အခြေခံဥပဒေပြင်ဆင်ရေး တစ်နှစ်အလို

၂၀၀၈ အခြေခံဥပဒေပြင်ဆင်ရေး ပြည်သူများ၏ အိပ်မက်သည် အာဏာရပါတီခေါင်းဆောင်လည်းဖြစ်၊ နိုင်ငံတော်၏ အတိုင်ပင်ခံပုဂ္ဂိုလ်လည်းဖြစ်သည့် ဒေါ်အောင်ဆန်းစုကြည်၏ “အခြေခံဥပဒေပြင်ဆင်ရေး တပ်မတော်သည် စိတ်အားထက်သန်ပုံမရ” ဟူသော ပြောကြားချက်ကြောင့် ရုတ်တရက်လန့်နိုးခဲ့ရပြီဖြစ်သည်။

ထို့ကြောင့် အမျိုးသားပြန်လည်ရင်ကြားစေ့ရေးနှင့် အမျိုးသားတန်းတူရေးကို ရှေးရူမည်ဆိုသော အရပ်သားအစိုးရသည် လာမည့် ၂၀၂၀ ရွေးကောက်ပွဲမတိုင်မီ အခြေခံဥပဒေကို ပြင်ဆင်နိုင်ပါမည်လောဟူသည်မှာ ယနေ့ နိုင်ငံရေးလေ့လာသူများအကြားတွင် ဖြစ်ပေါ်နေသော သံသယ ဖြစ်လာသည်။

အကြောင်းမှာ ဂျပန်ဘုရင်နန်းတက်ပွဲသို့ တက်ရောက်ခဲ့သော နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က Nikkei Asia နှင့် တွေ့ဆုံသည့် အင်တာဗျူးတွင် လာမည့်ရွေးကောက်ပွဲမတိုင်မီ အခြေခံဥပဒေပြင်ဆင်ရေးမှာ ဖြစ်နိုင်ခြေနည်းကြောင်း ပြောဆိုခဲ့ခြင်း ဖြစ်သည်။

ယင်းသတင်းကို Nikkei Asia က “Myanmar’s State Counselor Aung San Suu Kyi said amending the constitution is needed for Myanmar to transition to a “complete democracy,” but is unlikely to happen before next year’s election” ဟု ပြန်လည်ဖော်ပြခဲ့သည်။

အဆိုပါပြောဆိုချက်နှင့်ပတ်သက်၍ ရှမ်းတိုင်းရင်းသားများဒီမိုကရေစီအဖွဲ့ချုပ် အထွေထွေအတွင်းရေးမှူး (၁) ဦးစိုင်းကျော်ညွန့်က “(အခြေခံဥပဒေပြင်ဆင်ရေး) ဒီကိစ္စကို လုပ်နေလျက်နဲ့ ဒေါ်အောင်ဆန်းစုကြည်ကိုယ်တိုင်က ဂျပန်မှာ Nikkei Asia ကို ပြောခဲ့တယ်။ မဖြစ်နိုင်တော့ဘူးလို့ ပြောပြန်ရော။ လုပ်လည်းလုပ်တယ်။ မဖြစ်နိုင်တော့ဘူးလို့လည်း ပြောတယ်ဆိုတော့ နည်းနည်းတော့ ဝိဝါဒကွဲစရာရှိတယ်။ ကိုယ့်ပါတီ လုပ်တဲ့အလုပ်တစ်ခုကို မဖြစ်နိုင်ဘူးလို့ သူ့ကိုယ်တိုင်ပြောတဲ့ပုံစံလည်း ဖြစ်နေပြန်ရော” ဟု ဆိုသည်။

ဤသို့ဆိုလျှင် မြန်မာပြည်သူများ မျှော်လင့်လျှက်ရှိသော အခြေခံဥပဒေ ပြင်ဆင်ရေးသည် NLD အစိုးရလက်ထက် ငါးနှစ်အတွက် မရေရာမသေချာမှုများဖြင့် အဆုံးသတ်တော့မည်လော။

တပ်မတော်၏ ရပ်တည်ချက်

အခြေခံဥပဒေပြင်ဆင်ရေးအတွက် တပ်မတော်၏သဘောထားသည် အရေးကြီးသည့် အခန်းကဏ္ဍတွင် ပါဝင်လျက်ရှိကြောင်းကို ယနေ့နိုင်ငံရေးသမားများကိုယ်တိုင်က လက်ခံထားပြီဖြစ်သည်။

