မန္တလေးတက္ကသိုလ် ပါမောက္ခချုပ်ကို စစ်ဆေးရန် ဌာနဆိုင်ရာစစ်ဆေးရေးအဖွဲ့ ဝန်ကြီးဌာနမှ ဖွဲ့စည်း

ပုံစာ၊ ယနေ့ပြုလုပ်သည့် သတင်းစာရှင်းလင်းပွဲ။

မန္တလေး၊ စက်တင်ဘာ ၆

မန္တလေးတက္ကသိုလ် ပါမောက္ခချုပ် ဒေါက်တာသီတာဝင်းအား ဌာနဆိုင်ရာစစ်ဆေးရန်အတွက် ဒုတိယဝန်ကြီး ဦးဆောင်သည့် စစ်ဆေးရေးအဖွဲ့ကို စက်တင်ဘာလ ၅ ရက်နေ့ကဖွဲ့စည်းလိုက်ကြောင်း ပညာရေးဝန်ကြီးက ယနေ့ ထုတ်ပြန်သည်။

ဌာနဆိုင်ရာ စစ်ဆေးရေးအဖွဲ့ ဥက္ကဋ္ဌအဖြစ် ပညာရေးဝန်ကြီးဌာန ဒုတိယဝန်ကြီး ဦးဝင်းမော်ထွန်းနှင့် အဖွဲ့ဝင်အဖြစ် မြန်မာနိုင်ငံ စာစစ်ဦးစီးဌာန ညွှန်ကြားရေးမှူးချုပ် ဦးမျိုးသန့်၊ မော်လမြိုင်တက္ကသိုလ် ပါမောက္ခချုပ် ဒေါက်တာ အောင်မြတ်ကျော်စိန်တို့ကို တာဝန်ပေးအပ်ခြင်းဖြစ်ပြီး ယင်းအဖွဲ့သည် စစ်ဆေးတွေ့ရှိချက်၊ သုံးသပ်ချက်နှင့် သဘောထားဖော်ပြချက်များ ပါရှိသည့် အစီရင်ခံစာကို စက်တင်ဘာလ ၁၆ ရက်နေ့ နောက်ဆုံးထား၍ တင်ပြရမည်ဟု ယင်းထုတ်ပြန်ချက်တွင် ထပ်မံ ဖော်ပြထားသည်။

မန္တလေးတက္ကသိုလ် ပါမောက္ခချုပ် ဒေါက်တာသီတာဝင်းသည် နိုင်ငံတော်သမ္မတ ညွှန်ကြားချက်အား ချိုးဖောက်ပြီး ၎င်းနှင့် ရင်းနှီးကျွမ်းဝင်သည့် လုပ်ငန်းရှင်အား Food Court(စားသောက်တန်း) လုပ်ကိုင်ခွင့် ပေးထားသည့်ကိစ္စနှင့် ပတ်သက်ပြီး မန္တလေးတက္ကသိုလ် ကျောင်းအုပ်ချုပ်ရေးအဖွဲ့ကို စိစစ်အရေးယူပေးရန်အတွက် နိုင်ငံတော်သမ္မတနှင့် အဂတိလိုက်စားမှု တိုက်ဖျက်ရေးကော်မရှင်ထံ မန္တလေးတက္ကသိုလ်ကျောင်းသားများသမဂ္ဂမှ တိုင်ကြားထားသည်။

Food Court ကို ၂၀၁၈ ခုနှစ် သြဂုတ်လ ကတည်း က ဆောက်လုပ်ခြင်းဖြစ်ပြီး ယခုအခါ ပြီးစီးနေပြီဖြစ်ကာ ကျောင်းသားသမဂ္ဂမှ သဘောတူသည့် လက်မှတ်အတုများလည်း ကျောင်းအုပ်ချုပ်ရေးအဖွဲ့မှ ပြုလုပ်ခဲ့သည်ဟု ကျောင်းသားသမဂ္ဂမှ စွပ်စွဲထားသည်။

Image may contain: 4 people, people sittingImage may contain: one or more people, people on stage and people standing

ယင်းကိစ္စများအတွက် မှန်ကန်မျှတသော စုံစမ်းစစ်ဆေးရေးအဖွဲ့ ဖွဲ့စည်း စစ်ဆေး အရေးယူပေးရေး၊ ပညာရေးဝန်ကြီးဌာန၏ ဘက်လိုက်သော စုံစမ်းစစ်ဆေးရေးအဖွဲ့ကို အယုံအကြည်မရှိ၊ မန္တလေးတက္ကသိုလ်အား အသုံးချ၍ ကိုယ်ကျိုးရှာသော ပါမောက္ခချုပ် အလိုမရှိ အလိုမရှိ၊ ကျောင်းတွင်း စီမံကိန်းများဆောင်ရွက်ရာတွင် ပွင့်လင်းမြင်သာစွာ ချပြရေး ဒို့အရေး ဒို့အရေး၊ နိုင်ငံတော်သမ္မတ ညွှန်ကြားချက်နှင့် တည်ဆဲဥပဒေအား ဖောက်ဖျက်လုပ်ဆောင်သော ကျောင်းအုပ်ချူပ်ရေးအဖွဲ့ကို စီစစ်အရေးယူပေးရေး စသည့် တောင်းဆိုချက်များကို ကျောင်းသားသမဂ္ဂမှ တောင်းဆို၍ ကျောင်းအတွင်း ဆန္ဒထုတ်ဖော်မှုကို စက်တင်ဘာလ ၂ ရက်နေ့မှ စတင်ခဲ့ပြီး ယနေ့အထိ ပြေလည်မှု မရသေးပေ။

ယင်းသပိတ်မှောက်ဆန္ဒပြမှုကို မန္တလေးတက္ကသိုလ်ကျောင်းသားများသမဂ္ဂ မှ သပိတ်မှောက် ကော်မတီအဖွဲ့အင်အား (၇) ဦးဖြင့် စတင်ခဲ့ရာ ယနေ့အထိ ဝန်းရံသူ ကျောင်းသား ကျောင်းသူ အင်အား လေးရာကျော်ရှိပြီဟု သပိတ်မှောက်ကော်မတီက ယနေ့နံနက်ပိုင်းက ပြုလုပ်သည့် သတင်းစာရှင်းလင်းပွဲတွင် ပြောဆိုသည်။

 

You may also like...

Leave a Reply

Your email address will not be published. Required fields are marked *