့် အင်္ကျီအထည်တို့ကို ချုပ်ခွင့်ရပါတယ်။ ရှေ့နေသမားက တရားဥပဒေဆိုင်ရာများ၊ အမှုသွားအမှုလာများနှင့် စပ်လျဉ်းပြီး ဗဟုသုတကြွယ်ဝမှု၊ အတွေ့အကြုံများမှုအပေါ်မူတည်ပြီး မြင့်မားသည့် ဉာဏ်ပူဇော်ခကို ရကြပါတယ်။ အလားတူ အင်ဂျင်နီယာတစ်ယောက်သည် သူ၏အထူးပြုလေ့လာသည့် အင်ဂျင်နီယာပညာရပ်အပေါ် နှံ့စပ်ကျွမ်းကျင်စွာ အသုံးချနိုင်မှုရှိရင် ရှိသလို၊ ဆရာဝန်တစ်ယောက်သည်လည်း ဆေးပညာဆိုင်ရာ၊ နာမကျန်းလူနာဆိုင်ရာ အတွေ့အကြုံဗဟုသုတကြွယ်ဝလျှင် ကြွယ်ဝသလို ဉာဏ်ပူဇော်ခများ ရရှိကြပါတယ်။ ထို့သို့သက်ဆိုင်ရာပညာရပ်အပေါ် နှံ့စပ်ကျွမ်းကျင်မှု၊ အတွေ့အကြုံများမှု၊ ထိထိရောက်ရောက် အသုံးပြုနိုင်မှုကိုပင် Profession ဟုပင် ညွှန်းဆိုနိုင်ပါတယ်။ ထို့ကြောင့် Profession ၏ အခန်းကဏ္ဍသည် အသေးငယ်ဆုံးအပ်တစ်ချောင်းလုပ်သည်မှပင် အဆင့်မြင့်ဆုံး နျူးကလီးယားစွမ်းအင်အသုံးချနိုင်အထိ ထူးချွန်ထက်မြက်မှုအပေါ်မူတည်ပြီး ပညာရှင်ဆိုင်ရာဉာဏ်ပူဇော်ခများ ကွာခြားသွားနိုင်ပါတယ်။