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်လက်မှတ်ရေးထိုးခဲ့သည့် လေးနှစ်မြောက် နှစ်ပတ်လည်အခမ်းအနားတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က အခြေခံဥပဒေ နောက်ဆက်တွဲဇယား (၁၊ ၂၊ ၃၊ ၅) ပါ ဥပဒေပြုစာရင်းများအတွက် မည်သည့်ဥပဒေများကို တိုင်းဒေသကြီးနှင့် ပြည်နယ်လွှတ်တော်များက ပြဋ္ဌာန်းခဲ့ကြသနည်းဟု မေးခွန်းထုတ်သည်။

ဆိုလိုချက်မှာ အခြေခံဥပဒေက ပေးအပ်ထားသည့် အခွင့်အာဏာကို အသုံးချ၍ တိုင်းရင်းသားများ တောင်းဆိုနေသည့် ဖက်ဒရယ်ပြည်ထောင်စု အိပ်မက်အတွက် လွှတ်တော်များက မည်ရွေ့မည်မျှ အားထုတ်ကြပြီးသနည်းဆိုလိုခြင်းပင်ဖြစ်သည်။

ထို့အပြင် သမ္မတဦးသိန်းစိန်အစိုးရလက်ထက် လွှတ်တော်များက ၂၀၁၅ ခုနှစ်အတွင်း အခြေခံဥပဒေ ဇယား (၂) ပါ အချက်များကို ပြင်ဆင်ခဲ့ကြပြီး ယင်းသို့ပြင်နိုင်ခဲ့ပြီးနောက် မည်မျှအသုံးချနိုင်သည်ကိုလည်း ဗိုလ်ချုပ်မှူးကြီး မင်းအောင်လှိုင်က မေးခွန်းထုတ်သည်။

“၂၀၁၅ ခုနှစ်အတွင်းက တိုင်းဒေသကြီး၊ ပြည်နယ်နဲ့ ကိုယ်ပိုင်အုပ်ချုပ်ခွင့်ရ တိုင်း၊ ဒေသတွေရဲ့ ဥပဒေပြုစာရင်းတွေကို ထပ်မံတိုးချဲ့ လုပ်ပိုင်ခွင့်များပေးအပ်ခဲ့တဲ့အပေါ် လက်တွေ့မှာ ဘယ်လောက်အသုံးချနိုင်ပြီလဲ ပြန်လည်သုံးသပ်ဖို့လိုအပ်မှာဖြစ်ပါတယ်”

အခြေခံဥပဒေပြင်ဆင်ရေးကို တပ်မတော်က ထောက်ခံသည်။ ထို့အပြင် တပ်မတော်သည် နိုင်ငံရေးမှ ဆုတ်ခွာရမည်ဟူသော ယူဆချက်ကိုလည်း တပ်မတော်က လက်ခံသည်။ သို့သော် ယင်းသို့လက်ခံသော်လည်း တဖြည်းဖြည်းဆုတ်ခွာ ရန်သာ ဆိုလိုခြင်းဖြစ်သည်။

“တပ်မတော်အနေနဲ့လည်း အခြေခံဥပဒေပြင်ဆင်ရေးနဲ့ပတ်သက်ပြီး ပြင်ဆင်သင့်တာ၊ ပြင်ဆင်ထိုက်တာတွေကို ပကတိအခြေအနေနဲ့ ကိုက်ညှိပြီး ပြင်ဆင်နိုင်ဖို့ ဆောင်ရွက်လျက်ရှိနေသလို တပ်မတော်နဲ့ ခံယူချက်၊ ယုံကြည်ချက်တူညီတဲ့ အဖွဲ့အစည်းတွေနဲ့ ပူးပေါင်းဆောင်ရွက်လျက်ရှိနေပါတယ်” ဟု ဗိုလ်ချုပ်မှူးကြီးမင်းအောင်လှိုင်ကဆိုသည်။

ဗိုလ်ချုပ်မှူးကြီး မင်းအောင်လှိုင်၏ အမှာစကားတွင်ပါဝင်သော အခြေခံဥပဒေကို ‘ပြင်ဆင်သည့် ပြင်ဆင်ထိုက်သည့်အချိန်’ သည် မည်သည့်အချိန်ဖြစ်လေသနည်း။ မည်သည့်ကာလတွင် တပ်မတော်သည် မြန်မာ့နိုင်ငံရေးမှ ဆုတ်ခွာလေ မည်နည်း။

