အသေးစားငွေကြေးကဏ္ဍ ဖြတ်ကျော်ရမည့် ခယောင်းလမ်း

အသေးစား ငွေရေးကြေးရေးလုပ်ငန်းတစ်ခုမှရသည့် ချေးငွေသိန်းနှစ်ဆယ်ဖြင့် ဒေါ်မေဇင်သည် တစ်လမ်းတည်းနေ အိမ်နီးနားချင်းများနှင့် ကားစင်းလုံးငှားကာ ဘုရားဖူးခရီးထွက်လိုက်သည်။

ကုန်ခြောက်ပစ္စည်းစုံကို အိုးမကွာ အိမ်မကွာ ကုန်စုံဆိုင်ဖွင့်ရောင်းရင်း ထိုဈေးဆိုင်ကို အဓိက ဝင်ငွေလမ်းကြောင်းအဖြစ် ပြသကာ ချေးငွေရယူခဲ့ခြင်းဖြစ်သည်။

ဤသည်မှာ ဧရာဝတီတိုင်းဒေသကြီးအတွင်းရှိ ခရိုင်မြို့တစ်မြို့မှ အသေးစားချေးငွေရယူသူ၏ ချေးငွေကို ပြန်လည်အသုံးချမှုဖြစ်သည်။

အချို့မှာမူ အသေးစားငွေရေးကြေးရေးလုပ်ငန်းတစ်ခုမှ ချေးငွေဖြင့် နောက်ထပ်လုပ်ငန်းတူတစ်ခု၏ ချေးငွေကို ပြန်ဆပ်ကြသည်။

အချို့ကမူရပ်ကွက်ထဲမှ အတိုးများသော ကြွေးပူကို ပြေးဆပ်ကြသည်။

 

အကြွေးဟောင်းကို အကြွေးသစ်ထုတ်ပေးမည့်နေရာများမှ ယူကာ ပေးဆပ်ရင်း အကြွေးနွံမှ ရုန်းမထွက်နိုင်ဘဲ ထွက်ပြေးသွားရသူများလည်း ရှိသည်။

မည်သူမည်ဝါတော့ ပြေးသွားပြီ ဆိုသည့် အသံများကို နယ်မြို့များ၊ ကျေးလက်ဒေသများနှင့် လက်လုပ်လက်စားရပ်ကွက်များတွင် မကြာခဏ မြင်ကြားတွေ့ရသည်။

ယင်းမှာ မြန်မာနိုင်ငံ၏ အသေးစားငွေရေးကြေးရေးကဏ္ဍတွင် လက်ရှိ ပိုမိုကြုံတွေ့လာရသည့် အဖြစ်အပျက်များဖြစ်သည်။

ချေးငွေ လုံးဝပြန်မဆပ်နိုင်ခြင်းနှင့် အချိန်မီပြန်မဆပ်နိုင်သည့်အဖြစ်များ ယခင်ထက် ပိုများလာကြောင်း မြန်မာနိုင်ငံ အသေးစားငွေရေးကြေးရေးလုပ်ငန်းများ ကူညီမှုအသင်း (MMFA) မှ တာဝန်ရှိသူတစ်ဦးက ပြောသည်။

သို့ရာတွင် အသေးစားငွေရေးကြေးရေးလုပ်ငန်းများ၏ တရားဝင်ထုတ်ပြန်ချက်များတွင်မူ ချေးငွေဆုံးရှုံးမှုအချိုးမှာ ၁ ရာခိုင်နှုန်းအောက်တွင်သာ ရှိနေသည်။

ကိန်းဂဏန်းများတွင် လှည့်ကွက်၊ မြှုပ်ကွက်များလည်း ရှိတတ်သည်ပင်။

ချေးငွေအသစ်များ ထပ်မံထုတ်ချေးခြင်းဖြင့်လည်း အဆိုပါချေးငွေဆုံးရှုံးမှုအချိုးကို ရာခိုင်နှုန်းနည်းနိုင်သမျှ နည်းစေရန် ထိန်းထားနိုင်သည်။

