အခွန်ဝက်အူတင်းသည့် အမည်ပေါက်ကားဂယက်

ဝင်ငွေခွန်လျှော့ချမှုနှင့်အတူ မော်တော်ယာဉ်အမည်ပေါက်ပြောင်းလဲရေး ဂယက်လှုပ်ခတ်လာသည်။

၂၀၁၉ ခုနှစ် ပြည်ထောင်စု၏ အခွန် အကောက်ဥပဒေအရ စည်းကြပ်မှုမှ လွတ်ကင်းနေသော ဝင်ငွေခွန်နှုန်းထား လျှော့ချလိုက်သဖြင့် မော်တော်ယာဉ် ဝယ်ယူရာတွင် ပေးဆောင်ရသည့် ဝင်ငွေခွန် ပမာဏလျော့နည်းသွားပြီး စုစုပေါင်း မော်တော်ယာဉ်တန်ဖိုးလည်း လျော့ကျလာရာ ကားဈေးကွက် လှုပ်လှုပ်ခတ်ခတ် ဖြစ်ခဲ့သည်။

ထို့အပြင် မှတ်ပုံတင်ထားပြီးသား ယာဉ်များကို ဝယ်ယူစီးနင်းနေသော်လည်း ဝင်ငွေခွန်နှုန်းထားများပြားသဖြင့် ယခင်က အမည်ပေါက်မပြောင်းရသေးသည့် ယာဉ်ပိုင်ရှင်များသည် ၂၀၁၉ ခုနှစ်တွင် အခွန်နှုန်းသက်သာစွာဖြင့် အမည်ပေါက်ပြောင်းနိုင်မည် ဖြစ်သည်။ ယင်းမှာ အခွင့်အလမ်း ဖြစ်သည်။

သို့သော်အခွင့်အလမ်းနှင့်အတူ ဖိအားလည်း ပြင်းထန်လာသည်။ အကြောင်းမှာ၂၀၂၀ ပြည့်နှစ်မှ စတင်ပြီး မော်တော်ယာဉ်အမည်ပေါက်ပိုင်ဆိုင်သူ မှန်ကန်မှသာ မော်တော်ယာဉ်မှတ်ပုံတင်သက်တမ်းတိုးခွင့်ပြုရန် ကုန်းလမ်းပို့ဆောင်ရေးညွှန်ကြားမှုဦးစီးဌာန (က.ည.န)က  တွန်းအားပေးလုပ်ဆောင်လာခြင်းကြောင့် ဖြစ်သည်။

ယာဉ်ပိုင်ရှင်တိုင်း ယာဉ်လက်ဝယ်ရှိသူ အမည်၊နေရပ်လိပ်စာ မှန်ကန်စွာ ပြောင်းလဲမှတ်ပုံတင်ရမည် ဖြစ်သည်။ အမည်ပေါက် မပြောင်းလဲထားပါက ပြည်တွင်းအခွန်များဦးစီးဌာနသို့ ဝင်ငွေခွန် ပေးဆောင်စေပြီး ယာဉ်ပိုင်ရှင်အမည်ပြောင်းရမည်ဖြစ်ကြောင်း ကုန်းလမ်း ပို့ဆောင်ရေးညွှန်ကြားမှုဦးစီးဌာနက ထုတ်ပြန်ထားသည်။

ယာဉ်သက်တမ်းတိုးရာတွင် ဝင်ငွေခွန်ဆောင်၊ အမည်ပြောင်းခြင်းကို မဖြစ်မနေ  လုပ်ကိုင်ရတော့မည်ဖြစ်သည်။ အသစ်ပြဋ္ဌာန်းမည့် ယာဉ်အန္တရာယ်ကင်းရှင်းရေးနှင့် မော်တော်ယာဉ်စီမံခန့်မှုဥပဒေကြမ်းတွင် မော်တော်ယာဉ်ပိုင်ရှင်များသည် ယာဉ်အမည်ပေါက်ပြောင်းလဲရမည်ဟူသည့် ပြဋ္ဌာန်းချက်ရှိသည်။ အမည်ပေါက်ပြောင်းရာတွင် ပေးဆောင်ရသည့် ဝင်ငွေခွန်နှုန်းကိုလည်း လျှော့ချထားသည်။

