အစိုးရမျက်နှာပျက်ဆေး တင်ဒါ

NLD အစိုးရသည် ရွေးကောက်ပွဲများမှတစ်ဆင့် ပြည်သူက တင်မြှောက်ထားသော အစိုးရဖြစ်သောကြောင့် တရားဝင်မှုအရ နိုင်ငံတကာတွင် မျက်နှာငယ်ရရိုး မရှိ။

အခြားသော နိုင်ငံများရှိ ရွေးကောက်ပွဲမှတစ်ဆင့် ဖြစ်တည်လာသော အစိုးရများနည်းတူ တန်းတူရည်တူ ဆက်ဆံန်ိုင်သည့် အစိုးရဖြစ်သည်။

ရွေးကောက်ပွဲတွင် သောင်ပြို ကမ်းပြို မဲရလဒ်ဖြင့် အနိုင်ရခဲ့သော အစိုးရလည်းဖြစ်ရာ အဆက်ဆက်သော အစိုးရနှင့် ယှဉ်လျှင် ၂၀၁၅ ရွေးကောက်ပွဲသည် NLD အစိုးရအတွက် မျက်နှာပွင့်ဆေး ဖြစ်သည်။ ၂၀၁၅ ရွေးကောက်ပွဲသည် NLD အတွက် မျက်နှာပွင့်ဆေးဖြစ်လျှင် အခြားတစ်ဖက်တွင်လည်း NLD အစိုးရအတွက် မျက်နှာပျက်ဆေးရှိသည်။

အခြားမဟုတ် တင်ဒါကိစ္စပင် ဖြစ်သည်။

NLD အစိုးရလက်ထက်တွင် တင်ဒါစည်းကမ်းများသည် တစ်ကြောင်း တစ်ဂါထာ၊ တစ်ရွာတစ်ပုဒ်ဆန်းသည်ဟုပင် လုပ်ငန်းရှင်များက ဆိုကြသည်။ တိုင်း ဒေသကြီးနှင့် ပြည်နယ်အလိုက် တင်ဒါ စည်းကမ်းများကို လိုသလို ဖွင့်ဆိုနေကြသည်ဟု ၎င်းတို့က ယိုးစွပ်သည်။ ယင်းအချက်ကို ပြည်သူ့လွှတ်တော်ကိုယ်စားလှယ် ဒေါ်ယဉ်မင်းလှိုင်ကလည်း ထောက်ခံသည်။

“တင်ဒါရဲ့စည်းမျဉ်းစည်းကမ်းတွေမှာလည်း မျိုးစုံပေါ့။ တစ်ကြောင်းတစ်ဂါထာ၊ တစ်ရွာတစ်ပုဒ်ဆန်းဆိုသလိုဖြစ် နေတာ”ဟု ၎င်းက The Voice Journal သို့ ပြောကြားသည်။

တင်ဒါခေါ်ရာတွင် လိုက်နာရမည့် စည်းကမ်း ၁/၂၀၁၇ ကို နိုင်ငံတော် သမ္မတရုံးက ၂၀၁၇ ခုနှစ်အတွင်း ထုတ်ပြန်ခဲ့ပြီးဖြစ်သည်။

သတ်မှတ်ထားသည့် လုပ်ထုံးလုပ်နည်းနှင့် မညီညွတ်သည့် တင်ဒါခေါ်ယူမှုများ၊ တင်ဒါ စည်းမျဉ်းများအတွင်း လက်တစ်လုံးခြား လုပ်ကိုင်ဆောင်ရွက်မှုများကို ပြင်းပြင်းထန်ထန်အရေးယူသွားမည်ဟု ထပ်မံသတိပေးလိုကြောင်း ဧပြီ ၂၄ ရက်တွင် ပြုလုပ်သည့် ဘဏ္ဍာရေးကော်မရှင် (၂/၂၀၁၉) ကြိမ်မြောက် အစည်းအဝေးတွင် နိုင်ငံတော်သမ္မတ ဦးဝင်းမြင့်ကိုယ်တိုင်ကလည်း ဝန်ကြီးဌာနများသို့ ထပ်မံသတိပေးထားပြီး ဖြစ်သည်။

ဤသို့ဆိုလျှင် ဝန်ကြီးဌာနများသည် လိုက်နာကြပါ၏လော။

ဆန်းကျယ်သော တင်ဒါစည်းမျဉ်းများ

တင်ဒါစည်းမျဉ်းများသည် လိုသလို ရေးဆွဲသောကြောင့် အချို့သော တင်ဒါ စည်းမျဉ်းများမှာ ထူးခြားမှု  ရှိလာသည်။

ဥပမာဆိုရလျှင် တင်ဒါတင်သွင်းသူသည် လူမှုကွန်ရက်နှင့် မီဒီယာများတွင် တင်ဒါစိစစ်ရေးကော်မတီကို အများပြည်သူ အထင်အမြင်လွဲစေရန် ပြောဆိုပါက ဥပဒေနှင့်အညီ တရားစွဲဆိုသွားမည်ဖြစ်ပြီး ဝင်ရောက်ယှဉ်ပြိုင်သည့် တင်ဒါကိုလည်း ပယ်ဖျက်မည်ဟူသည့် အချက်မျိုးဖြစ်သည်။

“ဟုတ်တယ်ဗျ။ Facebook ပေါ် မတင်ရဘူး။ တင်ဒါက ချိပ်ပိတ်လေ။ ချိပ်ပိတ်တင်ဒါဆိုတော့ ဒီတင်ဒါမှာ ပါတဲ့ အချက်အလက်တွေကို တင်ဒါတင်သူပဲ သိရတယ်။ အဲဒီလိုလုပ်ရင် Blacklist အသွင်းခံရမယ် ပြောတယ်”ဟု ဆောက်လုပ်ရေးကုမ္ပဏီတစ်ခုတွင် လုပ်ကိုင်နေသူတစ်ဦးက ဆိုသည်။

