မှန်းချက်နှင့် နှမ်းထွက် မကိုက်သည့် အများပိုင်ရှယ်ယာရှင် သောက

ခရီးသည်များအပေါ် မချေမငံဆက်ဆံခြင်း၊ ယာဉ်စီးခပိုမိုကောက်ခံခြင်း ထိုထိုသောအသံများ ဆိတ်သုဉ်းသွားစေရန် ရည်ရွယ်၍ YBS ဘတ်စ်ကားစနစ်ကို စတင်ခဲ့သော်လည်း ယင်းစနစ်စတင်ပြီး သုံးနှစ်အကြာတွင်မူ ဆူညံသံများ ထပ်မံပေါ်ထွက်လာပြန်သည်။

“ခင်ဗျားတို့ပြောတော့ အမြတ်ကို သုံးလ၊ ခြောက်လဆို။ အခုတော့ သုံးနှစ်ရှိ သွားပြီ။ တစ်ပြားမှ မပေးဘူး။ အစိုးရခန့် ဒါရိုက်တာတွေ အယုံအကြည် မရှိဘူး”ဟူသည့် အသံများ ဆူဆူညံညံထွက်ပေါ်လာသည်။

ထိုဆူညံသံများက ရန်ကုန်မြို့ပြအများပြည်သူသယ်ယူပို့ဆောင်ရေးအများနှင့် သက်ဆိုင်သောကုမ္ပဏီလီမိတက်  (YUPT) ၏နှစ်ပတ်လည်အစည်းအဝေးနှင့် ဒါရိုက်တာရွေးချယ်ပွဲအခမ်းအနားကို ရုပ်ဆိုးအကျည်းတန်စေခဲ့သည်။

YUPT ဟူသည်က YBS ဘတ်စ်ကားအများပိုင်စနစ်သန္ဓေတည်ရာ။ မထသစနစ်မှ ဘတ်စ်ကားအများပိုင်ကုမ္ပဏီအဖြစ်သို့ ပထမဆုံးပြောင်းလဲခဲ့သည့် ကုမ္ပဏီ ဖြစ်သည်။ ထိုမျှမက ရန်ကုန်တိုင်းဒေသကြီးအစိုးရက ကျပ်ဘီလီယံချီ ရင်နှီးမြှုပ်နှံထားသေးသည်။ ရှယ်ယာထည့်ဝင်ထားသူ အများစုကမူ ဘတ်စ်ကားလုပ်ငန်းနှင့် ရင်းနှီးသူများ၊ မထသခေတ်က ဘတ်စ်ကားအုံနာများပင်။

ထိုသို့သော အစဉ်အလာကြီးမားသည့် ကုမ္ပဏီ၏ နှစ်ပတ်လည်အစည်းအဝေးနှင့် ဒါရိုက်တာရွေးချယ်ပွဲကို ပျက်စီးသည်အထိ ရုန်းရင်းဆန်ခတ်ဖြစ်ရသည့် အကြောင်းအရင်း၏ မြစ်ဖျားခံရာသည် ဘတ်စ်ကားပြေးဆွဲမှုမှ ရရှိသည့် အမြတ်ဝေစုများကို ခွဲဝေမပေးခြင်းပင်။

တစ်လလျှင် လစာဆယ်သိန်းကျော်ယူကာ ကုမ္ပဏီကို အမြတ်ဝေစုပေးနိုင်အောင် စီမံအုပ်ချုပ်နိုင်မှု မရှိသည့် ဒါရိုက်တာများကို ဖြုတ်ချကာ ဒါရိုက်တာအသစ်များ ပြန်လည်ရွေးချယ်ရန် ရှယ်ယာရှင်အချို့က တောင်းဆိုကြသည်။

