အမေရိကနှင့် ဟွာဝေးကြားက အရှေ့တောင်အာရှန်ိုင်ငံများ

“5G ပြိုင်ပွဲဆိုတာ အမေရိကန်နိုင်ကိုနိုင်ရမယ့် ပြိုင်ပွဲတစ်ခုပါ။” ယင်းစကားမှာ အမေရိကန်သမ္မတဒေါ်နယ်ထရမ့် ဧပြီလ ၁၂ ရက်နေ့တွင် အမေရိကန် Federal Communication Commission တွင် ပြောကြားခဲ့သည့် စကားဖြစ်သည်။ ယင်းစကားပြောအပြီး နောက်တစ်လခန့်အကြာ မေလ ၁၅ ရက်နေ့တွင် အမေရိကန်အင်တာနက်ကွန်ရက်တွင် တရုတ်ဟွာဝေးပစ္စည်းများသုံးစွဲခြင်းကို တားမြစ်သည့် သမ္မတ၏အမိန့်ကို ထုတ်ပြန်ခဲ့ပါတော့သည်။ အကြောင်းပြချက်မှာ ဟွာဝေးတယ်လီဆက်သွယ်ရေး နည်းပညာများဖြင့် အမေရိကအပေါ် သူလျှိုလုပ်နိုင်ခြေရှိခြင်း၊ ဟွာဝေးတယ်လီဆက်သွယ်ရေးကုမ္ပဏီက လက်ခံရရှိသော သတင်းအချက်အလက်များကို တရုတ်အစိုးရက လက်ခံရယူနိုင်ခြင်းတို့ကြောင့် ဖြစ်သည်။

အရှေ့တောင်အာရှနိုင်ငံသုံးမျိုး

အရှေ့တောင်အာရှနိုင်ငံများကို သုံးမျိုးသုံးစား ခွဲခြားသတ်မှတ်န်ိုင်သည်။ ပထမအမျိုးအစားမှာ အမေရိကနှင့် မဟာဗျူဟာ ဆုံချက်တူညီသော မဟာမိတ်နှင့် မိတ်ဖက်နိုင်ငံများ။ ဒုတိယအမျိုးအစားမှာ အမေရိကနှင့် အချို့သော မဟာဗျူဟာကျသည့် အကျိုးစီးပွားများတွင် ဆုံချက်တူသော အရှေ့တောင်အာရှနိုင်ငံများနှင့် တတိယအမျိုးအစားအဖြစ် အမေရိကနှင့် အစဉ်အလာသတ်မှတ်ထားသော မဟာမိတ်အမျိုးအစားမှ ဝေးကွာသည့်အနေအထားတွင်ရှိသည့် အရှေ့တောင်အာရှနိုင်ငံများ ဟူ၍ ခွဲခြားသတ်မှတ်န်ိုင်သည်။

နိုင်ငံတကာဆက်ဆံရေးစကားဖြင့် ပြောရမည်ဆိုပါက အင်အားကြီးနိုင်ငံ တစ်ခုခုနှင့် ရင်းရင်းနှီးနှီး ပါဝင်ပတ်သက် နေသည့် နိုင်ငံများ၊ အင်အားကြီးန်ိုင်ငံ နှစ်နိုင်ငံ သို့မဟုတ် အင်အားကြီးနိုင်ငံများ ကို အရန်အဖြစ်ထားရှိသော နိုင်ငံများနှင့် ခြိမ်းခြောက်နိုင်သည့် ယူဆထားသော အင်အားကြီးနိုင်ငံတစ်ခုခုကို အထိန်း အထေ လုပ်နိုင်ရန် အင်အားကြီးနိုင်ငံ တစ်ခုခုနှင့် အဆက်အဆံပြုလုပ်သည့် န်ိုင်ငံဟူ၍ သတ်မှတ်နိုင်သည်။

