ရတက်ပွေ ပိတ်ရက်ရှည်

အစိုးရကြေညာချက်တစ်ခုကြောင့် စီးပွားရေးလုပ်ငန်းရှင်များ ခေါင်းခဲသွားရသည်။ အများပြည်သူ အလုပ်ပိတ်ရက် အပြောင်းအလဲကြောင့်ပင်။ ယင်းကြောင့် စီးပွားရေးလုပ်ငန်းများ အခက်အခဲများ တွေ့ကြုံရမည်လော။

၂၀၁၉ ခုနှစ်တွင် သီတင်းကျွတ်ရုံးပိတ်ရက်များကို ရုတ်တရက် ပြောင်းလဲသတ်မှတ်လိုက်ခြင်းကြောင့် တစ်နှစ်စာကုန်ထုတ်လုပ်ရန် ကြိုတင်ပြင်ဆင်ထားရသည့်လုပ်ငန်းများ ထိခိုက်ကာ ကုန်ထုတ်စရိတ်များ ပိုမိုကုန်ကျနိုင်ခြင်းလည်းရှိကြောင်း လုပ်ငန်းရှင်များက ညည်းတွားကြသည်။

သို့သော် အများပြည်သူ အလုပ်ပိတ်ရက် အစားထိုးပေးခြင်းကြောင့် ဝန်ထမ်းများက ပျော်ရွှင်ကြသည်။ တစ်ဖက်တွင်လည်း ထုတ်လုပ်မှုလျော့ကျသည့်ပြဿနာများလည်း ရှိသည်။

နိုင်ငံတော်အစိုးရအနေနှင့် မူဝါဒတစ်ခုပြောင်းလဲရာတွင် သက်ဆိုင်ရာကဏ္ဍအလိုက် အားလုံးပါဝင်ဆွေးနွေးပြီးမှသာ မူဝါဒချသင့်သည်ဟု သက်ဆိုင်ရာကျွမ်းကျင်ပညာရှင်များက အကြံပေးသည်။

လက်ရှိတွင်အစိုးရသတ်မှတ်လိုက်သည့် ပိတ်ရက်များကြောင့် ကုန်ထုတ်လုပ်ငန်းများထိခိုက်မှုနည်းစေရန် ရရှိသည့်အချိန်တိုအတွင်း သင့်လျော်သလို အစီအမံများ ပြုလုပ်ရကြောင်း လုပ်ငန်းရှင်များက ဆိုသည်။

အစိုးရအဆက်ဆက် ပြောင်းလဲပိတ်ရက်

၂၀၁၉ ခုနှစ် ပြက္ခဒိန်ရှိ အစိုးရရုံးပိတ်ရက်များကို ရုတ်ချည်းဆိုသလို ပြောင်းလဲသတ်မှတ်လိုက်သည်။ အများပြည်သူ အလုပ်ပိတ်ရက်ဖြစ်သည့် သီတင်းကျွတ်ရုံးပိတ်ရက် နှစ်ရက်နှင့် တန်ဆောင်တိုင်ရုံးပိတ်ရက် တစ်ရက်သည် ရက်သတ္တ ပတ်ပိတ်ရက် (စနေ၊ တနင်္ဂနွေ)များသို့ ကျရောက်နေသည့်အတွက်ကြောင့် အစိုးရက အစားထိုးပိတ်ရက်များ တိုးပေးလိုက်ကြောင်း ဩဂုတ် ၉ ရက်နေ့တွင် ကြေညာလိုက်သည်။

အစိုးရရုံးပိတ်ရက်အဖြစ် သီတင်းကျွတ်ငါးရက်နှင့် တန်ဆောင်တိုင်တွင် သုံးရက်ရှိသည်။

နိုင်ငံတကာနှင့် အစိုးရအဆက်ဆက်တွင် အများပြည်သူပိတ်ရက်များသည် ရက်သတ္တပတ်ပိတ်ရက်ဖြင့် တိုက်ဆိုင်ပါက အစားထိုးပိတ်ရက်ပေးခြင်း မရှိခဲ့ချေ။

