မင်းမဲ့စရိုက်ဆန်မှု ကြီးထွားလာသည့် ပြည်နယ်

နယ်မြေမလုံခြုံမှုကြောင့်ဒေသခံပြည်သူလူထု၏စိုးရိမ်ကြောင့်ကြမှုကိုမြင့်တက်စေသည်

စစ်မက်ဖြစ်ပွားနေသည့် ရခိုင်ပြည်နယ်တွင် မင်းမဲ့စရိုက်ဆန်သည့် လူသတ်မှုများလည်း စိပ်လာသည်။

အမည်မသိလူတစ်စုက ဝင်ရောက်သတ်ဖြတ်သည်ဟုသာ ရဲတပ်ဖွဲ့ကခေါင်းစဉ်တပ်နိုင်သေးသည့် လုပ်ကြံသတ်ဖြတ်မှုများမှာ ဆိုးသထက်ဆိုးလာသည်။ လူတစ်စု သို့မဟုတ် လူတစ်ဦးက နေအိမ်ထဲဝင်ရောက်ကာ သေနတ်ဖြင့်ပစ်ခတ်၊ ဓားဖြင့် ခုတ်သည့် လုပ်ကြံသတ်ဖြတ်မှုများ မကြာခဏဆိုသလို ဖြစ်ပွားလာသည်။

ယခုနောက်ဆုံးဖြစ်ရပ်မှာ မြေပုံမြို့နယ်တွင် ခေါင်းဖြတ်သတ်ခြင်းဖြစ်သည်။ ယင်းအပြင် ခေါင်းဖြတ်သတ်ရုံဖြင့် ပြီးမသွားဘဲ လူစည်ကားသည့် ဈေးဝင်ပေါက်ရှေ့တွင်ပင် ခေါင်းဖြတ်သတ်ထားသည့် ရုပ်အလောင်းများကို ပြသထားသည်အထိ အတင့်ရဲလာသည်။

တိုက်ပွဲများကြောင့် ဒေသခံအရပ်သားများ သေဆုံး၊ ဒဏ်ရာရကြပြီး နေရပ်စွန့်ခွာထွက်ပြေးရမှုများကြောင့် နောက်ကျောမလုံခြုံမှုဒဏ် အကြီးအကျယ်ခံစားနေရချိန် အရပ်သားများကို လုပ်ကြံသတ်ဖြတ်ခံရမှုများ မြင့်တက်လာခြင်းမှာ ပြည်သူများအတွက် အပူပေါ်အပူအထပ်ထပ်ဆင့်စေခဲ့ပြန်သည်။

“ဥပဒေစိုးမိုးရေးက ပျက်နေပြီပေါ့။ ဥပဒေစိုးမိုးရေး မရှိတော့ဘူး” ဟု အထက်ပါဖြစ်ရပ်များအပေါ် မှတ်ချက် ပေးသူက မြေပုံမဲဆန္ဒနယ်က ပြည်သူ့လွှတ်တော်ကိုယ်စားလှယ် ဦးဖေသန်းဖြစ်သည်။

လူထုကို ခြောက်လှန့်ခြင်း

ခေါင်းဖြတ်သတ်ထားသည့် ရုပ်အလောင်းနှစ်ခုကို လူစည်ကားရာနေရာတွင်ထားခဲ့ခြင်းက ပြည်သူလူထုကို ထိတ်လန့်စေခဲ့သည်။

မြေပုံမြို့နယ် ကမ်းထောင်းကြီးမြို့ ဈေးဝင်ပေါက်ရှေ့တွင် ယင်းသို့ပြသထားသည်ကို စက်တင်ဘာလ ၁၀ ရက်နေ့ မိုးလင်းစအချိန်တွင် တွေ့ရှိခြင်းဖြစ်သည်။ အသတ်ခံရသူနှစ်ဦးစလုံးမှာ အသက် ၄၀ ကျော်အရွယ် အမျိုးသားများဖြစ်ပြီး တစ်ဦးမှာ ကမ်းထောင်းကြီးဒေသခံဖြစ်ကာ ကျန်တစ်ဦးမှာ အမ်းမြို့နယ်မှ ဖြစ်သည်။

