ကမ္ဘာက ပြောသော မြန်မာ့အကြောင်း

မြန်မာရှိ ကိုရီးယားကုမ္ပဏီများ  ဘင်္ဂလားဒေ့ရ်ှကို ရွှေ့တော့မှာလား

ကုန်ထုတ်လုပ်ငန်းများ လုပ်ကိုင်နေကြသည့် တောင်ကိုရီးယားစီးပွားရေးလုပ်ငန်း ၁၀၀ ခန့်မှာ မြန်မာနိုင်ငံတွင် ၎င်းတို့၏ စက်ရုံများအတွက် သင့်လျော်ကောင်းမွန်သည့် ပတ်ဝန်းကျင်အခြေအနေ မရှိခြင်းကြောင့် ဘင်္ဂလားဒေ့ရ်ှနိုင်ငံသို့ လုပ်ငန်းများရွှေ့ရန် လိုလားနေကြသည်ဟု ဘင်္ဂလားဒေ့ရ်ှစီးပွားရေးဇုန်ဆိုင်ရာ အာဏာပိုင်အဖွဲ့ (Bangladesh Economic Zine Authority – BEZA) က ဆိုပါသည်။

မြန်မာနိုင်ငံတွင် စီးပွားရေးလုပ်ငန်းများလုပ်ကိုင်ရန် လိုအပ်သည့် အခြေခံအဆောက်အဦများမှာ တိုးတက်မှုမရှိဘဲ နောက်ပြန်ဆုတ်နေမှု၊ လျှပ်စစ်ဓာတ်အားနှင့် ရေရရှိမှုပြတ်တောက်ခြင်း အပါအဝင် အခြားသော ပြဿနာများကြောင့် တောင်ကိုရီးယားကုမ္ပဏီများမှာ ဘင်္ဂလားဒေ့ရ်ှနိုင်ငံကို စီးပွားရေးလုပ်ငန်း လုပ်မည့်နေရာအဖြစ် သတ်မှတ်ထားကြောင်း ဘင်္ဂလားဒေ့ရ်ှစီးပွားရေးဇုန်ဆ်ိုင်ရာ အာဏာပိုင်အဖွဲ့၏ နိုဝင်ဘာလ ၄ ရက်နေ့ထုတ်ပြန်ချက်တွင် ဖော်ပြထားသည်။

တောင်ကိုရီးယားစက်မှုဇုန်ကုမ္ပဏီ The Korea Industrial Complex  Co., Ltd. (KIC) သည် ဘင်္ဂလားဒေ့ရ်ှနိုင်ငံတွင် တောင်ကိုရီးယားကုမ္ပဏီ ၁၀၀ ခန့်ကို နေရာချပေးနိုင်မည့် စက်မှုဇုန်တစ်ခု တည်ဆောက်ရန် စိတ်ဝင်စားလျက် ရှိသည်။

အမှန်တကယ်တွင်မူ တောင်ကိုရီးယား စက်မှုဇုန်ကုမ္ပဏီ KIC မှာ မြန်မာနိုင်ငံ ပဲခူးနှင့် မွန်ပြည်နယ်တို့တွင် ၂၀၁၃ ခုနှစ်မှစတင်၍ စက်မှုဇုန် နှစ်ခုကို စတင်လုပ်ကိုင်ခဲ့ခြင်းဖြစ်သည်။ သို့သော် အခြေခံအဆောက်အဦ၊ လျှပ်စစ်ဓာတ်အားနှင့် ရေထောက်ပံ့ရေးပြဿနာများကြောင့် နေရာပြောင်းရန် ကိုရီးယားကုမ္ပဏီများ စဉ်းစားလာကြခြင်းလည်း ဖြစ်သည်။