ယမန်နှစ် ဧပြီလမှ ဒီဇင်ဘာလအထိ အသေးစားငွေရေးကြေးရေးလုပ်ငန်းများက ထုတ်ချေးထားသည့် ချေးငွေစုစုပေါင်းမှာ ကျပ် ၁၆၅၀ ဘီလီယံနီးပါးရှိပြီး နောက်သုံးလအကြာ ယခုနှစ် မတ်လအထိ ထုတ်ချေးငွေ စုစုပေါင်းမှာ ကျပ် ၂၆၀၀ ဘီလီယံကျော်ရှိကြောင်း ငွေရေးကြေးရေးကြီးကြပ်ရေးဦးစီးဌာန၏ တရားဝင်ထုတ်ပြန်ချက်အရ သိရသည်။

သုံးလအတွင်း ထုတ်ချေးငွေစုစုပေါင်း ကျပ် ၁၀၀၀ ဘီလီယံနီးပါးတိုးတက်လာခြင်း ဖြစ်သည်။

“အောက်ခြေမှာ ပြဿနာလေးတွေ ရှိနေတယ်ဆိုတာ မှန်ပါတယ်။ တချို့ ပြဿနာတွေက အချိန်ပေးဖြေရှင်းရတဲ့ အခါကျတော့ အဆင့်ဆင့်ဖြေရှင်းနေရတာတွေ ရှိပါတယ်” ဟု Myanmar Finance International စားငွေရေးကြေးရေးလုပ်ငန်းမှ ဒါရိုက်တာဒေါက်တာပြည့်ဖြိုးလွင်က ဆိုသည်။

အသေးစားငွေရေးကြေးရေးကဏ္ဍသည် မကြာသေးခင်က ပေါ်ပေါက်လာသည့် သက်တမ်းနုကဏ္ဍတစ်ရပ်ဖြစ်ပြီး ယခင်အစိုးရလက်ထက်မှစတင်ဆောင်ရွက်နိုင်ခဲ့ခြင်း ဖြစ်သည်။

ဆင်းရဲနွမ်းပါးသူများ တိုင်းပြည်၏ငွေရေးကြေးရေးကဏ္ဍတွင် ပါဝင်လာရေးရည်ရွယ်ချက်ဖြင့် ၂၀၁၂ – ၂၀၁၃ ခုနှစ်ဝန်းကျင်မှစတင်ကာ အသေးစားငွေရေးကြေးရေးလုပ်ငန်းများစွာကို လုပ်ကိုင်ခွင့်ပေးခဲ့သည်။

ထိုအချိန်မတိုင်ခင်က နိုင်ငံတကာကူညီထောက်ပံ့ရေးအဖွဲ့များနှင့် သမဝါယမငွေစုငွေချေးအသင်းများဖြင့် ဆင်းရဲနွမ်းပါးသူများ၏ ငွေကြေးလိုအပ်ချက်ကို ဖြည့်ဆည်းပေးနေခြင်းဖြစ်ပြီး ၂၀၁၂ ခုနှစ် နောက်ပိုင်းမှ စတင်ကာ အသေးစားငွေရေးကြေးရေးလုပ်ငန်းများ ပေါ်ထွက်လာခြင်း ဖြစ်သည်။

နိုင်ငံတကာအဖွဲ့အစည်းများ၏ သုတေသနပြုစစ်တမ်းကောက်ယူချက်များ အရ မြန်မာနိုင်ငံတွင် အရွယ်ရောက်ပြီးသူဦးရေ၏ ၃၀ ရာခိုင်နှုန်းခန့်သာ တရားဝင်လုပ်ကိုင်ဆောင်ရွက်နေသော ငွေရေးကြေးရေးအဖွဲ့အစည်းများထံမှ ငွေကြေးဝန်ဆောင်မှုကို ရရှိနေပြီး ကျန်ရှိသူများမှာ တရားဝင်ငွေရေးကြေးရေးကဏ္ဍနယ်ပယ်တွင် မပါဝင်နိုင်သေးပေ။