သို့ဆိုလျှင် အဘယ်ကြောင့် အမည်ပေါက်ပြောင်းရေးကို ဝေဖန်ကြသနည်း။ ဝင်ငွေခွန်လျှော့ချခြင်းနှင့် ယာဉ်အမည် ပေါက်ပြောင်းခြင်းက မည်သို့ ဆက်စပ်သနည်း။

(၁)

မော်တော်ယာဉ် ဝယ်ယူရောင်း ချခြင်းနှင့် ပတ်သက်ပြီး အစိုးရက အခွန်အရပ်ရပ်စည်းကြပ်ကောက်ခံသည်။

မော်တော်ယာဉ်တင်သွင်းခြင်းအတွက် အကောက်ခွန်၊ ကုန်သွယ်လုပ်ငန်းခွန်၊ ဝင်ငွေခွန်၊ ကညနမှတ်ပုံတင်ခ စသည်ဖြင့် ရာခိုင်နှုန်းအလိုက် ကောက်ခံခြင်းဖြစ်သည်။ SKD (Semi Knocked  Down) စနစ်ဖြင့် ပြည်တွင်းထုတ် မော်တော် ယာဉ်များကို ဝင်ငွေခွန်နှင့် ကညန မှတ်ပုံတင်ခ နှစ်မျိုးကောက်ခံသည်။

ဝင်ငွေခွန် (တစ်နည်း) စည်းကြပ်မှုမှ လွတ်ကင်းနေသော ဝင်ငွေခွန်ကို အခွန် ကောက်ခံမှုဟာကွက်မရှိရန် ပြည်တွင်းအခွန်များဦးစီးဌာနက ရည်ရွယ်သည်။ အိမ်၊ ခြံ၊ မြေ၊ ကား အခြေခံပစ္စည်းများဝယ်ယူရာတွင် ဝင်ငွေရလမ်း ဖော်ပြနိုင်သော ငွေဖြူ မဟုတ်ပါက ဝယ်ယူသူထံမှ ဝင်ငွေခွန်ကောက်ခြင်းဖြစ်သည်။

ငွေပမာဏအလိုက် အခွန်နှုန်းထားအမျိုးမျိုးကျသင့်မည်ဖြစ်သည်။ ပြီးခဲ့သည့် ၂၀၁၈ ခုနှစ်ပြည်ထောင်စု၏ အခွန်အကောက်ဥပဒေအရ ဝင်ငွေခွန်ကို ကျပ်သိန်းသုံးရာအထိ ၁၅ ရာခိုင်နှုန်း၊ ကျပ်သိန်းသုံးရာအထက်မှ တစ်ထောင်အထိ ၂၀ ရာခိုင်နှုန်း၊ ကျပ်သိန်းတစ်ထောင်အထက် ၃၀ ရာခိုင်နှုန်း ကောက်ခံခဲ့သည်။

လက်ရှိတွင်မူ ကျပ်သိန်းတစ်ထောင်အထိ ၃ ရာခိုင်နှုန်း၊ ကျပ်သိန်းတစ်ထောင်မှ ကျပ်သိန်းသုံးထောင် ၅ ရာခိုင်နှုန်း၊ ကျပ်သိန်းသုံးထောင်မှ ကျပ်သိန်းတစ်သောင်းအထိ ၁၀ ရာခိုင်နှုန်း၊ ကျပ်သိန်း  တစ်သောင်းမှ ကျပ်သိန်းသုံးသောင်းအထိ ၁၅ ရာခိုင်နှုန်း၊ ကျပ်သိန်းသုံးသောင်းအထက် ၃၀ ရာခိုင်နှုန်းဖြစ်သည်။

ယခင်ကျပ်သုံးသိန်းရာတန် မော်တော် ယာဉ်တစ်စီးသည် ဝင်ငွေခွန် ၁၅ ရာခိုင်နှုန်း ၄၅ သိန်းပေးဆောင်ရာမှ ယခုနှစ်တွင် ၃ ရာခိုင်နှုန်းကိုးသိန်းသာ ပေးဆောင်ရခြင်း ဖြစ်သည်။ လျော့ကျသည့် အခွန်နှုန်းထားသည် ယာဉ်အမည်ပေါက်ပြောင်းလဲရာတွင် သက်ရောက်မှုရှိသည်။