“ဒီလူ ဥက္ကဋ္ဌ၊ ဒီလူ အတွင်းရေးမှူးဝန်ကြီးချုပ်ရဲ့ (ဝန်ကြီးချုပ်ဦးဖြိုးမင်းသိန်း) လမ်းညွှန်မှုအရ ခန့်တာဆိုရင် သုံးနှစ်လုံးလုံး ခင်ဗျားတို့တွေက တစ်လဆယ်သိန်းကျော်ခံစားပြီး ကျုပ်တို့ကို တစ်ပြား တစ်ချပ်မှ (အမြတ်ဝေစု) မပေးတာက ဝန်ကြီးချုပ်က ညွှန်ကြားတာလား”ဟု ရှယ်ယာရှင်ဦးထိန်ဝင်းက မေးခွန်းထုတ်သည်။

ထိုသို့ ဝေဖန်ခံနေရသည့် တိုင်းအစိုးရက ဒါရိုက်ခန့်အပ်သည့် ဒါရိုက်တာအဖွဲ့ဝင် များသည် ဥက္ကဋ္ဌနှင့် အုပ်ချုပ်မှုဒါရိုက်တာ စသည်ဖြင့် ရာထူးများရယူထားသည့် အပြင် တစ်နှစ် တစ်ကြိမ် ဒါရိုက်တာအသစ်ရွေးချယ်ပွဲတွင် ဝင်ရောက်ရွေးချယ်ခံရန် မလိုခြင်း စသည့်အချက်များကို ဝေဖန်ကြသူအချို့ ရှိသည်။

“ဟိုလူ ထွက်ပေး၊ ဒီလူထွက်ပေး ကိုယ်ကျတော့ Stay အမြဲနေမယ်ဆိုတာက အများပိုင်ကုမ္ပဏီ မဟုတ်ပါဘူး”ဟု ဦးထိန်ဝင်းက ဆိုသည်။

ဝေဖန်သံများဆူညံခဲ့သည့် YUPT ကုမ္ပဏီ၏ ဒါရိုက်အဖွဲ့ဖွဲ့စည်းပုံကို စေ့ငုကြည့်ကြပါစို့။

အစိုးရခန့် BOT လေးဦး

ရန်ကုန်တိုင်းဒေသကြီးအစိုးရအဖွဲ့က ရှယ်ယာ ၉၀ ရာခိုင်နှုန်းခန့် ပိုင်ဆိုင်သော YUPT ကုမ္ပဏီတွင် အစိုးရက  တိုက်ရိုက်ခန့်အပ်သည့် ဒါရိုက်တာအဖွဲ့ဝင်လေးဦးနှင့် ရှယ်ယာဝင်များက ရွေးချယ်တင်မြှောက်ထားသည့် ဒါရိုက်တာငါးဦး စုစုပေါင်းဒါရိုက်တာအဖွဲ့ဝင် ကိုးဦးဖြင့် စီမံခန့်ခွဲသည်။

တိုင်းအစိုးရက တိုက်ရိုက်ခန့်အပ်သူလေးဦးထဲမှ ဦးဇော်ထွန်းမှာမူ YUPT ၏ ဥက္ကဋ္ဌရာထူးရယူထားကာ ဒေါ်ပြုံးသာမြင့်ကမူ အုပ်ချုပ်မှုဒါရိုက်တာအဖြစ် တာဝန်ယူထားပြီး ဦးမိုးဟိန်းနှင့် ဦးအောင်မြတ်ကမူ ဒါရိုက်တာအဖွဲ့ဝင်များအဖြစ်  အသီးသီးတာဝန်ယူထားကြသည်။

ရှယ်ယာရှင်များက ရွေးချယ်တင်မြှောက်ထားသူ ငါးဦးကမူ ဒုတိယဥက္ကဋ္ဌရာထူးနှင့် ဒါရိုက်တာအဖြစ် လေးဦးခန့်အပ်သည်။

တိုင်းအစိုးရက တိုက်ရိုက်ခန့်အပ်သည့် ဒါရိုက်တာအဖွဲ့ဝင်ထဲမှ ဒေါ်ပြုံးသာမြင့်သည် အမျိုးသမီးဖြစ်သည့်အတွက် ဘတ်စ်ကားလုပ်ငန်းနှင့်အပ်စပ်မှုမရှိဟု ယူဆသူအချို့လည်း ရှိနေသည်။

