ကမ္ဘာကပြောသော မြန်မာ့အကြောင်း

ယခုဖော်ပြမည့် အကြောင်းအရာများမှာ မြန်မာ့ရေးရာကိစ္စများကို ကမ္ဘာ့သတင်းမီဒီယာ၊ ကမ္ဘာ့နိုင်ငံရေးနှင့် စီးပွားရေးလောက၊ ကမ္ဘာ့ပညာရှင်လောကစသည်တို့၌ မည်သို့ရှုမြင်သုံးသပ်ကြသည်ဆိုသည့် အကြောင်းများဖြစ်သည်။ ဤနေရာတွင် ပြင်ပအမြင်များကို ဖော်ပြသည်ဆိုရာ၌ မူရင်းရေးသားဖော်ပြချက်နှင့် ပတ်သက်၍ The Voice Journal က ကောင်းခြင်း၊ ဆိုးခြင်း၊ မှန်ခြင်း၊ မှားခြင်း၊ ထောက်ခံခြင်း၊ ကန့်ကွက်ခြင်း အလျဉ်းမရှိဘဲ စာဖတ်သူ၏ သိခွင့်ကို တတ်စွမ်းသမျှဖြည့်ဆည်းပေးရန် ကြိုးစားကြည့်ခြင်း ဖြစ်သည်။ ‘ကမ္ဘာကတော့ မြန်မာကို ဒီလိုအမြင်ရှိနေတယ်’ ဆိုသည့် ရည်ရွယ်ချက်ဖြင့် ဖော်ပြခြင်းသာ ဖြစ်ပါသည်။

သမိုင်းတန်ဖိုး၊ သိပ္ပံတန်ဖိုးများပြည့်နေသည့် မြန်မာ့ပယင်းတွင်း၏ ကံကြမ္မာ

မြန်မာနိုင်ငံ ကချင်ပြည်နယ်ဟူးကောင်းချိုင့်ဝှမ်းအတွင်း တွေ့ရှိထားသည့် ပယင်းတွင်းများသည် သိပ္ပံပညာအတွက် အဖိုးမဖြတ်နိုင်သည့် ကျောက်ဖြစ်ရုပ်ကြွင်းများရာနှင့်ချီ၍ တည်ရှိနေသည့် တွင်းများ ဖြစ်သည်။

ယင်းတွင်းများတွင် တွေ့ရသော ကျောက်ဖြစ်ရုပ်ကြွင်းများမှာ နှစ်ပေါင်း ၉၉ သန်းခန့်သက်တမ်းရှိပြီဖြစ်ပြီး မျိုးသုဉ်းပျောက်ကွယ်သွားပြီဖြစ်သော ဒိုင်နိုဆောသတ္တဝါ၏ အမြီးမှ အမွှေးအတောင်များ၊ ငှက်တစ်ကောင်လုံး၏ ကျောက်ဖြစ်ရုပ်ကြွင်းများ၊ ဖားများ၊ ပုတ်သင်ညို၊ ဖွတ် စသည့် တွားသွားသတ္တဝါများ၊ မရေမတွက်နိုင်သည့် အင်းဆက်ပိုးမွှားများနှင့် ကျောရိုးမဲ့သတ္တဝါများ၏ ရုပ်ကြွင်းသတ္တဝါများ တွေ့ရသည်။

အဆိုပါ ပယင်းတွင်းများကို တူးဖော်ရာတွင် ဆိုးဆိုးဝါးဝါးအခြေအနေများရှိနေသကဲ့သို့ တူးဖော်ရရှိသည့် ပယင်းကျောက်များကိုလည်း တစ်ဖက် တရုတ်နိုင်ငံထိန်ချုံးမြို့ရှိ ကျောက်မျက်ရတနာဈေးကွက်သို့ မှောင်ခိုရောင်းချခြင်းမျိုးလည်း ရှိသည်။ ကျောက်ဖြစ်ရုပ်ကြွင်းအကြောင်း လေ့လာသည့် ပညာရှင်များမှာ အဆိုပါ ပယင်းကျောက်များကို အဓိကဝယ်ယူသူများဖြစ်ကြသည်။ ၎င်း ပညာရှင်များက သတ္တဝါမျိုးစိတ်သစ်များအကြောင်း ရေးသားထားသည့် စာတမ်းများကို လစဉ်ဒါဇင်နှင့်ချီ၍ ထုတ်ဝေလျက်လည်းရှိသည်။

အဆိုပါ ပယင်းတွင်းများမှာ ၂၀၁၇ ခုနှစ်ထိ ကချင်ဒေသခံများက ထိန်းချုပ်ထားသော်လည်း ၂၀၁၇ ခုနှစ် ဇွန်လမှစတင်၍ မြန်မာ့တပ်မတော်က သိမ်းပိုက်ထားသည်။ အဆိုပါ ပယင်းမိုင်းတွင်းများသိမ်းယူရေး ထိုးစစ်များကြောင့် ဒေသခံလူပေါင်းများစွာ အိုးအိမ်စွန့်ခွာထွက်ပြေးခဲ့ရသည်။ ထို့ပြင် ကုလသမဂ္ဂက ယင်းလုပ်ရပ်ကို လူမျိုးတုံးသတ်ဖြတ်မှု၊ လူသားမျိုးနွယ်အပေါ် ကျူးလွန်သည့်ရာဇဝတ်မှုများအဖြစ် ပြစ်တင်ခဲ့သည်။