က.ည.န ယာဉ်မှတ်ပုံတင်ကာ အသုံး ပြုနေသည့် ယာဉ်များကို လွှဲပြောင်းရောင်း ချရာတွင် ယာဉ်ဝယ်ယူသူက ဝင်ငွေခွန်ပေးရသည်။ ဆိုလိုသည်မှာ မောင်ဖြူအမည်ဖြင့် မှတ်ပုံတင်ထားသည့် မော်တော်ယာဉ်ကို မောင်နီက ဝယ်ယူအသုံးပြုပါက ယာဉ်ပိုင်ရှင် အမည်ပြောင်းရန်လိုအပ်ပြီး ထိုယာဉ်ကို ဝယ်ယူခြင်းအတွက် ငွေဖြူမပြနိုင်လျှင် ဝင်ငွေခွန်ပေးဆောင်ရမည်ဖြစ်သည်။ ယာဉ်အသစ်၊ ယာဉ်အဟောင်း မည်သည့်ယာဉ် ဝယ်ယူသည်ဖြစ်စေ ဝင်ငွေခွန်ပေးရသည်။

(၂)

ယခင်ကမော်တော်ယာဉ် မှတ်ပုံတင်သက်တမ်းတိုးရာတွင် ယာဉ်ပိုင်ရှင်အမည်ပေါက်မှန်ကန်မှု မစိစစ်ဘဲ သက်တမ်းတိုးပေးခဲ့သည်။

၂၀၂၀ ပြည့်နှစ်ဇန်နဝါရီ ၁ ရက်မှ စတင်ပြီး မော်တော်ယာဉ်မှတ်ပုံတင်  လုပ်ငန်းဆောင်ရွက်ရာတွင် အမည်ပေါက်ယာဉ်ပိုင်ရှင်၏ နိုင်ငံသားစိစစ်ရေးကတ်မူရင်း၊ အိမ်ထောင်စု လူဦးရေစာရင်းဖြင့် တိုက်ဆိုင်စိစစ်မည်ဖြစ်သည်။ ပြည်တွင်းအခွန်များဦးစီးဌာနသို့ ဝင်ငွေခွန်ပေးဆောင်စေကာ အမည်ပေါက်ပြောင်းလဲရမည်ဖြစ်သည်။

ယာဉ်အန္တရာယ်၊ လမ်းအန္တရာယ်ကင်းရှင်းရေး ဆောင်ရွက်ခြင်းနှင့် မော်တော်ယာဉ်နှင့်ဆက်စပ်သည့် မှုခင်းများ ဖမ်းဆီးအရေးယူရာတွင် ယာဉ်ပိုင်ရှင်အမည်ပေါက်မပြောင်းထားခြင်းကြောင့် ကျူးလွန်သူများကို တိတိကျကျကျအရေးမယူနိုင်သဖြင့် ပိုင်ရှင်အမည်ပေါက်ပြောင်းလဲရေး ဆောင်ရွက်ခြင်းဖြစ်ကြောင်း ကုန်းလမ်း ပို့ဆောင်ရေးညွှန်ကြားမှုဦးစီးဌာန ယာဉ်မှတ်ပုံတင်ဌာနမှ တာဝန်ရှိသူတစ်ဦးက  The Voice Journal သို့ ပြောကြားသည်။

“မြန်မာနိုင်ငံရဲတပ်ဖွဲ့က ကားနဲ့ ပတ်သက်တဲ့ မှုခင်းတွေ လိုက်တိုင်းမှာ အမြဲတမ်းတလွဲတွေ လိုက်လိုက်နေရတယ်။ တော်တော်နဲ့ မမိဘူး။ ကားတွေက တကယ်ပိုင်တဲ့ လူက တစ်နေရာ၊ ကညနမှာ ရှိတာက တစ်နေရာ။ ကညနကို ရဲက လာမေးရင် ကွန်ပျူတာထဲမှာရှိတဲ့ မှတ်တမ်းတွေနဲ့ တခြားစီဖြစ်နေတယ်”ဟု ၎င်းက  ပြော ကြားသည်။

