လိုငွေပြရန်ကုန်စည်ပင်နှင့် ကားဂယက်

ရန်ကုန်စည်ပင်က ဝင်ငွေထက်ထွက်ငွေများနေပြီး လုပ်ငန်းသုံးယာဉ်ယန္တရားများဝယ်ယူရေးထက် ဝန်ထမ်းများ ကားစီးနိုင်မည့်အရေးကိုသာ အလေးပေးဆောင်ရွက်နေသည်ဟုသော ဝေဖန်သံများထွက်ပေါ်လာသည်။

၂၀၁၉ – ၂၀၂၀ ဘဏ္ဍာရေးနှစ်အတွက် ရန်ကုန်တိုင်းဒေသကြီး၏ ဘဏ္ဍာငွေအရအသုံးဆိုင်ရာ ဥပဒေကြမ်းကို လွှတ်တော်က အတည်ပြုပြီးနောက်တွင် ယင်းသို့ ဝေဖန်သံများထွက်လာခြင်းဖြစ်သည်။ အောက်တိုဘာလ ၄ ရက်နေ့တွင် အတည်ပြုခဲ့သည့် ထိုဥပဒေကြမ်းတွင် စည်ပင်ဝန်ထမ်းများစီးနင်းရန်အတွက် မော်တော်ယာဉ်အစီး ၈၀ ဝယ်ယူရန် ကျပ်သန်းနှစ်ထောင်ခန့် (၁၉၈၂ သန်း) သုံးစွဲရန် ခွင့်ပြုခဲ့သည်။

“မြို့နယ်အသီးသီးမှာ ဖွံဖြိုးရေး လုပ်ငန်းတွေ အများကြီးလုပ်ဖို့ရှိပါတယ်။ ဒါကို သူတို့က ကားစီးဖို့ လုပ်တယ်ဆိုတော့ ဒါက မဖြစ်သင့်ပါဘူး။ သူတို့မို့လို့၊ တကယ်တမ်းဆို ရှက်တတ်ဖို့တောင် ကောင်းတာ”ဟု ဒဂုံမြို့နယ်မဲဆန္ဒနယ်မှ တိုင်းဒေသကြီး လွှတ်တော်ကိုယ်စားလှယ်ဦးကျော်ဇေယျက ဝေဖန်သည်။

ဦးကျော်ဇေယျသည် ရန်ကုန်တိုင်းဒေသကြီးလွှတ်တော် ဘဏ္ဍာရေး၊ စီမံကိန်းနှင့် စီးပွားရေးကော်မတီတွင် အတွင်းရေးမှူးတာဝန်ယူထားသူလည်း ဖြစ်သည်။

၎င်းသည် တိုင်းလွှတ်တော်အစည်းအဝေးတွင် ရန်ကုန်စည်ပင်က မော်တော်ယာဉ်ဝယ်ရန် ဘတ်ဂျက်တောင်းခံခြင်းကို ကန့်ကွက်ခဲ့သူလည်း ဖြစ်သည်။ လိုအပ်ချက်အရ မဖြစ်မနေဝယ်ယူပါကလည်း အစီးရေလျှော့ချ၍ ဝယ်ယူရန်အပြင် ပြည်တွင်းထုတ်ယာဉ်များကိုသာ အသုံးပြုရန်အကြံပြုဆွေးနွေးခဲ့သူ ဖြစ်သည်။

သို့သော်လည်း ဦးကျော်ဇေယျ၏ လွှတ်တော်တွင် ဆွေးနွေးအကြံပြုချက်များမှာ အရာမထင်ခဲ့ချေ။

