မြန်မာနိုင်ငံ၏ နိုင်ငံရေးအကျပ်အတည်းနှင့် ထွက်ပေါက်ရှာဖွေကြည့်ရှုခြင်း

၁။ လက်ရှိမြန်မာနိုင်ငံ၏ နိုင်ငံရေးအခြေအနေသည် ထိရှလွယ်သော အကျပ်အတည်း (Dead Lock) အတွင်းသို့ ရောက်ရှိနေပြီဟု ဆိုရပါမည်။

၂။ ထူးခြားသည်မှာ ဤနိုင်ငံရေးအကျပ်အတည်းသည် အာဏာရ NLD ပါတီအစိုးရနှင့် အဓိကအတိုက်အခံဖြစ်နေသော (ပြည်ခိုင်ဖြိုးပါတီ + တပ်မတော်) နှစ်ဖက်ကြားတွင်သာမက၊ တိုင်းရင်းသားပြည်နယ်အချို့နှင့် NLD ကို ထောက်ခံအားပေးခဲ့ကြသော ပြည်သူလူထုအင်အားစုများအကြားတွင်ပါ လေးပွင့်ဆိုင်အကျဉ်းအကျပ်ထဲသို့ ရောက်ရှိနေခြင်းပင် ဖြစ်သည်။

၃။ ပြည်တွင်းငြိမ်းချမ်းရေး၊ ရခိုင်အရေး၊ မြစ်ဆုံအရေး၊ ခြေ/ဥ ပြင်ဆင်ရေးတို့ကို ဗဟိုပြုဖြစ်ပေါ်နေသော ဤနိုင်ငံရေးအကျပ်အတည်းသည် မကြာမီပင် မုန်တိုင်းတစ်ခုအဖြစ် ရောက်ရှိလာဖွယ်ရှိပါသည်။

၎။ ဤနိုင်ငံရေးမုန်တိုင်းသည် လွယ်လွယ်နှင့် ငြိမ်းချမ်းဖွယ်ရာမရှိပါ။ အကယ်၍များ ဤမုန်တိုင်းသည် ထွက်ပေါက်မရှိဘဲ ပိတ်မိနေမည်ဆိုပါက မြန်မာနိုင်ငံ၏ ဒီမိုကရေစီလမ်းကြောင်းသည် မူလရည်မှန်းချက်မှ သွေဖည်သွားနိုင်ပြီး ပြည်တွင်းမှ အဖွဲ့အစည်းများ၏ တွန်းကန်မှု၊ ပြည်ပမှ နိုင်ငံတကာ၏ ဖိအားပေးမှု၊ ဤနှစ်ခုအကြားတွင် ပြင်းထန်စွာ ပေါက်ကွဲ၊ ထိခိုက်ခံစားရဖွယ် ရရှိနိုင်ပါသည်။

၅။ NLD အစိုးရသည် ၎င်းတို့၏ မူလကြွေးကြော်ချက်များဖြစ်သော ပြည်တွင်းငြိမ်းချမ်းရေး၊ ခြေ/ဥ ပြင်ဆင်ရေး၊ နိုင်ငံစီးပွားဖွံ့ဖြိုးတိုးတက်ရေးတို့အတွက် ကြိုးစားဆောင်ရွက်ခဲ့ကြသော်လည်း သုံးနှစ်သက်တမ်းလွန်မြောက်လာသည့်တိုင် အဆိုပါ သုံးချက်စလုံးကို အောင်အောင်မြင်မြင် ထိထိရောက်ရောက် ဆောင်ရွက်နိုင်ခြင်းမရှိသေးဟု ဆိုရပါမည်။

၆။ ပြည်တွင်းငြိမ်းချမ်းရေးအတွက် NCA လမ်းကြောင်းဖြင့် သွားနေသော်လည်း မည်မည်ရရ ဘာမျှဖြစ်မလာခဲ့ပါ။ တိုင်းရင်းသားလက်နက်ကိုင်အဖွဲ့အစည်းများ၏ ဖက်ဒရယ်စနစ်၊ ကိုယ်ပိုင်ပြဋ္ဌာန်းခွင့်၊ လူမှုရေးစီးပွားရေး တောင်းဆိုမှုများဖြင့် လုံးချာလည်လိုက်နေပါသည်။