ကမ္ဘာ့နိုင်ငံများတွင် မော်တော်ယာဉ်တစ်စီး မှတ်ပုံတင်ထားပြီးပါက အဆိုပါယာဉ်ပိုင်ရှင်၊ နေရပ်လိပ်စာကို အစိုးရက အစဉ်သိရှိနေပြီး မြန်မာနိုင်ငံတွင်မူ ယာဉ်အမည်ပေါက် မပြောင်းလဲခြင်းကြောင့် ပိုင်ရှင်အမှန်ကို မသိရှိရကြောင်း ၎င်းက ဆိုသည်။

ယာဉ်မတော်တဆထိခိုက်မှုဖြစ်လျှင် ယာဉ်ပိုင်ရှင်အမှန် မသိသဖြင့် အရေးမယူနိုင်သည့် အမှုများရှိသည်။

“ပြောင်းလဲခြင်းသည် ဒုက္ခပေးဖို့ မဟုတ်ဘူး”ဟု ၎င်းက ထပ်မံပြောကြားသည်။

မော်တော်ယာဉ်များ၏ ပိုင်ရှင် အမည်၊ နေရပ်လိပ်စာတိကျမှန်ကန်ရေးသည် နိုင်ငံတော်တရားဥပဒေစိုးမိုးရေး၊ လုံခြုံရေးနှင့် စည်းကမ်းဥပဒေနှင့် ညီညွတ်သောမော်တော်ယာဉ်များဖြစ်စေရန်၊ အနာဂတ်တွင် ဆောင်ရွက်မည့် Radio Frequency Identification (RFD) စနစ်ဖြင့် ချိတ်ဆက်ဆောင်ရွက်ရန် အရေးပါကြောင်း ကညနက ထုတ်ပြန်ထားသည်။

(၃)

၂၀၁၂ ခုနှစ်နောက်ပိုင်း မြန်မာနိုင်ငံ၏ မော်တော်ယာဉ်တင်သွင်းခွင့်မူဝါဒ ဖြေလျှော့ခဲ့ပြီးနောက် မော်တော်ယာဉ်  အသုံးပြုမှု တဟုန်ထိုးတိုးတက်လာခဲ့သည်။

၂၀၁၁ ခုနှစ်က မြန်မာနိုင်ငံတွင် မှတ်ပုံတင်သည့် ယာဉ်အစီးရေသုံးသိန်း ခြောက်သောင်းကျော် ရှိသော်လည်း ၂၀၁၆ ခုနှစ်တွင် ခုနစ်သိန်းတစ်သောင်းကျော်ရှိလာခဲ့သည်။ မြန်မာနိုင်ငံလူဦးရေနှင့် မော်တော်ယာဉ်သုံးစွဲမှုအချိုးသည် ၂၀၁၅ ခုနှစ်က လူတစ်ထောင်လျှင် ၁၄ စီးရှိရာမှ ၂၀၁၆ ခုနှစ်တွင် လူတစ်ထောင် ၁၅ စီးအထိ ရှိလာသည်။

မော်တော်ယာဉ်သုံးစွဲမှုတိုးတက်လာသော်လည်း အမည်ပေါက်ပြောင်းလဲသည့် ယဉ်ကျေးမှုနည်းနေဆဲ ဖြစ်သည်။ ၂၀၀၃ ခုနှစ်နောက်ပိုင်းမှစ၍ အခွန်ပေးဆောင်ရမည့်မူဝါဒကြောင့် မော်တော်ယာဉ်အမည်ပေါက် ပြောင်းလဲခြင်းကို ယာဉ်ပိုင်ရှင်များက ရှောင်ရှားလာခြင်း ဖြစ်သည်။ မြန်မာနိုင်ငံတွင် ယာဉ်ပိုင်ရှင် အမည်ပေါက် မပြောင်းလဲသည်မှာ နှစ်ပေါင်းနှစ်ဆယ်နီးပါးပင် ရှိလာပြီ ဖြစ်သည်။