လက်ရှိအစိုးရလက်ထက်တွင် ပိတ်ရက်များ အစားထိုးပိတ်လိုပါက လွှတ်တော်တွင် တင်သွင်းသင့်ကြောင်း၊ လွှတ်တော်က အတည်ပြုပြီးမှ သတ်မှတ်သင့်ကြောင်း၊ လိုအပ်သည့်ဥပဒေများပြင်ကာ နည်းလမ်းတကျလုပ်သင့်ကြောင်း နိုင်ငံတကာရင်းနှီးမြှပ်နှံမှုကုမဏီများ၏ ဥပဒေအကြံပေး ဦးမျိုးသန့်ဆွေက အကြံပေးသည်။

၂၀၁၆ ခုနှစ်တွင် အမျိုးသားဒီမိုကရေစီအဖွဲ့ချုပ်အစိုးရတက်လာပြီးနောက်ပိုင်း ပြုပြင်ပြောင်းလဲရေးများ စတင်ရာတွင် အစိုးရရုံးပိတ်ရက်များ ပြောင်းလဲခြင်းလည်း ပါဝင်သည်။

ပြည်ထောင်စုအစိုးရအဖွဲ့အနေဖြင့် ၂၀၁၆ ခုနှစ် မေလတွင် ၂၀၁၇ ခုနှစ်တွင်ပြောင်းလဲမည့် အစိုးရရုံးပိတ်ရက်အကြောင်း ထုတ်ပြန်ကြေညာခဲ့သည်။

မဟာသင်္ကြန်အကြိုနေ့မတိုင်မီ တစ်ရက်မှစ၍ ၁၀ ရက်တိတိသတ်မှတ်ခြင်းကြောင့် ရက်ရှည်ကာလရုံးပိတ်ရက်နှင့် ဘဏ်ပိတ်ရက်ရှည်ဖြစ်ပေါ်သဖြင့် နိုင်ငံတကာနှင့် ဆက်သွယ်ဆောင်ရွက်ရာတွင် ရုံးလုပ်ငန်းများ၊ ဘဏ်လုပ်ငန်းနှင့် ကုန်စည်စီးဆင်းမှုတွင် နှောင့်နှေးကြန့်ကြာခြင်းမှုဖြစ်ပေါ်ခဲ့ရာ ရုံးပိတ်ရက်များ ပြင်ဆင်ပြောင်းလဲလိုက်သည်။

သင်္ကြန်အကြိုနေ့မှ နှစ်ဆန်းတစ်ရက်နေ့ထိ ငါးရက်ပြောင်းလိုက်သည်။ ကျန်ရှိနေသည့်ရက် ငါးရက်ကို သီတင်းကျွတ်တွင် နှစ်ရက်၊ တန်ဆောင်တိုင်တွင်နှစ်ရက်နှင့် နိုင်ငံတကာနှစ်သစ်ကူးပိတ်ရက်တွင် တစ်ရက်ဖြည့်သွင်းလိုက်သည်။

မည်သို့ပင်ဆိုစေ အစိုးရရုံးပိတ်ရက် များသတ်မှတ်ရာတွင် တစ်နှစ်ကြိုတင်ကြေညာလေ့ရှိသဖြင့် ကုန်ထုတ်စီးပွားရေးလည်ပတ်သည့် လုပ်ငန်းများအတွက် လိုအပ်မှုများကို ကြိုတင်ပြင်ဆင်ချိန်ရှိခဲ့သည်။

“ အစိုးရကနေ ရုတ်တရက်ကြေညာလိုက်တဲ့အခါကျတော့ အစိုးရမှာလုပ်ပိုင်ခွင့် မရှိဘူးလားဆိုတော့လည်း ရှိတယ်။ ဒါပေမဲ့ ဥပဒေဆိုင်ရာမှာ အငြင်းအခုန် ဖြစ်တယ်” ဟု ဦးမျိုးသန့်ဆွေက ဆက်လက်ပြောကြားသည်။

တပ်မတော်အစိုးရက နေပြည်တော်မြို့သစ်ကြီးတည်ပြီးနောက်ပိုင်း ၂၀၀၆ ခုနှစ်တွင် နေပြည်တော်သို့ အစိုးရဌာနဆိုင်ရာများကို ပြောင်းရွှေ့လိုက်သည်။

ရန်ကုန်မြို့ရှိ အစိုးရဌာနအားလုံး နေပြည်တော်သို့ ပြောင်းရွှေ့ရုံးထိုင်ကြသော်လည်း ရန်ကုန်တွင် အခြေချနေသည့် ဝန်ထမ်းမိသားစုဝင်များမှာ ရန်ကုန်ကျန်ရစ်ခဲ့ကြသည်က များသည်။