၇။ ငြိမ်းချမ်းရေးအတွက် NLD အစိုးရနှင့် တပ်မတော်တို့၏ ကြိုးပမ်းမှုများသည် အောင်မြင်မှုရသင့်သလောက် မရခဲ့ပါ။ ဤအချိန်မှာပင် ဘူးလေးရာ ဖရုံဆင့်ဆိုသလိုပင် ရခိုင်တွင် ARSA နှင့် AA တို့၏ ဆူပူလှုပ်ရှားမှုများဖြစ်ပေါ်လာခဲ့သည်။ ရခိုင်အရေးသည် MNDA ၏မြောက်ပိုင်းအရေးအခင်းထက်ပိုမိုကိုင်တွယ်ရခက်ခဲပြီး ရခိုင်တိုင်းရင်းသားများ၏ လူမျိုးရေးစိတ်ဓာတ်ပြင်းထန်မှုကြောင့် ပိုမိုရှုပ်ထွေးကျယ်ပြန့်လာဖွယ်ရာ ရှိနေပါသည်။

၈။ NLD အစိုးရသည် ရခိုင်အရေး (ဘင်္ဂါလီအရေး) ကြောင့် နိုင်ငံတကာ (အထူးသဖြင့် အနောက်အုပ်စု) ၏ ထောက်ခံမှုပျက်ယွင်းသွားခဲ့ပါသည်။ NLD အစိုးရသည် မူလမဟာမိတ် အနောက်အုပ်စုထောက်ခံမှု ပြန်လည်ရရှိအောင် ကြိုးစားရင်းနှင့်ပင် ပြည်တွင်း၌ သဘောကွဲလွဲမှုများ ရှိလာခဲ့သလို၊ ပြည်ပမှလည်း ကုလသမဂ္ဂအပါအဝင် အင်အားကြီး အနောက်အုပ်စု၏ အစီအစဉ်တကျ တိုးမြှင့်ဖိအားပေးမှုများကိုလည်း ရင်ဆိုင်လာခဲ့ရသည်။ ရခိုင်အရေးနှင့် ပတ်သက်၍ NLD ၏ကြိုးပမ်းဆောင်ရွက်မှုသည် ခုတ်ရာတခြား၊ ရှရာတခြားဖြင့် ရလဒ်မကောင်းခဲ့ဟုပင် ဆိုရပါမည်။

၉။ ဤသို့ဖြင့် NLD သည် ၎င်း၏ အနောက်မျှော်ဝါဒသည် အလုပ်မဖြစ်နိုင်တော့မှန်း သိလာခဲ့သည်။ နိုင်ငံတကာဆက်ဆံရေးနယ်ပယ်တွင် နိုင်ငံငယ်များအတွက် အင်အားကြီးနိုင်ငံတစ်နိုင်ငံ (ဗီတို Veto) အာဏာရှိသောနိုင်ငံ၏ ထောက်ခံအားပေးမှုမရှိဘဲ ရပ်တည်ရန်ခက်ခဲပါသည်။ အထူးသဖြင့် မိမိနိုင်ငံနှင့် ကျောခြင်းကပ် သို့မဟုတ် ရင်ခြင်းအပ်နေသောနိုင်ငံကြီးများနှင့် သင့်မြတ်ရန်ပို၍ အရေးကြီးပါသည်။ ဤအခြေအနေများကပင် NLD အစိုးရအားအရှေ့မျှော်ဝါဒကို ပြောင်းလဲကျင့်သုံးရန် တွန်းပို့ခြင်း ခံခဲ့ရပါတော့သည်။

၁၀။ NLD အစိုးရသည် တရုတ်နှင့် အိန္ဒိယနိုင်ငံတို့နှင့် ဆက်ဆံရေးကောင်းမွန်အောင် လုပ်ဆောင်ခဲ့ပါသည်။ အထူးသဖြင့် ယခင်စစ်အစိုးရ၏ မိတ်ဆွေဟောင်းတရုတ်အစိုးရနှင့် ပြန်ပေါင်းထုပ်ရန် (မလွဲမရှောင်သာ) ကြိုးပမ်းရပါတော့သည်။ တရုတ်၏ စီးပွားရေးမဟာဗျူဟာစီမံကိန်း ‘ခေတ်သစ်ပိုးလမ်းမကြီး’ ရပ်ဝန်းနှင့်လမ်းကြောင်း Belt and Road Initiatiue (BRI) တွင်ပါဝင်ရန် သဘောတူခဲ့ရပါသည်။

