မြန်မာနိုင်ငံတွင် ကျောင်းလုံးဝမနေသူများ စိုက်ပျိုးရေးလုပ်ပြီး ဝင်ငွေအနည်းဆုံးဟုဝန်ကြီးဆို

ရန်ကုန်၊ အောက်တိုဘာ ၂၁

မြန်မာနိုင်ငံတွင် ကျောင်းလုံးဝမနေသူများသည် စိုက်ပျိုးရေးတွင် လုပ်ကိုင်နေပြီး ဝင်ငွေအနည်းဆုံးဖြစ်နေကြောင်း ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက ပြောကြားသည်။

ပြီးခဲ့သည့် အောက်တိုဘာလ ၂၀ ရက်က မကွေးတိုင်း ပခုက္ကူမြို့နယ် ညောင်ပင်သာကျေးရွာ အခြေခံပညာအထက်တန်းကျောင်းခွဲ၌ ပြုလုပ်သည့် ကျောင်းဆောင်သစ်လွှဲပြောင်း ပေးအပ်ခြင်း အခမ်းအနားတွင် ပြည်ထောင်စုဝန်ကြီးက ထိုသို့ပြောကြားခဲ့ခြင်းဖြစ်သည်။

မူလတန်းကျောင်းထွက်သူများသည်လည်း စိုက်ပျိုးရေးတွင် တတိယအများဆုံးလုပ်ကိုင်ပြီး ဆင်းရဲမှုရာခိုင်နှုန်း တတိယအများဆုံးဖြစ်နေကြောင်း၊ အထက်တန်းကျောင်းထွက်သူများသည် စတုတ္ထနှင့် ပဉ္စမနေရာတွင် လိုက်နေကြောင်း ဒေါက်တာ မျိုးသိမ်းကြီးကဆိုသည်။

အသက်မွေးသင်တန်းပြီးသူများနှင့် တက္ကသိုလ်တစ်ခုခုမှ ဘွဲ့ရရှိသူများသည် ဝန်ဆောင်မှုကဏ္ဍများရှိ လုပ်ငန်းများတွင် လုပ်ကိုင်နေပြီး ဆင်းရဲမှုရာခိုင်နှုန်းအနည်းဆုံးဖြစ်ကြောင်း၊ ထို့ကြောင့် ကျောင်းနေအရွယ်ကလေးများအားလုံး ကျောင်းနေပြီး ကျောင်းထွက်နှုန်းလျော့နည်းကာ ကျောင်းထွက်သူလုံးဝမရှိဘဲ အလယ်တန်းနှင့် အထက်တန်းပညာများ သင်ယူပြီးမြောက်ရန် အရေးကြီးကြောင်း ၎င်းက ဆိုသည်။

ဆရာ၊ ဆရာမများသည် ကျောင်းသား ကျောင်းသူများ၏ အခက်အခဲများ၊ လိုအပ်ချက်များကို မေတ္တာ၊ ဂရုဏာအသိစိတ်ဖြင့် သင်ယူတတ်မြောက်မှု အရည်အသွေးကောင်းမွန်ရေးအတွက် ပူးပေါင်းကူညီဖြည့် ဆည်းပေးရန် လိုအပ်သည်ဟုလည်း ဒေါက်တာမျိုးသိမ်းကြီးက ပြောကြားခဲ့သည်။

ပညာရေးဝန်ကြီးဌာနက ထုတ်ပြန်ထားသော မြန်မာနိုင်ငံကျောင်းပြင်ပရောက် ကလေးများအခြေအနေ လေ့လာဆန်းစစ်ချက်စာတမ်းအရ မြန်မာနိုင်ငံကျေးလက်ဒေသများရှိ မူကြိုကလေးငယ် ၈၀ ဒသမ ၆၅ ရာခိုင်နှုန်းသည် မူကြိုပညာရေး အခွင့်အလမ်း ရရှိမနေကြောင်း သိရသည်။

ထို့အတူ မူလတန်းပညာသင်ယူနိုင်သည့် ကလေးငယ် ၁၂ ဒသမ ၆ ရာခိုင်နှုန်းသည် ကျောင်းပြင်ပတွင် ရောက်ရှိနေပြီး မူလတန်းကလေးငယ် ၁၈ ဒသမ ၁၂ ရာခိုင်နှုန်းသည် ကျောင်းထွက်ရန် အလားအလာများနေသည်ဟု စာတမ်းတွင် ဖော်ပြထားသည်။ 

You may also like...

Leave a Reply

Your email address will not be published. Required fields are marked *