၂၀၁၉ ခုနှစ် စက်တင်ဘာလစာရင်းများအရ မြန်မာနိုင်ငံတွင် မော်တော်ယာဉ်အစီးရေစုစုပေါင်း ၁ ဒသမ ၁ သန်းကျော် ရှိပြီး အဆိုပါယာဉ်များအနက် အမည်ပေါက်မပြောင်းသော ယာဉ်အများအပြားရှိကာ ယာဉ်အစီးရေ မည်မျှအမည်ပေါက် မပြောင်းလဲထားသည်ကို စစ်တမ်းမကောက်ယူနိုင်သဖြင့် ကညန ကိုယ်တိုင်ပင် အရေအတွက် အတိအကျကို မသိပေ။

Brand New ကားစီးသူများသည် ပိုင်ရှင်အမည်ပေါက် ဝယ်ကြသော်လည်း ယာဉ်ဟောင်းအများစုသည် အမည်ပေါက် ပြောင်းလဲမှုနည်းပါးကြောင်း မြန်မာ့မော်တော်ယာဉ်ထုတ်လုပ်ရေးနှင့် ဖြန့်ဖြူးရောင်းချရေးလုပ်ငန်းရှင်များအသင်း ဥက္ကဋ္ဌဒေါက်တာစိုးထွန်းက ပြောကြားသည်။

“မှတ်ပုံတင်တဲ့ လူ၊ စီးတဲ့လူအနေနဲ့ ပိုင်ရှင်မှတ်ပုံတင်ဖို့အတွက် ပြောတာပေါ့။ ဒါတော့လည်း ကောင်းပါတယ်။ ဘာဖြစ်လို့လဲဆိုတော့ ဒါမှ ရာဇဝတ်မှုဖြစ်ရင် လိုက်လို့လွယ်တာပေါ့။ တစ်ချက်တော့ ရှိတယ်။ လိပ်စာနဲ့ အမည်ပြောင်းပေးမယ်။ ဒါပေမဲ့ မော်တော်ယာဉ် ပလိပ်ပြားပေါ့။ ပဲခူးလိပ်စာနဲ့ စီးနေတဲ့ ယာဉ်က ရန်ကုန်ကို ပြောင်းလို့ မရတာတော့ ရှိနေတယ်”ဟု ၎င်းက သုံးသပ်သည်။

နယ်လိုင်စင်များကို ရန်ကုန်လိုင်စင် (YGN) မပြောင်းလဲပေးခြင်း ဖြစ်သည်။ ရန်ကုန်တိုင်းသည် မော်တော်ယာဉ်အသုံးပြုမှု၏ ၆၆ ရာခိုင်နှုန်းကျော်ရှိသဖြင့် ရန်ကုန်  လိုင်စင်ထုတ်ပေးခြင်းကို တိုင်းအစိုးရက ပိတ်ပင်ထားသည်။ ရန်ကုန်လိုင်စင်ရယူလိုပါက ယာဉ်အိုဟောင်းဖျက်သိမ်း စလစ်ဖြင့် လျှောက်ထားမှသာ ခွင့်ပြုပေးခြင်း ဖြစ်သည်။

ထို့အပြင်အခွန်ကောက်ခံခြင်းကို ကညနက တွဲလုပ်နေခြင်းမှာလည်း လူပြောစရာဖြစ်ကြောင်း ဒေါက်တာစိုးထွန်းက  ထောက်ပြသည်။

နိုင်ငံတကာတွင် ယာဉ်အမည်ပြောင်းလဲခြင်းနှင့် အခွန်ကောက်ခံခြင်းကို ၎င်းနှင့် သက်ဆိုင်ရာဝန်ကြီးဌာနက သီးခြားစီကောက်ခံခြင်း ဖြစ်သည်။

ယခင်ကလည်း နိုင်ငံခြားတွင် အလုပ်လုပ်ကိုင်နေသည့် မြန်မာနိုင်ငံသားထဲမှ အခွန်မစည်းကြပ်နိုင်မည်စိုးသဖြင့် ပတ်စ်ပို့သက်တမ်းတိုးချိန်တွင် အစိုးရက အခွန်ကောက်သည့် စနစ် ကျင့်သုံးဖူးသည်။ ယင်းစနစ်ကို ပြီးခဲ့သည့် သမ္မတဦးသိန်းစိန်အစိုးရလက်ထက်တွင် ဖျက်သိမ်းခဲ့သည်။ ယခုအခါ မော်တော်ယာဉ်အမည်ပြောင်းရာတွင် အဆိုပါစနစ်ကို ကျင့်သုံးသည့် ပုံစံ ဖြစ်သည်။