Profession နှင့် မတူကွဲပြားစွာ Passion မှာမူ ကျွန်တော်တို့မှ နှစ်ခြိုက်စွာလုပ်ဆောင်လိုမှု၊ စွဲလန်းမှုတို့ဖြင့် ဖွဲ့စည်းထားပါတယ်။ Passion သည် ကျွန်တော်တို့အနေနှင့် အထွေအထူးအချိန်ပေးလေ့လာသင်ယူစရာမလိုဘဲ အနည်းငယ်မျှ လေ့လာထိတွေ့ရုံမျှဖြင့် အလိုအလျောက် ကျွမ်းကျင်ခြင်း၊ ဆက်လက်ထပ်ခါထပ်ခါ လုပ်ဆောင်လိုခြင်း၊ ထိုအလုပ်ကို နှစ်သက်အားရခြင်း မြတ်နိုးခြင်းတို့နှင့် အလွယ်တကူ ဆက်နွှယ်နေတတ်ပါတယ်။ ထို့ကြောင့် Passion ပါသည့်အလုပ်ကို လုပ်သည့်အခါ ကျွန်တော်တို့အနေနှင့် အချိန်များစွာ ကုန်ဆုံးသည့်တိုင် မမောနိုင် မပန်းနိုင်ကြပါ။ အလုပ်လုပ်ချိန်ကိုပင် မေ့ထားတတ်ကြပါတယ်။ အထူးသဖြင့် အချို့သောသူများအတွက် Passion သည် သံစဉ်ဂီတများ ဖန်တီးလို ခြင်းဖြစ်နေနိုင်သော်လည်း၊ အချို့အတွက် အဆိုအကအနုပညာပိုင်း ဖြစ်နေနိုင်ပါတယ်။ အချို့အတွက်မူ စာပေကဗျာ သီးကုံးရေးစပ်ခြင်း၊ အချို့အတွက် စက်မှုနည်းပညာ၊ အချို့အတွက် ဆေးပညာ၊ အချို့အတွက် အားကစား စသဖြင့် ဖြစ်နေနိုင်ပါတယ်။ သို့ရာတွင် ယနေ့ ကျွန်တော်တို့လူသားအတော်များများအဖို့ Profession နှင့် Passion မှာ တစ်ထပ်တည်း မကျကြပါချေ။ ထို့သို့တစ်ထပ်တည်း မကျရခြင်းအကြောင်းအရင်းများတွင် Passion သည် တစ်ခါတစ်ရံတွင် ဘ၀စားဝတ်နေရေး သို့မဟုတ် မိသားစုဘ၀ပြည့်စုံရေးအတွက် အထောက်အပံ့ကောင်းစွာ မပြုနိုင်ခြင်းကြောင့်လည်းကောင်း၊ တစ်ခါတစ်ရံတွင် အခြားသောအကြောင်းရင်းများ၊ ဂုဏ်ဒြပ်များ၊ ဥပမာအားဖြင့် မိမိက အင်ဂျင်နီယာဖြစ်ချင်သော်လည်း မိဘများက ဆရာဝန်ဖြစ်စေလိုခြင်း၊ မိမိက စီးပွားရေးပညာရှင်ဖြစ်ချင်သော်လည်း မိဘများက စစ်ဘက်ရေးရာ အရာရှိကြီးဖြစ်စေလိုခြင်း စသည်တို့ကြောင့် ဖြစ်ပါတယ်။ ထို့ကြောင့် ကျွန်တော်တို့ လူသားအတော်များများသည် ဘ၀စားဝတ်နေရေး၊ မိသားစုဘ၀ပြည့်စုံရေးနှင့် အခြားအကြောင်းရင်းများကြောင့် မိမိနှစ်သက်စွဲလမ်းခြင်း မရှိသော်လည်း ပညာရပ်တစ်ခုခုအပေါ် Profession ကို အရယူပြီး Passion ကိုမူ မိမိအားလပ်သည့်အချိန် အနားယူအပန်းဖြေစရာတစ်ခုအဖြစ် လုပ်ဆောင်ခြင်း သို့မဟုတ် အသက်အရွယ် အိုမင်းရင့်ရော်ချိန် ပင်စင်စားဘ၀ရောက်မှသာ မိမိနှစ်သက်စွဲလမ်းသည့် Profession ကို စတင်လုပ်ဆောင်ခြင်းဖြင့်သာ ဆောင်ရွက်တတ်ကြပါတယ်။

သို့ရာတွင် ယနေ့ကမ္ဘာတစ်ဝန်း၌ Profession နှင့် Passion တစ်ထပ်တည်းကျပြီး မိမိကြိုက်နှစ်သက်သည့် ပညာရပ်နှင့် မိမိသက်မွေးဝမ်းကျောင်းပြုသည့်ပညာရပ်သည် တစ်ခုတည်းဖြစ်နေသည့် ကံကောင်းသူအချို့လည်းရှိနေသည်ကို တွေ့ရပါတယ်။ အထူးအားဖြင့် မိမိဝါသနာပါရာ၊ မိမိနှစ်ခြိုက်ရာကို စွဲမက်စွာလုပ်ဆောင်ပြီး ထမင်းငတ်လျှင် ငတ်ပါစေ၊ မည်သူမည်ဝါတွေ မည်သို့ပင်ဆိုစေဆိုစေ စသဖြင့် ခိုင်မာသည့်စိတ်ဓာတ်နှင့် အားမာန်ဇွဲကြီးမားလှသည့်သူများသာလျှင် ထပ်တူကျနိုင်ပြီး၊ ယနေ့ ကျွန်တော်တို့ မကြာခဏ ကြားသိနေရသည့် စွန့်ဦးတီထွင်လုပ်ငန်းရှင်ကြီးများ၊ တီထွင်မှုသိပ္ပံပညာရှင်များ၊ အောင်မြင်ကျော်ကြားနေသည့် စာရေးဆရာများ အချို့သည်သာ Passion နှင့် Profession တစ်ထပ်တည်းကျနေသူများ ဖြစ်ကြပါတယ်။ သို့ရာတွင် အရေအတွက်အားဖြင့် အနည်းစုသာရှိမည်ဟု ယူဆရပါတယ်။ အကြောင်းမှာ စွန့်ဦးတီထွင်သူများ၊ Passion ကို အရင်းတည်ကာ Profession လုပ်နေသူများသည် ကျွန်တော်တို့ ပတ်ဝန်းကျင်၌ လက်ချိုးရေတွက်လို့ ရနိုင်သလို၊ လူဆယ်ဦးလျှင် ကိုးဦးမျှသော လူတို့သည် မိမိတို့ နှစ်ခြိုက်မြတ်နိုးခုံမင်စွာ လုပ်လိုသည့်အလုပ်က တခြားလက်ရှိလုပ်နေရသည့်အလုပ်ကတစ်ဖုံ စသဖြင့် ပုံစံမျိုးကိုလည်း တွေ့မြင်ရနိုင်သောကြောင့် ဖြစ်ပါတယ်။