အမေရိကန်အသင်းနှင့် တရုတ်အသင်း

အမေရိကန်သမ္မတ ဒေါ်နယ်ထရမ့်က တရုတ်ဟွာဝေးနည်းပညာကုမ္ပဏီကို 5G နည်းပညာပြိုင်ပွဲမှ ဖယ်ထုတ်ရန် ကြိုးပမ်းလျက်ရှိသော်လည်း အရှေ့တောင်အာရှနိုင်ငံများတွင် အမေရိက၏ မဟာမိတ်နှစ်နိုင်ငံဖြစ်သော ထိုင်းနှင့် ဖိလစ်ပိုင်တို့က ဟွာဝေး၏ 5G ကွန်ရက်ကို ပွေ့ဖက်ကြိုဆိုခဲ့ကြသည်။ ယခုနှစ် ဖေဖော်ဝါရီလတွင် ထိုင်းအစိုးရက 5G နည်းပညာကို စတင်စမ်းသပ်ခဲ့သလို၊ ထိုင်းနိုင်ငံတွင် တည်ဆောက်မည့် တရုတ်၏ အရှေ့စီးပွားရေးစင်္ကြံစီမံကိန်းနှင့်အတူ 5G အခြေခံအဆောက်အဦနှင့်ဆိုင်သော ရင်းနှီးမြှုပ်နှံမှုကို ထိုင်းအစိုးရက မြှင့်တင်လျက် ရှိသည်။ ထိုင်းအစိုးရက 5G နည်းပညာကို ၂၀၂၀ မတိုင်မီ စတင်အသုံးပြုရန် ရည်မှန်းထားသည်။ The Diplomat မဂ္ဂဇင်းတွင် ဖော်ပြထားချက်အရ ထိုင်းဒစ်ဂျစ်တယ်စီးပွားရေးနှင့် လူ့အဖွဲ့အစည်းရေးရာဝန်ကြီးဌာနသည် 5G အင်တာနက်ကွန်ရက် တည်ဆောက်ခြင်းကို ဟွာဝေးအပါအဝင် နိုင်ငံတကာနှင့် ဒေသခံကုမ္ပဏီ ၂၉ ခုဖြင့် စတင်မည်ဖြစ်ကြောင်း ဖော်ပြထားသည်။

“အာရှနိုင်ငံတွေအနေနဲ့ကတော့ ဟွာဝေးနဲ့ တရုတ်လုပ် အီလက်ထရွန်နစ်ပစ္စည်းတွေကို ရှောင်ကြဉ်သွားမှာ မဟုတ်ပါဘူး” ဟု ထိုင်းဘဏ္ဍာရေးဝန်ကြီးဟောင်း သီရာချိုင်က ပြောကြားသည်။

ဖိလစ်ပိုင်နိုင်ငံတွင်မူ တယ်လီဆက်သွယ်ရေးကွန်ရက် ဈေးကွက်ကို ဦးဆောင်နေသည့် Globe Telecom က 5G ကွန်ရက်တည်ဆောက်ရန် တရုတ်ဟွာဝေးနှင့် ပူးပေါင်းလုပ်ဆောင်သွားမည်ဟု ဆိုထားသည်။ ဖိလစ်ပိုင်နိုင်ငံ မက်ထရို မနီလာ မြို့တော်ကြီးနှင့် ဒါးဗိုးစ်မြို့တို့တွင် မှုခင်းလျှော့ချရေးအတွက် ဗီဒီယိုထောက်လှမ်းမှုစနစ်ဖန်တီးရန် အမေရိကန်ဒေါ်လာ ၃၈၃ သန်းကုန်ကျမည့် အစီအစဉ်ကို China Telecom နှင့် ဟွာဝေးကုမ္ပဏီတို့ ယမန်နှစ်က လက်မှတ်ရေးထိုးထားသည်။

ကမ္ဘောဒီးယားနိုင်ငံတွင်မူ ကမ္ဘောဒီယား တယ်လီဆက်သွယ်ရေးကုမ္ပဏီဖြစ်သည့် Smart Axiata က 5G နည်းပညာအတွက် ဟွာဝေးကုမ္ပဏီနှင့် ပူးပေါင်းလုပ်ဆောင်သွားမည်ဟု ယခုနှစ် ဧပြီလက ကြေညာထားသည်။ ကမ္ဘောဒီးယား ဝန်ကြီးချုပ် ဟွန်ဆန်က ဟွာဝေးနှင့် ZTE ကုမ္ပဏီတို့၏ အကူအညီဖြင့် ကမ္ဘောဒီးယားကို အရှေ့တောင်အာရှနိုင်ငံများထဲတွင် ပထမဆုံး 5G နည်းပညာသုံးစွဲသည့် နိုင်ငံဖြစ်လိုကြောင်း ပြောကြားထားသည်။