ရပ်ကွက်အတွင်း အတိုးများသည့် ငွေတိုးပေးသူများ၊ နေ့ပြန်တိုးချေးငွေများဖြင့် အသက်ဆက်နေရသည့် အိမ်ထောင်စုပေါင်းများစွာ ကျန်ရှိနေဆဲပင်။

ထို့ကြောင့်ပင် ဘဏ္ဍာရေးနှင့် ငွေရေးကြေးရေးနယ်ပယ်တွင် အားလုံးပါဝင်လာရေးဆိုသည့် စီမံချက်ကို အစိုးရက အကောင်အထည်ဖော်ဆောင်ရွက်လျက်ရှိပြီး လာမည့် ၂၀၂၀ ပြည့်နှစ်တွင် အရွယ်ရောက်ပြီးသူ ဦးရေ၏ ၄၀ ရာခိုင်နှုန်းအထိ တရားဝင်ငွေရေးကြေးရေးဝန်ဆောင်မှုရရှိနိုင်ရေး ရည်မှန်းချက်ထားကာ လုပ်ဆောင်လျက်ရှိသည်။

လက်ရှိတွင် တရားဝင်လုပ်ကိုင်ခွင့်ပြုထားသော အသေးစားငွေရေးကြေးရေးလုပ်ငန်းပေါင်း ၁၈၀ ကျော်ရှိပြီး ယခုနှစ် စက်တင်ဘာလကုန်အထိ ချေးငွေ ထုတ်ချေးထားသည့်လူဦးရေမှာ ၅ ဒသမ ၆ သန်းခန့်ရှိကြောင်း ပြည်တွင်းရုပ်သံလိုင်းတစ်ခုနှင့် တွေ့ဆုံမေးမြန်းမှုတွင် MMFA အသင်းမှ ဒုတိယဥက္ကဋ္ဌ ဦးမျိုးညွန့်က ပြောကြားသည်။

အချိန်တိုအတွင်း အရှိန်အဟုန်မြန်မြန်ဖြင့် တိုးတက်လာသည့် မြန်မာ့အသေးစားငွေရေးကြေးရေးကဏ္ဍမှာ စိန်ခေါ်မှုများစွာဖြင့် ရင်ဆိုင်နေရပြီဖြစ်သည်။

အဓိကစိန်ခေါ်မှုမှာ မြန်မာ့ငွေရေးကြေးရေးနယ်ပယ်တစ်ခုလုံး ရင်ဆိုင်နေရဆဲဖြစ်သည့် ချေးငွေသတင်းအချက်အလက်ရရှိရန် ခက်ခဲမှုဖြစ်သည်။

ချေးငွေယူသူ၏ အချက်အလက်ကို ရယူနိုင်မည့် ချေးငွေသတင်းအချက်အလက်ဗျူရိုကို ထူထောင်ပြီးဖြစ်သော်လည်း လက်ရှိအချိန်ထိ လုပ်ငန်းလည်ပတ်ရန် ဆောင်ရွက်ဆဲအဆင့်သာဖြစ်ပြီး ငွေရေးကြေးရေးအဖွဲ့အစည်းများအနေနှင့် ချေးငွေသတင်းအချက်အလက်ဝန်ဆောင်မှုကို ရယူနိုင်ခြင်းမရှိသေးပေ။

ချေးငွေဆုံးရှုံးနိုင်ခြေကိုလျှော့ချရန် ချေးငွေယူသူ၏ အချက်အလက်ကို မသိရှိရသည့်အတွက် ချေးငွေထုတ်ပေးရာတွင် အခက်အခဲတွေ့ရကြောင်း အသေးစားငွေရေးကြေးရေး လုပ်ငန်းရှင်များက ဆိုကြသည်။