ကားအစီး ၈၀

ရန်ကုန်စည်ပင်က ဝယ်ယူမည့် မော်တော်ယာဉ်အစီး ၈၀ ကို မြို့နယ် ၃၃ မြို့နယ်ရှိ စည်ပင်ဥက္ကဋ္ဌ တစ်ဦးစီလျှင် တစ်စီး နှုန်းဖြင့် ၃၃ စီး၊ ရန်ကုန်စည်ပင်အဖွဲ့ဝင်နှစ်ဦး အသုံးပြုရန် နှစ်စီး၊ ရွေးချယ်ခံကော်မတီဝင်ခြောက်ဦးနှင့် လုပ်ငန်းတာဝန်ခံအဖွဲ့ ခုနှစ်ဖွဲ့ရှိ အတွင်းရေးမှူး (ဌာနမှူး) များ အသုံးပြုရန် ၁၃ စီး ဖြစ်သည်။

ထို့အပြင် အုပ်ချုပ်ရေးလုပ်ငန်းစဉ်ရှိ ညွှန်ကြားရေးမှူးနှင့်အထက် လုပ်ငန်းသုံးစွဲရန် ၁၅ စီး၊ လုပ်ငန်းစစ်လမ်းကြောင်းနှင့် ဧည့်ကြိုရာတွင် အသုံးပြုရန် တစ်စီး၊ ဝန်ထမ်းများကို အခမ်းအနားများကြို/ပို့ရာတွင် အသုံးပြုရန် သုံးစီး၊ လုပ်ငန်းသုံးတွင် အသုံးပြုရန် ၁၃ စီးဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့ဝင်စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက လွှတ်တော်အစည်းအဝေးတွင် ရှင်းပြသည်။

စည်ပင်က တင်ပြသည့် လျာထားဘတ်ဂျက်တွင် ရငွေကျပ် ၃၆၀ ဘီလီယံကျော်ရှိပြီး သုံးငွေကျပ် ၄၅၀ ဘီလီယံ ကျော်ရှိနေသဖြင့် မော်တော်ယာဉ်အစီးရေ လျှော့ချဝယ်ယူရန် ရန်ကုန်တိုင်းဒေသကြီး ပြည်သူ့ငွေစာရင်းကော်မတီက အစီရင်ခံစာတင်ခဲ့သည်။ သို့သော်လည်း လျှော့ချခြင်း မရှိခဲ့ပေ။

“ပြည်သူ့ဝန်ဆောင်မှုမျိုးမဟုတ်တဲ့ ဌာနတွင်း သုံးဘတ်ဂျက်တွေ လျှော့သင့်လို့၊ ဒီကားဝယ်တဲ့ကိစ္စ စိစစ်လျှော့ချပေးဖို့ ပြောခဲ့တယ်” ဟု အဆိုပါကော်မတီဝင် တိုင်းဒေသကြီးလွှတ်တော်ကိုယ်စားလှယ် ဒေါ်ကြည်ပြာက ပြောကြားသည်။

အဆိုပါ မော်တော်ယာဉ်အစီး ၈၀ ဝယ်ယူရေးအပေါ် ပြည်သူများကြားတွင်လည်း ဝေဖန်မှုမြင့်တက်နေသည်။

ရန်ကုန်မြို့တော်ဝန် ဦးမောင်မောင်စိုး ကမူ စည်ပင်ဝန်ထမ်းများစီးနင်းမည့် မော်တော်ယာဉ်အစီး ၈၀ ဝယ်ယူရန် ဘတ်ဂျက်တောင်းခံခြင်းသည် ဌာနအတွင်း အကျင့်ပျက်လာဘ်စားမှုများ မဖြစ်ပေါ်စေရန်အတွက်ဖြစ်ကြောင်း ပြန်လည်ချေပသည်။

“လိုအပ်တဲ့ Facility ကို ပြည့်စုံအောင်ပေးပြီးမှ ခိုင်းလို့ရတယ်။ မပြည့်စုံဘဲနဲ့ မစို့မပို့နဲ့ နင်းကန်ခိုင်းလို့ ရှိရင်၊ ဝမ်းမ၀ဘဲနဲ့ အပြည့်ခိုင်းမယ်ဆိုရင် လာဘ်စားမှုတက်လာတယ်။ ခြစားမှု လာဘ်စားမှုတွေဖြစ်တယ်ဆိုတာ ဒီအပေါ် မူတည်တယ်” ဟု ၎င်းက အောက်တိုဘာ ၇ ရက်နေ့ ရန်ကုန်မြို့တော်ခန်းမ၌ နှစ်ပတ်တစ်ကြိမ် ကျင်းပသည့် ရန်ကုန်စည်ပင်သတင်းစာ ရှင်းလင်းပွဲတွင် ဖြေရှင်းချက်ပေးသည်။