ဒေါ်ပြုံးသာမြင့်သည် NLD ဗဟို အလုပ်အမှုဆောင်ဦးဟံသာမြင့်၏ သမီး တော်စပ်ကာ ရန်ကုန်တိုင်းဒေသကြီး သင်္ဃန်းကျွန်းမဲဆန္ဒနယ်၊ တိုင်းလွှတ်တော်ကိုယ်စားလှယ်ဦးနေဘုန်းလတ်၏ ဇနီးလည်း ဖြစ်သည်။

အများပိုင်ကုမ္ပဏီများ၏ သဘောသဘာဝအရ ရှယ်ယာအများစုပိုင်ဆိုင်သူက ဒါရိုက်တာအဖွဲ့ဝင်များနေရာအတွက်  မိမိနှစ်သက်သူကို ရွေးချယ်တင်မြှောက်နိုင်သည့်သဘောရှိသည်ဟု ယူဆနိုင်သည်။ သို့သော်လည်း NLD အစိုးရအဖွဲ့ဖြစ်သည့် ရန်ကုန်တိုင်းဒေသကြီးအစိုးရက တင်မြှောက်သူသည် NLD ပါတီ ဗဟိုအလုပ်အမှုဆောင်ဖြစ်နေခြင်းမှာ သင့်လျော်ပါ၏လောဟူသည်က မေးခွန်းထုတ်စရာပင်။

တိုင်းအစိုးသည် YUPT ကုမ္ပဏီတွင် ဒါရိုက်တာများ တိုက်ရိုက်ခန့်အပ်ပိုင်ခွင့် ရှိပါသလော။ YUPT တွင် မည်မျှ ရင်းနှီးမြှုပ်နှံထားပါသနည်း။ တိုင်းအစိုးနှင့် YUPT တို့၏ ပတ်သက်ဆက်နွှယ်မှုများကို လေ့လာကြည့်ရလျှင်။

YUPT နိဒါန်း

ရန်ကုန်တိုင်းဒေသကြီး ဝန်ကြီးချုပ်ဦးဖြိုးမင်းသိန်းသည် ယခုနှစ်ဇွန်လ ၁၉ ရက်နေ့တွင် ယခင် မထသလက်ထက်ယာဉ်ပိုင်ရှင် ၁၅၄၉ ဦးကို ရန်ကုန်တိုင်း ဒေသကြီးအစိုးရအဖွဲ့ရုံးတွင် တွေ့ဆုံခဲ့သည်။

ထိုတွေ့ဆုံမှုမှသည် မထသ (ရန်ကုန်တိုင်းဒေသကြီး) ကို YUPT အဖြစ်သို့ ရောက်ရှိစေခဲ့ခြင်းလည်း ဖြစ်သည်။

YUPT သည် လက်ရှိတွင် ယာဉ်လိုင်းပေါင်း ၁၉ လိုင်းနှင့် လမ်းကြောင်း ၃၃ ကြောင်း၊ မော်တော်ယာဉ်အစီးရေ ၁၃၁၂ စီးဖြင့် ပြေးဆွဲနေပြီး YBS ဘတ်စ်ကားကုမ္ပဏီများထဲတွင် အင်အားအကြီးမားဆုံး ကုမ္ပဏီတစ်ခုလည်း ဖြစ်သည်။

YUPT တွင် အစုရှယ်ယာရှင်ပေါင်း ၂၉၀ ဦးရှိပြီး ကုမ္ပဏီ၏ စုစုပေါင်းအသားတင်ရင်းနှီးမြှုပ်နှံမှု (Capital Investment) မှာ ၄၀ ဒသမ ၆၃၄၄ ဘီလီယံ ရှိသည်။ ရန်ကုန်တိုင်းဒေသကြီးအစိုးရအဖွဲ့က ရင်းနှီးမြှုပ်နှံငွေ ၃၅ ဘီလီယံ ထည့်ဝင်ထားကာ ကျန် ၅ ဒသမ ၆၃၄၄ ဘီလီယံကိုမူ အစုရှယ်ယာရှင်များက ရင်းနှီးမြှုပ်နှံထားခြင်းဖြစ်သည်။