“အသေးစားငွေရေးကြေးရေးကဏ္ဍမှာ တခြားနိုင်ငံတွေထက် သတင်းအချက်အလက်တွေကို ရယူသုံးစွဲနိုင်မှု အရမ်းအားနည်းနေပါသေးတယ်။ ဆယ်စုနှစ်တစ်ခုတောင်မ ပြည့်သေးတဲ့အတွက် လိုအပ်ချက်တွေ ရှိနေသေးတယ်” ဟု MMFA အသင်း၏ အမှုဆောင်ကော်မတီဝင် ဒေါက်တာပြည့်ဖြိုးလွင်က ပြောသည်။

အဆိုပါ MMFA အသင်းဝင်များ ပါဝင်သည့် အချက်အလက်မျှဝေရေးစနစ်တစ်ခုကို အစပျိုး စမ်းသပ်လုပ်ကိုင်နေကြောင်း ၎င်းက ဆိုသည်။

ယင်းသို့ သတင်းအချက်အလက်ရရှိရန် ခက်ခဲမှုကြောင့်ပင် ချေးငွေယူသူတစ်ဦးတည်းက အသေးစားငွေရေးကြေးရေးလုပ်ငန်း လေး၊ ငါးခုထံမှ ချေးငွေများရယူပြီးနောက် ပြန်မဆပ်နိုင်သည့် အဖြစ်အပျက်အချို့လည်း ရှိလာသည်။

အသေးစားငွေရေးကြေးရေးလုပ်ငန်းတွင် အသင်းသားအဖြစ် မှတ်ပုံတင်ပြီးနောက် အခြားလုပ်ငန်းတူတစ်ခုတွင် ထပ်မံမပါဝင်ရန် စည်းကမ်းသတ်မှတ်ထားသော်လည်း တစ်ခုထက်ပိုသော အသေးစားငွေရေးကြေးရေးလုပ်ငန်းများထံတွင် အသင်းသားအဖြစ် မှတ်ပုံတင်ကာ ချေးငွေရယူသူ အများအပြားရှိကြောင်း အသေးစားငွေရေးကြေးရေးလုပ်ငန်းများထံမှ သိရသည်။

“ရန်ကုန်မှာဆို ဖုန်း၊ လက်ပ်တော့တွေ ဝယ်ဖို့ ချေးငွေယူထားတာရှိတယ်။ နယ်က အိမ်ကိုပြန်တဲ့အခါမှာလည်း ကိုယ့်ရှိတဲ့ ဈေးဆိုင်ကိုပြပြီး ချေးငွေယူထားရှိပါတယ်”ဟု နယ်မြို့မှ ရန်ကုန်တွင် ပြောင်းရွှေ့လုပ်ကိုင်နေသူ မဆုလှိုင်က ဆိုသည်။

ယင်းသို့ သတင်းအချက်အလက်ရရှိရန် အခက်အခဲရှိနေချိန်တွင် ဒေသတစ်ခုအတွင်း အသေးစားငွေရေးကြေးရေးလုပ်ငန်းများစွာ စုပြုံနေခြင်းကိုလည်း စိစစ်ရန်လိုကြောင်း MMFA အသင်း ဒုတိယဥက္ကဋ္ဌ ဦးမျိုးညွန့်က ဆိုသည်။

တိုင်းဒေသကြီး၊ ပြည်နယ်များတွင် အသေးစားငွေရေးကြေးရေးလုပ်ငန်းများ စုပြုံနေသည့်အတွက် ထိုဒေသရှိ ချေးငွေယူသူများ၏ ချေးငွေယဉ်ကျေးမှုကိုလည်း ပျက်ယွင်းစေကြောင်း အသေးစားငွေရေးကြေးရေးလုပ်ငန်းရှင်တစ်ဦးက ဆိုသည်။

