မန္တလေး ကျောက်မျက်အရောင်းပွဲတွင် WeChat သုံးလျှင် ဝင်ခွင့်ပိတ်မည်

မန္တလေး၊ အောက်တိုဘာ ၁၇

မန္တလေးမြို့တွင် ပထမဆုံးအကြိမ်ပြုလုပ်မည့် ကျောက်မျက်အရောင်းပြပွဲတွင် တရုတ်လူမှုကွန်ရက် WeChat သုံးစွဲသူများကို ပွဲဝင်ခွင့်ပိတ်ပင်သွားမည်ဟု ပြပွဲကျင်းပရေးကော်မတီက ပြောကြားသည်။

“WeChat နဲ့ လုပ်ယူနေတာတွေ့ရင်တော့ အဲဒီကုန်သည်ကို ပြပွဲဝင်ခွင့် ပိတ်ပင်တဲ့အထိ အရေးယူသွားမှာပါ။  WeChat နဲ့ ရောင်းဝယ်ခွင့် လုံးဝပေးမှာ မဟုတ်ဘူး။ တရားဝင်ပိတ်ပင်ထားပါတယ်” ဟု ကော်မတီဥက္ကဋ္ဌ ဦးကျော်ဇောအောင်က ပြောကြားသည်။

ပွဲသို့ လာရောက်ရောင်းဝယ်သူများ စိတ်ပူပန်မှုမရှိစေရန်အတွက် အိတ်ဖွင့်တင်ဒါစနစ်ဖြင့် ရောင်းချမည် ဖြစ်သောကြောင့် WeChat ဖြင့် ရောင်းဝယ်ရန် မည်သို့မျှ အဆင်မပြေနိုင်ကြောင်း ၎င်းက ရှင်းပြသည်။

လက်ရှိ မန္တလေးကျောက်စိမ်းဈေးကွက်အတွင်း တရုတ်ကုန်သည်များက WeChat ကို အသုံးပြု၍ ရောင်းဝယ်ခြင်းများ ပြုလုပ်နေပြီး ဒေသခံ ကျောက်စိမ်းကုန်သည်များက ကန့်ကွက်လျက်ရှိသည်။

မန္တလေးတိုင်းဒေသကြီးအစိုးရအဖွဲ့မှ ကြီးမှူး၍ ကျောက်မျက်ရတနာလုပ်ငန်းရှင်များအသင်း (မန္တလေး)မှ ကျောက်စိမ်းအရိုင်း/အချောထည်နှင့် ကျောက်မျက်ရတနာ မြန်မာကျပ်ငွေဖြင့် ရောင်းချပွဲကို အောက်တိုဘာလ ၂၃ ရက်မှ ၂၉ ရက်အထိ ခုနစ်ရက်တိုင်တိုင် သိပ္ပံလမ်းရှိ  Mandalay Convention Center (MCC)  တွင် ပြုလုပ်သွားမည် ဖြစ်သည်။

“၂၃ ရက်ကနေ ၂၅ ရက်နေ့အထိက ပြပွဲပေါ့။ ၂၆ ကနေ ၂၉ အထိက အရောင်းပွဲပေါ့။ ကျောက်စိမ်းအတွဲပေါင်း သုံးထောင်ဝန်းကျင်လောက် ပြသရောင်းချသွားနိုင်ဖို့ ခန့်မှန်းထားပါတယ်”ဟု ကျောက်မျက်ရတနာလုပ်ငန်းရှင်များအသင်း (မန္တလေး) ဥက္ကဋ္ဌဦးသန်းဝင်းက ဆိုသည်။

ပြပွဲတွင်ကျောက်စိမ်းတွဲတစ်တွဲ အရောင်းအဝယ်ဖြစ်လျှင် တင်ပြရောင်းချသူသည် နိုင်ငံတော်သို့ ရတနာခွန် ၁၁ ရာခိုင်နှုန်းနှင့် ပြပွဲကျင်းပရေးကော်မတီသို့ ၂ ရာခိုင်နှုန်းကိုအခွန်အဖြစ် ပေးဆောင်ရမည်ဖြစ်ပြီး ဝယ်ယူသူဘက်မှ ကုန်သွယ်ခွန်အဖြစ် ၅ ရာခိုင်နှုန်းကို နိုင်ငံတော်သို့ ပေးဆောင်ရမည်ဖြစ်သည်။

ပြပွဲကျင်းပရေးကော်မတီသို့ ပေးဆောင်ရသည့် ၂ ရာခိုင်နှုန်း အနက် ၀ ဒသမ ၅ ရာခိုင်နှုန်းကို တိုင်းဒေသကြီးအစိုးရအဖွဲ့မှ လူမှုရေးလုပ်ငန်းများလုပ်ဆောင်နိုင်ရန်အတွက် လှူဒါန်းသွားမည်ဖြစ်ပြီး ကျန် ၁ ဒသမ ၅ ရာခိုင်နှုန်းသည် ပြပွဲကုန်ကျစရိတ်အဖြစ် ကောက်ခံခြင်းဖြစ်သည်ဟု ကော်မတီက ရှင်းပြသည်။

ပြပွဲဝင်ခွင့် ခုနစ်ရက်စာအတွက် ပြည်တွင်းကုန်သည်တစ်ဦးလျှင် ကျပ် နှစ်သောင်းနှင့် ပြည်ပကုန်သည်တစ်ဦးလျှင် ကျပ်တစ်သိန်း သတ်မှတ်ထားကြောင်း ကော်မတီက ဆိုသည်။

ပြပွဲတွင်လေလံဝင်ဆွဲပြီး လာရောက်ရွေးချယ်ခြင်းမပြုသည့် ကျောက်စိမ်းထည်များအတွက် စရန်အဖြစ်တန်ဖိုး၏ ၁၀ ရာခိုင်နှုန်းကို ပေးသွင်းရပြီး တစ်လအတွင်း လာရောက်ရွေးချယ်ခြင်းမပြုလျှင် စရန်ငွေဆုံးမည်ဟု ကော်မတီက ဆုံးဖြတ်ထားသည်။

You may also like...

Leave a Reply

Your email address will not be published. Required fields are marked *