အထက်ပါအချက်များကြောင့် KIC က ဘင်္ဂလားဒေ့ရ်ှနိုင်ငံတွင် စက်မှုဇုန် တစ်ခုတည်ဆောက်ရန် စီမံကိန်းရေးဆွဲပြီးဖြစ်ပြီး ယင်းစက်မှုဇုန်တွင် လုပ်ကိုင်မည့် တောင်ကိုရီးယားကုမ္ပဏီ ၁၀၀ ကိုလည်း ရွေးချယ်ထားပြီး ဖြစ်သည်။

အဆိုပါကုမ္ပဏီများမှာ ကနဦး အမေရိကန်ဒေါ်လာ သန်း ၅၀၀ ရင်းနှီးမြှုပ်နှံရန် အစီအစဉ်များ ချမှတ်ထားပြီး အဝတ်အထည်လုပ်ငန်း၊ သားရေလုပ်ငန်းနှင့် လက်ဝတ်ရတနာထုတ်လုပ်ရေးလုပ်ငန်းများအတွက် စက်ရုံများတည်ဆောက်ရန် မြေဧက ၄၀၀ တောင်းဆိုထားသည်ဟု ဘင်္ဂလားဒေ့ရ်ှစီးပွားရေးဇုန်ဆိုင်ရာ အာဏာပိုင်အဖွဲ့က ဆိုသည်။

ထို့ပြင် ယင်းအာဏာပိုင်အဖွဲ့၏ ထုတ်ပြန်ချက်အရ KIC ၏စီအီးအိုဖြစ်သူဘေဟိုချိုကဘင်္ဂလား ဒေ့ရ်ှအစိုးရနှင့်ဘင်္ဂလားဒေ့ရ်ှစီးပွားရေးဇုန်ဆိုင်ရာ အာဏာပိုင်အဖွဲ့ (BEZA) ကသာ ၎င်းတို့ တောင်းဆိုထားသည့် မြေရရှိရန် အထောက်အပံ့ပေးနိုင်ခဲ့ပါက ကိုရီးယားကုမ္ပဏီမှာ ချက်ချင်း လုပ်ငန်းစတင်မည်ဟုလည်း ဆိုသည်။

ဘင်္ဂလားဒေ့ရ်ှစက်မှုဇုန်ဆိုင်ရာ အာဏာပိုင်အဖွဲ့ (BEZA) ၏ အမှုဆောင်ဥက္ကဋ္ဌ Paban Chowhury က အာဏာပိုင်အဖွဲ့အနေနှင့် စဉ်ဆက်မပြတ် ဖွံ့ဖြိုးရေးနှင့် သဘာဝပတ်ဝန်းကျင်နှင့် သဟဇာတဖြစ်မည့် စက်မှုလုပ်ငန်းများတည်ဆောက်ရန် သန္နိဋ္ဌာန်ချထားကြောင်းနှင့် လုပ်ငန်းများသက်သောင့်သက်သာ အဆင်ပြေစေရန် လိုအပ်သည်များကို ထောက်ပံ့ပေးလျက်ရှိသည်ဟုဆိုသည်။ ယင်းကြောင့် တရုတ်၊ ဂျပန်နှင့် အိန္ဒိယနိုင်ငံတို့မှာ ဘင်္ဂလားဒေ့ရ်ှနိုင်ငံတွင် စက်မှုဇုန်များ လာရောက်တည်ဆောက်နေခြင်း ဖြစ်သည်ဟု ၎င်းက ဆိုပါသည်။

တောင်ကိုရီးယားကုမ္ပဏီများ လာရောက်ရင်းနှီးမြှုပ်နှံမှုမှာ ဘင်္ဂလားဒေ့ရ်ှအတွက် အကျိုးစီးပွားသစ်များ ဖွင့်လှစ်ပေးနိုင်မည်ဖြစ်ပြီး ယခုစီမံကိန်းကိုလည်း နောက်ဆုံးအဆိုပြုလွှားတင်အပြီး မကြာမီ လက်တွေ့အကောင်အထည်ဖော်သွားမည်ဖြစ်သည်ဟု ဘင်္ဂလားဒေ့ရှ် စက်မှုဇုန်ဆိုင်ရာအာဏာပိုင်အဖွဲ့ (BEZA) ၏ အမှုဆောင်ဥက္ကဋ္ဌ Paban Chowhury ကဆိုသည်။