အများပိုင်ကုမ္ပဏီတို့၏ သဘောသဘာဝအရ ရှယ်ယာပိုင်ဆိုင်မှုများသူက ဒါရိုက်တာအဖွဲ့ဝင်များ တိုက်ရိုက်ခန့်အပ်နိုင်သည်ဟု ယူဆနိုင်သည်။ တိုင်းအစိုးရသည် ထည့်ဝင်ထားသည့် ရှယ်ယာများကို ရာခိုင်နှုန်းဖြင့် အချိုးချလျှင် ၉၀ ရာခိုင်နှုန်းခန့် (၈၆ ဒသမ ၂)ပိုင်ဆိုင်သည်။

ထို့ပြင် ကုမ္ပဏီ၏ နာယကအဖြစ်ဝန်ကြီးချုပ် ဦးဖြိုးမင်းသိန်း၊ ရန်ကုန်မြို့တော်ဝန်ဦးမောင်မောင်စိုးနှင့် ရန်ကုန်တိုင်း လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီးဒေါ်နီလာကျော်တို့က တာဝန်ယူထားသည်။

တိုင်းအစိုးရအဖွဲ့က ငွေအင်အား၊လူအင်အားများ ပါဝင်ပတ်သက်နေသည့် ကုမ္ပဏီသည် အရှုံးပြနေခြင်းကြောင့် အမြတ်ဝေစု ခွဲဝေမပေးနိုင်ပါသလောဆိုသည်က မေးခွန်တစ်ခု ဖြစ်နေပြန်သည်။

YUPT ရှုံး၏၊ မြတ်၏

သုံးနှစ်ဆက်တိုက်ရှယ်ယာရှင်များကို အမြတ်ဝေစုခွဲဝေပေးနိုင်ခြင်းမရှိသော်လည်း YUPT အရှုံးပေါ်နေခြင်းမရှိဟု ရန်ကုန်တိုင်းဒေသကြီးသယ်ယူပို့ဆောင်ရေးကြီးကြပ်ကွပ်ကဲမှုအာဏာပိုင်အဖွဲ့ (YRTA) တွဲဖက်အတွင်းရေးမှူးဦးလှအောင်က ဆိုသည်။

“ရှယ်ယာခွဲမပေးနိုင်လို့ ယာဉ်ပိုင်ရှင်တွေက ဒီလိုပြောတယ်ဆိုပေမယ့်  YUPT ယာဉ်သစ်ကြီးနှစ်ရာကို ဘယ်က ပိုက်ဆံနဲ့ ဝယ်လဲ။ နောက်တစ်ခုက သိန်းပေါင်း တစ်သောင်းလောက်ရှိတဲ့ ငွေကို ရင်းနှီးပြီးတော့ ယာဉ်ပြင်စက်ရုံ လုပ်နေတယ်”ဟု ၎င်းက ဆိုသည်။

ဘတ်စ်ကားသစ်များ ဝယ်ယူခြင်း၊ အဆောက်အအုံများတည်ဆောက်ခြင်းများ ဆောင်ရွက်နေသည့်အပြင် နေ့စဉ် မော်တော်ယာဉ်များ၏ ဆီဖိုး၊ ဝန်ထမ်းစရိတ်များပါ လုံလောက်မှုရှိကြောင်း ဦးလှအောင်က ဆက်လက်ပြောကြားသည်။

သို့သော်လည်း ယာဉ်တန်ဖိုးကျေ ကာလသတ်မှတ်ကာ တန်ဖိုးလျော့စရိတ်များတွက်ချက်ခြင်း၊ ရရှိငွေများကို ပြန်လည်ရင်းနှီးမြှုပ်နှံခြင်းများ တွက်ချက်ရမည်ဖြစ်သည်။ ကုမ္ပဏီကောင်းမွန်စွာ လည်ပတ်နိုင်သည့်အတွက် ဘတ်စ်ကားများ ပြေးဆွဲနေနိုင်ခြင်းဖြစ်ပြီး အရှုံးပေါ်ပါက ဘတ်စ်ကားပြေးဆွဲမှုများ ရပ်တန့်သွားမည်ဖြစ်ကြောင်း ဦးလှအောင်က ရှင်းပြသည်။