နေပြည်တော်သို့ပြောင်ရွှေ့ပြီး တစ်နှစ်အကြာတွင် မြန်မာ့နှစ်သစ်ကူးသင်္ကြန်ကာလ ငါးရက်ပိတ်ရာမှ နောက်ထပ် ၅ ရက်တိုးလိုက်ကာ အစိုးရရံးပိတ်ရက် ၁၀ ရက်သို့ ပြောင်းလဲသွားခဲ့သည်။

နိုင်ငံတော်အေးချမ်းသာယာရေးနှင့် ဖွံဖြိုးရေးကောင်စီအစိုးရလက်ထက် ၂၀၀၇ ခုနှစ် ဩဂုတ် ၁၆ ရက် ကြေညာချက်အမှတ် ၁/၂၀၀၇ ဖြင့် အစိုးရရုံးပိတ်ရက် ၁၀ ရက်အဖြစ် ကြေညာခဲ့ခြင်းဖြစ်သည်။ ယင်းအစဉ်အလာအတိုင်း အစိုးရရုံးပိတ်များရရှိလာသည်။

တပ်မတော်အစိုးရလက်ထက်မှ ဒီမိုကရေစီစနစ်သို့ကူးပြောင်းချိန် သမ္မတ ဦးသိန်းစိန်လက်ထက်တွင် သင်္ကြန်အစိုးရုံး ပိတ်ရက်များဖြင့် ပတ်သက်ကာ လွှတ်တော်အတွင်း ဆွေးနွေးမှုပြုလုပ်လာသည်။

၂၀၁၂ ခုနှစ်တွင် လသာမြို့နယ် မဲဆန္ဒနယ်မှ ပြည်သူ့လွှတ်တော် ကိုယ်စားဟောင်း ဦးကြီးမြင့် (ကွယ်လွန်) သည် မဟာသင်္ကြန် အစိုးရရုံးပိတ်ရက်များကြောင့် ကုန်ထုတ်စွမ်းအားများ ပိုမိုတိုးထုတ်နိုင်ရန်၊ ပိတ်ရက်ကြောင့် လုပ်ငန်းတွင်ကျယ်မှု အားနည်းခြင်းကြောင့် ဆယ်ရက်အစား ငါးရက်သာ ပြန်လည်သတ်မှတ်ပေးရန် ပြည်သူ့လွှတ်တော်တွင် မေးမြန်းဖူးသည်။

သမ္မတရုံးဝန်ကြီးဌာနက မူလအတိုင်းရုံးပိတ်ရက် ဆယ်ရက်အဖြစ်သာ ထားရှိရန် ပြန်လည်ဖြေကြားခဲ့သည်။ တရားဝင်သတ်မှတ်ထားသည့် အစိုးရရုံးပိတ်ရက်များကို ပြင်ဆင်သတ်မှတ်ရန် ပြည်သူ့လွှတ်တော်သို့တင်ပြကာ ဆွေးနွေးမှုများ ပြုလုပ်ခဲ့သည်။

အမျိုးသားဒီမိုရေစီအဖွဲ့ချုပ်အစိုးရလက်ထက်တွင်မူ ကြေညာထုတ်၍ အများပြည်သူရုံးပိတ်ရက်များကို ရက်အစားထိုးပေးခြင်းဖြင့် အပြောင်းအလဲလုပ်သည်။

ဥပဒေတွင်မည်သို့ဆို

၁၉၅၁ ခုနှစ်တွင် ပြဋ္ဌာန်းထားသည့် ခွင့်ရက်နှင့်အလုပ်ပိတ်ရက်ဥပဒေတွင် အများပြည်သူအလုပ်ပိတ်ရက်သည် ရက်သတ္တပတ် အလုပ်ပိတ်ရက်သော်လည်းကောင်း၊ အခြားပိတ်ရက်သော်လည်းကောင်း တိုက်ဆိုင်နေလျှင် အခြားနေ့တစ်နေ့ကို အများပြည်သူ အလုပ်ပိတ်ရက်အဖြစ် ပြောင်းလဲ၍ ခွင့်မပြုရဟုပါရှိသည်။

ထိုသို့တိုက်ဆိုင်နေပါက အလုပ်ပိတ်ရက်ကို အများပြည်သူအလုပ်ပိတ်ရက်အဖြစ် ယူဆရမည်ဟု ပါဝင်သည်။