စည်ပင်ဝန်ထမ်းများကို လုပ်ငန်းတာဝန်များ အပြည့်အဝထမ်းဆောင်နိုင်ရန်ရည်ရွယ်ပြီး ဒုတိယဌာနမှူးများနှင့် ရွေးကောက်ခံစည်ပင်ကိုယ်စားလှယ်များ ဖြစ်ကြသည့် ကော်မတီဝင်များ၊ မြို့နယ်ဥက္ကဋ္ဌများ စီးနင်းရန်အတွက် မော်တော်ယာဉ်ဝယ်ယူခြင်းဖြစ်ကြောင်း မြို့တော်ဝန်က ဆိုသည်။

ထို့အပြင် စည်ပင်က မော်တော်ယာဉ်ဝယ်ယူရန် ဘတ်ဂျက်တောင်းခံမှုအပေါ် ဝေဖန်သူများကို မြို့တော်ဝန်ဦးမောင်မောင်စိုးက ပြန်လည်အပြစ်တင်ဝေဖန်လိုက်သေးသည်။

“မလိုအပ်ဘူး။ ဘာညာပေါ့။ ကား မရတဲ့သူတွေပေါ့။ အမှန်တိုင်းပြောလို့ရှိရင် အစိုးရအလုပ် မလုပ်ဖူးတဲ့သူတွေ၊ နောက်တစ်ခုက ကုမ္ပဏီဝန်ထမ်းမလုပ်ဖူးတဲ့ သူတွေ ပြောတဲ့စကား။ အမှန်တိုင်းပြောရရင် ကြိုက်ချင်မှ ကြိုက်မယ်။ အတွေ့အကြုံမရှိတဲ့ သူတွေ၊ ဘ၀ကို နားမလည်တဲ့ သူတွေ” ဟု ၎င်းက ဆိုသည်။

ထို့အပြင် မော်တော်ယာဉ်အစီး ၈၀ ဝယ်ယူမည့်ကိစ္စကို လွှတ်တော်ဥက္ကဋ္ဌက လွှတ်တော်၏ အဆုံးအဖြတ်ရယူပြီး တူထုကာ အတည်ပြုထားပြီးဖြစ်ကြောင်း၊ အကယ်၍ လွှတ်တော်က သဘောမတူပါက ၎င်းအနေနှင့် ဝယ်ယူမည်မဟုတ်ကြောင်း မြို့တော်ဝန်ဦးမောင်မောင်စိုးက ဆက်လက်ပြောဆိုသည်။

ထိုသို့ဆိုလျှင် တိုင်းလွှတ်တော် ကိုယ်စားလှယ်များနှင့် ရန်ကုန်စည်ပင်တို့ကြား မော်တော်ယာဉ်ကိစ္စ အငြင်းပွားမှုကို အဘယ်ကြောင့် တိုင်းလွှတ်တော်အစည်းအဝေးတွင် အကျေအလည် မဆွေးနွေးခဲ့ပါသနည်း ဟူသည့် မေးခွန်းများပေါ်ထွက်လာသည်။

အခါနှောင်းမှ သိရခြင်း

ဘတ်ဂျက်လျာထားချက်တွင် ရုံးသုံးယာဉ်ဟူ၍ တောင်းခံခဲ့ခြင်းဖြစ်ပြီး ဘတ်ဂျက်အတည်ပြုသည့်နေ့မှသာ စည်ပင်ဥက္ကဋ္ဌများ၊ အဖွဲ့ဝင်များစသဖြင့် လူပုဂ္ဂိုလ်များစီးနင်းမည်ကို သိရှိရခြင်းဖြစ်သည်ဟု ဆိုလာသူက ရန်ကုန်တိုင်းဒေသကြီးလွှတ်တော် ပြည်သူ့ငွေစာရင်း ကော်မတီအဖွဲ့ဝင် ဒေါ်ကြည်ပြာဖြစ်သည်။

