ရန်ကုန်တက္ကသိုလ်ထဲက သစ်ခုတ်ဇာတ်လမ်း တစ်ခန်းရပ်

တစ်ချိန်က အာရှတွင် ထင်ရှားခဲ့သည့် ရန်ကုန်တက္ကသိုလ် ကံ့ကော်တောထဲရှိ နှစ်ရှည်သစ်ပင်ကြီးများကိုခုတ်ကာ တက္ကသိုလ်ပတ်လမ်းဖောက်မှုကြောင့် ရန်ကုန်တက္ကသိုလ်ကျောင်းသားများသမဂ္ဂ ဦးဆောင်ကာ ဆန္ဒပြကန့်ကွက်ခဲ့ကြသည်။

၂၀၂၀ ပြည့်နှစ်တွင် ကျရောက်မည့် ရန်ကုန်တက္ကသိုလ် နှစ်တစ်ရာပြည့်အတွက် ကျောင်းဝင်းထဲ၌ အလှအပများ တန်ဆာဆင်ရာတွင် တက္ကသိုလ်ပတ်လမ်းဖောက်ခြင်း (Ring Road) ၊ တက္ကသိုလ်၏ အဓိကလမ်းမကြီးဖြစ်သော အဓိပတိလမ်းမကြီးဘေး ဝဲ၊ ယာတွင် မြေယာရှုခင်းပြုပြင်ခြင်း (Landscaping) လုပ်ငန်းများ ဆောင်ရွက်ခြင်းတို့ပါဝင်သည်။

မြကျွန်းညို၊ ကံ့ကော်တော၊ စိန်ပန်းနီဝေရာ စိမ်းစိုနေအေးမြသည့် ရန်ကုန်တက္ကသိုလ်တွင် လမ်းဖောက်ရန်အတွက် သစ်ပင်များခုတ်ယူမှုကြောင့် နိုဝင်ဘာ ၂ရက်နေ့နှင့် ၄ရက်နေ့တို့တွင် ရန်ကုန်တက္ကသိုလ် ကျောင်းသားများသမဂ္ဂအဖွဲ့ ဝင်များ အပါအဝင် ကျောင်းသား၊ ကျောင်းသူများက ဆက်တိုက်ဆန္ဒပြကန့်ကွက်ကြသည်။

ရန်ကုန်တက္ကသိုလ် (ပင်မ) ပြုပြင်မွမ်းမံရေးနှင့် အဆင့်မြှင့်တင်ရေးဆိုင်ရာကိစ္စများကြောင့် ရန်ကုန်တက္ကသိုလ်ထဲရှိသစ်ပင်များ ခုတ်ယူရာတွင် သစ်ပင်များကိုခုတ်သင့်၊ မခုတ်သင့် အငြင်းပွားမှုများရှိနေပြီး စီမံကိန်းအကောင်အထည်ဖော်ရာတွင် စီမံခန့်ခွဲမှုအပေါ်လည်း မေးခွန်းထုတ်နေကြသည်။

သစ်ပင်မခုတ်ရ

ရန်ကုန်တက္ကသိုလ်သည် မြန်မာနိုင်ငံ၏သမိုင်းတစ်လျှောက်ဂုဏ်ယူရမည့် နိုင်ငံ့ခေါင်းဆောင်များ၊ စာပေအနုပညာနယ်ပယ်များစွာတွင် ထင်ရှားကျော်ကြားသည့် ပညာရှင်များကိုမွေးထုတ်ပေးရာ နေရာဖြစ်သည်။

ရန်ကုန်တက္ကသိုလ်သည် ပညာရှာမှီးရာ၊ ပညာသင်ကြားဆည်းပူးရာ ဝန်းကျင်ကြီးဖြစ်သည့်အပြင် အရိပ်အာဝါသကောင်းမွန်မှုကြောင့် အေးမြလျက်ရှိသည်။ သစ်ပင်အုံ့အုံ့ဆိုင်းဆိုင်း၊ ကျေးငှက်မျိုးစုံ၊ ပန်းမန်မျိုးစုံ၊ ကံ့တော်တော၊ သစ်ပုတ်ပင် အစရှိသည့်အပင်ကြီးများက မှိုင်းညို့နေကာ စိမ်းမြလျက်ရှိသည်။

