လိုအပ်ချက်များရှိသော်လည်း NLD လွှတ်တော်ကိုယ်စားလှယ်များ ကိုယ်စွမ်းဉာဏ်စွမ်းရှိသမျှ အလုပ်လုပ်လျက်ရှိကြောင်း ဒေါက်တာမျိုးညွန့်ပြော

ရန်ကုန်၊အောက်တိုဘာ ၁

အမျိုးသားဒီမိုကရေစီအဖွဲ့ချုပ်ပါတီ(NLD) က ရွေးချယ်ထားသော လွှတ်တော်ကိုယ်စားလှယ်များသည် ကိုယ်စွမ်းဉာဏ်စွမ်းရှိသမျှ အစွမ်းကုန်အလုပ်လုပ်ကိုင်လျက်ရှိသည်ဟု NLD ပါတီ၏ ပြောရေးဆိုခွင့်ရှိသူ ဒေါက်တာမျိုးညွန့်က The Voice Journal သို့ ပြောကြားသည်။

လက်ရှိလွှတ်တော်ကိုယ်စားလှယ်များနှင့် ပတ်သက်၍ တိုင်ကြားစာ ၅၀၀ ခန့်ရရှိထားပြီး ပါတီက ရွေးချယ်ထားသည့် လွှတ်တော်ကိုယ်စားလှယ်များအနက်အချို့တွင် အရည်အသွေးလိုအပ်ချက်များ ရှိသော်လည်း ကိုယ်စားလှယ်အားလုံးသည် နိုင်ငံအတွက် တတ်နိုင်သမျှ အစွမ်းကုန်ကြိုးစားလျက်ရှိကြောင်း ၎င်းက ဆိုသည်။    

“ဒီထဲမှာအနည်းစုကတော့ အရည်အချင်း မပြည့်မီတာ၊ ဒါမှမဟုတ် မိမိရဲ့လုပ်ပိုင်ခွင့်ဘောင် ဘယ်လောက်ရှိလဲဆိုတာ မသိဘဲ ကျော်လွန်လုပ်မိတာ၊ မိမိရဲ့ လုပ်ပိုင်ခွင့်အတိုင်း အတိအကျအပြည့်အဝ မလုပ်တာ အဲဒီအားနည်းချက်တွေတော့ ရှိပါတယ်”ဟု ဒေါက်တာမျိုးညွန့်က ရှင်းပြသည်။

အချို့သောလွှတ်တော်က်ိုယ်စားလှယ်များသည် တာဝန်သစ်များအပ်နှင်းခံရပြီးနောက် နေရာသစ်တွင် နေသားမကျသည့် ပြဿနာများလည်း ကြုံတွေ့လျက်ရှိကြောင်း ၎င်းက ဆိုသည်။

NLD ပါတီသည်၂၀၁၅ရွေးကောက် ပွဲအကြိုကာလတွင် လူရွေးချယ်မှုကို အကောင်းဆုံးဖြစ်စေရန် မလုပ်ဆောင်နိုင်ခဲ့သောကြောင့် ယနေ့တွင် ပြဿနာများစွာကို ကြုံတွေ့ရလျက်ရှိသဖြင့် လာမည့် ၂၀၂၀ ရွေးကောက်ပွဲတွင် မှန်ကန်သည့် မူဝါဒဖြင့် လူရွေးချယ်မှုများပြုလုပ်ရန်လိုကြောင်း ပြည်တွင်းမီဒီယာများတွင် ဆောင်းပါးများရေးသားလျက်ရှိသူ ကိုသီဟသွေးက ဆိုသည်။

NLD ပါတီဗဟိုပြန်ကြားရေးအဖွဲ့ အတွင်းရေးမှူးမုံရွာအောင်ရှင်က လူလာမည့် ၂၀၂၀ ရွေးကောက်ပွဲ ကိုယ်စားလှယ်လောင်းရွေးချယ်ရာတွင် အရည်အသွေးပြဿနာကြောင့် လက်ရှိ NLD တင်မြှောက်သည့် လွှတ်တော်ကိုယ်စားလှယ်များအနက်မှ ထက်ဝက်ခန့်သာ ပါဝင်လာမည်ဖြစ်ကြောင်း The Voice Journal သို့ ပြောကြားသည်။

 

You may also like...

Leave a Reply

Your email address will not be published. Required fields are marked *