လာမည့် ၂၀၂၀ တွင် လူမှုရေးပင်စင် အသက်လျှော့၍ ပေးရန် စီစဉ်

ရန်ကုန်၊ အောက်တိုဘာ ၁၇

အသက် ၈၅ နှစ်နှင့် အထက်သက်ကြီးဘိုးဘွားများကို ပေးသည့် လူမှုရေးပင်စင်ကို လာမည့် ၂၀၂၀ တွင် အသက် ၈၀ နှစ်နှင့် အထက်သက်ကြီးဘိုးဘွားများကိုပါ ပေးနိုင်ရန် အစီအစဉ်ရေးဆွဲထားကြောင်း လူမှုဝန်ထမ်းဦးစီးဌာနထံမှ သိရသည်။

အဆိုပါ လူမှုရေးပင်စင်အတွက် အစီအစဉ်ရေးဆွဲထားပြီး လာမည့် ၂၀၂၀ – ၂၀၂၁ ခုနှစ်ဘဏ္ဍာရေးနှစ်တွင် ရရှိသည့် ဘတ်ဂျက်ရရှိမှုအပေါ် မူတည်မည်ဖြစ်ကြောင်း လူမှုဝန်ထမ်းဦးစီးဌာနမှ ညွှန်ကြားရေးမှူးချုပ် ဒေါက်တာစန်းစန်းအေးက ပြောကြားသည်။

“ပေးရင်တော့ အသက်ငါးနှစ်လောက် လျော့လျော့ပြီးသွားမှာပေါ့။ ၈၀ အထက်၊ ၇၅ အထက် လျော့လျော့ပြီးသွားမှာပေါ့။ ဒါပေမဲ့ အဲဒါက အစီအစဉ်ပဲ ရှိတယ်။ ဘတ်ဂျက်တောင်းခံငွေရရှိမှု အပေါ်မှာ မူတည်တယ်လေ။ ဆရာမတို့ကတော့ စီမံကိန်းဆွဲထားတယ်။ ဘတ်ဂျက် ရ မရကတော့ မပြောနိုင်ဘူး”ဟု ဒေါက်တာစန်းစန်းအေးက ပြောကြားသည်။

သက်ကြီးပင်စင်ကို ၂၀၁၇ – ၂၀၁၈ ဘဏ္ဍာနှစ်တွင် ၉၀ နှစ်နှင့် အထက်သက်ကြီး ဘိုးဘွားများကို သုံးလလျှင် တစ်ကြိမ်ငွေကျပ်သုံးသောင်းထောက်ပံ့ပေးခဲ့ပြီး ပြီးခဲ့သည့် ၂၀၁၈ -၂၀၁၉ ဘဏ္ဍာနှစ်တွင် အသက်လျှော့ချ၍ အသက် ၈၅ နှစ်နှင့် အထက် သက်ကြီးဘိုးဘွားများကိုပါ စတင်ထောက်ပံ့ခဲ့သည်။

သက်ကြီးရွယ်အိုများဆိုင်ရာဥပဒေအရ ၂၀၀၇ ခုနှစ်မှ စတင်ကာ လူမှုရေးပင်စင် ပေးအပ်ခဲ့ခြင်းပြီး သက်ကြီးရွယ်အိုများဆိုင်ရာဥပဒေလူမှုကာကွယ်စောင့်ရှောက်ရေးမဟာဗျူဟာစီမံချက်အရ အသက် ၆၅ နှစ်နှင့် အထက်ရှိသူများကို အသက်အပိုင်းအခြားအလိုက် နိုင်ငံတော်ဘတ်ဂျက်ပေါ်မူတည်၍ လူမှုရေးပင်စင်ထောက်ပံ့ရန် မူဝါဒချမှတ်ထားကြောင်း လူမှုဝန်ထမ်းဦးစီးဌာနထံမှ သိရသည်။

You may also like...

Leave a Reply

Your email address will not be published. Required fields are marked *