ထိုဥပဒေကို ၂၀၁၄ ခုနှစ်တွင် ထပ်မံပြင်ဆင်ခဲ့သော်လည်း ယင်းအချက်ကို ပြင်ဆင်ထားခြင်းမရှိပေ။

“ ဒီဥပဒေမှာက ရှေ့ဥပဒေကို ပယ်ဖျက်လိုက်ပေမယ့် နောက်ပြဋ္ဌာန်းလိုက်တဲ့ ဥပဒေနဲ့ မဆန့်ကျင်ရင်လို့ ပါခဲ့ရင် လုံးလုံးပယ်ဖျက်သွားတာ မဟုတ်ဘဲနဲ့ တချို့ပြဋ္ဌာန်းချက်တွေက နောက်ပြဋ္ဌာန်းလိုက်တဲ့ ဥပဒေနဲ့ မဆန့်ကျင်သမျှ သုံးလို့ ရတယ်” ဟု ဥပဒေအကြံပေး ဦးခင်မောင်မြင့် က ဆိုသည်။

၂၀၁၄တွင် ပြင်ဆင်ပြဋ္ဌာန်းခဲ့သည့် ခွင့်ရက်နှင့်အလုပ်ပိတ်ရက်ဥပဒေမှာ ပင်မဥပဒေဖြစ်ကာ ၁၉၅၁ တွင် ပြဋ္ဌာန်းခဲ့သော ဥပဒေမှာ တွဲဖက်အသုံးပြုရ ဥပဒေဖြစ်ကြောင်း ၎င်းက ဆက်လက်ပြောကြားသည်။

ယင်းအခြေအနေများကြောင့် ဥပဒေရေးဆွဲသည့် အဖွဲ့များကိုယ်တိုင် ဥပဒေလုပ်ငန်းများကို ပြည်ပြည့်စုံစုံလုပ်ဆောင်ရန် တာဝန်ရှိသော်လည်း အချိန်မပေးနိုင်သည်များရှိကြောင်း ၎င်းက ဆိုသည်။

နိုင်ငံတော်အစိုးရအနေနှင့် အမိန့်ကြေညာချက်ထုတ်ပြန်ကာ လုပ်ခွင့်ရှိသော်လည်း တစ်ဖက်တွင် အစားထိုးပိတ်ရက်ဥပဒေမရှိချေ။

မည်သို့အခက်ကြုံ

ယခင်က အစိုးရက တစ်နှစ်ကြိုတင် ကြေညာသည့်အတွက်ကြောင့် ယင်းပိတ်ရက်များကိုကြည့်ကာ လုပ်ငန်းရှင်များက နောက်တစ်နှစ်အတွက် အချိန်ဇယားဆွဲကြသည်။ ယေဘုယျအားဖြင့် တစ်နှစ်တွင် သုံးလတစ်ဖြတ်၊ ခြောက်တစ်ဖြတ်ဖြင့် လုပ်ငန်းလည်ပတ်ကြသည်။

ပြည်တွင်းထုတ်လုပ်ရေးလုပ်ငန်းများ (အစားအသောက်၊ အချိုရည်၊ ရေသန့်) အစရှိသည့် ကုမ္ပဏီများသည် ပြည်တွင်းဈေးကွက်ပြည့်မီအောင် ကုန်ထုတ်လုပ်ရသည်။

ဈေးကွက်အခြေခံကာ ကုန်ထုတ်လုပ်ငန်းများတွင် အလုပ်ပိတ်ရက်ကြိုတင်မသိရခြင်းကြောင့် ဈေးကွက်ချိန်ဆမှုတွင် အခက်အခဲများဖြစ်ပေါ်ရသည်။

ယခုနှစ်အတွင်းပြောင်းလဲလိုက်သည့် အစိုးရရုံးပိတ်ရက်ကြောင့် မြန်မာနိုင်ငံအတွင်း လုပ်သားအများဆုံး အသုံးပြုရသည့် အထည်ချုပ်လုပ်ငန်းများ၊ ကုန်ထုတ်လုပ်ရေး (အချိုရည်၊ စားသောက်ကုန်) လုပ်ငန်းများတွင် အခက်တွေ့ရသည်။