NLD ဦးဆောင်သော အစိုးရလက်ထက် လွှတ်တော်အတွင်း အခြေခံဥပဒေပြင်ဆင်ရေးလုပ်ငန်းစဉ်တွင် ပါဝင်မှု မရှိသော တပ်မတော်၏ ရပ်တည်မှုနှင့် ပတ်သက်၍ အမျိုးသားဒီမိုကရေစီအဖွဲ့ချုပ်ပါတီ NLD ၏ ပြောရေးဆိုခွင့်ရှိသူ ဒေါက်တာမျိုးညွန့်က ယခုကဲ့သို့ဆိုသည်။

“ကျွန်တော်တို့က သူတို့အနေ ( တပ်မတော်) ရဲ့ ပူးပေါင်းဆောင်ရွက်မှုအားနည်းတယ်လို့မပြောချင်ပါဘူး။ ကျွန်တော်တို့ပြောချင်တာကတော့ ဖွဲ့စည်းပုံအခြေခံဥပဒေပြင်ဆင်ရေးအတွက် သူတို့ လုံလောက်တဲ့ နားလည်သဘောပေါက်မှု မရှိသေးဘူးလို့ပြောချင်ပါတယ်”

ချဉ်းကပ်လမ်းကြောင်း

ပြည်သူထံသို့ ကတိခံထားသော အခြေခံဥပဒေပြင်ဆင်ရေးအတွက် NLD အစိုးရသည် မည်သည့်နည်းလမ်းဖြင့် ချဉ်းကပ်ခဲ့သနည်း။

လက်ရှိ NLD လုပ်ဆောင်နေသော အခြေခံဥပဒေပြင်ဆင်ရေး လမ်းကြောင်း သည် လွှတ်တော်အတွင်းက ပြင်ဆင်လို သောနည်းပင်ဖြစ်သည်။ အခြေခံဥပဒေပြင်ဆင်ရေးအတွက် လူထုထောက်ခံမှုအားကိုနောက်ခံထား၍ လွှတ်တော်တင်၊ ထို့နောက် NLD အများစုပါဝင်သော အခြေခံဥပဒေပြင်ဆင်ရေး ၄၅ ဦးကော်မတီ ဖွဲ့၊ ထိုမှတစ်ဆင့် ပြင်ဆင်ရန် လုပ်ဆောင်ခဲ့ခြင်းဖြစ်သည်။

ရန်ကုန်တိုင်းဒေသကြီးလွှတ်တော်ကိုယ်စားလှယ်ဟောင်း ဒေါက်တာညိုညိုသင်းကမူ NLD ရွေးချယ်လိုက်သော အခြေခံဥပဒေပြင်ဆင်ရေးလမ်းကြောင်းကို ဘဝင်မကျဟုဆိုသည်။

“လက်ရှိဖွဲ့စည်းပုံပြင်ဆင်ရေးအပေါ် ချဉ်းကပ်တဲ့လမ်းကြောင်းက ဘယ်လိုပြောရမလဲ။ အကင်းမပါးတဲ့ ပုံစံဖြစ်နေတာပေါ့” ဟု ၎င်းကဆိုသည်။

NLD သည် တပ်မတော်နှင့် ကြိုတင်ညှိနှိုင်းမှုမရှိသော အခြေခံဥပဒေပြင်ဆင်ရေးလမ်းကြောင်းကို လျှောက်လှမ်းလာခြင်းနှင့်အတူ အခြေခံဥပဒေအတွင်းမှ အများလက်ခံနိုင်သည့် ပုဒ်မများကို ရွေးထုတ်မပြင်နိုင်ခြင်းသည် နိုင်ငံရေးအကင်း မပါးသည့် ပုံစံဖြစ်နေသည်ဟု ၎င်းကဆိုသည်။

အခြားတစ်ဖက်တွင်လည်း NLD သည် အခြေခံဥပဒေပြင်ဆင်ရေးအတွက် အခရာကျလှသည့် တပ်မတော်နှင့် ညှိနှိုင်းမှုများရှိ မရှိ ဆိုသည်မှာ ယနေ့နိုင်ငံရေး အသိုင်းအဝိုင်းကြား မေးခွန်းထုတ်နေကြသည့်ကိစ္စလည်းဖြစ်သည်။ အဘယ့်ကြောင့်ဆိုသော် NLD ၏ အခြေခံဥပဒေပြင်ဆင်ရေး နည်းနာပိုင်း(၄၅ ဦးကော်မတီ ဖွဲ့စည်းမှု)ကို တပ်မတော်က ကန့်ကွက်ခဲ့ခြင်းကြောင့် ဖြစ်သည်။

