မြန်မာအပါအဝင် အိမ်နီးချင်းနိုင်ငံများထံမှ လျှပ်စစ်စွမ်းအင် ဘင်္ဂလားဒေ့ရ်ှဝယ်ရန် ဆွေးနွေးလျက်ရှိ

ဘင်္ဂလားဒေ့ရှ် ဝန်ကြီးချုပ်ရှိတ်ဟာဆီနာ

ဒါကာ၊ စက်တင်ဘာ ၁၁

ဘင်္ဂလားဒေ့ရ်ှနိုင်ငံက မြန်မာအပါအဝင် အိမ်နီးချင်းနိုင်ငံများထံမှ လျှပ်စစ်စွမ်းအင်ဝယ်ယူတင်သွင်းရန် ဆွေးနွေး လျက်ရှိသည်ဟု ဘင်္ဂလားဒေ့ရ်ှဝန်ကြီးချုပ် ရှိတ်ဟာဆီနာက ပြောကြားလိုက်ကြောင်း ဘင်္ဂလားဒေ့ရ်ှန်ိုင်ငံထုတ် The Daily Star သတင်းတွင် ဖော်ပြထားသည်။

“မိမိတို့ရဲ့လိုအပ်ချက်ကို ပြည့်မီဖို့ အိန္ဒိယ၊ မြန်မာ၊ ဘူတန်နဲ့ နီပေါ နိုင်ငံတွေကနေ ရေအားလျှပ်စစ်တင်သွင်းဖို့ ကိစ္စဆွေးနွေးနေပါတယ်” ဟု ဘင်္ဂလားဒေ့ရှ် ဝန်ကြီးချုပ်ရှိတ်ဟာဆီနာက ပြောကြားသည်။

ဘင်္ဂလားဒေ့ရ်ှနိုင်ငံသည် အိန္ဒိယမှလျှပ်စစ်စွမ်းအင် မီဂါဝပ် ၆၀၀ ကို ဝယ်ယူထားပြီးဖြစ်ပြီး ဘူတန်နိုင်ငံတွင် ရင်းနှီးမြှုပ်နှံရန် ဆွေးနွေးလျက်ရှိကြောင်း ၎င်းကပြောကြားသည်။

ဘင်္ဂလားဒေ့ရ်ှဝန်ကြီးချုပ် ရှိတ်ဟာဆီနာသည် ဗီဒီယိုကွန်ဖရင့်မှတစ်ဆင့် ဘင်္ဂလားဒေ့ရ်ှနိုင်ငံတစ်ဝန်းတွင် တည်ဆောက်ခဲ့သည့် လျှပ်စစ်ဓာတ်အားပေးစက်ရုံများဖွင့်ပွဲတွင် ယင်းကဲ့သို့ပြောကြားခဲ့ခြင်းဖြစ်သည်။

လျှပ်စစ်စွမ်းအင်ကဏ္ဍဖွံ့ဖြိုးတိုးတက်မှုသည် အခြားကဏ္ဍများ ဖွံ့ဖြိုးတိုးတက်မှုနှင့်အတူ အလွန်အရေးကြီးပြီး  လျှပ်စစ်စွမ်းအင်သည် အလုပ်အကိုင်ဖန်တီးနိုင်ကြောင်း ၎င်းကပြောကြားသည်။ 

You may also like...

Leave a Reply

Your email address will not be published. Required fields are marked *