ထိုသို့အေးမြစိမ်းစိုနေခြင်းကိုပျက်စီးစေနိုင်သည့် ဆောင်ရွက်ချက် ရုတ်တရက် ပေါ်လာသည်။ တက္ကသိုလ်ရာပြည့်အမီ ပြင်ဆင်ခြယ်သရန် တက္ကသိုလ်ပတ်လမ်းဖောက်လုပ်မှုတွင် နှစ်ရှည်သစ်ပင်များခုတ်ယူနေခြင်းကို တက္ကသိုလ်ဆရာ၊ ဆရာမများ၏ Facebook စာမျက်နှာပေါ်၌ နှမြောတသသည့် စာများရေးတင်မှ ပြည်သူများကြားထဲတွင် ကျယ်ကျယ်လောင်လောင်သိလာရသည်။

တက္ကသိုလ်ပတ်လမ်းဖောက်ခြင်း (Ring Road) ကြောင့် သစ်ပင် ၂၅ ပင် ခုတ်ယူထားပြီးဖြစ်သည်ဟု တက္ကသိုလ်ရှိ တာဝန်ရှိသူများက ပြောဆိုသော်လည်း မြေပြင်တွင် သစ်ပင် ၆၀ နီးပါး ခုတ်ယူထားကြောင်း Yangon University Environmental Club ဥက္ကဋ္ဌ ကိုရဲမင်းထက်က ဆိုသည်။ ၎င်းသည် သတ္တဗေဒနောက်ဆုံးနှစ် ကျောင်းသားလည်းဖြစ်သည်။ University Environmental Club မှာ သဘာဝပတ်ဝန်းကျင်အကြောင်းများ စိတ်ဝင်စားသည့် တက္ကသိုလ်ကျောင်းသားများဖြင့် ဖွဲ့စည်းထားခြင်းဖြစ်ပြီး အသိပညာဖလှယ်နေသည့် ကျောင်းသားအဖွဲ့ ဖြစ်သည်။

အဆိုပါလမ်းဖောက်ရန် သစ်ပင်များခုတ်ယူနေမှုကို အောက်တိုဘာလ ၃၁ ရက်နေ့တွင်စတင်သိရှိကြောင်းရန်ကုန် တက္ကသိုလ်ကျောင်းသားများသမဂ္ဂမှ အထွေထွေအတွင်းရေးမှူး ကိုဟေမာန် စိုးညွန့်က ပြောဆိုသည်။

ဘွဲ့နှင်းသဘင်ခန်းမဘေး ချစ်သူလမ်းကြားပန်းခြံအနီးပတ်ဝန်းကျင်နှင့် သထုံဆောင်ရှေ့ရှိ တောများကို ဘူဒိုဇာဖြင့် ခုတ်ထွင်ရှင်းထားကြောင်း ၎င်းက ဆက်လက်ပြောကြားသည်။ ထို့ကြောင့် နိုဝင်ဘာလ ၂ ရက်နေ့တွင် ရန်ကုန်တက္ကသိုလ် ကျောင်းသားများသမဂ္ဂက စတင်ဆန္ဒပြ ကန့်ကွက်ကြတော့သည်။

ယင်းနောက် နိုဝင်ဘာလ ၃ ရက် နေ့တွင် ကျောင်းဝင်းအတွင်း သစ်ပင်ခုတ်ရန် ကြက်ခြေခတ်ထားသည့် သစ်ပင်များပေါ်တွင် “မခုတ်ရ” စာရွက်များကို ကျောင်းသားများက လိုက်ကပ်ကြသည်။