အဆိုပါပုဂ္ဂိုလ်၏ ကုမ္ပဏီသည် တင်ဒါလုပ်ငန်းများကို Sub- Contract အရယူလုပ်ကိုင်လျက်ရှိပြီး QC လိုအပ်ပါကလည်း ဝန်ဆောင်မှုပေးလျက်ရှိသည့် ကုမ္ပဏီဖြစ်သည်။

ဤကဲ့သို့အချက်မျိုးသည် ချိပ်ပိတ်တင်ဒါပါအချက်များကို လုပ်ငန်းသဘောအရ လျှို့ဝှက်လုပ်ဆောင်သည်ဟု ဆိုနိုင်သော်လည်း အခြားတစ်ဖက်တွင်မူ တင်ဒါ စိစစ်ရေးကော်မတီ၏ လုပ်ထုံးလုပ်နည်းနှင့် စည်းမျဉ်းစည်းကမ်းများအပေါ် မကျေလည်မှုများရှိခဲ့ပါက ယင်းအချက်များနှင့် ပတ်သက်၍ အများပြည်သူထံ ဖွင့်ဟချက်ကို ပိတ်ပင်သကဲ့သို့ ဖြစ်သည်ဟု ဆောက်လုပ်ရေးလုပ်ငန်းရှင်များက ယူဆလျက်ရှိသည်။

ဆိုလိုသည်မှာ တင်ဒါနှင့် ပတ်သက်သည့် မကျေလည်မှုများအတွက် အများပြည်သူထံ ဖွင့်ဟပါက အမည်ပျက်စာရင်းအသွင်းခံရနိုင်သည်ဖြစ်ရာ မည်သည့်လုပ်ငန်းရှင်ကမှ တင်ဒါစိစစ်ရေး ကော်မတီအပေါ် မကျေလည်မှုကို ဖွင့်ဟဝံ့မည် မဟုတ်ချေ။ ဤစည်းကမ်းချက်မျိုး ထည့်သွင်းခြင်းကို သင့်မသင့် ပြန်လည် စဉ်းစားရမည့်ကိစ္စလည်း ဖြစ်သည်။

တင်ဒါစည်းမျဉ်းများတွင် ဖော်ပြပါ စည်းမျဉ်းများသာမက အခြားသော ဆန်းကျယ်သည့် စည်းမျဉ်းများလည်း ရှိသည်။ သာဓကဆိုရလျှင် “တင်ဒါခေါ်ယူ သည့် ဝန်ကြီးဌာနတွင် အလားတူလုပ်ငန်းကို ရာနှုန်းပြည့် အောင်မြင်အောင် လုပ်ဆောင်နိုင်ခဲ့ကြောင်း အဆိုပါဝန်ကြီးဌာနက ဆုံးဖြတ်လျှင် ၂၀ မှတ်”ဟူသည့် စည်းကမ်းချက်မျိုး ဖြစ်သည်။

ဤသို့သော စည်းကမ်းချက်ကြောင့် အသစ်ဝင်ပြိုင်မည့် ကုမ္ပဏီများမှာ အခက်တွေ့ရသည်။ ယခင်က အောင်မြင်ခဲ့ဖူးသော ကုမ္ပဏီများသည် ပိုမိုအခွင့်အလမ်းကောင်းရသွားသည်ဟု ဆောက်လုပ်ရေး လုပ်ငန်းရှင်များက ဆိုသည်။

ဤစည်းကမ်းချက်မျိုးကို စက်မှုဝန်ကြီးဌာန၏ ဩဂုတ်လ ၂ ရက်က ခေါ်ယူသော နေပြည်တော် စက်မှုကြီးကြပ်ရေးနှင့် စစ်ဆေးရေးဦးစီးဌာန၏ RC သုံးထပ်ရုံးဆောက်လုပ်ရန် ခေါ်ယူသည့် တင်ဒါစည်းမျဉ်းတွင် တွေ့ရသည်။

“စက်မှုဝန်ကြီးဌာနရဲ့ တင်ဒါစည်းမျဉ်းမှာ ဘာပါလဲဆိုရင် စက်မှုဝန်ကြီးဌာနမှာ လုပ်ဖူးတဲ့ ကန်ထရိုက်တာဆို အမှတ် ၂၀ ပေးမယ်တဲ့။ ကျွန်တော် ဆိုလိုတာက ကန်ထရိုက်တာအားလုံးက မြန်မာနိုင်ငံသားတွေချည်းပဲ။ သူတို့နဲ့ လက်ပွန်းတတီးလုပ်တဲ့သူမှသာ ဒီတင်ဒါကို ရမလို ဖြစ်နေတယ်။ အမှတ် ၂၀ ဆိုတာ နည်းတဲ့ အမှတ် မဟုတ်ဘူး။ ဒီတင်ဒါ စည်းကမ်းကို စိတ်ဆိုးပြီး ကျွန်တော်တို့က သွားမတင်တော့ဘူး”ဟု MKT ဆောက်လုပ်ရေးလုပ်ငန်းရှင် ဦးမျိုးမြင့်က ဖွင့်ဟသည်။

ဦးမျိုးမြင့်သည် မြန်မာနိုင်ငံဆောက်လုပ်ရေးလုပ်ငန်းရှင်အသင်း၏ အတွင်းရေးမှူးလည်း ဖြစ်သည်။ ဦးမျိုးမြင့်၏ အတွေ့အကြုံအရဆိုလျှင် တင်ဒါဆွဲသည့် ကုမ္ပဏီဒါရိုက်တာထဲတွင် ဒေါက်တာဘွဲ့ ပါလာပါက အမှတ်ပိုပေးသည့် တင်ဒါစည်းကမ်းကိုပင် ကြုံဖူးကြောင်း ၎င်းက The Voice Journal သို့ ပြန်လည် ပြောပြသည်။