100 Korean businesses want to move from Myanmar to Bangladesh:BEZA

https://bdnews24.com/economy/2019/11/05/100-korean-businesses-want-to-move-from-myanmar-to-bangladesh-beza

နယ်စပ်ဖြတ်ကျော် အကြမ်းဖက်မှုများအရေး ဒေါ်အောင်ဆန်းစုကြည်နှင့် မိုဒီဆွေးနွေး

မြန်မာနိုင်ငံန်ိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် အိန္ဒိယဝန်ကြီးချုပ်မိုဒီ တို့ထိုင်းနိုင်ငံ ဘန်ကောက်မြို့တွင် ကျင်းပခဲ့သည့် အာဆီယံထိပ်သီးဆွေးနွေးပွဲတွင် သီးခြားစီတွေ့ဆုံခဲ့ကြရာ အိန္ဒိယ – မြန်မာနယ်စပ်ဒေသတွင် သောင်းကျန်းသူများအတွက် နေရာမရှိစေရန် မြန်မာနိုင်ငံက ပူးပေါင်းဆောင်ရွက်ခဲ့သည့် ကိစ္စမှာ အရေးကြီးသည့်ကိစ္စ ဖြစ်ကြောင်း အိန္ဒိယဝန်ကြီးချုပ်မိုဒီက ပြောကြားသည်။

မြန်မာနိုင်ငံတွင် မတည်မငြိမ်ဖြစ်နေသည့် ရခိုင်ပြည်နယ်၌ အိန္ဒိယက အိမ်ရာဆောက်လုပ်ရေးလုပ်ငန်းများ အကောင်အထည်ဖော်ခဲ့အပြီး လအတန်ကြာတွင် ရခိုင်ပြည်နယ်တွင် လူမှု-စီးပွားရေးဆိုင်ရာစီမံကိန်းများ တိုးချဲ့လုပ်ဆောင်ရန် အိန္ဒိယအနေနှင့် အဆင်သင့်ရှိကြောင်းလည်း ၎င်းက ပြောကြားသည်။

ထိုင်းနိုင်ငံဘန်ကောက်မြို့တော်တွင် ကျင်းပလျက်ရှိသော အာဆီယံထိပ်သီးဆွေးနွေးပွဲနှင့် Regional Comprehensive Economic Partnership (RCEP) ဆွေးနွေးပွဲသို့ တက်ရောက်လာသည့် နှစ်နိုင်ငံခေါင်းဆောင်နှစ်ဦး သီးခြားစီတွေ့ဆုံခဲ့ကြပြီး နှစ်နိုင်ငံကြား နယ်စပ်ဖြတ်ကျော်အကြမ်းဖက်မှုကို ပူးပေါင်းကိုင်တွယ်ရေးဆွေးနွေးခဲ့ကြခြင်းလည်း ဖြစ်သည်။

တည်ငြိမ်အေးချမ်းသော နယ်စပ်ဒေသမှာ နှစ်နိုင်ငံမိတ်ဖက်ဖြစ်မှုကို တိုးချဲ့တည်ဆောက်ရာတွင် အရေးပါသော အခြေအနေဖြစ်ကြောင်း နှစ်နိုင်ငံခေါင်းဆောင်များက သဘောတူခဲ့ကြသည်။