“ကျွန်တော်တို့က ပိတ်ရက်တော့ ရှိတော့ရှိတာပေါ့။ တအားများသွားရင် ကျွန်တော်တို့ ဒီတစ်ရုံထဲမဟုတ်ဘူး။ ရုံတိုင်း၊ ရုံတိုင်း အခက်အခဲတော့ ရှိကြတယ်။ အဲဒီတော့ ပိတ်ရက်က တအားများရင်လည်း ကျွန်တော်တို့မှာ အခက်အခဲတော့ရှိနိုင်တယ် ” ဟု Grand Sport International အထည်ချုပ်စက်ရုံမှ အုပ်ချုပ်မှုဒါရိုက်တာ ဦးအောင်ဝင်းက ဆိုသည်။

အစိုးရရုံးပိတ်ရက်များလာခြင်းကြောင့် အထည်ချုပ်စက်ရုံတိုင်း အမှာစာ (အော်ဒါ)လျှော့လက်ခံရသည့်နည်းလမ်း သုံးရကြောင်း ၎င်းက ဆက်လက်ပြောကြားသည်။

“ ငါးရက်ဆိုတဲ့အချိန်က နည်းနည်းနောနောမဟုတ်ဘူးပေါ့ဗျာ” ဟု အထည်ချုပ်လုပ်ငန်းပိုင်ရှင် ဦးအောင်ဝင်းက ပြောကြားသည်။

ကုန်ထုတ်လုပ်ငန်းတွင် ပိတ်ရက်များလာပါက ယင်းနှင့်ဆက်စပ်နေသည့် ထုတ်လုပ်မှုကွင်းဆက်တစ်ခုလုံး ထိခိုက်နစ်နာသည်။

“ လူအင်အား၊ အချိန်အင်အား အကန့်အသတ်ရှိတဲ့အခါကျတော့ ဒီသင်္ဘောနဲ့တင်ရတဲ့နေရာမှာ လေယာဉ်နဲ့ တင်ရတဲ့အထိဖြစ်တော့ ဆုံးရှုံးမှုဖြစ်လို့ အော်ဒါကိုလျှော့ပြီးလက်ခံရတယ်”ဟု ဦးအောင်ဝင်းက ဆိုသည်။

ကုန်ထုတ်မှုတွင် ကုန်ပစ္စည်းထုတ်လုပ် ပြီးချိန်တွင် နိုင်ငံတကာသို့ ပို့ဆောင်ရာတွင် သင်္ဘောဖြင့် ပုံမှန်ပို့ဆောင်နေရာမှ လေယာဉ်ဖြင့် ကုန်တင်ပို့ရသည်အထိ ဖြစ်ရကြောင်း ၎င်းက ဆိုသည်။

မြန်မာ့အထည်ချုပ်လုပ်ငန်းမှ တင်ပို့မှုတွင် ဥရောပသမဂ္ဂနိုင်ငံများ၊ ဂျပန်နှင့် ကိုရီးယားနိုင်ငံတို့သို့ တင်ပို့မှုများသည်။

ဥရောပသမဂ္ဂနိုင်ငံများက မြန်မာနိုင်ငံကို၂၀၁၃ ခုနှစ်တွင် အခွန်ကင်းလွတ်ခွင့်ပြုထားသည်။ ယင်းနောက်ပိုင်းတွင် မြန်မာ့အထည်ချုပ်လုပ်ငန်းတွင် ရင်းနှီးမြှပ်နှံသူ များလာသည်။

ယခုလိုအစိုးရရုံးပိတ်ရက် ရုတ်တရက်ပြောင်းလဲလိုက်သည့်အတွက် ပိတ်ရက်အတွင်း လုပ်ငန်းများ ရပ်နားထားရခြင်းကြောင့် အခြားနိုင်ငံများသို့ အမှာစာများ ပြောင်းလဲရောက်ရှိသွားကြောင်း ဦးအောင်ဝင်းက ဆိုသည်။

“အဲဒီတော့ ကိုယ့်အော်ဒါတွေက သူများနိုင်ငံတွေချည်း ရောက်ကုန်နိုင်တယ်။ အဲဒါတွေရှိတယ်” ဟု၎င်းက ဆက်လက်ပြောကြားသည်။

လက်ရှိတွင် အထည်ချုပ်စက်ရုံအရေအတွက် ၂၀၀ နီးပါးရှိကာ အများစုက နိုင်ငံခြားရင်းနှီးမြုပ်နှံမှုများဖြစ်ကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနထံမှ သိရသည်။