ရေးကြီးသုတ်ပြာ တင်ဒါ

တင်ဒါနှင့်ပတ်သက်လျှင် ဘဏ္ဍာရေးနှစ်ကုန်ခါနီးမှ တင်ဒါခေါ်ခြင်းသည်လည်း လုပ်ငန်းရှင်များအတွက် အခက်အခဲတစ်ခု ဖြစ်သည်။

ထို့ကြောင့်ပင် မြောင်းမြမြို့နယ် မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါက်တာစိုးမိုးသူက ဝန်ကြီးဌာနများသည် ဘတ်ဂျက်ကြိုရသော်လည်း ကြိုတင်ပြင်ဆင်မှု အားနည်းသောကြောင့် တင်ဒါခေါ်ယူမှု နောက်ကျလျက်ရှိကြောင်း၊ တင်ဒါလုပ်ငန်းများကို ဘတ်ဂျက်နှစ်၏ ပထမသုံးလအတွင်း အပြီးအပြတ်ခေါ်ယူရန် ပြည်သူ့လွှတ်တော်တွင် ဆွေးနွေးခဲ့သည်။

ယင်းအချက်ကို ပြည်သူ့လွှတ်တော်ကိုယ်စားလှယ် ဦးဖြိုးဇေယျာသော်ကလည်း လွှတ်တော်တွင် ထောက်ခံခဲ့သည်။

“ပြည်ထောင်စုလွှတ်တော်က ဘဏ္ဍာငွေကို ခွင့်ပြုလိုက်ပြီဆိုတော့မှ တချို့တွေက မြေနေရာတွေကို ပြေးရှာကြတယ်။ တချို့တွေက Drawing ပြေးဆွဲကြတယ်။ အဲဒီလိုပုံစံမျိုးတွေ လုပ်က်ိုင်နေတယ်ဆိုရင် ကျွန်တော်တို့ မျှော်မှန်းသလို သုံးလအတွင်း အချိန်မီ ပြီးစီးဖို့ ခက်ခဲပါလိမ့်မယ်” ဟု ၎င်းက ဆိုသည်။

သာဓကအားဖြင့် စက်မှုဝန်ကြီးဌာနသည် ၂၀၁၈-၂၀၁၉ ဘဏ္ဍာနှစ်အတွက် တင်ဒါတစ်ခုကို ဩဂုတ်လ ၂ ရက်တွင် တင်ဒါခေါ်ယူခဲ့သည်။ အဆိုပါတင်ဒါသည် ၂၀၁၈-၂၀၁၉ ဘဏ္ဍာနှစ်အတွင်း အပြီးတည်ဆောက်ရမည်ဖြစ်ရာ အဆိုပါဘဏ္ဍာနှစ်ကုန်သည့် စက်တင်ဘာလကုန်အထိဆိုပါက နှစ်လခန့်သာ အချိန်ကျန်ရှိသည် ဖြစ်သည်။ နှစ်လအတွင်း တင်ဒါဖွင့်ဖောက်ခြင်း၊ Soil Test စမ်းခြင်းတို့ကိုလည်း ပြုလုပ်ရမည် ဖြစ်သည်။ နှစ်လအတွင်း အပြီးတည်ဆောက်ရမည်ဖြစ်ရာ လုပ်ငန်းအရည်အသွေးအတွက် မေးခွန်းထုတ်ရမည့် ကိစ္စလည်း ဖြစ်သည်။

သို့သော်လည်း အဆိုပါတင်ဒါသည် အရည်အသွေးပိုကောင်းစေရန်အတွက် ဇူလိုင်လဆန်းအတွင်း ခေါ်ယူခဲ့သည့် တင်ဒါကို ပယ်ဖျက်၍ အသစ်ထပ်မံခေါ်ယူခြင်းဖြစ်သည်ဟု စက်မှုဝန်ကြီးဌာနက တင်ဒါတွင် တစ်ပါတည်း ကြေညာခဲ့သည်။

“အခုနှစ်လလိုတယ်ဆိုပေမယ့်လည်း တင်ဒါကို ဘယ်နေ့ဖွင့်မလဲ မသိသေးဘူးလေ။ တင်ဒါပြန်ဖွင့်မှာနဲ့ တင်ဒါ ကြေညာမှာနဲ့က နောက်လလည်း ဖြစ်နိုင်တယ်။ တကယ်လုပ်ရမယ့်အချိန်က တစ်လပဲ ကျန်တယ်။ ဒီတစ်လအတွင်းက Site ထဲမှာ တဲသွားထိုးရမှာနဲ့၊ ရှင်းရမှာနဲ့ ဆိုရင် တော်တော်လေး ခက်ခဲတယ်”ဟု MKT ဆောက်လုပ်ရေးလုပ်ငန်းရှင် ဦးမျိုးမြင့်က အဆိုပါတင်ဒါနှင့်ပတ်သက်၍ ရှင်းပြသည်။

“မြန်မြန်ဆန်ဆန်လုပ်ရတော့ လက်ရာမသေသပ်တာတွေ ဖြစ်တယ်။ နောက်ဆုံးမှာ ဆုံးရှုံးမှုက နိုင်ငံတော်မှာ ဖြစ်တယ်။ အဲဒီဆုံးရှုံးမှုရဲ့နောက်မှာ နာမည်ပျက်တာက ကန်ထရိုက်တာတွေ နာမည်ပျက်တယ်။ နောက်ဆုံးကျ ပုံချလိုက်တာက ကန်ထရိုက်တာမှာ ဖြစ်နေတယ်”ဟု ၎င်းက ဆိုသည်။