အပြန်အလှန်အားဖြင့် တပ်မတော်က ထောက်ခံတင်ပြသည့် အခြေခံဥပဒေပါ ပုဒ်မ ၂၆၁ ပြင်ဆင်ရေးကိုလည်း NLD ဘက်က ကန့်ကွက်ထားသည်။

ဤသို့သော အပြန်အလှန်ကန့်ကွက်ခဲ့ကြသည့် အခင်းအကျင်းများကြောင့်ပင် အခြေခံဥပဒေပြင်ဆင်ရေးတွင် NLD သည် တပ်မတော်နှင့် ကြိုတင်ညှိနှိုင်းမှု မရှိခဲ့ဟူသည့် ယူဆချက်မျိုးထွက်ပေါ်လာခဲ့ခြင်းဖြစ်သည်။

“တပ်မတော်ဘက်ကလည်း လွှတ်တော်မှာ ကန့်ကွက်တော့ ကြည့်ရတာ သူတို့ညှိနှိုင်းမှု လုပ်ပုံမရဘူး။ ဒါက ခန့်မှန်းတာပေါ့။ ကျွန်မတို့ ကာလတုန်းကလည်း ပြင်ဖို့လုပ်ခဲ့တာပဲ။ အဲဒီတုန်းကလည်း ကြံ့ခိုင်ရေးက တပ်နဲ့ညှိနှိုင်းတာပဲ။ တပ်နဲ့ ညှိနှိုင်းလို့ရသလောက်ပဲ ပြင်လို့ရခဲ့တာ။ ဇယား (၂) လောက်ပဲ ပြင်နိုင်ခဲ့တာ။ နည်းနည်းပေါ့” ဟု ကချင်ပြည်သူ့ပါတီ ဗဟိုအလုပ်အမှုဆောင်အဖွဲ့ဝင် ဒေါ်ဒွဲဘူက ဆိုသည်။

ဒေါ်ဒွဲဘူသည် ပထမအကြိမ်ပြည် သူ့ လွှတ်တော်ကိုယ်စားလှယ်လည်းဖြစ်သည်။ အခြေခံဥပဒေပြင်ဆင်ရေးအတွက် NLD သည် တပ်မတော်နှင့်ညှိနှိုင်းမှု မရှိခဲ့ဟု ဒေါ်ဒွဲဘူက သူ့အမြင်ကို ဖွင့်ဟသည်။

“ပြေလည်အောင်လုပ်ပြီး ပြင်ပါဆိုတာက ကျွန်တော်တို့က တစ်လျှောက်လုံးက အာဏာရှင်စနစ်ကို တွန်းလှန်လာသူတွေလေ။ ပရောပရီလုပ်ပြီး ပြင်ဖို့ကတော့ မဖြစ်နိုင်ဘူး။ နိုင်ငံရေးဆန္ဒရှိမှ ဖြစ်မယ်လေ။ ပြေလည်အောင်လုပ်ပါဆိုတာက ပြေလည်အောင်လုပ်ချင်တာတစ်ပိုင်းကို သေနေတာပဲဗျာ။ ဒါပေမဲ့ဗျာ ပြေလည်အောင်လုပ်ဖို့ဆိုတာက နိုင်ငံရေးစိတ်ဆန္ဒရှိမှ ဖြစ်လိမ့်မယ်” ဟု ဖက်ဒရယ်ဒီမိုကရက်တစ်အင်အားစု နိုင်ငံရေးဦးဆောင်ကော်မတီဝင် ဦးမြအေးက ထောက်ပြသည်။

အခြားသောတစ်ချက်မှာလည်း NLD က လွှတ်တော်တင်၍ အခြေခံဥပဒေကို ပြင်ဆင်ရန်ကြိုးစားသော်လည်း တပ်မတော်၏ စိတ်အားထက်သန်မှုနည်းပါးခြင်းကြောင့် အကောင်အထည်မပေါ်နိုင်ခြင်းဖြစ်ကြောင်း နိုင်ငံရေးအသိုင်းအဝိုင်းက ယူဆလျက်ရှိသည်။