မြန်မာနိုင်ငံ ကုန်သွယ်ရေးကဏ္ဍတွင် အထည်ချုပ်လုပ်ငန်းမှာ ပြည်ပပို့ကုန်စုစုပေါင်း၏ ၁၆ ရာခိုင်နှုန်းရှိသည်။

မြန်မာနိုင်ငံ၏အဓိကလုပ်ငန်းတစ်ခုဖြစ်သော အထည်ချုပ်လုပ်ငန်းများသည် နိုင်ငံတကာမှ လုပ်ငန်းအမှာကို အဓိကမှီခိုအားထားရခြင်းကြောင့် အချိန်မီ လုပ်ငန်းပြီးစီးရန်လိုအပ်ပေသည်။

အများပြည်သူ အလုပ်ပိတ်ရက်များတွင် အလုပ်လုပ်ကိုင်ရပါက ပုံမှန်အလုပ်ချိန်အတွင်း အလုပ်လုပ်ရသော အလုပ်သမားများသည် အခြေခံလုပ်ခလစာ၏ နှစ်ဆကို ပုံမှန်အတိုင်းရရှိရမည်ဖြစ်သည်။ ယင်းကြောင့် အချိန်မီအလုပ်ပြီးစီးရန် အချိန်ပိုခေါ်ပါကလည်း ကုန်ကျစရိတ် ပိုတက်လာမည်ဖြစ်သည်။

“ဒါကပြောရရင် ပိတ်ရက်များရင် မလိုအပ်တဲ့ OT အိုဗာတိုင်တွေခေါ်နေရတာပေါ့။ အဲဒီလိုခေါ်ရလို့ စရိတ်စကတက်တယ်” အုပ်ချုပ်မှု ဒါရိုက်တာ ဦးအောင်ဝင်းက ဆိုသည်။ “OT လုပ်ရင်လည်း အဆင်မပြေဘူး။ ရက်က ကြာကြာပိတ်တော့ ကုန်ကျစရိတ်များတယ်”

အစိုးရပိတ်ရက်ကြောင့် ကုန်ထုတ်လုပ်ငန်းများတွင်း ထုတ်လုပ်မှုလျော့နည်းသွားခြင်းမရှိစေရန် အချိန်ပိုအလုပ် လုပ်ပိုင်ခွင့်ရှိသည်။ ထိုသို့လုပ်ကိုင်ရန်အတွက် အလုပ်သမားညွှန်ကြားမှုဦးစီးဌာနထံ ကြိုတင်ခွင့်ပြုချက် တောင်းခံရသည်။

ယင်းအပြင် အလုပ်အချိန်ပိုခေါ်မည်ဆိုပါက အလုပ်သမားများ၏ သဘောတူညီချက်ဖြင့်သာ ခေါ်ခွင့်ရှိသည်။

အများပြည်သူ အလုပ်ပိတ်ရက်များတွင် အထည်ချုပ်ဝန်ထမ်းများကလည်း အလုပ်အချိန်ပိုမဆင်းလိုကြပေ။ အစိုးရရုံးပိတ်ရက်များကြောင့် အထည်ချုပ်စက်ရုံအလုပ်သမားများလည်း ပိတ်ရက်ရကာ အနားယူခွင့်ရသည်။

“ ဝန်ထမ်းတွေက တစ်နှစ်ပတ်လုံး အလုပ်လုပ်နေရတဲ့အတွက်၊ အထည်ချုပ်ဆိုလည်းသိတဲ့အတိုင်း တစ်နေကုန် ထိုင်နေရတာ။ သူ့ပိတ်ရက်ကလွဲရင် ကြားထဲလည်း လုံးဝပျက်လို့မရဘူးလေ” ဟု အထည်ချုပ်ဝန်ထမ်း မမြင့်မာလာ က ဆိုသည်။

ပုံမှန်အလုပ်ရက်များတွင် တစ်နေ့လျှင် အနည်းဆုံး ရှစ်နာရီအလုပ်လုပ်ရသည်။ အချိန်ပိုဆင်းပါက နှစ်နာရီကြာမည်။ ယင်းအတွက်ကြောင့် အလုပ်ချိန်မှာ ဆယ်နာရီခန့်ရှိသည်။ အခြေခံလုပ်ခလစာမှာ တစ်ရက် ကျပ် ၄၈၀၀ ဖြစ်သည်။ အချိန်ပိုခရသည့် ကျပ်ငွေ ၂၄၀၀ ကျော်ကို အထည်ချုပ်ဝန်ထမ်းအများစုမှာ မမက်မောတော့ပေ။