၁၁။ နိုင်ငံတော် အတိုင်ပင်ခံပြောခဲ့သလိုပင် အိမ်နီးချင်းတိုင်းပြည်ဆိုသည် မိမိတို့က ရွေးချယ်၍ရသောအရာမဟုတ်ပါ။ မိမိတို့ကြိုက်သည် ဖြစ်စေ၊ မကြိုက်သည်ဖြစ်စေ အိမ်နီးချင်းကတော့ အိမ်နီးချင်းသာဖြစ်၏။ အိမ်နီးချင်းအထူးသဖြင့် အင်အားကြီးအိမ်နီးချင်းနိုင်ငံနှင့် မိမိနိုင်ငံ၏ အမျိုးသားစီးပွားအတွက် အဆင်ပြေအောင် ပေါင်းသင်းနိုင်ရန်လိုပါသည်။

၁၂။ တရုတ်နိုင်ငံသည် ၁၉၈၈ ခုနှစ် စစ်အစိုးရအပေါ် နိုင်ငံတကာဖိအားများကျရောက်စဉ်ကစ၍ မြန်မာနိုင်ငံအပေါ် ကူညီထောက်ခံအားပေးမှုရှိသကဲ့သို့ အခြားတစ်ဖက်တွင်လည်း စစ်အစိုးရထံမှ စီးပွားရေးအခွင့်အလမ်းများ ရယူမှုများရှိခဲ့ပါသည်။

၁၃။ ယခု NLD အစိုးရနှင့် တစ်ကျော့ပြန်ဆက်ဆံရေးတွင်လည်း စီးပွားရေးသာမက ပြည်တွင်းငြိမ်းချမ်းရေးကိစ္စများပါဆက်စပ်မှုများ ရှိလာနိုင်ပါသည်။ ဤအခြေအနေများကြောင့် NLD အစိုးရသည် တရုတ်အလိုကျ မြစ်ဆုံကိစ္စကို ပြန်လည်အသက်သွင်းရန် ကြိုးပမ်းလာခြင်းဖြစ်သည် ဟုယူဆဖွယ်ရာရှိပါသည်။

၁၄။ NLD အစိုးရအတွက် ပြဿနာမှာ ၎င်းကို ထောက်ခံအားပေးခဲ့ကြသော ပြည်သူများက မြစ်ဆုံကိစ္စနှင့်ပတ်သက်၍ သဘောထားကွဲလွဲစွာ တုံ့ပြန်မှုများရှိလာခြင်းပင် ဖြစ်ပါသည်။ မြစ်ဆုံကိစ္စသည် NLD အစိုးရအတွက် ပြည်သူများ၏ ပြင်းထန်သော ထိုးနှက်ချက် ဖြစ်လာဖွယ်ရာ ရှိပါသည်။

၁၅။ NLD အစိုးရသည်တပ်မတော်နှင့် ရင်ကြားစေ့ရေးအတွက် သတိထားဆောင်ရွက်နေခဲ့သော်လည်း ရခိုင်အရေးကြောင့် တပ်မတော်နှင့် ပူးတုံခွာတုံ ဖြစ်လာခဲ့သည်။ ရခိုင်ပြည်နယ်လုံခြုံရေးအတွက် တပ်မတော်၏ အခန်းကဏ္ဍသည် အရေးပါလာသဖြင့် (ပူးတုံ) ပြုခဲ့ရသော်လည်း တပ်မတော်အပေါ် နိုင်ငံတကာမှ (ICC)ဖိအားပေးစွပ်စွဲ အရေးယူမှုများ ဖြစ်လာသည့်အခါ (ခွာတုံ) ပြုခဲ့ပြန်ပါသည်။

၁၆။ တစ်ချိန်တည်းတွင် NLD အစိုးရသည် ၂၀၂၀ ရွေးကောက်ပွဲအတွက် ခြေ/ဥ ပြင်ဆင်ရေးလှုပ်ရှားမှုများကို စတင်လာခဲ့သည်။ ခြေ/ဥ ပြင်ဆင်ရေးသည် NLD အစိုးရ အာဏာရစဉ်ကပင် ကြွေးကြော်အော်ဟစ်ခဲ့သော ကိစ္စဖြစ်သည်။
ယခုကဲ့သို့ သုံးနှစ်ကျော်ကြာမှ စတင်ဆောင်ရွက်လိုခြင်းသည် အမှန်တကယ်ပြင်ချင်တာမှဟုတ်ရဲ့လား၊ ရွေးကောက်ပွဲ အတွက် စည်းရုံးဆောင်ရွက်လိုခြင်းမျှသာပဲလားဆိုသည်မှာ မသဲကွဲပါ။ ဘာပဲဖြစ်ဖြစ် ပွဲကတော့ (ဆူ) သွားသည်မှာ အမှန်ပဲဖြစ်သည်။ ယခုကဲ့သို့ တမင်ပွဲဆူအောင်လုပ်တာလည်း ဖြစ်နိုင်ပါသည်။ အကျိုးသက်ရောက်မှုမှာ ဤကိစ္စကြောင့်ပင် တပ်မတော်နှင့် ထိပ်တိုက်ရင်ဆိုင်ခဲ့ရပြီး တပ်မတော်နှင့် ဆက်ဆံရေးအခြေအနေမှာ သိသိသာသာပင် ဆိုးဝါးသွားခဲ့ခြင်းဖြစ် ပါသည်။

