ထိုင်းကျန်းမာရေးစောင့်ရှောက်မှု ကမ္ဘာ့အကောင်းဆုံး အဆင့်ခြောက် သတ်မှတ်ခံရ

မြန်မာစာဖြင့်ပင်ကြေညာချက်ကပ်ထားရသောထိုင်းဆေးခန်းတစ်ခန်း

ဘန်ကောက်၊ စက်တင်ဘာ ၁၀

ထိုင်းကျန်းမာရေးစောင့်ရှောက်မှု  အရည်အသွေးမှာ ၂၀၁၉ ခုနှစ်တွင် ကမ္ဘာ့အကောင်းဆုံး အဆင့်ခြောက်နေရာတွင် သတ်မှတ်ခံရကြောင်း ထိုင်းပြည်သူ့ကျန်းမာရေးဝန်ကြီးဌာန၏ ပြောကြားချက်ကို Bangkok Post သတင်းတွင် ဖော်ပြထားသည်။

ယခုကဲ့သို့ အဆင့်သတ်မှတ်ခံရခြင်းသည် ထိုင်းနိုင်ငံ၏ ကျန်းမာရေးစောင့်ရှောက်မှု တိုးတက်အောင် ဆောင်ရွက်ရာတွင် အောင်မြင်မှုရရှိကြောင်း ညွှန်ပြနေသည့် အချက်ဖြစ်ကြောင်း ထိုင်းပြည်သူ့ ကျန်းမာရေးစောင့်ရှောက်မှုရေးရာဝန်ကြီး အနုတင်ကပြောကြားသည်။

အမေရိကန်နိုင်ငံထုတ် CEOWORLD မဂ္ဂဇင်းက ကမ္ဘာ့နိုင်ငံများ၏ ကျန်းမာရေးစောင့်ရှောက်မှုကို အကဲဖြတ်၍ အဆင့်ထုတ်ပြန်ရာတွင်  ၂၀၁၉ ခုနှစ်အတွက် ထိုင်းကျန်းမာရေးစောင့်ရှောက်မှုမှာ အဆင့်ခြောက်နေရာတွင် ရပ်တည်ခဲ့ခြင်းဖြစ်သည်။

ယင်းမဂ္ဂဇင်းက ကမ္ဘာ့နိုင်ငံ ၈၉ နိုင်ငံ၏ ကျန်းမာရေးစောင့်ရှောက်မှုကို  အဆင့်သတ်မှတ်ရာတွင် ထိုင်းနိုင်ငံကို  အဆင့်ခြောက်အဖြစ်သတ်မှတ်ခဲ့ပြီး တောင်ကိုရီးယားနိုင်ငံကို ဒုတိယနှင့် ဂျပန်နိုင်ငံကို တတိယအဖြစ် သတ်မှတ်ခဲ့သည်။

ပထမအဖြစ် သတ်မှတ်ခံရသည့်နိုင်ငံမှာ ထိုင်ဝမ်ဖြစ်ပြီး ဥရောပနိုင်ငံများဖြစ်သော ဒိန်းမတ်က အဆင့်ငါး၊ စပိန်က အဆင့် ခုနစ်၊ ပြင်သစ်က အဆင့်ရှစ်နှင့် ဘယ်လ်ဂျီယံနိုင်ငံက အဆင့်ကိုးအဖြစ်သတ်မှတ်ခံခဲ့ရသည်။

ကျန်းမာရေးစောင့်ရှောက်မှု အကောင်းဆုံးအဆင့်သတ်မှတ်ရာတွင် တိုင်းတာသည့်ညွှန်ကိန်းများမှာ အခြေခံအဆောက်အဦ၊ ကျန်းမာရေးဆိုင်ရာ ကျွမ်းကျင်သူများ (ဆရာဝန်၊ သူနာပြုနှင့် အခြားသော ကျန်းမာရေးလုပ်သားများ) ၏အရည်အသွေး၊ ကုန်ကျစရိတ်၊  အရည်အသွေးကောင်းသော ဆေးဝါးများ ရယူသုံးစွဲနိုင်မှု၊ အစိုးရပိုင်းက အဆင်သင့်ဖြစ်နေမှု စသည့်အချက်များအပါအဝင် နိုင်ငံတစ်နိုင်ငံ၏ ကျန်းမာရေးစောင့်ရှောက်မှု စနစ်တစ်ခုလုံးကိုခြုံငုံ၍  စာရင်းအင်းအချက်အလက်များဖြင့်  သုံးသပ်တိုင်းတာခြင်း ဖြစ်သည်။

ထို့ပြင် သန့်ရှင်းသောရေရရှိမှု၊ ရေးဆိုးရေလာကောင်းမွန်မှု၊ ဆေးလိပ်၊ ဆေးရွက်ကြီး၊ သကြားအလွန်အကျွံ စားသုံးခြင်း စသည့်အန္တရာယ်ရှိသော အပြုအမူများကို ပြစ်ဒဏ်ပေးမှု စသည်အချက်များကိုလည်း ထည့်သွင်းစဉ်းစားတွက်ချက်ခြင်းဖြစ်ကြောင်း အဆိုပါသတင်းတွင် ဖော်ပြထားသည်။ 

You may also like...

Leave a Reply

Your email address will not be published. Required fields are marked *