“လျာထား (ဘတ်ဂျက်) စာရင်းတွေ ဆွေးနွေးတုန်းက ပြည်သူ့ငွေစာရင်းကော်မတီရဲ့ အစီရင်ခံစာမှာ အဲဒီကားကိစ္စပါပါတယ်။ အဲဒီတုန်းက တင်လာတာက အခုလက်ရှိဝန်ကြီး လာရှင်းပြတဲ့ ပုံစံမျိုးနဲ့တင်တာ မဟုတ်ဘူး။ ရုံးသုံးကား ၄၆ စီး တို့၊ ဘာတို့နဲ့ တင်လာတာ”ဟု ၎င်းက ဆိုသည်။

ဒေါ်ကြည်ပြာသည် ကျောက်တံတားမြို့နယ်မဲဆန္ဒနယ်မှ တိုင်းဒေသကြီးလွှတ်တော်ကိုယ်စားလှယ်ဖြစ်သည်။

၂၀၁၉ – ၂၀၂၀ ဘဏ္ဍာရေးနှစ်အတွက် ပြီးခဲ့သည့် ဇွန်လတွင် ကျင်းပသည့် ရန်ကုန်တိုင်းလွှတ်တော်သို့ ရန်ကုန်တိုင်းဒေသကြီး၏ ဘဏ္ဍာငွေအရအသုံးဆိုင်ရာ ဥပဒေမူကြမ်းကို တင်သွင်းစဉ်က ယာဉ်အစီး ၈၀ ဝယ်ယူရန် ဖော်ပြရာတွင် စည်ပင်ကိုယ်စားလှယ်များ၊ ကော်မတီဝင်များစီးနင်းရန်ဟု မပါဝင်ချေ။

Pick up (single cab) တစ်စီး၊ မြို့နယ်နှင့် ဌာနအချို့တွင် အသုံးပြုရန် mini truck (Suzuki hi jet) ၄၆ စီး၊ ရုံးလုပ်ငန်းများတွင် အသုံးပြုရန် Double cab ၁၄ စီး၊ Saloon ၁၅ စီး၊ Hiace (အန်စာတုံး) တစ်စီး၊ နိုင်ငံခြားသားဧည့်သည် ကြိုပို့ရန်နှင့် ဝန်ထမ်းကြို/ပို့အသုံးပြုရန် City Bus သုံးစီး စုစုပေါင်း ကားအစီး ၈၀ စာရင်းကိုသာ တင်ခဲ့ခြင်းဖြစ်သည်။

ထို့အပြင် ဘတ်ဂျက်လျာထားချက်ကို ပြီးခဲ့သည့် ဇွန်လတွင် ဆွေးနွေးစဉ်က အချိန်သုံးရက်သာရရှိပြီး ရန်ကုန်တိုင်းရဲတပ်ဖွဲ့မှူးရုံး၊ စုပေါင်းရာဇဝတ်ရုံးနှင့် ကိုကိုးကျွန်းသို့ ပြေးဆွဲမည့် သင်္ဘောဝယ်ယူရန်စသည့် စီမံကိန်းကြီးသုံးခုအတွက် ကျပ် ၁၆ ဘီလီယံ တောင်းခံခဲ့သည်။

ယင်းစီမံကိန်းကြီးများကို ကုန်ကျစရိတ်ကြီးမားခြင်း၊ လတ်တလော လိုအပ်ချက်နှင့် ကိုက်ညီခြင်း မရှိသည့်အတွက် ကျပ် ၁၆ ဘီလီယံကို ရန်ကုန်တိုင်းအတွင်း လိုအပ်သည့် လမ်းများခင်းရန်၊ လျှပ်စစ်မီး ရရှိရန်အတွက် အသုံးပြုရန် လွှတ်တော်ကိုယ်စားလှယ်များက ဇွန်လတွင် အကြိတ်အနယ်ဆွေးနွေးခဲ့ကြရသည်။

