မီးဖိုချောင် ဝင်လျှင် မီးပူမကြောက်ရ

ပြည်သူအများနှင့်ဆိုင်သည့် ပြည်သူ့ပုဂ္ဂိုလ်များ အရေထူစေလိုသည်။ အသာထားလိုက်ရုံဖြင့်ရသော ကိစ္စများကို တရားစွဲနေ၊ နာနေမည်ဆိုလျှင် ပြည်သူတို့ အမြင်စောင်းနိုင်သလို ကိုယ့်မူလအလုပ်မှလည်း လမ်းကြောင်းလွဲသွားနိုင်သည်။

နိုင်ငံရေးသမားများ၊ ဝန်ကြီး စသည့် အစိုးရအရာရှိကြီးများ၊ နာမည်ကျော်အားကစားသမားများ၊ နာမည်ကျော် ရုပ်ရှင်သရုပ်ဆောင် အဆိုကျော်များသည် ပြည်သူ့ပုဂ္ဂိုလ် Public Person များဖြစ်သည်။

ဒီမိုကရေစီအပြောင်းအလဲသွားနေသော ဒီမိုကရေစီခေတ်၊ သတင်းအချက်အလက်တင်ရ၊ ဝေမျှရအလွန်လွယ်သည့် လူမှုကွန်ရက်မီဒီယာခေတ်တွင် ပြည်သူ့ပုဂ္ဂိုလ်များကို ဝေဖန်ရလွယ်သည်။ ချစ်စနိုးစချင်နောက်ချင်သူများလည်း ရှိမည်။

စင်စစ် ကိုယ့်ကိုစိတ်ဝင်စားသောကြောင့်သာ ဝေဖန်နေကြခြင်း၊ နောက်ပြောင်နေကြခြင်းဖြစ်သည့်အတွက် ကိုယ့်ကိုယ်ဝေဖန်နောက်ပြောင်သူများလာလျှင် နေရာအဆင့်တစ်ဆင့်သို့ရောက်ပြီဟု ဂုဏ်ယူ၍ပင်ရနိုင်သည်။ ရုပ်ရှင်သရုပ်ဆောင်များ၊ အဆိုကျော်များဖြစ်လျှင် ပရိသတ်ပိုများမည်၊ ဝင်ငွေပိုကောင်းမည်။ နိုင်ငံရေးသမားဖြစ်လျှင် ရွေးကောက်ခံရမည်။ ဝန်ကြီးဖြစ်လျှင် ကိုယ့်မူဝါဒများကို ပြည်သူပိုထောက်ခံမည်။

ပြည်သူ့ပုဂ္ဂိုလ်များအနက် အစိုးရအရာရှိကြီးများသည် အဆိုကျော်၊ ရုပ်ရှင်သရုပ်ဆောင်တို့နှင့်မတူဘဲ ပြည်သူ့ဘ၀များကို ကောင်းမွန်အောင် တိုက်ရိုက်ဖန်တီးစေစားနေသူများဖြစ်သည့်အတွက် ပြည်သူတို့၏ အပြုအမူများကို အကဲမဆတ်ဘဲ နားလည်ရန် ပိုလွယ်သည်။ Public Office ခေါ် ပြည်သူ့ရေးရာရာထူး အလွယ်ခေါ် အစိုးရရာထူးကို ရယူလိုက်သည်နှင့် သာမန်ပြည်သူဘ၀ကဲ့သို့ မဟုတ်တော့ဘဲ ဝေဖန်ခံရတော့မည်ဟူသော အသိရှိမှသာ ဒီမိုကရေစီခေတ်၊ လူမှုကွန်ရက်မီဒီယာခေတ်တွင် အလုပ်ဖြစ်မည်။

စင်စစ် ဝေဖန်ခံရခြင်း၊ နောက်ပြောင်ခံရခြင်းသည် ပြည်သူ့ရေးရာရာထူးများ၏ အလုပ်တာဝန် Job Description တွင် ရေးမထားသော်လည်း အမြဲတွဲပါနေသည်။

‘မီးဖိုချောင်ထဲဝင်လျှင် မီးပူမည်ကို ကြောက်၍မဖြစ်’ ဟူသော စကားသည် အစိုးရတာဝန်ကို ယူထားသူများ၊ နိုင်ငံရေးသမားကြီးများအတွက် ရည်ညွှန်းသော နာမည်ကျော်စကားဖြစ်သည်။ အထူးသဖြင့် ဒီမိုကရေစီကို တောင်းဆိုပြီး တက်လာသော နိုင်ငံရေးသမားကြီးများက ရှေ့ဆုံးက ဦးဆောင်ကျင့်ကြံစေလိုသည်။ 

 

အယ်ဒီတာ
၁၉.၉.၂၀၁

You may also like...

Leave a Reply

Your email address will not be published. Required fields are marked *