သို့သော်လည်း YUPT တွင် ရှယ်ယာထည့်ဝင်ထားသူများသည် အမြတ်တစ်စုံတစ်ရာရရှိမည်ကို မျှော်ကိုး၍သာ ရင်းနှီးမြှုပ်နှံခဲ့ခြင်း ဖြစ်သည်။

“သူတို့ကိုယုံကြည်မှုနဲ့ ကျွန်မရဲ့ အရင်းအနှီးကို ထည့်ပြီး ရင်းနှီးမြှုပ်နှံလိုက်တာပေါ့နော်။ အခုကျတော့ ပြောတဲ့စကားတွေနဲ့ မညီဘူး။ ကျွန်မတို့မှာ အကျိုးအမြတ် ခံစားခွင့်ဆိုတာ ဘာမှမရှိဘူး”ဟု ဆိုသူက ဒေါ်နှင်းသီရိထွန်း ဖြစ်သည်။

ဒေါ်နှင်းသီရိထွန်းသည် YUPT တွင် သိန်း ၁၈၀ ရှယ်ယာထည့်ဝင်ထားသူ ဖြစ်သည်။

YUPT တွင် ရင်းနှီးမြှုပ်နှံမှုကြောင့် ငွေကြေးနစ်နာမှုများရှိခဲ့သည်ဟု ၎င်းက ဆိုသည်။

မထသ မော်တော်ယာဉ်ပိုင်ရှင်များနှင့် ဝန်ကြီးချုပ် ဦးဖြိုးမင်းသိန်း တွေ့ဆုံစဉ်က မည်ရွေ့မည်မျှအကျိုးအမြတ်ရရှိမည်ဟု ကတိကဝတ်ပေးထားခြင်း မရှိသော်လည်း လစဉ်ထိုက်သင့်သည့် အကျိုးခံစားခွင့်ရှိမည်ဟု ပြောကြားထားကြောင်း YUPT ရှယ်ယာရှင်ဦးထွန်းဦးက ပြောကြားသည်။

ဦးထွန်းဦးသည် YUPT တွင် ကျပ်သိန်း ၉၀၀ ရင်းနှီးမြှုပ်နှံထားသူ ဖြစ်သည်။

“ဘဏ်မှာ သိန်းတစ်ထောင်အပ်တယ်ဆိုရင် အနည်းဆုံး ခြောက်သိန်းရမယ်။ ဘဏ်တိုးထက်တော့ ပိုရမယ်ဆိုတဲ့ ခံယူချက်နဲ့ပေါ့။ ကုမ္ပဏီမှာ ရှယ်ယာထည့်တယ်။ ဘဏ်တိုးတောင် မရဘူးဆိုရင်တော့ ဘယ်သူက ဝင်မှာလဲ”ဟု ၎င်းက ဆိုသည်။

ထိုသို့ အမြတ်ဝေစုခွဲဝေပေးနိုင်မှု မရှိခြင်းသည် စီမံခန့်ခွဲမှုအားနည်းချက်များကြောင့် ဖြစ်ကြောင်း မထသ လက်ထက်က ဘတ်စ်ကားအစီးရေ ဆယ်ဂဏန်းကျော်ကို ကိုယ်တိုင်ဦးစီးခဲ့သည့် ၎င်း၏ အတွေ့အကြုံများနှင့် ချိန်ထိုး၍ဆိုသည်။

ဘတ်စ်ကားအတွက် လိုအပ်သည့် အပိုစက်ပစ္စည်းများ ကြိုတင်ဝယ်ယူထားခြင်း၊ စက်ချို့ယွင်းပျက်စီးပါက ချက်ချင်းပြုပြင်ကာ ပြန်ပြေးဆွဲရမည်ဖြစ်ပြီး ရပ်နားနေသည့် ယာဉ်မရှိရန် စီစဉ်သင့်ကြောင်း ဦးထွန်းဦးက ဆိုသည်။