အခြားသော ဥပမာပြစရာ ရေးကြီးသုတ်ပြာ တင်ဒါများစွာရှိသည့်အနက် ထင်ရှားသည့်တစ်ခုကို ဆိုရလျှင် ရန်ကုန်မြို့တော်စည်ပင်သာယာရေးကော်မတီ အခွန်ဌာနအောက်ရှိ လုပ်ငန်းများအတွက် ၂၀၁၇ ခုနှစ် မတ်လ အတွင်းက ခေါ်ယူသော တင်ဒါ ဖြစ်သည်။

ယာဉ်ရပ်နားခကောက်ခံခြင်း၊ လမ်းအသုံးပြုခ ကောက်ခံခြင်းတို့အတွက် ခေါ်ယူသော တင်ဒါဖြစ်သည်။

အဆိုပါတင်ဒါအတွက် တင်ဒါ စရောင်းသည့်နေ့မှာ မတ်လ ၂၄ ရက် (သောကြာနေ့) ဖြစ်သည်။ သတင်းစာတွင် တင်ဒါကြော်ငြာသည့်နေ့မှာ မတ်လ ၂၅ ရက်(ရုံးပိတ်ရက် စနေနေ့) ဖြစ်သည်။ မတ်လ ၂၆ ရက်သည် တနင်္ဂနွေဖြစ်ပြီး မတ်လ ၂၇ ရက် (တနင်္လာနေ့) သည်လည်း တပ်မတော်နေ့ဖြစ်၍ ရုံးပိတ်ရက်ပင် ဖြစ်သည်။ သို့သော်လည်း တင်ဒါအရောင်းပိတ်မည့်နေ့မှာ မတ်လ ၂၈ ရက် အင်္ဂါနေ့ ဖြစ်သည်။ ထို့ကြောင့် လုပ်ငန်းရှင်များမှာ အဆိုပါတင်ဒါကို မည်သို့မည်ပုံ ပြင်ဆင်၍ အချိန်မီတင်ကြမည်နည်းဆိုသည်မှာ စိတ်ဝင်စားဖွယ်ဖြစ်သည်။

ထို့နောက် တင်ဒါဖွင့်မည့်နေ့မှာ မတ်လ ၂၉ ရက်ဖြစ်ရာ တင်ဒါစိစစ်သူများသည် တင်ဒါကို တစ်ရက်တည်း စိစစ်၍ ကြေညာမည်လားဟု မေးခွန်းထုတ်စရာပင် ဖြစ်သည်။

ထို့အပြင်ဝန်ကြီးဌာနများ၏ လုပ်ငန်းစွမ်းဆောင်ရည်ကို အကဲဖြတ်ထားသည့် ပြည်ထောင်စုလွှတ်တော်၊ ပြည်သူ့ငွေစာရင်းပူးပေါင်းကော်မတီအစီရင်ခံစာ ၈/၂၀၁၉ အရဆိုလျှင်လည်း ဝန်ကြီးဌာနများသည် ၂၀၁၈-၂၀၁၉ ခြောက်လဘတ်ဂျက်အတွင်း လုံးဝအကောင်အထည်မဖော်နိုင်သည့် လုပ်ငန်းအရေအတွက်မှာ ၅၁ ရာခိုင်နှုန်းနီးပါးရှိပြီး အဓိကအကြောင်းရင်းမှာ အချိန်မီတင်ဒါမခေါ်နိုင်ခြင်းကြောင့်ပင် ဖြစ်သည်။

Soil Test နှင့် PAE ပဟေဠိ

အစိုးရအဆောက်အအုံ ဆောက်လုပ်ရေး တင်ဒါများတွင် ပါဝင်သည့် စည်းကမ်းချက်တစ်ချက်မှာ တင်ဒါ အောင်မြင်ပါက Soil Test စမ်းသပ်ရမည်ဟူသည့် လုပ်ငန်းရှင်၏ ကတိပြုချက်ပင် ဖြစ်သည်။ ယင်းကတိပြုချက်ကို လုပ်ငန်းရှင်များက လိုက်နာရသည်။

Soil Test လုပ်ခြင်းဆိုသည်မှာ အဆောက်အအုံဆောက်မည့် မြေသားသည် အဆောက်အအုံ၏ ဝန်ကို ခံနိုင်ရည် ရှိမရှိ စမ်းသပ်ခြင်းဟု အရပ်စကားဖြင့် ယေဘုယျဆိုနိုင်သည်။

ပုံမှန်အားဖြင့် အင်ဂျင်နီယာလောကတွင် မြေသားကို စမ်းသပ်၍ မြေသားနှင့် ကိုက်ညီသည့် အဆောက်အအုံ Drawing ပုံစံ ရေးဆွဲကြရခြင်း ဖြစ်သည်။ ထို့နောက် ရရှိလာသည့် Drawing ပုံစံအတိုင်း အဆောက်အအုံ ဆောက်ကြခြင်းဖြစ်သည်။

တင်ဒါလျှောက်ရာတွင်မူ ကုမ္ပဏီ Profile ၊ ကုမ္ပဏီတွင်ရှိသည့် စက်ယန္တရားများ၊ ဝန်ထမ်းများအရေအတွက်နှင့် အခြားသော လိုအပ်ချက်တစ်ပုံတစ်ပင်နှင့်အတူ ဆောက်လုပ်မည့် အဆောက်အအုံပုံစံ Drawing ကို ဦးစွာတင်ပြရသည်။ တင်ဒါအောင်မြင်ပါက စာချုပ်ပါက တိပြုချက်အတိုင်း Soil Test ပြုလုပ်ရခြင်းဖြစ်သည်။

ထို့ကြောင့် အရေးကြီးသည့် Soil Test စမ်းခြင်းမှာ တင်ဒါလုပ်ထုံးလုပ်နည်းအရ ဦးစွာမလာဘဲ Drawing ဆွဲပြီးမှသာ ရောက်ရှိလာခြင်းဖြစ်သည်။ ဤသို့ဆိုပါက Drawing ရေးဆွဲရာတွင် မည်သည့် Soil Test ကို အခြေခံ၍ ရေးဆွဲခဲ့သနည်းဟု မေးခွန်းထုတ်ဖွယ်ရာရှိသည်။