ထို့ကြောင့်ပင် မော်တော်ယာဉ်အစီး ၈၀ ကိစ္စကို လွှတ်တော်ကိုယ်စားလှယ်များ သေချာအာရုံမစိုက်နိုင်ခဲ့ကြပေ။

“ဖတ်ဖို့ အချိန် လုံးဝမရဘူးလေ။ ဒီနေ့လွှတ်တော်တင်တယ်။ နောက်တစ်နေ့ ငွေစာရင်းကော်မတီက အစီရင်ခံစာတင်တယ်။ အဲဒီနေ့မှာပဲ ကိုယ်စားလှယ်တွေက ဆွေးနွေးတော့ ဖတ်ဖို့ အချိန်မရဘူး။ ပထမတစ်ခေါက်တုန်းကတော့ ကိုယ်စားလှယ်တွေ အကုန်လုံးက ၁၆ ဘီလီယံကိစ္စကိုပဲ အဓိကထားပြီးတော့ ဆွေးနွေးလိုက်ကြတာ”ဟု တိုင်းလွှတ်တော်ကိုယ်စားလှယ်ဒေါ်ကြည်ပြာက ဆိုသည်။

အချိန်နည်းပါးသဖြင့် ကမာရွတ်မြို့နယ် စည်ပင်ရုံးကို အဆင်မြှင့်တင်မည်ဆိုသည့် စီမံကိန်းမှာလည်း ဆွေးနွေးရန်ကျန်နေခဲ့သည်။ ကျပ်သုံးဘီလီယံသုံးမည်ဆိုသည့် ယင်းစီမံကိန်းမှာ အမှန်တကယ်တွင် ယင်းရုံးကို အဆင့်မြှင့်ခြင်းမဟုတ်ဘဲ ရဲဘော်သုံးကျိပ်ပန်းခြံတွင် ရှစ်ထပ်အဆောက်အအုံတည်ဆောက်ရာ၌ ထည့်သွင်းအသုံးပြုရန် ဖြစ်နေသည်။

ထို့ကြောင့် အောက်တိုဘာတွင် ကျင်းပသည့် လွှတ်တော်အစည်းအဝေးတွင် လွှတ်တော်ကိုယ်စားလှယ်များက အဆိုပါ စီမံကိန်းကို အာရုံစိုက်ကာ အကြိတ်အနယ်ဆွေးနွေးရပြန်သဖြင့် မော်တော်ယာဉ်အစီး ၈၀ ကိစ္စ ထပ်လွတ်သွားပြန်သည်။

ထို့ကြောင့် ယခု အောက်တိုဘာလတွင် ဘတ်ဂျက်အတည်ပြုရန် ဆွေးနွေးရာတွင် မြေအပြင်တွင် ဆန္ဒပြမှုများရှိနေသည့် ကမာရွတ်မြို့နယ် စည်ပင်ရုံးတည်ဆောက်မှုကို အဓိကထားဆွေးနွေးခဲ့ရသည့်အတွက် စည်ပင်မော်တော်ယာဉ်အစီး ၈၀ ဝယ်ယူရေးအတွက် လှစ်ဟာမှုအချို့ ရှိခဲ့သည်။

သို့သော်လည်း ပြီးခဲ့သည့် ဇွန်လအတွင်းက လွှတ်တော်တွင် ဘတ်ဂျက်လျာထားချက် ဆွေးနွေးစဉ်ကမူ ပြည်သူ့ငွေစာရင်းကော်မတီက ရန်ကုန်စည်ပင်သည် ရငွေထက် သုံးငွေပိုများနေသဖြင့် မော်တော်ယာဉ်အစီးရေ လျှော့ချကာ လိုအပ်သလောက်သာ ဝယ်ယူရန် တင်ပြထားသည်။