“ ရုံးပိတ်ရက်များတာကို သဘောကျတယ်။ အဲဒီကျမှ မိသားစုနဲ့ သွားကြလာကြ။ အတူတူနေရတယ် ” ဟုအထည်ချုပ်ဝန်ထမ်း မမြင့်မာလာ က ဆိုသည်။

ကြိုတင်ထုတ်ပြန်လိုက်သည့် ၂၀၂၀ ပိတ်ရက်

လာမည့် ၂၀၂၀ ပြည့်နှစ်အတွက် အများပြည်သူရုံးပိတ်ရက်များကို ၂၀၁၉ ခုနှစ် ဩဂုတ်လ ၉ ရက်နေ့တွင် နိုင်ငံတော်အစိုးရက ထုတ်ပြန်ကြေညာထားသည်။

၂၀၂၀တွင်လည်း ယခုလိုပင် ရက်သတ္တပိတ်ရက်များတွင် အခါကြီးနေ့ကြီးများကျရောက်နေ၍ အစားထိုးပိတ်ရက်များ ပြန်လည်ပေးထားသည်။ ပြည်ထောင်စုမြန်မာနိုင်ငံတော်အတွင်းရှိ ရုံးများ၏ ပိတ်ရက်နှင့် လွှဲပြောင်းနိုင်သည့်စာချုပ် စာတမ်းများအက်ဥပဒေပုဒ်မ ၂၅ အရ ရှစ်ရက်အစားထိုးဖြည့်စွက်ကာ အများပြည်သူများ အလုပ်ပိတ်ရက်ဖြစ်ကြောင်း ကြေညာသည်။

ထိုသို့ဆို ရက်ပေါင်း ၃၆၅ ရက်တွင် ရက်သတ္တပိတ် (စနေ၊တနင်္ဂနွေ) ပိတ်ရက် ပေါင်း ၁၀၄ ရက်၊ အခါကြီး ရက်ကြီးနှင့် ထပ်တိုးပေးသည့်ပိတ်ရက်ပေါင်း ၂၄ ရက်ရှိသည့်အတွက်ကြောင့် အစိုးရရုံးပိတ်ရက်ပေါင်း ၁၂၈ ရက်ရှိသည်။

အဆိုပါ အစိုးရရုံးပိတ်ရက်များ ပြောင်းလဲမှုကြောင့် တစ်နှစ်လျှင် ၁၂ လ ရှိရာ ရုံးပိတ်ရက် ရေတွက်လျှင် လေးလစာခန့်ရှိသည့်အတွက် ကုန်ထုတ်လုပ်ငန်းများဖြင့် ပတ်သက်သည့် ကွင်းဆက်တစ်ခုလုံး အခက်ကြုံနိုင်မည်လော။

ရင်းနှီးမြှုပ်နှံမှုကို ထိခိုက်နိုင်သလား

မြန်မာနိုင်ငံသည် တံခါးဖွင့်ဈေးကွက် စီးပွားစနစ်ကိုကျင့်သုံးကာ ဒီမိုကရေစီစနစ်သို့ ကူးပြောင်းပြီးနောက်ပိုင်းတွင် နိုင်ငံခြားရင်းနှီးမြှပ်နှံမှုများ ဝင်ရောက်သည့်အပြင် အမြဲတမ်းရင်းနှီးမြှပ်နှံမှုများဝင်လာရန်လည်း ဖိတ်ခေါ်မြဲပင်။

မြန်မာနိုင်ငံသည် ဖွံဖြိုးမှု အနိမ့်ကျဆုံးနိုင်ငံ (LDC) ဖြစ်ခြင်း၊ ဥရောပနိုင်ငံများ၊ ဂျပန်နှင့် ကိုရီးယားနိုင်ငံသို့ အကောင်ခွန်ကင်းလွတ်ခွင့်ရခြင်း၊ အလုပ်သမားခ ဈေးချိုခြင်းများမှာ နိုင်ငံခြားရင်းနှီးမြှုပ်နှံသူများအတွက် အားသာချက်ဖြစ်သည်။

ဖွံဖြိုးမှုနည်းသည့် မြန်မာတွင် အထည်ချုပ်လုပ်ငန်းများသို့ အလုပ်အပ်ခြင်းကြောင့် လူမှုအကျိုးပြုပိုင်းတွင် နိုင်ငံတကာ၌ ရင်းနှီးမြှုပ်နှံသူ၏ ပုံရိပ်တက်ခြင်းများ ရှိသည်။