“လွှတ်တော်ထဲမှာ ညှိနှိုင်းနေကြပါတယ်။ ကျွန်မမြင်ရတာကတော့ တပ်မတော်က ကျွန်မတို့အကြံပြုထားတဲ့ ပြင်ဆင်ချက်တွေကို သိပ်ပြီး စိတ်အားထက်သန်ပုံမရပါဘူး” ဟု ဒေါ်အောင်ဆန်းစုကြည်က Nikkei Asia နှင့် တွေ့ဆုံစဉ် ပြောကြားထားသည်။

အခြေခံဥပဒေပြင်ဆင်ရန်အတွက် တပ်မတော်ဘက်က ကန့်ကွက်မည်ကို ကြိုတင်သိလျက်နှင့်ပင် NLD က လွှတ်တော်တင်ခဲ့ခြင်းဖြစ်သည်။

NLD သည် အခြေခံဥပဒေပြင်ဆင်ရေးကိစ္စတွင် တပ်မတော်၏ ကန့်ကွက်သံကို ပြည်သူနားသို့ အရောက်ပို့ပေးလိုဟန်ရှိသည်။ အကြောင်းမှာ အခြေခံဥပဒေပြင်ဆင်ရေး မည်သည့်ပုဒ်မကို ပြင်ဆင်မည့်ဆိုသည့် အရေးကြီးကဏ္ဍမရောက်မီပင် တပ်မတော်က ကန့်ကွက်နိုင်ခြေရှိသည့် အခြေခံဥပဒေပြင်ဆင်ရေး ၄၅ ဦးကော်မတီကို ဖွဲ့စည်းခဲ့ခြင်းကြောင့်ဖြစ်သည်။

NLD မျှော်လင့်ခဲ့သည့်အတိုင်းပင် တပ်မတော်ကလည်း အခြေခံဥပဒေနှင့် မညီဟုဆိုကာ ၄၅ ဦးကော်မတီဖွဲ့စည်းမှုကို လွှတ်တော်အတွင်း ကန့်ကွက်ခဲ့သောကြောင့် ပြည်သူများ၏ ဝေဖန်မှုကိုခံခဲ့ရသည်။

သို့သော်လည်း NLD ပါတီပြောရေးဆိုခွင့်ရှိသူ ဒေါက်တာမျိုးညွန့်ကမူ ၄၅ ဦးပူးပေါင်းကော်မတီ ဖွဲ့စည်းရခြင်းသည် တပ်မတော်သားများအပါအဝင် လွှတ်တော်အတွင်း ပူးပေါင်းဆောင်ရွက်မှုဖြစ်စေရန်သာ ရည်ရွယ်သည်ဟု ဆိုသည်။

“ကျွန်တော်တို့ပူးပေါင်းကော်မတီဖွဲ့တဲ့ရည်ရွယ်ချက်ကလည်းဒီအတိုင်း ပါပဲ။ (တပ်မတော်ပါစေချင်လို့) လုပ်ငန်းတစ်ခုကို အတူပူးပေါင်းဆောင်ရွက်ခြင်းအားဖြင့် နားလည်မှုတွေတိုးပွားလာမယ်၊ တစ်ဦးနဲ့တစ်ဦးယုံကြည်မှုတွေ တိုးတက် လာမယ်။ ဒီသဘောနဲ့ ကျွန်တော်တို့ လုပ်တာပါ။ ကျွန်တော်တို့ဟာ ကိုယ့်ပါတီတစ်ခုထဲနဲ့ ဖွဲ့စည်းပုံမပြင်ဘူးဆိုတဲ့ ရည်ရွယ်ချက်ပါပဲ” ဟု ဒေါက်တာမျိုးညွန့်ကဆိုသည်။

မည်သို့ဆိုစေ NLD သည် အခြေခံဥပဒေပြင်ဆင်ရေးကို အခြေခံ၍ နိုင်ငံရေးအရ အမြတ်ထုတ်သည်ဆိုသည်ကို ပြိုင်ဘက်ပါတီကလည်း ထင်မြင်နေဆဲပင် ဖြစ်သည်။

