ခြံစည်းရိုး အန္တရာယ်

ယနေ့ မြန်မာနိုင်ငံတွင် ငါ့အသိုင်းအဝိုင်း၊ မင်းအသိုင်းအဝိုင်းဟု လူမျိုးရေး ဘာသာရေး ခွဲခြား ခြံစည်းရိုးခတ်ခြင်းများလာသည်။ Identity Politics တစ်ကျော့ပြန်ခေါင်းထောင်လာခြင်းကို မြန်မာတွင်သာမက ကမ္ဘာတွင်ပါ ကြုံတွေ့နေရသော်လည်း မြန်မာကဲ့သို့ ဒီမိုကရေစီအသွင်ကူးပြောင်းနေဆဲ နိုင်ငံအတွက်မူ အန္တရာယ်ပိုကြီးသည်။ မြန်မာ့သမိုင်းကြောင်းကို အနည်းငယ်သိလျှင်ပင် အန္တရာယ်အတိုင်းအတာကို သဘောပေါက်နိုင်သည်။

ဒီမိုကရေစီသည် ပူးပေါင်းဆောင်ရွက်ခြင်းကို အားပေးသည်။ Identity ခြံစည်းရိုးသည် ခွဲခြားခြင်းကို ကိုယ်စားပြုသည်၊ ငါမဟုတ်လျှင် ငါ့အဖွဲ့မဟုတ်လျှင် မကောင်း။ Identity ခြံစည်းရိုးသည် ဒီမိုကရေစီနှင့် ဆန့်ကျင်ဘက်၊ လားရာပြောင်းပြန်ဖြစ်သည့်အတွက် ခြံစည်းရိုးခတ်သူများလာလေလေ ဒီမိုကရေစီ နောက်ပြန်လျှောလေဖြစ်သည်။ Identity ခြံစည်းရိုး တစ်ပေမြင့်လျှင် ဒီမိုကရေစီ လေးငါးဆယ်ပေ နောက်ပြန်လျှောသည်။

Identity ခြံစည်းရိုးတို့သည် ခြံစည်းရိုးများကို ကင်ဆာသဖွယ် ပွားများစေသည်။ ကိုယ့်ဘက်က ခြံစည်းရိုးခတ်လျှင် အခြားဘက်ကလည်း လိုက်ခတ်ခြင်းဖြင့် ခြံစည်းïရိုး များသထက်များ၊ မြင့်သထက်မြင့်လာစေသည်။ မြန်မာနိုင်ငံတွင်း လတ်တလောတွင် ပွားများလာသော ခြံစည်းရိုးမှာ တစ်ဖွဲ့ဖွဲ့က ခြံစည်းရိုး ခတ်နေသည်၊ မခတ်သင့်ဟု ကန့်ကွက်ပြောဆိုကာ သူတို့ကိုယ်တိုင်ကမူ ခြံစည်းရိုးထပ်ခတ်နေကြခြင်းဖြစ်သည်။ ခြံစည်းရိုးကို ခြံစည်းရိုးဖြင့် တိုက်နေကြခြင်း။

လက်နက်ကိုင်ပဋိပက္ခများ ရှိနေဆဲ၊ အသွင်ကူးပြောင်းရေး နယ်ပယ်မျိုးစုံ အလွှာမျိုးစုံတွင် သွားနေဆဲ၊ ပြည်ပဖိအားများ ရှိနေဆဲ၊ ကိုလိုနီခေတ်အပါအဝင် ခေတ်များစွာက အတူနေထိုင်ခဲ့သည့်အတွက် တစ်ချိန်မဟုတ် တစ်ချိန် ကြုံခဲ့ရသည့် အစိုင်အခဲများ အငြှိုးအတေးများကို မျိုးဆက်သစ်များအား လက်ဆင့်ကမ်းပေးနေကြဆဲအချိန်တွင် ခြံစည်းရိုးများ၏ အန္တရာယ်ကို သတိပေးလိုသည်။ မည်သူ့အတွက်မျှ မကောင်းပါ။ 

အယ်ဒီတာ
၂၉.၈.၂၀၁၉

You may also like...

Leave a Reply

Your email address will not be published. Required fields are marked *