ဖြတ်ထားသည့် ဦးခေါင်းများကို ဝမ်းဗိုက်အပေါ်တွင် တင်ထားခဲ့ပြီး ရင်ဘတ်တွင်လည်း ဓားစိုက်ထားခဲ့သည်ကို တွေ့ရကြောင်း ဒေသခံများထံမှ သိရသည်။ ယင်းနေရာတွင် သွေးအိုင်များလည်းမရှိသဖြင့် အခြားတစ်နေရာတွင်သတ်ဖြတ်ပြီးမှ ဈေးရှေ့တွင်ထားခဲ့ခြင်းဖြစ်နိုင်ကြောင်း ၎င်းတို့ထံမှ သိရသည်။

ယင်းအပြင် အမ်းမြို့နယ်တွင်လည်း စက်တင်ဘာလ ၁၀ ရက်နေ့ညက ဒေသခံတစ်ဦး မိသားစုနှင့်အတူ အိပ်ပျော်နေချိန် အသတ်ခံရသေးသည်။ မဲလက်မောင်းကျေးရွာက အသက် ၄၀ နှစ်အရွယ် အမျိုးသားကို အမျိုးသားသုံးဦးက နေအိမ်အတွင်း ဝင်ရောက်လာပြီး လည်ပင်းကို ဓားဖြင့် ခုတ်သတ်ခဲ့ခြင်းဖြစ်သည်။

ယင်းဖြစ်စဉ်များမတိုင်ခင်ကလည်း နေအိမ်အတွင်း ဝင်ရောက်လုပ်ကြံသတ်ဖြတ်မှုများရှိခဲ့သည်။ မြန်မာ့တပ်မတော်နှင့် ရခိုင်လက်နက်ကိုင်အဖွဲ့(AA) တို့ကြား တိုက်ပွားများပြင်းထန်လာသည့် ၂၀၁၈ နှစ်ကုန်ပိုင်းက စတင်ကာ ယင်းသို့လုပ်ကြံမှုများ စိပ်လာခြင်းဖြစ်သည်။ စစ်မက်ဖြစ်နေသည့် မြို့နယ်အချို့တွင် ယင်းသို့ ဖြစ်ပွားနေခြင်းဖြစ်ပြီး မြေပုံမြို့တွင်ပင် ခုနစ်ကြိမ်ထက်မနည်းရှိနေပြီဖြစ်သည်။

မြေပုံမြို့နယ် ကြာအင်းတောင်ကျေးရွာရှိ ၂၀၁၈ခုနှစ် ဒီဇင်ဘာလ ၂၄ရက်နေ့ညတွင် နေအိမ်၌ ဦးခင်မောင်သန်းတစ်ဦးတည်း တီဗီကြည့်နေချိန် သေနတ်သမားဝင်ရောက်ပစ်ခတ်သဖြင့် သေဆုံးခဲ့ရသည်။ ဦးခင်မောင်သန်းသည် ရခိုင်ဒီမိုကရေစီအဖွဲ့ချုပ် (ALD) တည်ထောင်ရာတွင်ပါဝင်ပြီး ဗဟိုကော်မတီဝင် တာဝန်ယူခဲ့သူလည်းဖြစ်သည်။

ယင်းလုပ်ရပ်မှာ အဆိုပါဒေသတွင် တရားဥပဒေစိုးမိုးမှုနှင့် လုံခြုံမှုမရှိဟု ပြသနေခြင်းဖြစ်ပြီး မည်သည့်ပုဂ္ဂိုလ် သို့မဟုတ် အဖွဲ့အစည်းကလုပ်သည်ဖြစ်စေ လူမဆန်သည့် အကြမ်းဖက်လုပ်ရပ်အဖြစ် အပြင်းအထန်ရှုတ်ချကြောင်း ALD ယင်းအချိန်က ထုတ်ပြန်ခဲ့သည်။ သို့သော်လည်း လုပ်ကြံသတ်ဖြတ်မှုများမှာ ရပ်ဆိုင်းသွားခြင်းမရှိခဲ့ပေ။

လုပ်ကြံသတ်ဖြတ်မှု စိပ်လာသည်

လုပ်ကြံသတ်ဖြတ်မှုများမှာလည်း လက်သည်ပေါ်ပေါက်ခြင်း မရှိသဖြင့် ပြည်သူလူထု၏ စိုးရိမ်မှုကို ပိုမိုမြင့်တက်စေခဲ့သည်။