ပယင်းမိုင်းတွင်းကို သိမ်းယူခြင်းအားဖြင့် မြန်မာ့တပ်မတော်ထိပ်တန်းဗိုလ်ချုပ်ကြီးများ၏ ငွေအိတ်ထဲသို့ ငွေများ တရားမဝင်ရောက်ရှိသွားစေကြောင်း ကချင်ဒေသခံအဖွဲ့အစည်းတစ်ခုက အတည်ပြုပြောကြားသည်။

မြန်မာအစိုးရကမူ ယင်းထိုးစစ်များသည် ပယင်းတွင်းများကို တရားမဝင်တူးဖော်နေမှုနှင့် သဘာဝပတ်ဝန်းကျင်ကို အကာအကွယ်ပေးရန်ဖြစ်သည်ဟုဆိုသည်။ သို့သော် ကချင်ဖွံဖြိုးရေးကွန်ရက်အဖွဲ့ (Kachin Development Networking Group – KDNG) က မြန်မာတပ်မတော်သည် ကျောက်ဖြစ်ရုပ်ကြွင်းများ အစုလိုက်အပြုလိုက်ရှိရာ ဟူကောင်းချိုင့်ဝှမ်း၌ အထိန်းအကွပ်မရှိ တူးဖော်ရေးလုပ်ငန်းများပြန်လည်လုပ်ကိုင်နေသည်ဟုဆိုသည်။ ယင်းသို့ ဖြစ်ရသည်မှာ သိပ္ပံပညာဆိုင်ရာလိုအပ်ချက်၏ တောင်းဆိုမှုမှာလည်း တစ်စိတ်တစ်ပိုင်း ပါဝင်သည်။ ပယင်းကျောက်ကုန်သွယ်ရေးမှာ တန်ဖိုးအားဖြင့် တစ်နှစ်လျှင် အမေရိကန်ဒေါ်လာသန်းတစ်ထောင်ထိ ရှိသည်ဟု KDNG အဖွဲ့က ဆိုသည်။

ထို့ပြင် ပယင်းကျောက်တွင်းရှိရာ ကျေးရွာများမှာ လူပေါင်း ၃,၀၀၀ ခန့် အိုးအိမ်စွန့်ခွာ၍ အတည်တကျမရှိသည့် ယာယီဒုက္ခသည်စခန်းများတွင် နေထိုင်နေရပြီး အကူအညီပေးရန်လည်း မြန်မာ့တပ်မတော်က ငြင်းဆန်ထားကြောင်း အဆိုပါအဖွဲ့က ဆိုသည်။

KDNG အဖွဲ့က မြန်မာ့တပ်မတော်ထိုးစစ်များကို ရပ်တန့်ရန်နှင့် နေရပ်စွန့်ခွာသွားသူများ ၎င်းတို့ နေရပ်ကို ပြန်လာခွင့်ပေးရန် တိုက်တွန်းတောင်းဆိုထားသည်။ ထို့ပြင် နိုင်ငံခြားအစိုးရများ၊ အဖွဲ့အစည်းများအနေနှင့်လည်း မြန်မာန်ိုင်ငံတွင် ရင်းနှီးမြှုပ်နှံမှုများရပ်ဆိုင်းကြရန်နှင့် လူသားချင်းစာနာမှုဆိုင်ရာအကူအညီများပေးရန် တိုက်တွန်းထားသည်။

ယခုသတင်းကို ဗြိတိန်နိုင်ငံလန်ဒန်အခြေစိုက် New Scientist မဂ္ဂဇင်းက ယခုနှစ် မေလတွင် ဖော်ပြခဲ့အပြီးတွင် အမေရိကန်သဘာဝသမိုင်းဆိုင်ရာပြတိုက်မှ ပယင်းကျောက်ဆိုင်ရာပညာရှင် ဒေးဗစ်ဂရီမာလ်ဒီက မြန်မာပယင်းကျောက်များကို ဝယ်ယူခြင်းမပြုရန် တိုက်တွန်းစကား ပြောကြားထားလေတော့သည်။

လန်ဒန်ရှိမြန်မာသံရုံးကို မေးမြန်းခဲ့သော်လည်း တစ်စုံတစ်ရာတုံ့ပြန်ဖြေကြားခြင်းမရှိပေ။

စာညွှန်း။       ။ Military now controls Myanmar’s scientifically important amber mines

ဧကျော်

You may also like...

Leave a Reply

Your email address will not be published. Required fields are marked *