နေပြည်တော်ကောင်စီအပါအဝင် တိုင်းဒေသကြီးနှင့် ပြည်နယ် ၁၅ ခုတွင် ရန်ကုန်တိုင်းတွင်လုပ်ကိုင်နေသော အသေးစားငွေရေးကြေးရေးအဖွဲ့အစည်းပေါင်း ၈၀ ကျော်ရှိပြီး မန္တလေးတိုင်းတွင် အဖွဲ့အစည်း ၆၀၊ ပဲခူးတိုင်းတွင် ၄၈ ဖွဲ့၊ စစ်ကိုင်းတိုင်းတွင် ၄၆ ဖွဲ့နှင့် ဧရာဝတီတိုင်းတွင် ၃၆ ဖွဲ့ ရှိသည်။

ယင်းတိုင်းဒေသကြီး ငါးခုတွင် အသေးစားငွေရေးကြေးရေးလုပ်ငန်းများစွာ စုပြုံလုပ်ကိုင်နေသော်လည်း ဝေးလံခေါင်ဖျားသည့် ပြည်နယ်အချို့တွင်မူ အသေးစားငွေရေးကြေးရေးလုပ်ငန်းမှာ ဆယ်ခုပင် မပြည့်ပေ။

အသေးစားငွေရေးကြေးရေးလုပ်ငန်း လုပ်ကိုင်မှုအနည်းဆုံး ချင်းပြည်နယ်တွင် လေးခုသာရှိပြီး ကယားနှင့် ကချင်ပြည်နယ်တွင် ရှစ်ခု၊ ရခိုင်ပြည်နယ်တွင် ကိုးခုနှင့် ကရင်ပြည်နယ်တွင် ၁၂ ခုသာ ရှိနေသည်။

ယင်းအချက်အလက်များမှာ ငွေရေးကြေးရေး ကီးကြပ်စစ်ဆေးရေးဦးစီးဌာန၏ နောက်ဆုံးထုတ်ပြန်ထားသော စာရင်းများဖြစ်သည်။

အသေးစားငွေရေးကြေးရေးလုပ်ငန်းများစွာ ရှိနှင့်ပြီးသည့် ဒေသတွင် လုပ်ငန်းအသစ်များ ထပ်မံဝင်ရောက်လာခြင်း၏ အကျိုးဆက်အနေနှင့် ဈေးကွက်ယှဉ်ပြိုင်ရမှု ပိုများလာသည်။

လစဉ် သတ်မှတ်ထားသည့် ချေးငွေအရေအတွက်၊ ပမာဏပြည့်မီရန် ချေးငွေယူလိုသူများကို ရှာဖွေရသည်မှာ အခက်အခဲများရှိကြောင်း ဧရာဝတီတိုင်းဒေသကြီး ကျိုက်လတ်မြို့နယ်ရှိ အသေးစားငွေရေးကြေးရေးလုပ်ငန်းတစ်ခုမှ ဝန်ထမ်း ကိုကျော်ဇေ (အမည်လွှဲ) က ဆိုသည်။

ထိုအခါ ချေးငွေအသစ်ထုတ်ချေးရန် ပိုမိုအာရုံစိုက်ရသည့်အတွက် ချေးငွေယူသူ၏ အချက်အလက်ကို စိစစ်မှုပိုင်းတွင် အားနည်းချက်အချို့ရှိကြောင်း ၎င်းက ပြောသည်။

ထို့အတူ ငွေရေးကြေးရေးလုပ်ငန်းအကြောင်း နားလည်တတ်ကျွမ်းသည့် ကျွမ်းကျင်ဝန်ထမ်း ရှားပါးနေပြီး ချေးငွေထုတ်ချေးရာ၌ စီမံခန့်ခွဲမှုနှင့် ကြီးကြပ်နိုင်မှုလစ်ဟာချက်များရှိသည်ဟု ထင်မြင်ကြောင်း ၎င်းက ဆက်ပြောသည်။