ထိုသို့မဟုတ်ဘဲ တင်ဒါအောင် မအောင်မသိမီ Soil Test စမ်းမည်ဆိုပါကလည်း Soil Test စမ်းသပ်ခ ခန့်မှန်း သိန်း ၂၀ ခန့်ကို လုပ်ငန်းရှင်များဘက်က ပိုမိုကုန်ကျမည်ဖြစ်သည်။ ထို့ကြောင့် တင်ဒါအောင်၊ မအောင် မသိရပါဘဲ မည်သည့်ကုမ္ပဏီမှ ကျပ်သိန်း ၂၀ နီးပါးခန့် အကုန်ခံမည်မဟုတ်ချေ။

အချို့သော ဝန်ကြီးဌာနများကမူ Soil Test စမ်းပြီး Drawing ထုတ်ပြီး ပုံစံငယ်ကို တင်ဒါခေါ်သောကြောင့် လုပ်ငန်းရှင်များအတွက် အဆင်ပြေသည်ဟု ဆောက်လုပ်ရေးလုပ်ငန်းရှင်များက ဆိုသည်။

ဤအချက်ကို နိုင်ငံတကာတွင် ဖြေရှင်းသည့် ပုံစံများ ရှိသည်။ ဥပမာအားဖြင့် စင်ကာပူနိုင်ငံတွင် Soil Test စမ်းခြင်းကို တင်ဒါခေါ်သည့် ဝန်ကြီးဌာနကပင် ပြုလုပ်စေသည်။ ပြုလုပ်သည်ဆိုသော်လည်း ဝန်ကြီးဌာနက ကိုယ်တိုင်လုပ်ခြင်း မဟုတ်။ ဝန်ကြီးဌာန၏ ဆောက်လုပ်ရေးလုပ်ငန်းများအတွက် တစ်နှစ်စာ Soil Test စမ်းမည့် ကုမ္ပဏီများကို တင်ဒါခေါ်လိုက်ခြင်းပင်ဖြစ်သည်။ အရည်အသွေးစစ်ဆေးမည့် QC ကုမ္ပဏီများ ကိုလည်း ဤသို့ပင် တင်ဒါခေါ်ယူခြင်းဖြစ်သည်။ တင်ဒါအောင်ကုမ္ပဏီသည် အဆိုပါဝန်ကြီးဌာန၏ ဆောက်လုပ်ရေးလုပ်ငန်းများအတွက် Soil Test များကို စမ်းသပ်ရမည်ဖြစ်သည်။

မြန်မာတွင်မူ သူများနှင့်မတူ ပြောင်းပြန်ဖြစ်လျက်ရှိသည်ဟု လုပ်ငန်းရှင်များက ထောက်ပြကြသည်။

အခြားသော ပြဿနာတစ်ရပ်မှာလည်း ဝန်ကြီးဌာနများက PAE (Plinth Area Estimate) နှုန်းဖြင့် ဘတ်ဂျက် တောင်းခံကြခြင်းဖြစ်သည်။ PAE နှုန်းဆိုသည်မှာ အဆောက်အအုံဧရိယာပေါ်မူတည်၍ ကုန်ကျစရိတ်တွက်ချက်ထားခြင်း ဖြစ်သည်။

သို့သော်လည်း ယင်းစနစ်သည် တောင်ပေါ်၊ မြေပြန့်စသည့် မြေအနေအထားမတူညီသည့်နေရာတွင် PAE နှုန်းဖြင့် နှုန်းသေတွက်ချက်၍ ဘတ်ဂျက်တောင်းခံမှုကြောင့် လုပ်ငန်းရှင်များ အခက်တွေ့ရသည်ဟု MKT ဆောက်လုပ်ရေးလုပ်ငန်းရှင် ဦးမျိုးမြင့်က ဆိုသည်။

ဥပမာအားဖြင့် ရွှံနွံထူထပ်သည့် မြေနေရာတွင် တည်ဆောက်မည့် ဧရိယာ တူညီသော နှစ်ထပ်ကျောင်းဆောင် တစ်လုံး၏ တန်ဖိုးနှင့် တောင်ပေါ်တွင် တည်ဆောက်မည့် ကျောင်းဆောင်တစ်လုံး၏ ကုန်ကျစရိတ်မှာ တူညီနိုင်မည် မဟုတ်ချေ။ ယင်းသို့ မတူညီမှုသည်ကို PAE ပုံသေဈေးဖြင့် တင်ဒါပေးပါက တင်ဒါဆွဲသူရှိမည် မဟုတ်ဟု ၎င်းက ဆိုသည်။

Third-Party အခက်

တင်ဒါအောင်သူများ ဆောက်လုပ်သည့် အဆောက်အအုံ၊လမ်း၊ တံတားတို့သည် အရည်အသွေးမီရန် လိုအပ်ပြီး ယင်းသို့ အရည်အသွေးမီမမီကို အရည်အသွေးစစ်ဆေးရေးအဖွဲ့ (Quality Control – QC)  များက စစ်ဆေးကြသည်။ QC များကို ယခုအခါ Third Party ဟုလည်း ခေါ်တွင်သည်။