“စည်ပင်သာယာဘတ်ဂျက်ကလည်း Dန်ငခငအ (လိုငွေပြ) ဖြစ်နေလို့ ဒီ ရုံးသုံးယာဉ်ဝယ်ယူတဲ့ ကိစ္စမျိုးတွေ အတွက်ကို လိုအပ်တာလောက်ပဲ ဝယ်ဖို့ ပြန်စဉ်းစားသင့်တယ်ဆိုပြီးတော့ ပြည်သူ့ငွေစာရင်းက ကော်မတီက လျာထားဘတ်ဂျက်အကြောင်းကို အစီရင်ခံစာတက်တုန်းက ပါပါတယ်။ လျာထားစာရင်းမှာ ဒါတွေ အကုန်ပယ်ဖျက်ရမှာလေ”ဟု တိုင်းလွှတ်တော်ကိုယ်စားလှယ် ဒေါ်ကြည်ပြာက ဆိုသည်။

မော်တော်ယာဉ်ကို အစီး ၈၀ အစား အစီး ၂၀ ခန့်သာ လျှော့ချဝယ်ယူမည်ဆိုလျှင် လွှတ်တော်ကိုယ်စားလှယ်များ လက်ခံကြမည့် အခြေအနေဟုလည်း ၎င်းက ဆိုသည်။

မမျှသည့် ဝင်ငွေနှင့် ထွက်ငွေ

ငွေသုံးရာတွင်လက်ဖွာလှသည်ဟု ဝေဖန်ခံနေရသည့် ရန်ကုန်စည်ပင်သည် ငွေရှာသည့် နေရာတွင် မည်သို့ရှိပါသနည်း။ ၂၀၁၉ – ၂၀၂၀ ဘဏ္ဍာနှစ်ဘတ်ဂျက်တွင်မူ စည်ပင်သည် ဝင်ငွေနှင့် ထွက်ငွေမျှတမှု မရှိချေ။

ရန်ကုန်စည်ပင်သည် ၂၀၁၉ – ၂၀၂၀ ခုနှစ်၊ ဘဏ္ဍာနှစ်တွင် ရငွေကျပ် ၃၆၂ ဘီလီယံကျော် (ကျပ်သန်း ၃၆၂ , ၆၄၆ ဒသမ ၅၆၃) ရရှိကာ သုံးငွေမှာမူ ကျပ် ၄၅၀ ဘီလီယံ (ကျပ်သန်း ၄၅၀,၁၆၀ ဒသမ၂၉၆) ဖြစ်သည့်အတွက် ဘတ်ဂျက်လိုငွေ ကျပ် ၈၇ ဘီလီယံ (ကျပ်သန်း ၈၇,၅၁၃ ဒသမ ၇၃၃) လိုအပ်လျက်ရှိသည်။

ထိုကြောင့် ဌာနအတွက် ငွေသုံးစွဲမှုကို လျှော့ချရန် တိုင်းလွှတ်တော်ကိုယ်စားလှယ်များက ဝေဖန်အကြံပြုခြင်း ဖြစ်သည်။

“ရငွေနည်းမှာပေါ့။ စည်ပင်က နှစ်ရှည်ငှားရမ်းထားတဲ့ မြေငှားခတွေ၊ အဆောက်အအုံငှားရမ်းခတွေက တအားနည်းနေတယ်”ဟု တိုင်းလွှတ်တော်ကိုယ်စားလှယ်ဦးကျော်ဇေယျက ဆိုသည်။