ပြီးခဲ့သည့် ဇန်နဝါရီလ ၂၂ ရက်နေ့ညတွင် မင်းပြားမြို့နယ် ပန်းမြောင်းကျေးရွာက အသက် ၅၆နှစ်အရွယ် အမျိုးသားကို သေနတ်သမားက ပစ်ခတ်သတ်ဖြတ်ခဲ့သည်။ အဆိုပါမြို့နယ် သာယာကုန်းကျေးရွာအုပ်စုတွင် ပြီးခဲ့သည့် ဖေဖော်ဝါရီလ ၁၂ ရက်နေ့က အုပ်ချုပ်ရေးအဖွဲ့ဝင်တစ်ဦးဖြစ်သည့် အသက် ၅၀ ကျော်အရွယ် အမျိုးသားသည်လည်း သေနတ်သမား၏ လုပ်ကြံသတ်ဖြတ်ခြင်းကို ခံခဲ့ရသည်။

ကျောက်တော်မြို့နယ် သရက်တပင်ကျေးရွာတွင် ပြီးခဲ့သည့် မတ်လဆန်းပိုင်းက ကျေးရွာအုပ်ချုပ်ရေးအဖွဲ့ဝင်တစ်ဦးဖြစ်သူ အသက် ၄၇ နှစ်အရွယ် အမျိုးသားသည် ကားလမ်းမဘေးရှိ ၎င်း၏ဆိုင်ခန်းတွင် ထိုးသွင်းဒဏ်ရာများဖြင့် အသတ်ခံခဲ့ရသည်။

မြေပုံမြို့နယ် ကမ်းထောင်းကြီးမြို့တွင် ပြီးခဲ့သည့် ဇွန်လ ၁၈ ရက်နေ့က အလယ်ပိုင်းရပ်ကွက်အုပ်ချုပ်ရေးမှူးဖြစ်သူ အမျိုးသားသည် နေအိမ်တွင် တီဗီကြည့်နေစဉ် သေနတ်သမားက ဝင်ရောက်ပစ်ခတ်သဖြင့် သေဆုံးခဲ့သည်။ ၎င်းအနီးတွင် မိသားစုဝင်များလည်း ရှိနေခဲ့ကြသည်။

အဆိုပါမြို့နယ် ပေါက်တူးတောင်ကျေးရွာတွင် ပြီးခဲ့သည့်ဇူလိုင်လ ၅ ရက် နေ့ညပိုင်းတွင် အသက် ၆၀ နီးပါးအရွယ်အမျိုးသားနှင့် ၎င်း၏သမက်ဖြစ်သူ အသက် ၂၆ နှစ်အရွယ် အမျိုးသားတို့ကို မျက်နှာဖုံးတပ်ထားသည့် သေနတ်သမားများက နေအိမ်အတွင်း ဝင်ရောက်ပစ်ခတ်သတ်ဖြတ်သွားသည်။

ပြီးခဲ့သည့် ဇူလိုင်လ ၈ ရက်နေ့ကလည်း ကျောက်တော်မြိ့နယ် မျောက်တောင်ကျေးရွာသားတစ်ဦး နေအိမ်တွင် မိသားစုဝင်များနှင့်အတူရှိနေစဉ် သေနတ်ဖြင့်ပစ်ခတ်သတ်ဖြတ်ခံခဲ့ရသည်။ အဆိုပါ မြို့နယ် ဆင်အိုးချိုင်ကျေးရွာက အုပ်ချုပ်ရေးမှူးနှင့် ရာအိမ်မှူးတစ်ဦးတို့သည် ဩဂုတ်လ လဆန်းပိုင်းက ဆင်အိုးဘင်္ဂါလီ ကျေးရွာမှ စာရင်းကောက်ယူပြီးအပြန်တွင် ပျောက်ဆုံးသွားပြီးနောက် နှစ်ရက်ခန့်အကြာတွင် မြစ်ကမ်းဘေး၌ ထိုးသွင်းဒဏ်ရာများဖြင့် သေဆုံးနေသည်ကို တွေ့ရှိခဲ့ကြသည်။

စက်တင်ဘာလ ၁ ရက်ကလည်း ကျောက်တော်မြို့နယ် ကန်စောက်ရဲကင်းစခန်းအနီးရှိ ကုန်စုံဆိုင်တွင် ဝါးတောင်ကျေးရွာက ဇနီးမောင်နှံသည် ဓားဒဏ်ရာများစွာဖြင့် အသတ်ခံခဲ့ရသည်။

အရပ်သားများ လုပ်ကြံသတ်ဖြတ်ခံရသည့် အခြားသော ဖြစ်စဉ်များစွာလည်း ရှိသေးသည်။ အရပ်သားအပြင် တရားဥပဒေစိုးမိုးရေးကို တာဝန်ယူရသည့် ရဲအရာရှိများပင် သတ်ဖြတ်ခံရမှုများလည်းရှိသည်။