ထို့ကြောင့်ပင် ဇူလိုင်လအတွင်း ကျင်းပသော ပြည်ထောင်စုလွှတ်တော်တွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဝင် ပြည်သူ့လွှတ်တော်ကိုယ်စားလှယ် ဦးအောင်ကြည်သိန်းက “ဥပဒေပြုနိုင်ခွင့်ကိုအကြောင်းပြု၍ နိုင်ငံရေးအရ အမြတ်မထုတ်ရန် သတိပြုသင့်ကြောင်း” ပြောကြားခဲ့ခြင်းဖြစ်သည်။

သို့သော်လည်း ဖက်ဒရယ်ဒီမိုကရက်တစ်အင်အားစု နိုင်ငံရေးဦးဆောင်ကော်မတီဝင် ဦးမြအေးကမူ အခြေခံဥပဒေပြင်ဆင်ရေးအပေါ်အခြေခံ၍ NLD က နိုင်ငံရေးအမြတ်ထုတ်သည်ဆိုခြင်းကို လက်မခံသူဖြစ်သည်။

“ကျွန်တော်တို့မြင်ရမှာက ရှင်းရှင်းလေးပါ။ မပြင်ဘဲတင်းခံနေတဲ့ အုပ်စုနဲ့ပြင်ဖို့လိုလားနေတဲ့အုပ်စု။ ဒီအုပ်စုတွေကိုတော့ ကွင်းကွင်းကွက်ကွက် မြင်ရလိမ့်မယ်” ဟု ၎င်းကဆိုသည်။

“NLD က အသာစီးယူတယ်ဆိုလို့ရှိရင် တခြားပါတီတွေကရော ဘာလုပ်နေလဲ။ မျှမျှတတ ကျွန်တော်တို့ တွေးရမယ်။ ဒီတိုင်းပြည်မှာ ဖြစ်လာသမျှပြဿနာတွေတိုင်းက ပြည်သူ့အကျိုးလိုလားသူတွေကြောင့်မဟုတ်ဘူး။ တစ်ခုမှ မရှိဘူး။ ကိုယ့်အာဏာနဲ့ တစ်ဖက်သတ်စနစ်ကိုကျင့်သုံးချင်တဲ့ အုပ်စုတွေကြောင့် ဖြစ်ရတာ” ဟု ဦးမြအေးက မှတ်ချက်ပြုသည်။

၂၀၁၉ ခုနှစ်အတွင်း NLD ပါတီက အခြေခံဥပဒေပြင်ဆင်ရန် ကြိုးစားမှုသည် ကျိုးကြောင်းဆီလျော်မှု ရှိပါ၏လောဆိုသည်ကလည်း မေးခွန်းထုတ်ဖွယ်ပင် ဖြစ်သည်။

နိုင်ငံတော်အတိုင်ပင်ခံ၏ ပြည်ပခရီးစဉ်တစ်ခုတွင် အခြေခံဥပဒေပြင်ဆင်ရေးသည် လွှတ်တော်များ၏တာဝန်သာဖြစ်သည်ဟု ဆိုခဲ့သည်။ ထို့နောက်တွင် လွှတ်တော်အတွင်းရောက် NLD ပါတီဝင် လွှတ်တော်ကိုယ်စားလှယ်များက အခြေခံ ဥပဒေပြင်ဆင်ရေးကြိုးစားအားထုတ်မှု များမြင်လာရသည်။

အာဏာရသည့် ၂၀၁၆ ခုနှစ်၊ ၂၀၁၇ ခုနှစ် နှစ်နှစ်အတွင်း NLD ၏ အခြေခံဥပဒေပြင်ဆင်ရေး ကြိုးပမ်းချက်ကို ပြည်သူများမတွေ့ခဲ့ရသည်မှာ အဘယ့်ကြောင့်နည်း။

“ပြည်မပါတီတွေကပဲ ကြီးကြီးမားမားနိုင်ချင်တယ်။ အဲဒီပါတီတွေကပဲ တချို့တချို့ကိစ္စတွေကို ကတိကဝတ်ပေးထားတဲ့ကိစ္စတွေကို ကတိကဝတ်ကျေရုံပဲ လုပ်နေတာလားပေါ့။ ပြီးတော့ ဒါက ၂၀၂၀ အတွက် Campaign တစ်ခုလားပေါ့။ စဉ်းစားစရာဖြစ်လာတယ်” ဟု ရှမ်းတိုင်းရင်းသားများဒီမိုကရေစီအဖွဲ့ချုပ် SNLD အထွေထွေအတွင်းရေးမှူး (၁) ဦးစိုင်းကျော်ညွန့်က NLD ပါတီ၏ အခြေခံဥပဒေပြင်ဆင်ရေးနှင့် ပတ်သက်၍ မှတ်ချက်ပြုသည်။