ကျောင်းတာဝန်ရှိသူများကမူ လမ်းဖြင့်မလွတ်၍ ခုတ်ယူမည့်သစ်ပင် ၆၀ ကျော်ကိုသာခုတ်ယူမည်ဟုဆိုထားသော်လည်း ခုတ်ရန်သတ်မှတ်ထားချက်မှာ ယင်းထက် များစွာကျော်လွန်နေသည်။ ခုတ်ရန်ကြက်ခြေခတ်ထားသည့် သစ်ပင် များတွင် “မခုတ်ရ” ဟု စာရွက်များလိုက်ကပ်ရာတွင် စာရွက်ပေါင်း ၉၀ ကုန်သွားသော်လည်း အမှတ်အသားခတ်ထားသည့်သစ်ပင်များ ကျန်ရှိနေသေးကြောင်း ရန်ကုန်တက္ကသိုလ်ကျောင်းသားများသမဂ္ဂ အဖွဲ့ဝင်ကျောင်းသားတစ်ဦးက ပြောဆိုသည်။

ယင်းအပြင် နိုဝင်ဘာလ ၄ ရက်နေ့တွင် ထပ်မံလမ်းလျှောက်ဆန္ဒပြကြပြန်သည်။ ရန်ကုန်တက္ကသိုလ် ကျောင်းသားသမဂ္ဂရုံးခန်းမှ စတင်ကာ ပင်းယဆောင်၊ ပဲခူးဆောင်၊ သထုံဆောင်ရှေ့အထိ။ ယင်းမှတစ်ဆင့် ယင်းအဆောင်ရှေ့မှာ သစ်ပင်များခုတ်၊ တောများရှင်းကာ လမ်းအူကြောင်း ဖောက်ထားသည့်နေရာ ULB (University Lab Building) မှ စစ်ကိုင်းလမ်း။ ထိုလမ်းမှ အင်းဝကင်တင်းထိ လမ်းဆက်လျှောက်လာရင်း သိပ္ပံဆောင်ရှေ့မှ ဆက်ကာ ဘွဲ့နှင်းသဘင်ခန်းမရှေ့တွင် လမ်းလျှောက် ဆန္ဒပြမှုအဆုံးသတ်သည်။

ထိုဆန္ဒပြရာစာတမ်းများတွင် ‘ဦးကံ့တော် + ဒေါ်စိန်ပန်း (အသက်၁၀၀) ၂၀၁၉ ခုနှစ် အောက်တိုဘာလ ၃၁ရက်နေ့တွင် ကွယ်လွန်အနိစ္စရောက်သည်ဟူ၍ စာတန်းကိုင်ဆောင်ကာဆန္ဒပြကြသည်။ ‘မခုတ်ရ (အစိုးရပိုင် မဟုတ်)’ ၊ ‘အပေါ်ယံ ရုပ်ဝတ္ထုပြောင်းလဲမှုအလိုမရှိ ၊ ‘သစ်ပင်မခုတ်နဲ့ အရမ်းပူတယ်၊ ‘တက္ကသိုလ်ပတ်လမ်း အပိုအလုပ်၊ အလိုမရှိ ဟူ၍ စာတန်းများလည်း ကိုင်ဆောင်ထားကြသည်။

ယင်းအပြင် ‘Fight for Our Campus’ ၊ ‘သစ်ပင် တစ်ပင်ခုတ်ထောင်ဒဏ် သုံးနှစ် အစရှိသည့် ဆန္ဒပေါ်လွင်စေသော ဆိုင်းဘုတ်များကို ကျောင်းသား၊ ကျောင်းသူများက ကိုင်ဆာင်ကာ ကျောင်းဝင်းအတွင်း လမ်းလျှောက် ဆန္ဒထုတ်ဖော်ကြသည်။