Profession နှင့် Passion တစ်ထပ်တည်းကျခြင်း၊ မကျခြင်းနှင့် စပ်လျဉ်းပြီး Deloitte Study အရ အမေရိကန်နိုင်ငံရှိ လုပ်သားအင်အား၏ ၁၃ ရာခိုင်နှုန်းခန့်သည်သာ သူတို့အလုပ်ကို သူတို့ကိုယ်တိုင်နှစ်သက်သူများဖြစ်ကြခြင်းကြောင်း၊ သုတေသန လေ့လာတွေ့ရှိချက်များအရ ဗြိတိန်နိုင်ငံတွင် ၈၄ ရာခိုင်နှုန်းခန့်သော လူငယ်များသည် သူတို့နှစ်သက်သည့် ဝါသနာပါသည့်အလုပ်ကို စွန့်လွှတ်ပြီး ဘ၀အာမခံချက်ရှိသည့် သက်မွေးပညာရပ်ကို လေ့လာလိုက်စားကြကြောင်း၊ ယနေ့လူကြီးများ၏ ၃၀ ရာခိုင်နှုန်းခန့်သာလျှင် သူတို့ငယ်စဉ်က စိတ်ကူးယဉ် အိပ်မက်မက်ခဲ့သည့်အလုပ်ကို အသက်မွေးဝမ်းကျောင်းအလုပ်အဖြစ် လုပ်ကိုင်ခွင့်ရနေပါကြောင်း ဆိုထားချက်များအရ ယနေ့ကမ္ဘာတစ်ဝန်းတွင် ၅၀ ရာခိုင်နှုန်း ထက်မက များပြားလှသည့် လူများစွာတို့သည် ၎င်းတို့၏ Passion သည် Profession နှင့် ထပ်တူမကျနေကြောင်း ယူဆနိုင်ပါတယ်။ Pitman Training and Censuswide ၏ သုတေသနပြုချက်များအရ ဘ၀အာမခံချက်ရှိသည့် သက်မွေးပညာနှင့် ယှဉ်လာသည့်အခါ Passion သည် အရေးသိပ်မပါလှသည့် သာမညအဆင့်သာ ရောက်ရှိသွားကြောင်း ဆိုထားပါတယ်။