ရွေးကောက်ပွဲကတိ

ငြိမ်းချမ်းရေး၊ အခြေခံဥပဒေပြင်ဆင်ရေးနှင့် တရားဥပဒေစိုးမိုးရေးတို့သည် NLD ပါတီ၏ ရွေးကောက်ပွဲမဝင်မီ ပြည်သူထံ ပေးထားသော ကတိကဝတ်များဖြစ်သည်။ NLD သည် ၂၀၁၅ ရွေးကောက်ပွဲတွင် သောင်ပြိုကမ်းပြို အနိုင်ရသည်။

အစိုးရတစ်ရပ်အပေါ် လူထုထောက်ခံမှု အများဆုံးရရှိခဲ့သူလည်းဖြစ်ပြီး နိုင်ငံတကာထောက်ခံမှု အများဆုံးရရှိခဲ့သည့် အစိုးရတစ်ရပ်လည်းဖြစ်သည်။

သို့သော်လည်း NLD သည် ၎င်းတို့ ရွေးကောက်ပွဲကတိကဝတ်ဖြစ်သည့် အခြေခံဥပဒေပြင်ဆင်ရေးလုပ်ငန်းစဉ်ကို ၂၀၁၈ ခုနှစ် နှစ်လယ်တွင်မှ စတင်ခဲ့ခြင်းဖြစ်သည်။ ယခုအခါ ဒေါ်အောင်ဆန်းစုကြည်ကိုယ်တိုင် ၎င်းတို့ပါတီက လုပ်ဆောင်လျက်ရှိသော အခြေခံဥပဒေပြင်ဆင်ရေးသည် ရွေးကောက်ပွဲမတိုင်မီ ဖြစ်နိုင်ခြေနည်းပါးကြောင်း ပြောကြားခဲ့ပြီးဖြစ်သည်။

အဘယ့်ကြောင့်နည်း။

ဤမျှ လူထုထောက်ခံမှုရရှိထားသော အရပ်သားအစိုးရလက်ထက်တွင်မှ အခြေခံဥပဒေကို မပြင်ဆင်နိုင်လျှင် မည်သည့်အစိုးရလက်ထက်တွင် ပြင်ဆင်နိုင်မည်နည်းဆိုသည်မှာ မေးခွန်းထုတ်ဖွယ်ရာဖြစ်သည်။

“အန်တီကတော့လေ တပ်မတော်နဲ့ ဆက်ဆံရေးကောင်းတဲ့ အစိုးရလက်ထက်ကျရင် ပြင်နိုင်မယ်လို့ထင်တာပဲ။ အရပ်သားအစိုးရဖြစ်တိုင်းလည်းအခြေခံဥပဒေကို ပြင်လို့ရမှာမဟုတ်ဘူး။ တပ်မတော်ရဲ့ဆန္ဒမပါဘဲ ပြင်လို့မရဘူးဆိုတာ အခုအန်တီတို့ ထင်ထင်ရှားရှား ပေါ်လွင်သွားပြီလေ” ဟု ဒေါက်တာ ညိုညိုသင်းက ပြောကြားသည်။

“ဒါကကြီးမားတဲ့ နိုင်ငံရေးသင်ခန်းစာရတာပဲ”

ဤအချက်နှင့်ပတ်သက်၍မူ ရှမ်းတိုင်းရင်းသားများဒီမိုကရေစီအဖွဲ့ချုပ် (SNLD) အထွေထွေအတွင်းရေးမှူး ဦးစိုင်းကျော်ညွန့်၏အမြင်မှာ တစ်မျိုး ဖြစ်သည်။ အခြေခံဥပဒေပြင်ဆင်ရေးသည် တစ်ဦး၊ တစ်ယောက်၊ တစ်စု၊ တစ်ဖွဲ့ရှိမှ လုပ်ဆောင်၍ရသည့်အကြောင်းခြင်းရာမဟုတ်ဟု ၎င်းကဆိုသည်။

“တကယ်ကျ ဘယ်သူပဲပြင်ပြင်ရတယ်။ လက်တွေ့မှာကျ သမိုင်းရှည်ကြာဖြစ်တည်လာတဲ့ သံသယအတွေးတွေကြောင့် မှန်နေရင်တောင် သူတစ်ယောက်ထဲ လုပ်တယ်။ ကျန်တဲ့အဖွဲ့အစည်းတွေက ထောက်ခံမလား၊ မထောက်ခံဘူးလား ဆိုတာရှိတယ်” ဟု ၎င်းကဆိုသည်။