မြန်မာနိုင်ငံတွင်မူ 5G အင်တာနက်ကွန်ရက်အတွက် အော်ရီဒူးကုမ္ပဏီက တရုတ် ZTE ကုမ္ပဏီနှင့် နားလည်မှုစာချွန်လွှာ ရေးထိုးထားသည်။ ယင်းကွန်ရက်မှာ ၂၀၂၀ ပြည့်နှစ်တွင် အဆင်သင့်ဖြစ်ရန် မျှော်မှန်းထားသည်။ အမှန်တကယ်တမ်းဆိုရပါလျှင် မြန်မာန်ိုင်ငံရှိ မိုဘိုင်းလ်ဝန်ဆောင်မှု ပေးနေသော ကုမ္ပဏီလေးခုစလုံးပင် ZTE သို့မဟုတ် ဟွာဝေးစက်ပစ္စည်းများကို အသုံးပြုထားသည်ဟု ယူဆရသည်။ အဘယ်ကြောင့်ဆိုသော် ယင်းပစ္စည်းများမှာ ဈေးနှုန်းသင့်တင့်မှုနှင့် လက်ခံသုံးစွဲနိုင်မှုတွင် လွယ်ကူသောကြောင့် ဖြစ်သည်။

လာအိုနိုင်ငံတွင်မူ ဟွာဝေးမိုဘိုင်းလ်ဖုန်းမှာ ဈေးကွက်ဝေစု၏ ၁၅ ရာခိုင်နှုန်းကို ရရှိထားကြောင်း ဟွာဝေးကိုယ်စားလှယ်များက အတည်ပြုပြောကြားထားသည်။ လာအိုတွင် ဆမ်ဆောင်းမိုဘိုင်းလ်ဖုန်းက ဈေးကွက်ဝေစု၏ ၃၇ ရာခိုင်နှုန်းနှင့် အက်ပဲလ် က ၂၂ ရာခိုင်နှုန်း ရရှိထားသည်။ အရှေ့တောင်အာရှနိုင်ငံများထဲတွင် တရုတ်နည်းပညာကို အသုံးပြုရန် သံသယရှိနေကြသည့် နိုင်ငံများမှာ အင်ဒိုနီးရှား၊ မလေးရှားနှင့် စင်ကာပူနိုင်ငံများသာ ဖြစ်သည်။ အဆိုပါနိုင်ငံများမှာ ဟွာဝေးနှင့် 5G အင်တာနက်ကွန်ရက် စမ်းသပ်အသုံးပြုရန် လက်မှတ်ရေးထိုးထားသော်လည်း 5G ကွန်ရက် အမှန်တကယ်အသုံးပြုရာတွင်မူ ဟွာဝေးကုမ္ပဏီပါဝင်မှုနှင့် ပတ်သက်၍ စဉ်းစားနေကြဆဲဖြစ်သည်။

သို့သော် ယခုနှစ် မေလက ဂျပန်နိုင်ငံ တိုကျိုမြို့တွင် မလေးရှားဝန်ကြီးချုပ် မဟာသီယာကက “မလေးရှားဆိုတာက ဟွာဝေးလို ကုမ္ပဏီကြီးတွေရဲ့ အကျိုးသက်ရောက်မှု ကြုံတွေဖို့ဆိုတာ သေးငယ်လွန်းပါတယ်။ ဟွာဝေးရဲ့ သုတေသနက မလေးရှားတစ်နိုင်ငံလုံးရဲ့ သုတေသနလုပ်နိုင်စွမ်းထက် အများကြီး ကြီးမားတာဆိုတော့ ကျွန်တော်တို့က သူတို့နည်းပညာကို တတ်နိုင်သမျှ အသုံးချဖို့ပါပဲ။ ဒီနေရာမှာ သူလျှိုလုပ်တာမျိုးတော့ ရှိကောင်း ရှိနိုင်ပါတယ်။ ဒါပေမဲ့ မလေးရှားကို သူလျှိုလုပ်လို့ ဘာရှိမှာလဲ။ ကျွန်တော်တို့က ဖွင့်ပြထားတဲ့ စာအုပ်တစ်ခုပါ” ဟု ပြောကြားခဲ့သည်။

