မြန်မာနိုင်ငံတွင်း ငှက်ဖျားရောဂါဖြစ်ပွားမှုကို ခန့်မှန်းနိုင်မည့် နည်းပညာ နာဆာတီထွင်

Photo - AFP

ရန်ကုန်၊ စက်တင်ဘာ ၁၀

မြန်မာနိုင်ငံတွင်း ငှက်ဖျားရောဂါဖြစ်ပွားမှုကို အာကာသထဲမှ ခန့်မှန်းနိုင်သည့် နည်းပညာသစ်ကို အမေရိကန်ပြည်ထောင်စု၏ အမျိုးသားလေကြောင်းနှင့် အာကာသအုပ်ချုပ်ရေးအေဂျင်စီ(နာဆာ) က တီထွင်နေကြောင်း AFP သတင်းဌာနတွင် ဖော်ပြထားသည်။

အရှေ့တောင်အာရှတွင် ဆေးယဉ်ပါးသည့် မျိုးစိတ်များထွက်ပေါ်လာပြီး တစ်ကမ္ဘာလုံးသို့ပျံ့နှံ့ပြီး အသက်ဆုံးရှုံးနိုင်သည့် အန္တရာယ်များရှိနေခြင်းကြောင့် ယခုကဲ့သို့ နည်းပညာသစ်ကို တီထွင်ရခြင်းဖြစ်သည်ဟု အဆိုပါသတင်းတွင် ဖော်ပြထားသည်။

မြန်မာနိုင်ငံတွင် ၂၀၁၀ မှ ၂၀၁၇ ခုနှစ်အတွင်း ငှက်ဖျားရောဂါဖြစ်ပွားမှုနှုန်းနှင့် ယင်းကြောင့် သေဆုံးမှုနှုန်းသည် ၉၀ ရာခိုင်နှုန်းကျော် ကျဆင်းခဲ့သည်ဟု ကမ္ဘာ့ကျန်းမာရေးအဖွဲ့ (WHO) အညွှန်းကိန်းများတွင် ဖော်ပြထားသည်။

ယင်းသည် ကျေးလက်ဒေသများတွင် ကျန်းမာရေးစောင့်ရှောက်မှုပိုကောင်းလာပြီး ဆေးစိမ်ခြင်ထောင်များကို အသုံးပြုလာခြင်းကြောင့်ဖြစ်ကြောင်း အဆိုပါသတင်းတွင် ဖော်ပြထားသည်။

သို့သော် မြန်မာနိုင်ငံအနေဖြင့် မဲခေါင်ဒေသတွင်း အခြားအိမ်နီးချင်းနိုင်ငံများနှင့် ယှဉ်ပါက ပျံ့နှံ့မှုနှုန်း မြင့်မားနေသေးသည်ဟုလည်း AFP က ရေးသားသည်။

ဆေးယဉ်ပါးသည့် မျိုးစိတ်ပေါင်းများစွာသည် အရှေ့တောင်အာရှတွင် ပေါက်ဖွားကြပြီး ယင်းမှတစ်ဆင့် တစ်ကမ္ဘာလုံးဖြစ်ပွားမှု၏ ၉၀ ရာခိုင်နှုန်းရှိသည့် အာဖရိကအထိ ပျံနှံ့ရောက်ရှိသွားမည်ကို စိုးရိမ်နေကြသည်။

ယင်းကဲ့သို့ ခြိမ်းခြောက်မှုမျိုးကို တိုက်ဖျက်ရန်အတွက် ငှက်ဖျားရောဂါမဖြစ်ခင် ကိုင်တွယ်ဖြေရှင်းနိုင်မည့် အထူးနည်းပညာကို နာဆာက တီထွင်နေခြင်းဖြစ်သည်ဟု သိပ္ပံပညာရှင် တာတီရာနာ လိုဘိုဒါ က ပြောသည်။

“လူအများစုက အထူးပြုလုပ်ထားတဲ့ပုံစံမျိုး နည်းနည်းလောက်တော့ သုံးကြတယ်၊ ဒါပေမဲ့ ကျွန်မတို့ ဒီမှာလုပ်နေတာနဲ့တော့ ထိရောက်မှုနဲ့ စွမ်းဆောင်ရည်ပိုင်းမှာ မတူပါဘူး” ဟု မေရီလန်း တက္ကသိုလ်၏ ပါမောက္ခလည်းဖြစ်သည့် လိုဘိုဒါက ဆိုသည်။

 

You may also like...

Leave a Reply

Your email address will not be published. Required fields are marked *