ဦးစိုင်းကျော်ညွန့်ထောက်ပြချက်မှာ နိုင်ငံရေးအရ နာမည်ရလိုမှုကြောင့် ပြင်ဆင်သင့်၊ ပြင်ဆင်ထိုက်သည့်အချက်ပင်ဖြစ်လင့်ကစား အခြားသူက တင်ပြလာလျှင် မပြင်ဆင်လို၊ ကိုယ်သာပြင်ဆင်လိုသည့်သဘောပင်ဖြစ်သည်။

ဤသို့သော သဘောထားများကြောင့်ပင် အခြေခံဥပဒေပြင်ဆင်နိုင်ရေးအတွက် နိုင်ငံရေးသမားများတွင်ရှိရမည့် အဓိကကျသည့် အရည်အသွေးနှစ်ရပ်ကို စာရေးဆရာကျော်ဝင်းက ယောမင်းကြီး စကားဝိုင်းတွင် ထောက်ပြထားသည်။

ယင်းမှာ သမ္ဘာနှင့် ပညာဖြစ်သည်။ သမ္ဘာတစ်ခုတည်းဖြင့်သော်လည်းကောင်း၊ ပညာတစ်ခုတည်းဖြင့်သော်လည်းကောင်း အခြေခံဥပဒေကို ပြင်ဆင်၍မရဟု ၎င်းက ဆိုသည်။

နိုင်ငံရေးကို အာဏာဖြင့် တွဲစပ်မစဉ်းစားဘဲ အခြေခံဥပဒေပြင်ဆင်ရေးကိုသာ လုပ်ဆောင်မည်ဆိုပါက နိုင်ငံရေးအရ စိတ်ရင်းစေတနာကောင်းရှိရန်လိုသည်ဟု ဒေါက်တာညိုညိုသင်းကလည်း ဆိုသည်။

ထို့အပြင် အခြေခံဥပဒေပြင်ဆင်ရေးနှင့်ပတ်သက်လျှင် ပါဝင်သူအားလုံးသည် ပကတိအခြေအနေ၊ အချိန်အခါနှင့် လိုက်လျောညီထွေသည့် စမတ်ကျသည့် နိုင်ငံရေးသမားများဖြစ်ရန်လိုအပ်သည်ဟု ၎င်းကဆိုသည်။

မည်သို့ပင်ဖြစ်စေ လာမည့်နှစ်လအတွင်းတွင် အခြေခံဥပဒေပြင်ဆင်ရေးဥပဒေကြမ်းကို လွှတ်တော်သို့ တင်နိုင်လိမ့်မည်ဖြစ်ကြောင်း NLD ပါတီ ပြောရေးဆိုခွင့်ရှိသူ ဒေါက်တာမျိုးညွန့်ကဆိုသည်။

NLD အစိုးရက လာမည့်ရွေးကောက်ပွဲကို ၂၀၂၀ ပြည့်နှစ် နိုဝင်ဘာလတွင်ကျင်းပမည်ဟု လျာထားရာ NLD အစိုးရ၏ အခြေခံဥပဒေပြင်ဆင်ရေးမှာ တစ်နှစ်ခန့်သာ အချိန်ကျန်ပေတော့သည်။

၂၀၀၈ အခြေခံဥပဒေအိပ်မက်ဆိုးကြီးမှ မြန်မာပြည်သူတို့ လွတ်မြောက်နိုင်မည်လော။ လာမည့်ရွေးကောက်ပွဲမတိုင်မီ အခြေခံဥပဒေကို ပြင်ဆင်နိုင်လိမ့်မည်လော။

အဆိုပါမေးခွန်းအတွက် ပြည်သူ့လွှတ်တော်ကိုယ်စားလှယ်ဟောင်း ဒေါ်ဒွဲဘူ၏ အမြင်ကမူ ဤသို့ဖြစ်သည်။

“စစ်တပ်နဲ့ အဆင်မပြေရင်တော့ ဘာမှဖြစ်လာမှာ မဟုတ်ဘူး” 

ရဲနိုင်ဦး

You may also like...

Leave a Reply

Your email address will not be published. Required fields are marked *