ယာဉ်အမည်ပေါက်ပြောင်းလဲရာတွင် ဝင်ငွေခွန်ပေးဆောင်စေခြင်းမှာ စီမံကိန်းနှင့် ဘဏ္ဍာရေးဝန်ကြီးဌာနနှင့် ပို့ဆောင်ရေးနှင့် ဆက်သွယ်ရေးဝန်ကြီးဌာနတို့ ဝန်ကြီးဌာနအချင်းချင်းပေါင်းစပ် လုပ်ကိုင်ပေးရခြင်း ဖြစ်သည်။

ထို့အပြင်မှတ်ပုံတင်ထားသည့် မော်တော်ယာဉ်များသည် တစ်နိုင်ငံလုံးရှိ အများပြည်သူဆိုင်ရာလမ်းများတွင် မောင်းနှင်နိုင်သော်လည်း နယ်ကျော်ယာဉ်များဝင်ထွက်မှုစိစစ်နေခြင်း၊ ရန်ကုန် လိုင်စင် ကန့်သတ်ထားခြင်းတို့သည် သက်ဆိုင်ရာ ဒေသန္တရအစိုးရများ၏ သီးခြားအစီအစဉ်ဖြစ်ကြောင်း ကညနတာဝန်ရှိသူက ဆိုသည်။

(၄)

ပြည်ထောင်စု၏ အခွန်အကောက်ဥပဒေသည် တစ်နှစ်တစ်ကြိမ် ပြောင်းလဲပြင်ဆင်သည့် ဥပဒေဖြစ်သည်။

အဆိုပါဥပဒေပါ အခွန်နှုန်းထားများသည် တစ်နှစ်သက်တမ်းရှိသဖြင့် ယခုနှစ်တွင် သတ်မှတ်ထားသည့် ကျပ်သိန်း တစ်ထောင်လျှင် ဝင်ငွေခွန် ၃ ရာခိုင်နှုန်းသည် လာမည့်နှစ်များတွင် ဆက်လက် တည်ရှိမည်မှာ မသေချာပေ။ ထို့ကြောင့် မော်တော်ယာဉ်အမည်ပြောင်းခြင်းအတွက် ယခုအချိန်သည် အကောင်းဆုံးပင်။

ကျပ်သိန်းတစ်ရာတန်ကားတစ်စီးလျှင် ယခင်က အမည်ပြောင်းလျှင် ဝင်ငွေခွန် ၂၂သိန်းကျော် ကျသော်လည်း ယခုအခါ လေးသိန်းခွဲသာ ကျသင့်မည်ဖြစ်သည်။ ယာဉ်တစ်စီးရောင်းချလျှင်ပင် အကျိုးဆောင်ခ ၂ ရာခိုင်နှုန်းခန့် ပေးဆောင်ရပြီး အမည်ပြောင်းလဲခြင်းအတွက် အခွန် ၃ ရာခိုင်နှုန်းမှာ ယာဉ်ပိုင်ရှင်များအတွက် ဝန်ထုပ်ဝန်ပိုးမဖြစ်နိုင်ကြောင်း ကညနမှ တာဝန်ရှိသူက ဆိုသည်။

သို့သော်တင်သွင်းချိန်ကတည်းက အခွန်အရပ်ရပ် ပေးဆောင်ထားသဖြင့် မော်တော်ယာဉ် အမည်ပြောင်းရာတွင် ဝင်ငွေခွန်စည်းကြပ်ခြင်းကို သဘောမတွေ့သူများစွာရှိသည်။ ဆိုလိုသည်မှာ မောင်ဖြူသည် ယာဉ်ဝယ်ယူစဉ်က အဆိုပါယာဉ်အတွက် ဝင်ငွေခွန်ပေးဆောင်ထားသည်။ ထိုယာဉ်ကိုပင် မောင်နီသို့ လွှဲပြောင်းရောင်းချသည့်အခါ မောင်နီက ဝင်ငွေခွန်ထပ်ဆောင်ရသည်။