ကျောက်တော်မြို့နယ်ရဲတပ်ဖွဲ့မှူး ရဲမှူးစောသန်းလွင်သည် ဩဂုတ် ၁၉ ရက်နေ့ ညနေပိုင်းတွင် ဆိပ်ကမ်း အနီးတွင်ရှိနေစဉ် ဓားဖြင့်အထိုးခံရသဖြင့် ဆေးကုသမှုခံယူနေရသည်။ ပုဏ္ဏားကျွန်းမြို့နယ် ယိုးတရုပ် ကျေးရွာရဲစခန်းက ဒုတိယရဲအုပ်တစ်ဦးမှာမူ စက်တင်ဘာလ ၁ ရက်နေ့က ဓားဒဏ်ရာများဖြင့် အသတ်ခံရသည်။ ယင်းနှစ်မှုလုံးတွင် ပြစ်မှုကျူးလွန်သူကို မဖော်ထုတ်နိုင်သေးပေ။

အပြန်အလှန် စွပ်စွဲခြင်း

လုပ်ကြံသတ်ဖြတ်မှုများအပေါ် တပ်မတော်နှင့် AA တို့က အပြန်အလှန် စွပ်စွဲနေကြသည်။

မြေပုံမြို့နယ်တွင် ခေါင်းဖြတ်သတ်မှုအပါအဝင် အရပ်သားများအသတ်ခံရသည့် ဖြစ်ရပ်များနှင့် ယိုးတရုပ်စခန်းက ရဲအုပ်တစ်ဦးအသတ်ခံရမှု စသည်တို့မှာ AA လက်ချက်ဟု တပ်မတော်က ထုတ်ပြန်သည်။

ယင်းကဲ့သို့ သတ်ဖြတ်မှုများမှာ ယခင်က ဘူးသီးတောင်၊ မောင်တောဒေသ တို့တွင်သာရှိခဲ့ပြီး ကျောက်တော်၊ မြောက်ဦး၊ မင်းပြား၊ ပုဏ္ဏားကျွန်း စသောမြို့နယ်များတွင် ဖြစ်ပွားခြင်း မရှိခဲ့ကြောင်း၊ AA ဝင်ရောက်လာသည့်အချိန်မှသာ ယင်းသို့ ကြုံတွေ့ရခြင်းဖြစ်ကြောင်း တပ်မတော်သတင်းမှန် ပြန်ကြားရေးအဖွဲ့မှ ပြောရေးဆိုခွင့်ရှိသူ ဗိုလ်မှူးချုပ်ဇော်မင်းထွန်းက ပြောကြားသည်။

“ကျွန်တော်တို့ပြောနေတာသည် အထောက်အထားမဲ့ ပြောဆိုနေတာမဟုတ်ဘူး။ ကာယကံရှင်တွေ ပြောခဲ့တာတွေနဲ့ အသတ်ခံရတဲ့ ကာယကံရှင်မိသားစုဘက်ကရယ်၊ အရင်ကဖြစ်ခဲ့တဲ့ လုပ်ရပ်တွေအရရယ် ပြောကြားခြင်း ဖြစ်ပါတယ်။ ကာယကံရှင်တွေ ပြောဆိုချက်ကနဦးမေးမြန်းချက်တွေအရ ကျွန်တော်တို့ ထုတ်ပြန်ထားခြင်း ဖြစ်ပါတယ်” ဟု ၎င်းက ပြောဆိုသည်။

ပြည်သူများ၏ လုံခြုံရေးနှင့်ပတ်သက်၍ ရာနှုန်းပြည့်အာမခံချက်ပေးနိုင်ရန် မဖြစ်နိုင်သော်လည်း ပြည်သူများ ပူးပေါင်းပါဝင်ရွက်လျှင် လုံခြုံရေးကောင်းမွန်အောင် လုပ်နိုင်မည်ဖြစ်ကြောင်း ၎င်းက ဆိုသည်။ 