နောက်ရက်ပိုင်းအကြာ ရှန်ဂရီလာဆွေးနွေးပွဲတွင်လည်း စင်ကာပူဝန်ကြီးချုပ် လီရှန်လွန်းက ပြောကြားရာတွင် စင်ကာပူအနေဖြင့် 5G နည်းပညာကို ဂရုတစိုက်လေ့လာလျက်ရှိသည်ဟု ဆိုသည်။ သို့သော် ဟွာဝေးကုမ္ပဏီက ခြိမ်းခြောက်နိုင်သည့် လုံခြုံရေးကိစ္စနှင့် ပတ်သက်၍မူ လီရှန်လွန်း က ခပ်မှိန်မှိန်သာ ပြောကြားသွားခဲ့သည်။

“ဒီကိစ္စက အဖြူအမည်း ပြတ်ပြတ်သားသားပြောရမယ့် ကိစ္စမဟုတ်ပါဘူး။ ဒီဂရီအနည်းအများကိုသာ ကြည့်ရမယ့်ကိစ္စပါ။ နည်းပညာရှုထောင့်က ပြောရမယ်ဆိုရင် ကိုယ်ဝယ်လိုက်တဲ့ တယ်လီကွန်းစနစ်ကနေ ၁၀၀ ရာခိုင်နှုန်း လုံခြုံရေးရဖို့ မျှော်လင့်နေတာက သိပ်လက်တွေ့မကျပါဘူး။ ခင်ဗျားဝယ်လိုက်တဲ့ မိုဘိုင်းလ်ဖုန်းက ၁၀၀ ရာခိုင်နှုန်း လုံခြုံမယ်လို့ မျှော်လင့်လို့ မရပါဘူး။ ဆိုတော့ တယ်လီကွန်း ကွန်ရက်ကြီးဆိုရင်တော့ ပိုလို့တောင် မျှော်လင့်လို့ မရနိုင်ပါဘူး” ဟု စင်ကာပူဝန်ကြီးချုပ် လီရှန်လွန်းက ပြောကြားခဲ့သည်။

အင်ဒိုနီးရှား ဆက်သွယ်ရေးဝန်ကြီး ရူဒီအန်တာရာကမူ ယခုနှစ် ဖေဖော်ဝါရီလက ရိုက်တာသတင်းဌာနကို ပြောကြားရာတွင် “ဟွာဝေးရဲ့ သူလျှိုလုပ်န်ိုင်ခြေနဲ့ ပတ်သက်ပြီး ကျွန်တော်တို့ အကြောက်လွန်နေမှာ မဟုတ်ပါဘူး။ အင်ဒိုနီးရှားမှာ နိုင်ငံခြားတိုင်းပြည်ရဲ့ နည်းပညာကိုသုံးနေတဲ့ တယ်လီဆက်သွယ်ရေး အခြေစိုက်စခန်း ၃၀၀ လောက်ရှိပါတယ်။ အဲဒီထဲကမှ ဟွာဝေးကိုပဲ ဖယ်ထုတ်မယ်ဆိုရင်တော့ ဒါဟာ နိုင်ငံရေးအရ ဆုံးဖြတ်ချက်တစ်ခုပဲ ဖြစ်ပါလိမ့်မယ်” ဟု ဆိုသည်။

ဟွာဝေးနည်းပညာကို ရှောင်းရှားသည့် တစ်ခုတည်းသော အရှေ့တောင်အာရှနိုင်ငံမှာ ဗီယက်နမ်နိုင်ငံဖြစ်သည်။ ဗီယက်နမ်မှာ အစိုးရပိုင် Viettel တယ်လီကွန်းကုမ္ပဏီနှင့် ဆွီဒင် Ericsson ကုမ္ပဏီနှင့် ပူးပေါင်း၍ ကိုယ်ပိုင် 5G နည်းပညာတီထွင်ရန် ကြိုးပမ်းနေသည့် နိုင်ငံဖြစ်သည်။ သို့ဖြစ်ရာ ဗီယက်နမ်က ဟွာဝေးကို ငြင်းရသည့် အဓိကအကြောင်းရင်းမှာ လုံခြုံရေးခြိမ်းခြောက်မှုဆိုသည်ထက် ၎င်း၏ မဟာဗျူဟာရည်မှန်းချက်နှင့် ပို၍သက်ဆိုင်သည်ဟု ဆိုနိုင်တော့သည်။

စာညွှန်း။ ။ Global Asia Vol 14- No 3
ဉာဏကျော်

You may also like...

Leave a Reply

Your email address will not be published. Required fields are marked *