ယာဉ်တစ်စီးလျှင် အခွန်အထပ်ထပ်ကျသင့်သည့် ပုံစံဖြစ်နေကြောင်း မော်တော်ယာဉ်ရောင်းဝယ်ရေးလုပ်ငန်းရှင်တို့က သုံးသပ်သည်။

ဗြိတိန်နိုင်ငံတွင် ယာဉ်အမည်ပြောင်းပါက အခကြေးငွေမပေးရသည့်အပြင် အခွန်မဆောင်ရကြောင်း ၎င်းတို့က ဆိုသည်။

ယခုအခါ ယာဉ်အမည်ပေါက် မဖြစ်မနေ ပြောင်းရမည်ဖြစ်သဖြင့် ဝင်ငွေခွန် မဆောင်ချင်သူများသည် မှတ်ပုံတင်၊ အိမ်ထောင်စုလူဦးရေ စာရင်းများ ငှားရမ်းကာ မမှန်မကန်ဆောင်ရွက်မှုရှိနိုင်ကြောင်း မြန်မာနိုင်ငံ မော်တော်ယာဉ်ရောင်းဝယ်ရေးအသင်း (ရန်ကုန်) ဥက္ကဋ္ဌဦးအောင်သန်းဝင်းက ဆိုသည်။

“ကျွန်တော့်နာမည်ပေါက်တဲ့ ကားက ကျွန်တော့်မှတ်ပုံတင်၊ သန်းခေါင် စာရင်း ငှားလိုက်တာနဲ့ ပိုက်ဆံရမယ်။ သုံးသိန်း၊ လေးသိန်း။ အဲ့လို အရောင်းအဝယ်တွေဖြစ်ရင် မသမာမှုတွေ များလာမယ်”ဟု ၎င်းက ဆိုသည်။

ထို့ကြောင့် ယခင်အစိုးရလက်ထက်ကတည်းက သက်တမ်းတိုးရာတွင်ပိုင်ရှင် အမည်ပေါက်မစစ်ဆေးဘဲ သက်တမ်းတိုးပေးခဲ့သည်။

လက်ရှိအစီအစဉ်ကြောင့် မော်တော်ယာဉ်အဟောင်းဈေးကွက်မှာ နှေးကွေးနိုင်ပြီး ယာဉ်တန်ဖိုးအလိုက် အခွန်  ၃ ရာခိုင်နှုန်းဈေးတက်နိုင်သည်ဟုလည်း  ဈေးကွက်ကျွမ်းကျင်သူများက သုံးသပ်ကြသည်။

မော်တော်ယဉ် အမည်ပေါက်ပြောင်းလဲရန် ညွှန်ကြားချက်ထွက်ပြီး နောက်ပိုင်းတစ်ပတ်အတွင်း မော်တော်ယာဉ်အရောင်းအဝယ်များ သိသိသာသာကျဆင်းသွားကြောင်း မော်တော်ယာဉ် ရောင်းဝယ်ရေးအသင်း (ရန်ကုန်) ဒုတိယ ဥက္ကဋ္ဌ ဦးအောင်သန်းဝင်းက ဆိုသည်။

ရန်ကုန်လိုင်စင်၊ နယ်လိုင်စင်မော်တော်ယာဉ်များအပါအဝင် မည်သည့် ယာဉ်အမျိုးအစားမျှ အရောင်းအဝယ် မဖြစ်ကြောင်း၊ အခွန်ကောက်ခံမှုပြောင်းလဲသွားသည့်အတွက် ဝယ်သူများမှာလည်း ဝယ်ရန်တန့်သွားကြကြောင့် ၎င်းက ဆက်လက်ပြောကြားသည်။

“ပြန်ရောင်းသူ၊ ဝယ်သူတွေက အခွန်ပြန်တွက်ရမှာဖြစ်လို့ ဒီရက်ပိုင်း အရောင်းအဝယ် လုံးဝမဖြစ်ဘူး”ဟု ၎င်းက ဆိုသည်။