“ အဖွဲ့၏ ပြောရေးဆိုခွင့်ရှိသူ ဦးခိုင်သုခကမူ အရပ်သားများကို လုပ်ကြံသတ်ဖြတ်သည့်လုပ်ရပ်မှာ ၎င်းတို့ လက်ချက်မဟုတ်ကြောင်း ငြင်းဆိုထားသည်။ ယင်းလုပ်ရပ်များမှာ တပ်မတော်၏လုပ်ရပ်များသာဖြစ်ပြီး ယင်းဖြစ်ရပ်များမှာ တပ်မတော်၏ လုပ်နည်းလုပ်ဟန်များနှင့် တူနေသည်ဟုလည်း ပြောဆိုသေးသည်။

ရခိုင်ပြည်နယ်တွင် မင်းမဲ့စရိုက်ဆန်သည့် လုပ်ရပ်များပေါ်ပေါက်နေသည်ဟုဆိုကာ ရခိုင်ပြည်နယ်အုပ်ချုပ်ရေးကို တပ်မတော်က တာဝန်လွှဲပြောင်းရယူလိုသဖြင့် လုပ်ဆောင်နေသည်ဟု ယူဆကြောင်းလည်း ဦးခိုင်သုခက ဆိုသည်။

တရားဥပဒေစိုးမိုးပါ၏လော

ရခိုင်ပြည်နယ်တွင် တိုက်ပွဲများပြင်းထန်နေသည့်ကာလမှာပင် အရပ်သားများ လုပ်ကြံခံရမှု၊ ကျေးရွာ အုပ်ချုပ်ရေးမှူးများအပါအဝင် အုပ်ချုပ်ရေးအဖွဲ့ဝင်များ အသတ်ခံရမှု၊ တရားဥပဒေစိုးမိုးရေးကို အဓိကကိုင်တွယ်နေသည့် ရဲတပ်ဖွဲ့မှ ရဲအရာရှိအသတ်ခံရမှုများဖြစ်ပွားနေသည်။

ယင်းဖြစ်ရပ်များတွင် လက်သည်တရားခံ မရှာနိုင်ခြင်း၊ မည့်သည့်အကြောင်းအရင်းကြောင့် သတ်ဖြတ်ကြသည်ကို မဖော်ထုတ်နိုင်ခြင်းတို့ကြောင့် တရားဥပဒေစိုးမိုးမှုအပေါ် မေးခွန်းထုတ်ကြသည်။

ပြည်သူလူထု၏ အသက်အိုးအိမ်စည်းစိမ်လုံခြုံမှု မရှိတော့သည့်အခြေအနေဖြစ်ကြောင်း ပြောဆိုသူက ရခိုင်ဒီမိုကရေစီ အဖွဲ့ချုပ်ပါတီ (ALD) ၏ အထွေထွေအတွင်းရေးမှူး ဦးမျိုးကျော် ဖြစ်သည်။

“အမျိုးမျိုးသော တံဆိပ်တွေကပ်ပြီး သတ်တာ၊ ဖြတ်တာတွေ၊ ဖမ်းဆီးအရေးယူတာတွေ အဲဒီလိုမျိုးကြုံ နေရတာကိုး။ ဒီအပေါ်မှာ ဘယ်သူမှတကယ်တမ်းကျတော့ တရားဥပဒေအရ အကာအကွယ်မရတဲ့ အခြေအနေ ဖြစ်တာပေါ့” ဟု ၎င်းက မှတ်ချက်ပေးသည်။

ALD ၏ဗဟိုကော်မတီဝင် ဦးခင်မောင်သန်း အသတ်ခံရမှု တစ်နှစ်နီးပါးကြာလာသည်အထိ တရားခံမဖော်ထုတ်နိုင်ခြင်းအပေါ်လည်း ၎င်းက ဝေဖန်သည်။ ဦးခင်မောင်သန်း အသတ်ခံရမှုတွင် အမှုဖော်ထုတ်ချက် ထူးခြားမှုမရှိသည့်အပြင် အရပ်သားများ လုပ်ကြံသတ်ဖြတ်ခံရသည့် အခြားသောအမှုများတွင်လည်း ယင်းအတိုင်းပင်တွေ့ရကြောင်း၊ မည်သည့်လူပုဂ္ဂိုလ် သို့မဟုတ် အဖွဲ့အစည်းက မည်သည့်အကြောင်း အရင်းကြောင့်သတ်သည်ဆိုသည်ကိုလည်း မသိရကြောင်း ၎င်းကဆိုသည်။