ထိုသို့ဆိုလျှင် ရန်ကုန်စည်ပင်၏ ဝင်ငွေရရှိမှုအပိုင်းအချို့ကို စေ့ငုကြည့်ကြပါစို့။

ကျောက်တံတား၊ လမ်းမတော်၊ လသာနှင့် ပန်းဘဲတန်းမြို့နယ်ရှိ စည်ပင်ပိုင်တိုက်ခန်းများကို တစ်နှစ်ငှားရမ်းခမှာ တစ်စတုရန်းပေလျှင် လေးကျပ်၊ ဗိုလ်တစ်ထောင်မြို့နယ်နှင့် ပုဇွန်တောင်မြို့နယ်တွင် တစ်နှစ်ငှားရမ်းခ တစ်စတုရန်းပေလျှင် သုံးကျပ်ပြားနှစ်ဆယ်၊ ကျန်သည့် မြို့နယ်များတွင်မူ ၂ ကျပ်ပြား ၂၀ ဖြင့် ငှားရမ်းသည်။

ထိုဈေးများသည် ၂၀၁၆ – ၂၀၁၇ ခုနှစ်၊ ဘဏ္ဍာရေးနှစ်တွင် ငှားရမ်းခဈေးနှုန်းများ ဖြစ်သည်။ ၂၀၁၇ -၂၀၁၈ ခုနှစ်၊ ဘဏ္ဍာနှစ်တွင်မူ ငှားရမ်းခများကို ဆယ်ဆတိုးမြှင့်ကောက်ခံသည်။

ကျောက်တံတား၊ လမ်းမတော်၊ လသာနှင့် ပန်းဘဲတန်းမြို့နယ်ရှိ စည်ပင်ပိုင်တိုက်ခန်းများကို တစ်နှစ်ငှားရမ်းခမှာ တစ်စတုရန်းပေလျှင် လေးဆယ်ကျပ်၊ ဗိုလ်တထောင်မြို့နယ်နှင့် ပုဇွန်တောင်မြို့နယ်တွင် တစ်နှစ်ငှားရမ်းခ တစ်စတုရန်းပေလျှင် ၃၂ ကျပ်နှင့် ကျန်သည့် မြို့နယ်များတွင်မူ ၂၄ ကျပ်ဖြင့် ငှားရမ်းသည်။

၂၀၁၉ – ၂၀၂၀ ခုနှစ်၊ ဘဏ္ဍာရေးနှစ်တွင်လည်း နောက်ထပ်ဆယ်ဆတိုးမြှင့်ကောက်ခံမည်ဟု မြို့တော်ဝန်ဦးမောင်မောင်စိုးက တိုင်းလွှတ်တော်အစည်းအဝေးတွင် ပြောကြားထားသည်။

“၂၀၁၉ – ၂၀ဘဏ္ဍာရေးနှစ်မှာ ငှားရမ်းခတွေက ခေတ်ကာလတန်ဖိုးနဲ့ ကိုက်ညီမှုမရှိတဲ့အတွက် နောက်ထပ် ၁၀ ရာခိုင်နှုန်း တိုးမြှင့်ကောက်ခံဖို့ ဆုံးဖြတ်ထားပြီးဖြစ်ပါတယ်”  ဟု ၎င်းက စည်ပင်ဝင်ငွေတိုးမြှင့်ရန်အစီအစဉ်ကို တိုင်းလွှတ်တော်အစည်းဝေးတွင် ချပြသည်။

လက်ရှိကောက်ခံသည့် နှုန်းထားများကို ၁၀ ရာခိုင်နှုန်းတိုးမြှင့်လိုက်သည့်တိုင် မြေပြင်အခြေအနေနှင့် နီးစပ်ခြင်း မရှိနိုင်သေးချေ။ မြေပြင်တွင် ကျောက်တံတား၊ ပန်းဘဲတန်းမြို့နယ်ရှိ အခန်းငှားရမ်ခများသည် တစ်လလျှင် ငွေကျပ်နှစ်သိန်းနှင့် နှစ်သိန်းခွဲအကြားတွင် ရှိသည်။