၁၇။ ဤခြေ/ဥ ပြင်ဆင်ရေးလှုပ်ရှားမှုကြောင့်ပင် NLD အစိုးရနှင့် တပ်မတော်တို့အကြား မူလတည်းကရှိနေခဲ့သော အမုန်းတရားအာဃာတများသည် ဗူးပေါ်သလို ပေါ်လာခဲ့ပါသည်။

တပ်မတော်ဘက်မှ လွှတ်တော်အတွင်း/အပြင် ကန့်ကွက်ဆန့်ကျင်မှုများ ပြင်းထန်လာခဲ့သလို၊ NLD ဘက်မှလည်းတပ်မတော်အပေါ် တိုက်ခိုက်ထိုးနှက်မှု၊ စွပ်စွဲပြောဆိုမှုများ ပေါ်ပေါ်ထင်ထင် ပြုလုပ်သည်များ ရှိလာခဲ့ပါသည်။ တပ်မတော်မုန်းတီးရေး၊ လှုံ့ဆော်လှုပ်ရှားမှုများ ရှိလာခဲ့ပါသည်။ ၎င်းတို့အနက် ‘ဒေါင်းတို့မျိုးဆက်’ သံချပ်အဖွဲ့၏ တပ်မတော်ဆန့်ကျင်ရေး ဆောင်ရွက်မှုသည် နိုင်ငံတော်အဆင့်အဖွဲ့အစည်းတစ်ခုကို ဥပဒေမဲ့ရှုတ်ချစော်ကားမှုတစ်ခုအဖြစ် အရုပ်ဆိုးစွာဖြစ်ပေါ်လာခဲ့ပါသည်။

၁၈။ အလားတူပင် တပ်မတော်နှင့် ပြည်ခိုင်ဖြိုးကို ထောက်ခံနေသော အမျိုးသားရေး ရှေ့တန်းတင်နေသူများကလည်း တန်ပြန်ဟောပြောဆန္ဒပြမှုများကို ပြင်းပြင်းထန်ထန် ပြုလုပ်ခဲ့ကြပါသည်။ ‘ဒေါင်းတို့ မျိုးဆက်’ နှင့် အခြားမီဒီယာ/ပုဂ္ဂိုလ်များကို တပ်မတော်က ဥပဒေကြောင်းအရ တရားစွဲဆိုခဲ့သလို၊ NLD အစိုးရဘက်မှလည်း ဦးဝီရသူအပါအဝင် အချို့သောပုဂ္ဂိုလ်များကို တရားစွဲဆိုမှုများ ပြုလုပ်ခဲ့ပါသည်။ အခြေအနေက တစ်ဖက်ကို တစ်ဖက်က အမြစ်ဖြတ်ချေမှုန်းတော့မည့် ပုံသဏ္ဌာန်မျိုးဖြစ်ပါသည်။

၁၉။ မြန်မာ့နိုင်ငံရေးအခင်းအကျင်းသည် ဤပုံဤနည်းအတိုင်းသာ ဆက်လက်စခန်းသွားနေမည်ဆိုပါက ၂၀၂၀ ရွေးကောက်ပွဲမတိုင်မီ ပေါက်ကွဲသွားနိုင်ပါသည်။ NLD ပါတီနှင့်ဝန်းရံသူများကလည်း တပ်မတော်ကို သွေးတိုးစမ်းနေကြသည်။ တပ်မတော်ကလည်း (တို့တော့ မလို၊ ဆိတ်တော့မလိုနှင့်) စောင့်ကြည့်နေသည့်သဘောမျိုး၊ (အေ)ပလန် (A Plan ) အတိုင်း သွားနေသည် ဟုယူဆရသည်။ (ဘီ)ပလန် (B Plan ) ကို ဘယ်တော့ထုတ်သုံးမည်မသိ။ အသည်းကတော့ အတော့်ကိုယားနေပြီဖြစ်ပါသည်။