ယနေ့ Profession ကို လေ့လာသင်ကြားခြင်း၊ လေ့ကျင့်ခြင်းဖြင့် ရရှိနိုင်သော်လည်း Passion မှာမူ ငယ်စဉ်ကတည်းက နှစ်ခြိုက်ခုံမင်စွာတွယ်ကပ်လာသည့်အနေအထား ဖြစ်ပါတယ်။ လေ့ကျင့်ပျိုးထောင်ယူ၍ ရနိုင်မည်ဟုမထင်ပါ။ Profession သည် သက်မွေးဝမ်းကျောင်းမှုအတွက် အများအားဖြင့် အာမခံချက်ပေးနိုင်သော်လည်း Passion မှာမူ ဘ၀ရပ်တည်မှုအတွက် အထောက်အပံ့ပြုနိုင်ရန် လူများစွာအတွက် အာမခံချက်မပေးနိုင်ခြင်းကြောင့် စိတ်ဓာတ်ပြင်းထန်ပြီး ဇွဲကောင်းသည့်သည့် လူအနည်းစုအတွက်သာ သင့်တော်မည်ဖြစ်ပါတယ်။ သို့ရာတွင် အချို့သောလူကြီးသူမ မိဘများအနေနှင့် အထူးသဖြင့် အနောက်နိုင်ငံများမှ လူကြီးသူမမိဘများအများစုအနေနှင့် လူငယ်များကို ဆုံးမရာတွင် မိမိနှစ်ခြိုက်ခုံမင်ရာ ဝါသနာပါသည့် အလုပ်ကိုသာ ဘ၀သက်မွေးဝမ်းကျောင်းအဖြစ် မွေးမြူသင့်ကြောင်း တိုက်တွန်းအားပေးတတ်ကြပါတယ်။ အကြောင်းရင်းများအနေနှင့် မိမိဝါသနာပါသည့်အလုပ်ကို လုပ်ကိုင်နေရပါမူ မောပန်းငြီးငွေ့လွယ်မှု မဖြစ်စေခြင်း၊ အလုပ်ကို ကျေနပ်စွာလုပ်ကိုင်နေရခြင်း၊ စွမ်းဆောင်ရည်မြင့်မားစွာ လုပ်ဆောင်နိုင်ခြင်း၊ ရိုးရှင်းသည့်ဘ၀ကို ပိုင်ဆိုင်နိုင်ပြီး လွတ်လပ်မှုနှင့် ပျော်ရွှင်မှုတို့ကို ခံစားနိုင်ခြင်း၊ မိမိ၏ စိတ်အခြေအနေကို အနီးကပ်သတိထားလာနိုင်သလို မိမိကိုယ်ကိုလည်း ယုံကြည်မှုများ ပိုမိုတိုးပွားစေခြင်း၊ ကြုံတွေ့လာသည့် အခက်အခဲများ အတားအဆီးကို ကျော်လွှားနိုင်သည့် ခွန်အားများရှိခြင်း၊ မိမိကိုယ်ကိုယ်နှင့် မိမိ၏သက်မွေးပညာအပေါ် မိမိကိုယ်တိုင် လွှမ်းမိုးစေနိုင်ခြင်း စသည့် အကျိုးကျေးဇူးများကို ရရှိပိုင်ဆိုင်နိုင်မည် ဖြစ်ပါတယ်။