“သေတဲ့လူက ဆုံးတာပဲ။ ဘာမှနောက်ဆက်တွဲ ဒီအပေါ်မှာ ထပ်ပြီးတော့ ထုတ်ပြန်ခြင်းမရှိဘူး။ တာဝန်ယူမှု ၊ တာဝန်ခံမှု မရှိကြဘူး။ ဒီနေ့ဖြစ်နေတဲ့ ရခိုင်ပြည်နယ်ရဲ့ တရားဥပဒေစိုးမိုးမှုပေါ့”

ရခိုင်အမျိုးသားပါတီ (ANP) ၏ မူဝါဒရေးရာ ဦးဆောင်ကော်မတီဝင်လည်းဖြစ်၊ မြေပုံမဲဆန္ဒနယ်က ပြည်သူ့ လွှတ်တော်ကိုယ်စားလှယ်လည်းဖြစ်သူ ဦးဖေသန်းက ရခိုင်ပြည်နယ်တွင် တရားဥပဒေစိုးမိုးမှုပျက်ယွင်းနေပြီဟု မှတ်ချက်ပေးသည်။

“ဒါမျိုး (လုပ်ကြံသတ်ဖြတ်) ဖြစ်စဉ်က မြေပုံမြို့နယ်မှာ ခုနစ်မှုရှိပြီ။ ရခိုင်ပြည်နယ်တစ်ခုလုံးမှာဆိုရင် တော်တော်ကို များနေပြီပေါ့။ ဒါပေမဲ့ အဲဒီဖြစ်စဉ်တွေက ဘယ်သူသတ်တယ်၊ ဘယ်ဝါသတ်တယ်ဆိုတာကို ရဲက ဖော်ထုတ်နိုင်တာ တစ်ခါမှမရှိဘူး” ဟု ၎င်းက ပြောဆိုသည်။

ခေါင်းဖြတ်သတ်ထားသည့် လူနှစ်ဦး၏ ရုပ်အလောင်းများကို လူစည်ကားရာ ဈေးရှေ့တွင် ပြသထားခြင်းမှာလည်း ပြည်သူလူထု စိုးရိမ်ကြောက်လန့်စိတ်ကို မြင့်သထက်မြင့်တက်လာအောင် လုပ်ဆောင်ခြင်းဖြစ်ကြောင်း ထောက်ပြသူများလည်းရှိသည်။

“ဈေးလမ်းဝမှာ ခေါင်းဖြတ်ပြီးချထားတယ်ဆိုတော့ ကလေးတွေနဲ့ အမျိုးသမီးတွေဆိုရင် စိတ်ဒဏ်ရာတွေ ရသွားနိုင်တာပေါ့။ လုပ်တဲ့လူတွေက ကြောက်စိတ်ဝင်အောင်လုပ်တာပေါ့။ ကြောက်စိတ်ဝင်အောင် လုပ်တယ်ဆိုတာက ဥပဒေစိုးမိုးရေးပျက်အောင်လုပ်တာပေါ့” ဟု ဦးဖေသန်းက မှတ်ချက်ပေးသည်။

ထို့ကြောင့် ယင်းကဲ့သို့လုပ်ရပ်များ ကျူးလွန်သူများကို သက်သေများနှင့်တကွ ဖမ်းဆီးကာ တရားရုံးသို့ တင်ပို့ရမည်ဖြစ်သော်လည်း ဖြစ်မလာသဖြင့် တရားဥပဒေစိုးမိုးရေးအပေါ် ပြည်သူလူထု ယုံကြည်မှု လျော့ကျလာကြောင်း ဝေဖန်ချက်များလည်းရှိသည်။

မြန်မာ့တပ်မတော်နှင့် AA တို့ကလည်း အဆိုပါဖြစ်ရပ်များတွင် တစ်ဖွဲ့နှင့်တစ်ဖွဲ့အပြန်အလှန် အပြစ်လွှဲချ နေကြပြီး ရဲကလည်း မဖော်ထုတ်နိုင်သဖြင့် ပြစ်မှုကျူးလွန်သူများ မပေါ်ပေါက်တော့ဘဲ ပြည်သူများသည် ကောလာဟလသတင်းများကိုသာ ကြားသိနေရကြောင်း ဦးဖေသန်းကဆိုသည်။

“လူတွေက တအားစိုးရိမ်နေကြတာပေါ့။ တရားခံကို မဖော်ထုတ်နိုင်ဘူး ဆိုင်ရာဥပဒေစိုးမိုးရေးမရှိတော့ဘူး ပေါ့”ဟု ၎င်းကပြောဆိုသည်။ALD ပါတီ၏ အထွေထွေအတွင်းရေးမှူး ဦးမျိုးကျော်ကမူ လုံခြုံမှုမရှိသည့် အကြောင်းကို ရခိုင်ပြည်နယ်အစိုးရအဖွဲ့ တာဝန်ရှိသူများကိုယ်တိုင်ထုတ်ဖော် ပြောဆိုထားသည်ကို တွေ့ရသည်ဟု ပြောဆိုသည်။