မြန်မာနိုင်ငံမှာ အိန္ဒိယနိုင်ငံ၏ မဟာဗျူဟာကျသော အိမ်နီးချင်းနိုင်ငံဖြစ်ပြီး သောင်းကျန်းသူများရှိသည့် နာဂဒေသနှင့် မဏိပူအပါအဝင် အိန္ဒိယအရှေ့မြောက်ပိုင်းပြည်နယ်များနှင့် အရှည် ၁၆၄၀ ကီလို မီတာရှိသည့် နယ်စပ်ချင်းထိစပ်နေသည်။ လုံခြုံရေး အေဂျင်စီများ၏ အလိုအရ ယင်းဧရိယာတွင် သောင်းကျန်းသူများ၏ စခန်း ၅၀ ကျော်ရှိသည်ဟုဆိုသည်။

ယခုနှစ် မေလ ၁၆ ရက်နေ့မှစ၍ မြန်မာနှင့် အိန္ဒိယစစ်တပ်တို့ ပူးပေါင်း၍ သက်ဆိုင်ရာ နယ်စပ်ဒေသများတွင် စစ်ဆင်ရေး ပြုလုပ်ခဲ့သည်။ ယင်းစစ်ဆင် ရေးများမှာ မဏိပူ၊ နာဂလန်းနှင့် အာသံဒေသများရှိ အကြမ်းဖက်အုပ်စုများကို ပစ်မှတ်ထားသည့် စစ်ဆင်ရေးလည်း ဖြစ်သည်။

ထို့ပြင် ဘင်္ဂလားဒေ့ရ်ှသို့ ရောက်ရှိနေကြသည့် နေရပ်စွန့်ခွာထွက်ပြေးသူများမှာလည်း ရခိုင်ပြည်နယ်ရှိ ၎င်းတို့၏ နေရပ်သို့ အလျင်အမြန်၊ လုံခြုံစိတ်ချမှုရှိရှိ၊ စဉ်ဆက်မပြန်ပြန်လာရေးမှာ ဒေသတွင်းနိုင်ငံများ၊ နေရပ်စွန့်ခွာထွက်ပြေးသူများနှင့် အိမ်နီးချင်းနိုင်ငံများဖြစ်ကြသည့် မြန်မာ၊ အိန္ဒိယနှင့် ဘင်္ဂလားဒေ့ရ်ှနိုင်ငံတို့၏ အကျိုးစီးပွားဖြစ်ကြောင်း အိန္ဒိယဝန်ကြီးချုပ်မိုဒီက ပြောကြားကြောင်း အိန္ဒိယပြည်ပရေးရာဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

မြန်မာနိုင်ငံတော်အတိုင်ပင်ခံ ပုဂ္ဂိုလ်ဒေါ်အောင်ဆန်း စုကြည်ကလည်း မြန်မာအစိုးရနှင့် အိန္ဒိယတို့အကြား မိတ်ဖက်ဖြစ်မှုမှာ အရေးကြီးကြောင်း ပြန်လည်ပြောကြားခဲ့ပြီး မြန်မာနိုင်ငံ ဒီမိုကရေစီကျယ်ကျယ်ပြန့်ပြန် ထွန်းကားရေးနှင့် ဖွံ့ဖြိုးတိုးတက်ရေးတွင် အိန္ဒိယ၏ အစဉ်တစိုက်၊ စဉ်ဆက်မပြတ်ထောက်ပံ့ကူညီမှုကို ကျေးဇူးတင်ပါသည်ဟု ပြောကြားခဲ့ကြောင်းလည်း ယင်းထုတ်ပြန်ချက်တွင် ဖော်ပြထားသည်။

အိန္ဒိယ၏ အရှေ့မျှော်မူဝါဒနှင့် အိမ်နီးချင်း ပထမမူဝါဒဆုံချက်တွင် မြန်မာနိုင်ငံကို အိန္ဒိယ၏ မိတ်ဖက်အဖြစ် ဦးစားပေးသတ်မှတ်ထားပါကြောင်း အိန္ဒိယဝန်ကြီးချုပ်မိုဒီက ပြောကြားသည်။

Ref: PM Modi Discusses Cross Border Terror With Myanmar’s Aung San Suu Kyi

ဧကျော်

You may also like...

Leave a Reply

Your email address will not be published. Required fields are marked *