၂၀။ ဤနိုင်ငံရေးအကျပ်အတည်းကို အသည်းတယားယားဖြင့် ထိုင်ကြည့်နေကြမည့်အစား ထွက်ပေါက်ကို ဝိုင်းဝန်းရှာဖွေပေးရန် လိုအပ်ပါသည်။

၂၁။ မိမိရှာဖွေပေးလိုသော ထွက်ပေါက်မှာ ၂၀၀၈ ခြေ/ဥကို သည်အတိုင်း ခဏထားပြီး ၂၀၂၀ ရွေးကောက်ပွဲကို ပုံမှန်လမ်းကြောင်းအတိုင်း ယှဉ်ပြိုင်ကြရန်ဖြစ်သည်။ ပွဲဆူအောင် အခြားနည်းလမ်းတွေအသုံးမပြုဘဲ ဒီမိုကရေစီနည်းလမ်းကျကျ ပြည်သူများ၏ အဆုံးအဖြတ်ကို ခံယူကြရန်ဖြစ်သည်။ ပြည်သူများအနေနှင့်လည်း ၂၀၁၅ တုန်းကလိုအခြေအနေမျိုး မဟုတ်ကြတော့ပါ။ အတော်အတန်ရင့်ကျက်နေကြပြီ ဖြစ်သည်။ အကျိုးနှင့်အပြစ်၊ အကောင်းနှင့်အဆိုးကို သိမြင်လာနိုင်ကြပြီ ဖြစ်သည်။ ရွေးကောက်ပွဲဟူသည် သူနိုင်ကိုယ်နိုင် တစ်ဖက်နှင့်တစ်ဖက် ကိုယ်ကောင်းကြောင်း၊ သူများမကောင်းကြောင်းပြောပြီး မဲဆွယ်ကြသည်ကတော့ မဆန်းပါ။ လွန်လွန်ကဲကဲ နိုင်ငံရေးအကြမ်းမဖက်ကြရန်သာ အရေးကြီးပါသည်။ ရွေးကောက်ပွဲပြီးမှသာ အနိုင်ရပါတီအစိုးရက ၂၀၀၈ ခြေ/ဥကို ပြင်ဆင်လိုက စတင်ပြင်ဆင်ကြရန် ဖြစ်ပါသည်။

၂၂။ မည်သို့ပင်ဖြစ်စေ ၂၀၂၀ ရွေးကောက်ပွဲတွင် NLD ပါတီမှပင် အကဲသာမှု ရှိနေဦးမည်ဖြစ်ပါမည်။ သို့ရာတွင် ၂၀၁၅ ကလို အုန်းအုန်းကျွက်ကျွက် တစ်ခဲနက်အောင်ပွဲခံနိုင်ဦးမလား၊ နှာတစ်ဖျားနှင့် အသာကပ်နိုင်မှာလားဆိုသည်မှာမူ သိပ်မသေချာတော့ဟု ဆိုရပါမည်။

၂၃။ မိမိအမြင်ပြောရလျှင် ရွေးကောက်ပွဲတစ်ခုတွင် တစ်ဖက်ဖက်မှ အပြတ်အသတ် အနိုင်ရခဲ့ပါက အနိုင်ရပါတီသည် ဒီမိုကရေစီမှသည် အာဏာရှင်အဖြစ်သို့ တွန်းပို့ခြင်းခံရတတ်ပါသည်။ ယခုအခါ လွှတ်တော်ကိုယ်စားလှယ်များ၏ ၂၅ ရာခိုင်နှုန်းကို တပ်မတော်က ရယူထားသဖြင့် လွှတ်တော်၏ဟန်ချက်ကို ထိန်းညှိခြင်း (Check and Balance) ကို အထိုက်အလျောက် လုပ်နိုင်သေးသည်။ အကယ်၍များ တပ်မတော်သည် န်ိုင်ငံရေးမှ လုံးဝထွက်ခွာသွားချိန်တွင်မူ လွှတ်တော်၏ဟန်ချက် ပျက်သွားနိုင်ပါသည်။ သို့ဖြစ်၍ ရွေးကောက်ပွဲစနစ်ကို နိုင်သူအကုန်ယူ (Winner takes all ) စနစ်အစား မဲအချိုးကျဖြင့် ရယူသည့်စနစ် PR ( Proportional Representation) စနစ်ကျင့်သုံးလျှင် ပို၍ ပို၍ ဒီမိုကရေစီဆန်မည်ထင်သည်။ PR စနစ် ကျင့်သုံးခြင်းသည် တပ်မတော်အား လွှတ်တော်အတွင်းမှ စောစီးစွာထွက်သွားကောင်း ထွက်သွားစေနိုင်သည့်အချက်ဖြစ်ပါသည်။