“ကားတစ်စီး ပျက်တယ်ဆိုရင် ချက်ချင်းပြင်ပြီး ပြန်ထွက်။ ပစ္စည်းတွေ အပိုဝယ်ထားတာ။ အင်ဂျင်ကိုင်တာကအပ တစ်နေ့လုံး ရပ်ထားတယ်ဆိုတာ မရှိဘူး။ အခု ဒီမှာက ကြီးကြီးမားမား မဟုတ်ဘူး။ ရှူး (ဘရိတ်) ကုန်နေလို့ အင်ဂျင်ကြီးတွေ ကွဲပြဲတာမရှိဘူး။ ကားအသစ်ကြီးတွေဆိုတော့ အဲဒါကို ကားအစီး ၁၈၀ လောက် (ပျက်လို့) ရပ်ထားရတယ်”ဟု ၎င်းက ဆိုသည်။

မထသမှ YBS ဘတ်စ်ကားစနစ်သို့ မြန်ဆန်စွာပြောင်းလဲလိုက်ချိန် ယာဉ်လိုင်းအချို့တွင် စီမံခန့်ခွဲမှုပိုင်း အားနည်းချက်များရှိခဲ့သည်ဟု ဝေဖန်သူများလည်း ရှိသည်။

တိုင်းအစိုးရသည် YBS ဘတ်စ်ကား စနစ်ကို အချိန်တိုတွင်း ပြောင်းလဲခဲ့သည်။ ထို့နောက် ဘတ်စ်ကားအများပိုင်ကုမ္ပဏီများကို အချိန်တိုအတွင်း ခပ်မြန်မြန်ဖွဲ့စည်းပြန်သည်။

ဘတ်စ်ကားအများပိုင်ကုမ္ပဏီ၏ Business Plan များအားနည်းခြင်း၊ ကတ်စနစ်မစတင်နိုင်သည့်အတွက် ယာဉ်စီးခငွေ အပြည့်အဝမရှိခြင်းများနှင့် ကြုံ တွေ့နေရကြောင်း Alpha Computer Mandalay ကုမ္ပဏီအုပ်ချုပ်မှုဒါရိုက်တာဦးရဲမြတ်သူက ဆိုသည်။

“ဘတ်စ်ကားပေါ်မှာ လူတွေ ပြည့်ရဲ့သားနဲ့ရှုံးတယ်ဆိုတာ ဘယ်သူ့အပြစ်လည်း စဉ်းစားကြည့်။ Plan စဆွဲထဲက တစ်လွဲကြီး”ဟု ဦးရဲမြတ်သူက ဝေဖန်သည်။

အစိုးရက ရာနှုန်းပြည့်ရင်းနှီးမြှုပ်နှံခြင်း၊ သို့မဟုတ် ဘဏ်မှ ဖြစ်စေ၊ ပုဂ္ဂလိကထံမှ ငွေကြေးယူကာဖြစ်စေ ပုံသေ အတိုးနှုန်းထားတစ်ခု သတ်မှတ်ပေးခြင်းဖြင့် ဆောင်ရွက်သင့်ကြောင်း ၎င်းက အကြံပေးသည်။

သို့သော်လည်းတိုင်းအစိုးရသည်  YUPT တစ်ခုတည်းတွင်ပင် ငွေကြေးရင်းနှီးမြှုပ်နှံထားခြင်း မဟုတ်ပေ။ ဘတ်စ်ကားအများပိုင်ကုမ္ပဏီဖြစ်သည့် ရန်ကုန်ဘတ်စ်ကားအများနှင့် သက်ဆိုင်သော ကုမ္ပဏီလီမိတက် (YBPC)တွင် ရင်းနှီး မြှုပ်နှံငွေ၃၅ ဘီလီယံထည့်ဝင်ထားကာ ရန်ကုန်မြို့သစ်ဖွံ့ဖြိုးရေးကုမ္ပဏီလီမိတက် (NYDC) တွင်လည်း ကျပ် ၁၀ ဘီလီယံ မတည်ရင်းနှီးငွေအဖြစ် ထည့်ဝင်ထားသည်။