ထို့အပြင် မော်တော်ယာဉ်လိုင်စင်သက်တမ်းသည် ၂ နှစ်ဖြစ်ပြီး ဝင်ငွေခွန် ၃ ရာခိုင်နှုန်းမှာ တစ်နှစ်ဖြစ်သည်။ ၂၀၂၀ နောက်ပိုင်းတွင် သက်တမ်းကုန်မည့် ယာဉ်များသည် အခွန်၃ရာခိုင်နှုန်း သတ်မှတ်ချက် မသေချာသဖြင့် မမျှမတဖြစ်နိုင်ကြောင်း ဦးအောင်သန်းဝင်းက ဆိုသည်။ တိုင်းပြည် စီးပွားရေးမကောင်းခြင်း၊ ၂၀၂၀ အထွေထွေရွေးကောက်ပွဲနီးလာခြင်းတို့ကြောင့် ယာဉ် အမည်ပေါက်ပြောင်းခြင်းကို ပိုနေမြဲ၊ ကျားနေမြဲ ဆက်ရှိစေလိုကြောင်း ၎င်းက  ဆိုသည်။

အထူးသဖြင့် အမည်ပြောင်းဂယက်သည် ယာဉ်အဟောင်းဈေးကွက်ကို တည့်တည့်ထိမည်ဖြစ်ပြီး အစိုးရသည် အမည်ပေါက်မပြောင်းရသေးသူများထံမှ အခွန်ဘဏ္ဍာရမည်ဖြစ်သည်။ Brand  New ယာဉ်ဝယ်ယူသူများမှာမူ ဝယ်ယူစဉ်ကတည်းက ဝင်ငွေခွန်ပေးဆောင်ပြီး အမည်ပေါက်ဝယ်ယူကြသဖြင့် ထူးပြီး မသက်ရောက်ပေ။

မည်သို့ဆိုစေ ဝင်ငွေခွန်လျှော့ချခြင်းသည် ကြုံတောင့်ကြုံခဲဖြစ်သည်။ ပြီးခဲ့သည့်နှစ်ကတည်းက ဝင်ငွေခွန်နှုန်းလျှော့ချရန် စီးပွားရေးလုပ်ငန်းရှင်များက တိုက်တွန်းခဲ့သော်လည်း အစိုးရက မလျှော့ချခဲ့ပေ။

ယခုနှစ်တွင် တိုင်းပြည်စီးပွားရေးအင်ဂျင်ကို ပြန်လည်နှိုးဆွနိုင်ရန် ဝင်ငွေခွန်လျှော့ချပေးခဲ့သည်။ လျှော့ချသည့်နှုန်းထားများအလိုက် အိမ်၊ခြံ၊မြေ၊ကားဈေးကွက်လည်း ပြန်လည်သွက်လက်လာမည်ဟု လုပ်ငန်းရှင်များက အကောင်းမြင် မျှော်လင့်ထားသည်။

ယာဉ်အမည်ပေါက်ပြောင်းလဲခြင်းနှင့်အတူ ဝင်ငွေခွန်ကောက်ခံခြင်းမှာ တစ်ချက်ခုတ် နှစ်ချက်ပြတ်မူဝါဒ ဖြစ်သည်။ မဖြစ်မနေ အခွန်ဆောင်ရမည်ဖြစ်သော်လည်း ၃ ရာခိုင်နှုန်းသည် ယခင်ကထက် သက်သာသည်။ အခွန်ဆောင်ခြင်း၊ မဆောင်လိုခြင်းသည် သာပဓာနဖြစ်သည်။ ယင်းနှင့်ပတ်သက်၍ ဒေါက်တာစိုးထွန်းက ယခုကဲ့သို့ ဆိုသည်။

“၃ ရာခိုင်နှုန်းကို မဆောင်ချင်တဲ့ လူက မှတ်ပုံတင်၊ သန်းခေါင်စာရင်းသွား ငှားရမလိုဖြစ်နေတာ။ ဆောင်ချင်တယ်ဆိုရင်တော့ ဘာမှရှုပ်ထွေးမနေဘူး။ ကိုယ့်နာမည် ကိုယ်ဖောက်၊ ကိုယ့် မှတ်ပုံတင်၊ ကိုယ့်သန်းခေါင်စာရင်းပဲ”

နိုင်လင်းအောင

 

You may also like...

Leave a Reply

Your email address will not be published. Required fields are marked *