အဆိုပါ QC များသည် ကြားလူဖြစ်ပြီး Professional ဆန်သော အဖွဲ့အစည်းဖြစ်သည်။ QC စစ်ခအဖြစ် လုပ်ငန်းတန်ဖိုး၏ နှစ်ရာခိုင်နှုန်းကို လုပ်ငန်းရှင်က ပေးချေရသည်။ ကျပ်သိန်း တစ်ရာလျှင် နှစ်သိန်းဖြစ်သည်။ QC များသည် လုပ်ငန်းရှင်နှင့် အစိုးရမည်သည့် ဘက်မှမလိုက်ဘဲ ကြားနေရန်လိုအပ်သည်ဟု မြန်မာနိုင်ငံဆောက်လုပ်ရေးလုပ်ငန်းရှင်အသင်း အတွင်းရေးမှူးလည်း ဖြစ်သူ ဦးမျိုးမြင့်က ထောက်ပြသည်။

အစိုးရကို မျက်နှာမူ၍ အရည်အသွေးစစ်ဆေးပါက လုပ်ငန်းရှင်များ အခက်တွေ့ရပြီး လုပ်ငန်းရှင်ဘက်လိုက်၍ စစ်ဆေးပါက ပြည်သူ့ဘဏ္ဍာငွေဆုံးရှုံးနိုင်သည်ဖြစ်သောကြောင့် သတ်မှတ်စံချိန်စံညွှန်းအတိုင်းသာ စစ်ဆေးရန် ၎င်းက အကြံပြုသည်။

တင်ဒါအောင်သူသည် လုပ်ငန်းပြီးစီးကြောင်း လက်မှတ်ကို QC ထံမှ ရယူရသည်။ ထို့နောက်မှသာ ငွေထုတ်ခွင့် ရရှိခြင်းဖြစ်သည်။ ငွေထုတ်ရာတွင်လည်း လုပ်ငန်းပြီးစီးမှုအလိုက် အပိုင်းလေးပိုင်းခွဲ၍ ငွေထုတ်ရခြင်းဖြစ်သည်။ သို့သော်လည်း လုပ်ငန်းရှင်များက ငွေထုတ်ရာတွင် နေရာဒေသပေါ်မူတည်၍ လွှတ်တော်ကိုယ်စားလှယ် လက်မှတ်မှသည် တိုင်းနှင့် ပြည်နယ်ဝန်ကြီးချုပ်လက်မှတ်အထိ လက်မှတ်မျိုးစုံ လိုအပ်လျက်ရှိသောကြောင့် ကြန့်ကြာမှုများရှိနေသည်ဟု ဆောက်လုပ်ရေးလုပ်ငန်းရှင်များထံမှ သိရသည်။

“ဥပမာ ငွေထုတ်ရင်လည်း ကြန့်ကြာတယ်။ ဒါတွေကိုလည်း ကျွန်တော်က လွှတ်တော်မှာ ဆွေးနွေးခဲ့တယ်။ ခုနက ငွေထုတ်ပေးတဲ့ကိစ္စမှာလည်း Third Party ရဲ့စစ်ဆေးမှုကို ခံယူရမယ်ဆိုပြီး အဆိုပြုထားတယ်။ ဒါပေမဲ့ ဒါကိုလည်း အတည်ပြုထားတယ်။ ဒါပေမဲ့ အဲဒီ Third Party ကို ကျင့်သုံးတဲ့နေရာမှာ ဥပဒေ မရှိဘူး”ဟု ပြည်သူ့လွှတ်တော်ကိုယ်စားလှယ် ဒေါ်ယဉ်မင်းလှိုင်က ဆိုသည်။

သို့သော်လည်း အချို့သော တင်ဒါ များတွင်မူ QC က စစ်ဆေးခြင်းမရှိဘဲ တည်ဆောက်ရေးကော်မတီကသာ စစ်ဆေးခြင်းများရှိနေသည်ဟု ၎င်းက ရှင်းပြသည်။

“တည်ဆောက်ရေးကော်မတီဆိုတာက အင်ဂျင်နီယာပါချင်ပါမယ်။ မပါချင် မပါဘူး။ နောက်ပြီးတော့ အဲဒါတွေက ဌာနအချင်းချင်း စစ်ဆေးတယ်ပေါ့။ ဌာနအချင်းချင်း စစ်ဆေးတယ်ဆိုတာက ရှင်းရှင်းလင်းလင်းနဲ့ ပွင့်ပွင့်လင်းလင်း ပြောရရင် ဒါ ဝန်ထမ်းအချင်းချင်း စစ်ဆေးကြတာပဲ။ သူ့လုပ်ငန်းကို ကိုယ်စစ်တယ်။ ကိုယ့်လုပ်ငန်းကို သူစစ်တယ်။ ဒါက ကျွန်တော်တို့အမြင်အရပြောရရင် Conflict of Interest ဖြစ်တယ်”ဟု ပြည်သူ့လွှတ်တော်ကိုယ်စားလှယ် ဒေါ်ယဉ်မင်းလှိုင်က The Voice Journal သို့ ပြောကြားသည်။ 

အစိုးရမျက်နှာပျက်ဆေး

သာမန်ပြည်သူများအတွက်မူ တင်ဒါကိစ္စသည် စိတ်ဝင်စားစရာမဟုတ်။ သို့သော်လည်း ဝန်ကြီးဌာနများနှင့် ဆောက်လုပ်ရေး လုပ်ငန်းရှင်များသည်ကား ထိုသို့မဟုတ်။ ဝန်ကြီးဌာနတစ်ခုသည် အဆောက်အအုံတစ်ခု သို့တည်းမဟုတ် စီမံကိန်းတစ်ခု အကောင်အထည်ဖော်ရန်အတွက် လိုအပ်သည့် တင်ဒါခေါ်ယူမှုကို ပြုလုပ်ကြရသည်။ ပစ္စည်းတင်ဒါရှိသကဲ့သို့ လုပ်ငန်းတင်ဒါရှိသည်။