သို့သော်လည်း လက်ရှိဖြစ်ပေါ်နေသော ပြဿနာရပ်များအတွက် အဖြေရှာရေးအလို့ငှာ ပြီးခဲ့သည့် နိုဝင်ဘာလ ၁ ရက်နေ့တွင် YRTA ရုံးချုပ်တွင် ဝန်ကြီး ဒေါ်နီလာကျော်၊ ဒါရိုက်တာအဖွဲ့ဝင်ကိုးဦး၊ ရှယ်ယာရှင်များဖြစ်သည့် ဦးထွန်းဦးနှင့် ဦးထိန်ဝင်းတို့ တွေ့ဆုံခဲ့သည်။

ထိုတွေ့ဆုံမှုတွင် လက်ရှိအစိုးရက တိုက်ရိုက်ခန့်အပ်သည့် ဒါရိုက်တာအဖွဲ့ကို ဖြုတ်ချ၍ ပြန်လည်ဖွဲ့စည်းပေးရန်၊ ရှယ်ယာများကို ပြန်လည်ဝယ်ယူပေးရန်တင်ပြချက်များကို ဝန်ကြီး ဒေါ်နီလာကျော်က လက်ခံကာ အကောင်းဆုံးလုပ်ပေးမည်ဟု ပြောကြားခဲ့ကြောင်း အစည်းအဝေးတွင် ပြောကြားချက်များကို ဦးထွန်းဦးက တစ်ဆင့်ပြန်လည်ပြောကြားသည်။

နိုဝင်ဘာလ ၇ ရက်နေ့တွင်လည်း YRTA ရုံးချုပ်တွင် ရှယ်ယာရှင်ကိုယ်စားလှယ် ၁၀ ဦးကို အစည်းအဝေးထပ်မံ ခေါ်ယူခဲ့သည်။

ယင်း အစည်းအဝေးတွင် ရှယ်ယာရှင်များက တင်မြှောက်လိုသည့် ဒါရိုက်တာအဖွဲ့ဝင်များ ရွေးချယ်ပေးရန်ကိစ္စနှင့် ရှယ်ယာများကို ဝယ်ယူပေးရမည့် အစီအစဉ်ကို ညှိနှိုင်းခဲ့ကြောင်း ဦးထွန်းဦးက ဆိုသည်။

မည်သို့ဆိုစေ လက်ရှိတိုင်းအစိုးက ရင်းနှီးမြှုပ်နှံငွေ ၃၅ ဘီလီယံ ထည့်ဝင်ထားသော YUPT တွင် ရင်းနှီးမြှုပ်နှံသူ အချို့ကမူ ၎င်းတို့ ထည့်ဝင်ထားသည့် ရှယ်ယာများကို တိုင်းအစိုးရက ပြန်လည်ဝယ်ယူပေးရန် မျှော်လင့်လျက်ရှိသည်။

ကျပ်သိန်းကိုးရာ ရှယ်ယာထည့်ဝင်ထားသည့် ဦးထွန်းဦးက ရှယ်ယာများရောင်းချမည့် အစီအစဉ်နှင့် ပတ်သက်၍ ဖွင့်ဟသည်က “အန်ကယ်တို့ ရှယ်ယာရှင်သုံးရာမှာ ကုမ္ပဏီနဲ့ လက်တွဲမယ့်သူ ငါးဆယ် ကျန်မလား၊ နှစ်ဆယ်ကျန်မလား၊ ဆယ်ယောက်ကျန်မလား မသိဘူးလေ။ အများစုကတော့ အားလုံးပြန်ဝယ်ပေးဖို့ တောင်းထားတယ်”

ပို့ပို့

You may also like...

Leave a Reply

Your email address will not be published. Required fields are marked *