သို့ရာတွင် ကျွန်တော်တို့အနေနှင့် Profession နှင့် Passion တစ်ထပ်တည်း မကျသူများအတွက် Profession မှ Passion သို့ မည်သို့ဆက်နွှယ်လုပ်ဆောင်နိုင်ပါမည်နည်း။ သို့မဟုတ် သီးခြားလုပ်ဆောင်ရပါမည်လား။ သို့မဟုတ် တစ်ချိန်တည်းမှာပင် Passion ကို Profession သို့ ထပ်တူကျအောင် အဘယ်သို့အဘယ်ပုံ လုပ်ဆောင်နိုင်ပါမည်နည်း။ အဆိုပါမေးခွန်းအတွက် မိမိ၏ နှစ်သက်မြတ်နိုးခုံမင်သည့်အရာ Passion သည် အဘယ်အရာဖြစ်သည်ကို ရှာဖွေဖို့ လိုပါတယ်။ ပန်းချီပညာကို ဝါသနာပါသူတစ်ယောက်အနေနှင့် ပန်းချီပညာကို မိမိသက်မွေးပညာအတွက် လုံးဝဥဿုံ ခြေစုံပစ်ဝင်စရာမလိုပါချေ။ ထိုအစား မိမိမြတ်နိုးဝါသနာပါရာ ပန်းချီပညာမှတစ်ဆင့် ပုံဆွဲဒီဇိုင်းထုတ်ခြင်း၊ ဂရပ်ဖစ်ဒီဇိုင်းကဲ့သို့ ရှိရင်းစွဲပန်းချီပညာနှင့် ဆက်နေပြီး ဝင်ငွေတိုးပွားနေနိုင်သည့် သက်မွေးပညာရပ်များကို လေ့ကျင့်သင်ယူရင်း လိုက်စားနိုင်ပါတယ်။ ထိုသို့ လိုက်စားရာတွင် ဝါသနာရှင်အဆင့်ထက် ပိုမိုကျော်လွန်ဖို့လိုလာပါမယ်။ အထူးသဖြင့် နှံ့စပ် ကျွမ်းကျင်သူ ပညာရှင်အဆင့် သို့မဟုတ် Professional Level ဖြစ်ဖို့လိုပါမယ်။ ထို့ကြောင့် လိုအပ်သည့်အရည်အချင်းများကို ပြည့်စုံစေရေးသင်တန်းများကို ရုံးပိတ်ရက်များ၊ အလုပ်သိမ်းချိန်များတွင် တက်ရောက်ရင်း ‘The more you learn, the more you will earn’ ဆိုသည့်အတိုင်း သင်ယူလေ့လာခြင်းများမှသည် ပိုမိုကျွမ်းကျင်လာခြင်းများနှင့်အတူ ဝင်ငွေပိုရလေလေ ဖြစ်ပါမည်။

အချုပ်ဆိုရပါသော် ယနေ့လူအများစုမှ ဘ၀အာမခံချက်နှင့် မိသားစုဘ၀ဖူလုံရေးအတွက် သက်မွေးပညာရပ်ကို အဓိကထား လေ့လာလိုက်စားပြီး မိမိနှစ်သက်မြတ်နိုး ခုံမင်ရာ Passion ကို ခဏမေ့ထားခြင်း သို့မဟုတ် အားလပ်ချိန် အပန်းဖြေစရာအဖြစ်သာ သတ်မှတ်ထားကြသော်လည်း အနည်းစုသော လူတစ်စုသည်သည်သာ သူတို့၏ Passion ကို Profession အဖြစ် နှစ်သက်စွဲလန်းစွာ လုပ်ကိုင်နေကြတာကို တွေ့ရပါတယ်။ ထို့ကြောင့် မိမိအနေနှင့် Passion နှင့် Profession တစ်ထပ်တည်းကျပါက အလွန်ကံကောင်းသည့်သူဟု ယူဆညွှန်းဆိုနိုင်ပါတယ်။ သို့ရာတွင် အဓိကနှင့် သာမညခွဲခြားရာတွင် မိမိအတွက်မည်သည်က ပိုအရေးကြီး ပိုအဓိကကျကြောင်း ခွဲခြားဆုံးဖြတ်နိုင်မည်ဆိုပါက ဘ၀ရပ်တည်ရေးအတွက် Profession တစ်ခုတည်းကိုသာ အားပြုရပ်တည်နိုင်သကဲ့သို့ Profession နှင့် Passion တစ်ထပ်တည်းကျသည်အထိ လုပ်ဆောင်၍ ဘ၀တိုးတက်အောင်မြင်ရေးကို ရှေးရှုလုပ်ဆောင်နိုင်ပါကြောင်း ညွှန်းဆိုလိုပါတယ်။ 

 

မော်ထွန်း (ပညာရေး)

Source: https://www.prnewswire.com/news-releases/deloitte-study-only-13-percent-of-the-us-workforce-is-passionate-about-their-jobs-300469952.html
               https://www.whatcareerlive.co.uk/advice/eightyfour-percent-of-young-people-not-pursuing-their-passions
              https://qz.com/29058/workers-outside-the-us-are-more-likely-to-pursue-their-dream-jobs/

You may also like...

Leave a Reply

Your email address will not be published. Required fields are marked *