ထိုအခါ လုပ်ငန်းရှင်များ၊ အထူးသဖြင့် ဆောက်လုပ်ရေးလုပ်ငန်းရှင်များက ဝင်ရောက်၍ တင်ဒါယှဉ်ပြိုင်ကြသည်။ မည်ရွေ့မည်မျှ ဈေးနှုန်း၊ မည်ရွေ့မည်မျှ အရည်အသွေးဖြင့် မည်သည့်ကာလအတွင်း အပြီးတည်ဆောက်မည်ဟု စာချုပ်ချုပ်ဆို၍ ဆောက်လုပ်ကြခြင်းဖြစ်သည်။ သို့သော်လည်း တင်ဒါကိစ္စသည် ဤမျှ မရိုးရှင်းသော ကိစ္စတစ်ခုဖြစ်သည်။

တင်ဒါကိစ္စသည် အဘယ့်ကြောင့် ဤမျှအရေးကြီးသနည်းဟု အမေးရှိအံ့။ အမှန်ပင်အရေးကြီးသည်ဟု ဖြေရမည်။ အကြောင်းမှာ NLD အစိုးရလက်ထက်တွင် အဂတိမှုဖြင့် အရေးယူခံရသော သို့တည်းမဟုတ် တရားစွဲခံရသော ဝန်ကြီးအရေအတွက် မြင့်တက်လာသောကြောင့်ပင် ဖြစ်သည်။

တင်ဒါကိစ္စဂယက်ဖြင့် တရားစွဲခံရသူများထဲတွင် တနင်္သာရီတိုင်းဝန်ကြီးချုပ် ဒေါက်တာလဲ့လဲ့မော်လည်း ပါဝင်သည်။

ဝန်ကြီးချုပ်ဒေါက်တာလဲ့လဲ့မော်သည် ၂၀၁၆ မဟာသင်္ကြန်ပွဲတော် မဏ္ဍပ်တည်ဆောက်ရေးကိစ္စ၊ ၂၀၁၆ ခုနှစ် နိုဝင်ဘာလတွင် ထားဝယ်တက္ကသိုလ်နှင့် ထားဝယ်လေယာဉ်ကွင်း ချုံနွယ်ရှင်းလင်းရေး ကျပ်သိန်း ၄၀၀၀ တန်ကိစ္စကို တင်ဒါ မခေါ်ယူခဲ့ခြင်း အစရှိသည်တို့ကြောင့် တရားစွဲခံနေရခြင်းဖြစ်သည်။

လက်ရှိတွင် ထောင်ဒဏ်ကျခံနေရသော FDA ညွှန်ကြားရေးမှူးချုပ်ဟောင်း ဒေါက်တာသန်းထွဋ် ကိစ္စသည်လည်း တင်ဒါကိစ္စနှင့်ပတ်သက်လျက်ရှိပြန်သည်။

ဒေါက်တာသန်းထွဋ်သည် ၂၀၁၇ ခုနှစ်အတွင်း ၎င်း ပိုင်ဆိုင်သည့်မြေကွက်ပေါ်ရှိ နေအိမ်အတွက် လိုအပ်သည့် ဆောက်လုပ်ရေးလုပ်ငန်းသုံးပစ္စည်းများနှင့် နေအိမ်အတွင်း အသုံးအဆောင်ပစ္စည်းများ၊ ၎င်းပိုင်ဆိုင်သည့် အခြားမြေကွက်ပေါ်တွင် ခြံစည်းရိုးကာရံခြင်း၊ တစ်ထပ်တိုက်တစ်လုံး၊ ကားဂိုဒေါင်ပါနှစ်ထပ်တိုက်တစ်လုံး၊ ဂိတ်တဲတစ်လုံး၊ရေကူးကန်တစ်ခုနှင့် ရေပန်းတစ်ခု စုစုပေါင်း တန်ဖိုးငွေကျပ် သိန်း ၁၅၀၀ ကျော်ကို တင်ဒါအောင်မြင်သည့် ကုမ္ပဏီထံမှ တောင်းခံရယူခဲ့ကြောင်း တွေ့ရှိရသောကြောင့် ယခုကဲ့သို့ ထောင်ဒဏ်ကျခံခဲ့ရခြင်း ဖြစ်သည်။

မွန်ပြည်နယ်ဝန်ကြီးချုပ် ဒေါက်တာအေးဇံတစ်ယောက်သည်လည်း တင်ဒါကိစ္စကြောင့် လွှတ်တော်တွင် မေးခွန်းထုတ်ခံခဲ့ရဖူးသည်။ မွန်ပြည်နယ် ရေးမြို့နယ် အောင်သပြေ (၂) ကရင်ကျေးရွာချင်းဆက်လမ်း အဆင့်မြှင့်တင်ရာရေးလုပ်ငန်းအတွက် ၂၀၁၈ ခြောက်လဘတ်ဂျက်တွင် ခွင့်ပြုငွေ သန်း ၁၀၀၀ ဖြင့် SMD (Southern Myanmar Development) ကုမ္ပဏီကို လုပ်ကိုင်ခွင့်ပေးခဲ့ခြင်း ဖြစ်သည်။

ယင်းသို့လုပ်က်ိုင်ခွင့်ပေးခဲ့ခြင်းကြောင့် မွန်ပြည်နယ်လွှတ်တော်ဒုတိယ ဥက္ကဋ္ဌ ဒေါက်တာအောင်နိုင်ဦးက မေးမြန်းရာ တင်ဒါမခေါ်ခြင်းသည် နိုင်ငံတော်အတိုင်ပင်ခံ၏ လမ်းညွှန်ချက်ကြောင့် ဖြစ်ကြောင်း၊ ယင်းသို့ ညွှန်ကြားရာတွင် လည်း စာဖြင့်မဟုတ်ဘဲ နှုတ်ဖြင့်ညွှန်ကြားခဲ့ခြင်းသာဖြစ်ကြောင်း မေလ ၃ ရက်က ကျင်းပသည့် မွန်ပြည်နယ်လွှတ်တော်တွင် ဒေါက်တာအေးဇံက ပြောကြားခဲ့ခြင်း ဖြစ်သည်။ ယင်းကိစ္စသည်လည်း တင်ဒါနှင့် ပတ်သက်လျှင် လူအများဝေဖန်ခဲ့ကြသည့် ကိစ္စတစ်ခုပင်ဖြစ်သည်။