“အောက်ခြေမှာတော့ လိုအပ်ချက်လေးတွေ၊ အဖွဲ့အစည်းတွေရဲ့လုပ်ကိုင်မှုအပိုင်းကို စီမံခန့်ခွဲရာမှာတော့ လိုအပ်နေသေးတယ်လို့ ထင်ပါတယ်” ဟု ဒေါက်တာပြည့်ဖြိုးလွင်က မှတ်ချက်ပေးသည်။

ငွေရေးကြေးရေး အသိပညာအားနည်းသည့် နယ်မြို့၊ ကျေးလက်ဒေသများတွင် ချေးငွေအလွယ်တကူ ရရှိလာသည့်အတွက် ထိုချေးငွေကို အလွယ်တကူပင် သုံးစွဲလိုက်ကြပြီး ပြန်မဆပ်နိုင်သည့် ဖြစ်ရပ်များ ပိုများလာခြင်းဖြစ်သည်။

ချေးငွေကို အချိန်မီပြန်မဆပ်နိုင်ပါက လုပ်ဆောင်ရမည့် လုပ်ငန်းစဉ်အဆင့်ဆင့်ကို ပြည်သူတိုင်း သိရှိလာစေရန် ကျယ်ကျယ်ပြန့်ပြန့် အသိပညာပေးရေးလိုအပ်နေဆဲဖြစ်ပြီး အသေးစားငွေရေးကြေးရေးလုပ်ငန်းများသည် အသင်းဝင်များကို ငွေရေးကြေးရေး အသိပညာပေးဟောပြောမှုများ လုပ်ဆောင်သော်လည်း ထိရောက်မှုနည်းနေသေးကြောင်း MMFA အသင်းမှ တာဝန်ရှိသူတစ်ဦးက ပြောသည်။

ကျွမ်းကျင်ဝန်ထမ်းရှားပါးခြင်း၊ ပြည်သူလူထု၏ ငွေရေးကြေးရေးစီမံခန့်ခွဲမှု အသိပညာရေချိန် အားနည်းခြင်းနှင့် ချေးငွေသတင်းအချက်အလက်ရရှိရေးတို့မှာ မြန်မာ့အသေးစားငွေရေးကြေးရေးကဏ္ဍ ဖြတ်ကျော်ရမည့် ခယောင်းလမ်းပင်။

“အဓိကကတော့ အကြွေးဆိုတဲ့ သဘောကတော့ ယူတဲ့သူကတော့ လူတိုင်းမဟုတ်ရင်တောင် ရရင်ယူမယ့်သူ များပါတယ်။ ဆိုတော့ ပေးတဲ့သူက ထိန်းရမှာပါ” ဟု Myanmar Finance International အသေးစားငွေရေးကြေးရေးလုပ်ငန်းမှ ဒါရိုက်တာ ဒေါက်တာ ပြည့်ဖြိုးလွင်က ဆိုသည်။

ချေးငွေဆုံးရှုံးမှုကို စိစစ်တွက်ချက်နိုင်မည့် ချေးငွေသတင်းအချက်အလက်ရရှိရေးမှာ လာမည့်အနာဂတ်ကာလတွင် အရေးတကြီးလိုအပ်လာမည်ဖြစ်ကြောင်း ၎င်းက ယခုလိုဆက်ပြောဆိုသည်။

“ချေးငွေအချက်အလက် မျှဝေပေးနိုင်မယ့်ဟာ တစ်ခုတော့ မကြာမယ့် အနာဂတ်မှာ ကျွန်တော်တို့ လိုအပ်နေပါတယ်။ အဲဒါရှိမှလည်း ခုလိုပြဿနာတွေကို ကျွန်တော်တို့ ကာကွယ်နိုင်မှာဖြစ်ပါတယ်”

စစ်ငြိမ်းသူ

You may also like...

Leave a Reply

Your email address will not be published. Required fields are marked *