အခြေခံအဆောက်အအုံနှင့် လျှပ်စစ်ဓာတ်အားပိုင်းချို့တဲ့သည့် မြန်မာနိုင်ငံတွင် ရင်းနှီးမြှပ်နှံကြရာတွင် အထက်ပါအချက်များကြောင့်လည်း အပါအဝင်ပေ။ မြန်မာနိုင်ငံသို့ အများဆုံးဝင်ရောက်သည့် နိုင်ငံခြားရင်းနှီးမြှပ်နှံမှုမှာ အထည်ချုပ်လုပ်ငန်းများ ဖြစ်သည်။

ထိုအချိန်တွင် အစိုးရက မူဝါဒအမျိုးမျိုးပြောင်းလဲခြင်းကြောင့် ပြည်တွင်း၊ ပြည်ပ ရင်းနှီးမြှုပ်နှံသူများကို အနည်းငယ် ထိခိုက်နစ်နာစေသည်။

မြန်မာနိုင်ငံတွင် ရင်းနှီးမြှုပ်နှံမှုလုပ်နေသည့် နိုင်ငံခြားကုမ္ပဏီအများအပြားမှာ ယခုကဲ့သို့ အလုပ်ပိတ်ရက် ပြောင်းလဲသတ်မှတ်လိုက်ခြင်းအပေါ် ဥပဒေရှိသလားဟု မေးခွန်းထုတ်ကြကြောင်း နိုင်ငံတကာရင်းနှီးမြှုပ်နှံမှုကုမ္ပဏီများ၏ ဥပဒေအကြံပေး ဦးမျိုးသန့်ဆွေက ပြောကြားသည်။

“ ဒီနိုင်ငံက ဒီလိုပဲကြုံသလိုလုပ်နေသလားဆိုတဲ့ အနေအထားမျိုးဖြစ်သွားတယ်။ ကျွန်တော်တို့အတွက် မကောင်းဘူး။ ကျွန်တော်တို့က အလုပ်တစ်ခုကို တိတိကျကျသွားရမယ်” ဟု ၎င်းက ဆိုသည်။

ပြည်တွင်း၊ ပြည်ပ ရင်းနှီးမြှုပ်နှံမှုများစေရန်အတွက် တည်ငြိမ်သည့်မူဝါဒများ လိုအပ်သည်။ ရေရှည်စီးပွားရေးခိုင်မာရန်အတွက် လိုအပ်သည့်ဒေါက်တိုင်လည်း ဖြစ်သည်။

ယင်းကြောင့် အစိုးရအနေနှင့် မူဝါဒများ ရုတ်တရက်ပြောင်းလဲကာ ရင်းနှီးမြှုပ်နှံထားသည့် ပြည်တွင်း၊ ပြည်ပလုပ်ငန်းရှင်များကို အခက်တွေ့စေမည့် မူဝါဒအပြောင်းအလဲများ မလုပ်သင့်ကြောင်း နိုင်ငံတကာရင်းနှီးမြှုပ်နှံမှုကုမ္ပဏီများ၏ ဥပဒေအကြံပေး ဦးမျိုးသန့်ဆွေ က ပြောကြားသည်။

“အခုလို ရုတ်တရက် အစိုးရရဲ့ ပေါ်လစီပြောင်းလဲတာကြောင့် Impact ဖြစ်နိုင်တဲ့ မူဝါဒတွေကို ရှေ့နောက်မကြည့်လုပ်တာက ကောင်းတဲ့အစဉ်အလာ မဟုတ်ဘူး ” ဟု ၎င်းက ဆိုသည်။

မည်သို့ဆိုစေ အများပြည်သူအလုပ်ပိတ်ရက် ပြောင်းလဲလိုက်ခြင်းကြောင့် အားလပ်ရက်ရကာ ခရီးထွက်သူများ၊ မိသားစုအတူ လျှောက်လည်ကြသူများ၊ လုပ်ငန်းလိုအပ်ချက်ကြောင့် အချိန်ပိုအလုပ်ဆင်းရသူများ ရှိနေဦးမည်ဖြစ်သည်။ 

ဥမ္မာလွင်

You may also like...

Leave a Reply

Your email address will not be published. Required fields are marked *