“သူတို့တွေတောင်မှ ရခိုင်ပြည်နယ်ကို သူတို့လုပ်ငန်းကိစ္စတွေ ဖွံဖြိုးတိုးတက်ရေးအတွက် သွားဖို့အတွက် လုံခြုံရေးအရ အဆင်မပြေဘူးဆိုတာတွေ ပြည်နယ်အစိုးရကိုယ်တိုင်က ပြောနေတာတွေရှိတယ်”

ရခိုင်ပြည်နယ်တွင် ကျေးရွာအဆင့်အုပ်ချုပ်ရေးယန္တရားကို အဓိကမောင်းနှင်သည့် ကျေးရွာအုပ်ချုပ်ရေးမှူးများ အစုလိုက်အပြုံလိုက် နုတ်ထွက်ခြင်းများလည်းရှိနေသည်။ အုပ်ချုပ်ရေးမှူး အသတ်ခံရမှု၊ ဖမ်းဆီးခံရမှုစသဖြင့် လက်နက်ကိုင်နှစ်ဖွဲ့ကြားတွင် ကြားညှပ်သည့် အခြေအနေများကြောင့် နုတ်ထွက်ကြခြင်းဖြစ်သည်။ ယင်းမှာလည်း အုပ်ချုပ်ရေးယန္တရားအတွက် စိန်ခေါ်မှုဖြစ်နေသည်။

ပုံမှားရိုက်လာနိုင်သည်

တရားဥပဒေစိုးမိုးရေး၊ အုပ်ချုပ်ရေး ယန္တရားများပျက်ယွင်းမှုကို အစိုးရကမထိန်းသိမ်းနိုင်လျှင် ဒေသအခြေအနေ ပိုမိုစိုးရိမ်ဖွယ်ရာ ဖြစ်လာနိုင်ကြောင်း ထောက်ပြသူများရှိသည်။

နောက်ထပ်စိုးရိမ်ရသည့်ကိစ္စမှာ စက်မက်ဖြစ်နေသည့် နှစ်ဖက်လက်နက်ကိုင်များမဟုတ်ဘဲ အခြားလူပုဂ္ဂိုလ်၊ အဖွဲ့အစည်းများကလည်း ဒေသတွင်းအုပ်ချုပ်ရေးပျက်ယွင်းနေမှုကို အခွင့်ကောင်းယူကာ ပြစ်မှုများ ကျူးလွန်လာနိုင်ခြင်းဖြစ်သည်။

“ပိုစိုးရိမ်ရတာက တစ်ယောက်နဲ့တစ်ယောက် အငြိုးအာဃာတနဲ့ ဟိုဘက်အဖွဲ့လိုလို၊ ဒီဘက်အဖွဲ့လိုလို ကြားကအသတ်ခံရနိုင်တဲ့ အခြေအနေတွေလည်း ရှိတာပေါ့။ ကြားကအချောင်အမြတ်ထုတ်ပြီး ပုံမှားရိုက်ပြီးတော့ လုပ်လာနိုင်တဲ့အခြေအနေရှိတာပေါ့” ဟု ဦးဖေသန်းကထောက်ပြ။

ပြည်သူလူထုကလည်း လက်ရှိအခြေအနေတွင် စိုးရိမ်ကြောက်လန့်နေကြသဖြင့် အဖြစ်အပျက်များအပေါ် သက်သေမထွက်ဆိုဘဲ နှုတ်ပိတ်ကာ ကိုယ်လွတ်ရုန်းနိုင်သည့် အခြေအနေဖြစ်နေပြီး ရဲကလည်း မဖော်ထုတ်ရဲသည့် အခြေအနေဖြစ်နေကြောင်း ၎င်းကဆိုသည်။