၂၄။ မြန်မာနိုင်ငံ၏ လက်ရှိနိုင်ငံရေးအခြေအနေမှာ တစ်ဖက်နှင့် တစ်ဖက် ရန်ငြှိုးများ မပြေကြသေးဘဲ အာဃာတအဖုအကြိတ်များ ရှိနေကြဆဲဖြစ်ရာ ပါတီတစ်ခုခုမှ တောင်ပြိုကမ်းပြို လုံးဝအာဏာရသွားခြင်းမျိုးမဟုတ်ဘဲ အာဏာကိုမျှတစွာ ခွဲဝေယူပြီး စုပေါင်းခေါင်းဆောင်နိုင်သည့်အစိုးရမျိုးဖြစ်လျှင် ပိုကောင်းမည်ထင်ပါသည်။ အမှန်တော့ မြန်မာနိုင်ငံသည် ဒီမိုကရေစီစနစ်နှင့် အသားမကျသေးပါ။ သို့ဖြစ်ပါ၍ တစ်ဦးတစ်ယောက်၊ တစ်ပါတီလက်ထဲသို့ အာဏာကို အပ်နှင်းခြင်းသည် ဒီမိုကရေစီလမ်းကြောင်းမှ သွေဖည်သွားနိုင်သည်ကို သတိပြုသင့်ပါသည်။

၂၅။ မိမိယူဆချက်မှာ ၂၀၂၀ မတိုင်မီ တပ်မတော်မှ ပြည်တွင်းငြိမ်းချမ်းရေးရအောင် အဓိကထား ဦးစီးဆောင်ရွက်သင့်သည်။ NLD ပါတီအစိုးရအနေနှင့်လည်း နိုင်ငံဖွံ့ဖြိုးတိုးတက်ရေးနှင့် တရားဥပဒေစိုးမိုးရေးကို အဓိကထားဆောင်ရွက်သင့်သည်။ ပြည်သူလူထုအနေနှင့် အထက်ပါတပ်မတော်နှင့် အစိုးရတို့၏ အဓိကလုပ်ငန်းများကို ပူးပေါင်းပါဝင်ဆောင်ရွက်သင့်ပါသည်။

၂၆။ နိဂုံးချုပ်တင်ပြလိုသည်မှာ လက်ရှိမြန်မာနိုင်ငံ၏ နိုင်ငံရေးအခြေအနေသည် ထူးမခြားနားပြဇာတ်တစ်ပုဒ်ကို ကြည့်နေရသလိုပင် ပျင်းရိငြီးငွေ့ဖွယ်ဖြစ်နေပါသည် (It gets boring just being at the current political situation in Myanmar.)။ လက်ရှိ လမ်းအို/လမ်းဟောင်း (Wheel Track) ကြီးအတွင်းမှ တိုးထွက်ပြီး လမ်းသစ်တစ်ခုကို ဖောက်နိုင်မှသာလျှင် ဒီမိုကရေစီခရီး မြန်မြန်ရောက်မည်ဖြစ်ပါသည်။ တစ်ဖက်နှင့်တစ်ဖက် ကွဲပြားခြားနားမှု နည်းပါးသော အစွန်းမရောက်သော ရင်ကြားစေ့ရေးနှင့် နိုင်ငံရေးသမမျှခြေရှိမှု (Political Neutralization) ကို ဖန်တီးနိုင်မှသာလျှင် မြန်မာနိုင်ငံ၏ နိုင်ငံရေးအခြေအနေသည် ပိုမိုစိတ်ဝင်စားဖွယ်ကောင်းလာမည်ဟု ယူဆရပါကြောင်း တင်ပြအပ်ပါသည်။ 

 

မောင်တင်စိုး (လူရည်ချွန်-ရန်ကုန်)

You may also like...

Leave a Reply

Your email address will not be published. Required fields are marked *