ရန်ကုန်စည်ပင်သည် တစ်နှစ်ငှားရမ်းခ တစ်စတုရန်းပေလျှင် ကျပ်ဆယ်ဂဏန်းနှုန်းဖြင့် လသာ၊ လမ်းမတော်၊ ပန်းပဲတန်း၊ ကျောက်တံတား၊ ဗိုလ်တထောင်၊ ပုဇွန် တောင်၊ စမ်းချောင်း၊ ကြည့်မြင်တိုင်၊ အလုံ၊ ဗဟန်း၊ တာမွေ၊ မင်္ဂလာတောင်ညွန့်၊ လှိုင်၊ မရမ်းကုန်းနှင့် သင်္ဃန်းကျွန်းမြို့နယ်တို့တွင် စုစုပေါင်း အခန်း ၄၉၆ ခန်း ငှားရမ်းထားသည်။

ထို့အပြင်မြကျွန်းသာကဲ့သို့ ပန်းခြံငှားရမ်းခများ စိစစ်ကောက်ခံရန်လျစ်လျူရှုနေကြောင်း တိုင်းလွှတ်တော်ကိုယ်စားလှယ် ဦးကျော်ဇေယျက ဝေဖန်သည်။

ရန်ကုန်မြို့တော်ဝန်ဦးမောင်မောင်စိုးကမူ ရန်ကုန်စည်ပင်လိုငွေပြရခြင်းက ငွေပိုသုံးသည့်အတွက် မဟုတ်ဘဲ ဝင်ငွေလျော့နည်းခြင်းကြောင့်ဖြစ်ကြောင်း ငြင်းဆိုထားသည်။

“YCDC အရင်တုန်းက ကောက်နေတဲ့ ဝင်ငွေခွန်ဝေစုကို မြို့နယ်စည်ပင် သာယာရေးကော်မတီကို ပေးရတဲ့အစား တိုင်းဒေသကြီး သို့မဟုတ် ပြည်နယ်ဘဏ္ဍာငွေစာရင်းကို လွှဲပြောင်းပေးခဲ့တဲ့အတွက်ကြောင့် ကော်မတီက ရငွေနည်းသွားတယ်။ ရငွေနည်းသွားတဲ့အတွက်သာ လိုငွေပြဘတ်ဂျက်အနေနဲ့ ပြောရတာ။ ပိုသုံးလို့ လိုငွေပြဘတ်ဂျက်ဖြစ်တာ မဟုတ်ဘူး”ဟု မြို့တော်ဝန်ဦးမောင်မောင်စိုးက ဆိုသည်။

မည်သို့ဆိုစေ ရန်ကုန်တိုင်း၏ ၂၀၁၉ – ၂၀၂၀ ဘတ်ဂျက်ဆွေးနွေးမှုသည်ကား ရန်ကုန်တိုင်းလွှတ်တော်တွင် ပြီးဆုံးသွားခဲ့ပြီဖြစ်သည်။ ရန်ကုန်စည်ပင်က မော်တော်ယာဉ်အစီး ၈၀ ဝယ်ယူရန်လည်း တိုင်းလွှတ်တော်က ခွင့်ပြုပေးပြီးဖြစ်သည်။

ဝေဖန်သံများညံလှသည့် အဆိုပါမော်တော်ယာဉ်များကို အသုံးပြုကာ ရန်ကုန်သားတို့အတွက် ဝန်ဆောင်မှုကောင်းများ ပေးလာနိုင်မည်လော။ ရန်ကုန်စည်ပင်၏ ပြည်သူဝန်ဆောင်မှုများနှင့်ပတ်သက်၍ တိုင်းဒေသကြီးလွှတ်တောကိုယ်စားလှယ် ဦးကျော်ဇေယျက အောက်ပါအတိုင်းမှတ်ချက်ပြုသည်။

“ပွင့်ပွင့်လင်းလင်းပြောရရင် ခွေးလေခွေးလွင့်တောင် ပီပီပြင်ပြင်နှိမ်နင်းနိုင်မှုမရှိတဲ့ စည်ပင်ဖြစ်နေတယ်”

ပို့ပို့

You may also like...

Leave a Reply

Your email address will not be published. Required fields are marked *