ရဲများ လက်ရှောင်နေလော

ရခိုင်ပြည်နယ်တွင် လုပ်ကြံသတ်ဖြတ်သည့် ဖြစ်ရပ်များအပေါ် ရဲတပ်ဖွဲ့က မဖော်ထုတ်နိုင်မှုအပေါ် ဝေဖန်မှုများ ရှိနေသည်။ ကျောက်တော်မြို့နယ် ရဲတပ်ဖွဲ့မှူးနှင့် ယိုးတရုပ်ရဲစခန်းက ဒုတိယရဲအုပ်တို့ ဖြစ်ရပ်တွင်ပင် တရားခံမဖော်ထုတ်နိုင်ခြင်းမှာလည်း ဝေဖန်ခံနေရသည်။

ရဲတပ်ဖွဲ့သည့် လုပ်ကြံသတ်ဖြတ်သည့် ဖြစ်ရပ်များအပေါ် ထဲထဲဝင်ဝင်လိုက်ပြီး စုံစမ်းဖော်ထုတ်ရန် မဝံ့မရဲ ဖြစ်နေကြကြောင်း၊ စုံစမ်းမှုကို မည်ကာမတ္တ၊ တာဝန်ကျေရုံသာ လုပ်ဆောင်သည့်အခြေအနေတွေ့ရပြီး ပြစ်မှုကျူးလွန်သူကို ဖော်ထုတ်ကာ တရားရုံးတင်ပို့နိုင်သည့် အခြေအနေမရှိကြောင်း ဝေဖန်မှုများရှိသည်။

“ရဲဆိုတာက အခု သူတို့စခန်းမှာပဲနေတာများတယ်။ တော်ရုံတန်ရုံ လူသတ်မှုဖြစ်ရင်တောင် ရာဇဝတ်မှုဖြစ်လို့ သူတို့ထွက်မလိုက်တော့ဘူး။ စခန်းမှာပဲနေတာ များတယ်။ အဲဒီလိုအခြေအနေ ဖြစ်နေတယ်” ဟု ဦးဖေသန်းက ပြောကြားသည။်

အဆိုပါသတ်ဖြတ်မှုများနှင့်ပတ်သက်၍ ရခိုင်ပြည်နယ်ရဲတပ်ဖွဲ့မှူး ရဲမှူးကြီးကြည်လင်းကို စက်တင်ဘာလ ၁၂ ရက်က ဆက်သွယ်မေးမြန်းရာ ခေါင်းဖြတ်အသတ်ခံရသည့်အမှုကို စုံစမ်းနေသည်ဟုပြောဆိုပြီး နောက် ဖုန်းချသွားသဖြင့် အခြားသောလုပ်ကြံသတ်ဖြတ်ခံရမှုများနှင့် ပတ်သက်သည့်မေးမြန်းခွင့်မရလိုက်ပေ။

တရားဥပဒေစိုးမိုးမှုယိုယွင်းခြင်းမှာ စစ်မက်ဖြစ်ပွားခြင်းများကြောင့် ဖြစ်လာသည့် ဆိုးကျိုးဖြစ်ပြီး တိုက်ပွဲများမှာ မြို့၊ ရွာများနှင့် နီးနီးကပ်ကပ်ဖြစ်ပွားနေသဖြင့် စစ်မီးမငြိမ်းသေးသမျှ ဘေးထွက်ဆိုးကျိုးများကို ခံစားရမည့် အခြေအနေဖြစ်ကြောင်း ထောက်ပြသူများရှိသည်။

မူလကပင် ဖွံဖြိုးမှုနိမ့်ကျနေသည့် ရခိုင်ပြည်နယ်တွင် စစ်ပွဲများကြောင့် စီးပွားရေးလုပ်ငန်းများ ပိုမိုအခက်တွေ့လာပြီး ဖွံဖြိုးရေးလုပ်ငန်းများမှာလည်း တုံ့နှေးသွားသည်။ ထို့ကြောင့်လက်နက်ကိုင်များသည် ဒုက္ခရောက်နေသည့် ပြည်သူ့မျက်နှာကို ထောက်ထားပြီး လုပ်ဆောင်ကြစေလိုကြောင်း တိုက်တွန်းမှုများလည်း ရှိသည်။ ALD ပါတီ၏ အထွေထွေအတွင်းရေးမှူး ဦးမျိုးကျော်က ယခုကဲ့သို့ဆိုသည်။

“တရားဥပဒေစိုးမိုးရေးကတော့ ငြိမ်းချမ်းရေး၊ ပြည်င်းစစ်ရပ်စဲရေးနဲ့ တိုက်ရိုက်ဆက်စပ်ပတ်သက်တယ်”

အေအမ်တီ၊ ဇင်လင်းထက်        

You may also like...

Leave a Reply

Your email address will not be published. Required fields are marked *