စက်မှုဝန်ကြီးဦးခင်မောင်ချိုသည် ၎င်း၏သဘောဆန္ဒအလျောက် နုတ်ထွက်ကြောင်း သမ္မတရုံး ပြောရေးဆိုခွင့်ရှိသူ ဦးဇော်ဌေးက သတင်းစာရှင်းလင်းပွဲတွင် မီဒီယာများသို့ ပြောကြားသည်။

အကြောင်းရင်းမှာ ရုံးလုပ်ထုံးလုပ်နည်းဆိုင်ရာ မှားယွင်းမှုသည်ဟု စစ်ဆေးပေါ်ပေါက်ခြင်းကြောင့် တာဝန်ယူမှု၊ တာဝန်ခံမှုအပြည့်ဖြင့် နုတ်ထွက်ခွင့်တင်ရခြင်းဖြစ်သည်ဟု ဆိုသည်။ ‘ရုံးလုပ်ထုံး လုပ်နည်းဆိုင်ရာ မှားယွင်းမှု’ ဟူသည် မည်သည့်ကိစ္စမျိုးဖြစ်သနည်း။

ပြင်ပတွင်မူ ယင်းကိုအဓိပ္ပာယ်ဖွင့်ဆိုရာတွင် တင်ဒါမခေါ်ဘဲ လုပ်ကိုင်ခွင့်ပေးခဲ့သည့်ကိစ္စလည်း ပါဝင်သည်ဟု စွပ်စွဲပြောဆိုမှုများရှိနေခြင်းဖြစ်သည်။ ယင်းကိစ္စမှာ သီးခြားအတည်ပြု၍ မရသေးပေ။

လက်ရှိတွင် လျှပ်စစ်နှင့်စွမ်းအင်ဝန်ကြီးဌာနသည်ပင် တင်ဒါကိစ္စနှင့် ပတ်သက်၍ Ever မီတာထုတ်လုပ်သည့် မြန်မာ့စီးပွားရေးဦးပိုင် အများနှင့် သက်ဆိုင်သောကုမ္ပဏီလီမိတက်နှင့် စီးချင်းထိုးနေရသည့် သဘောပင်။

အကြောင်းမှာ မီတာတင်ဒါကိစ္စနှင့် ပတ်သက်၍ ဩဂုတ်လ ၂၁ ရက် ပြည်ထောင်စုလွှတ်တော်တွင် လွှတ်တော်ကိုယ်စားလှယ် ဦးကျော်ထွေးက လျှပ်စစ်နှင့် စွမ်းအင်ဝန်ကြီးဌာန၏ မီတာတင်ဒါနှင့် ပတ်သက်၍ ရှင်းလင်းဖြေကြားရန် တောင်းဆိုခဲ့ခြင်းဖြစ်သည်။

လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီးဒေါက်တာထွန်းနိုင်က တင်ဒါဈေးနှုန်းသက်သာသူကို တင်ဒါအောင်ပေးခဲ့ခြင်းဖြစ်ကြောင်း ဖြေကြားခဲ့ပြီး အဆိုပါဖြေကြားချက်နှင့်ပတ်သက်၍ မကျေလည်သောကြောင့် MEC က ၎င်းတို့ကုမ္ပဏီ၏ ဂုဏ်သိက္ခာကိုထိခိုက်ပြီး ပြည်သူများ အမြင်လွဲစေကြောင်း ထုတ်ပြန်ချက်ဖြင့် ပြန်လည်ကြေညာခဲ့သည်။

ဆိုရလျှင် တင်ဒါကိစ္စသည် NLD အစိုးရ၏ အဂတိကင်းစင်သော အစိုးရ ဖြစ်ရေးအတွက် အရေးကြီးသည့် ကိစ္စ ဖြစ်ကြောင်း အထက်ပါဥပမာများက သက်သေခံလျက်ရှိပြီဖြစ်သည်။ ထိုမျှမက အစိုးရနှင့်လုပ်ငန်းရှင် နှစ်ဖက်အကျိုးရှိသော မူဖြင့် ရှေ့ဆက်နိုင်ရေးနှင့် နိုင်ငံအတွင်း အရေးတကြီးလိုအပ်သော အခြေခံအဆောက်အဦများ ဖြည့်စွမ်းနိုင်ရေးအတွက် တင်ဒါကိစ္စစည်းမျဉ်းစည်းကမ်းများကို ပြည်သူ့အစိုးရလက်ထက်တွင် ပြန်လည်ပြင်ဆင်ချိန်သင့်ပြီဖြစ်ကြောင်း လုပ်ငန်းရှင်များက ဆိုသည်။

ပြည်တွင်းဆောက်လုပ်ရေးလုပ်ငန်းရှင် ဦးနိုင်ဝင်းကမူ စည်းမျဉ်းစည်းကမ်းများပြားမှုကြောင့် ဆောက်လုပ်ရေးလောက တင်ဒါဆွဲသူများသည် ခက်ခဲသော အခြေအနေတစ်ခုနှင့် ရင်ဆိုင်နေရသည်ဟု ယခုကဲ့သို့ ဆိုသည်။

“အခုတော့ ဘာမှကို မလုပ်ချင်ဘူးဗျာ။ လုပ်ရင်လည်း သိတဲ့အတိုင်း စည်းမျဉ်းစည်းကမ်းတွေက တအားကို ကြပ်နေတာ”

ရဲနိုင်ဦး   

You may also like...

Leave a Reply

Your email address will not be published. Required fields are marked *