“သီးသန့် တက္ကသိုလ်ပတ်လမ်း ဖောက်တာတွေက ကျောင်းသား၊ ကျောင်းသူတွေ တကယ်လိုလားလား၊ မလိုလားဘူးလားဆိုတာ မေးမြန်းတာ မရှိခဲ့ဘူး” ဟု ကိုဟေမန်စိုးညွန့်က ဆိုသည်။

သစ်အုပ်များကို မည်သို့စီမံသင့်သနည်း

ကမ္ဘာ့ရာသီဥတုပြောင်းလဲမှုအကြောင်းများ အပါအဝင် အတတ်ပညာများကိုပေးဝေသင်ကြားရာ တက္ကသိုလ်ကြီးတွင် နှစ်ရှည်ပင်များ အပါအဝင်သစ်ပင်များကို လွယ်လင့်တကူ ခုတ်ပစ်ခြင်းမှာ မေးခွန်းထုတ် ဝေဖန်ဖွယ်ရာ ဖြစ်နေသည်။

ပညာရှင်အသိုင်းအဝိုင်းစုဝေးရာ တက္ကသိုလ်နယ်မြေလည်းဖြစ်ပြီး ဝိဇ္ဇာဘာသာရပ်များအပြင် သုတေသနပြုခြင်း၊ ဂေဟစနစ်များလေ့လာခြင်း၊ သိပ္ပံပညာလေ့လာရာနယ်မြေလည်းဖြစ်သည့် တက္ကသိုလ်ထဲတွင် သစ်ပင်ခုတ်ခြင်းမှာ မဖြစ်သင့်ကြောင်း သဘာပတ်ဝန်းကျင်းထိန်းသိမ်းရေး လုပ်ဆောင်နေသည့် မြန်မာအစိမ်းရောင်ကွန်ရက် ဥက္ကဋ္ဌ ဒေါ်ဒေဝီသန့်ဇင်က မှတ်ချက်ပေးသည်။

“အဲဒီလိုပတ်ဝန်းကျင်က၊ ရာသီဥတု ပြောင်းလဲမှုဒဏ်ကို အထူးသဖြင့် ဖွံဖြိုးဆဲနိုင်ငံတွေက ဒီဒဏ်တွေကို တအားခံနေရတာ။ အခုလိုဖြစ်နေချိန်မှာ တက္ကသိုလ်နယ်မြေမှာ သစ်ပင်ခုတ်တယ်ဆိုတာ မဖြစ်သင့်ဘူး” ဟု ၎င်းက ပြောကြားသည်။

ကမ္ဘာကြီးပူနွေးလာမှု၊ ရာသီဥတုဖောက်ပြန်မှုများ ဖြစ်နေချိန်တွင် သစ်ပင်များကို မခုတ်သင့်ကြောင်း၊ သစ်ပင်မှာ သဘာဝပတ်ဝန်းကျင် ဂေဟစနစ်အတွက် မရှိမဖြစ်လိုအပ်ကြောင်း ၎င်းက ဆိုသည်။

မြန်မာနိုင်ငံသစ်တောအသင်းမှ အထွေထွေအတွင်းရေးမှူး ဦးတင်အေးကလည်း သစ်ပင်များကို မခုတ်ခင်သေချာ စဉ်းစားသင့်ကြောင်း ပြောဆိုသည်။

“သစ်ပင်အကြီးကြီးတွေကို ခုတ်ပြီး အစားပြန်စိုက်တာက တော်တော်လေး ခက်ပါတယ်။ အချိန်တွေ အများကြီးယူရမယ့် အလုပ်ဖြစ်တော့ အဲဒါကို အားမပေးတော့ဘူး။ မခုတ်ခင်က သေချာစဉ်းစားဖို့ပဲ” ဟု ၎င်းက ထောက်ပြသည်။

တက္ကသိုလ်ထဲက နှစ်ရှည်ပင်များကို အလွယ်တကူခုတ်လိုက်၍ ပြန်အစားထိုးစိုက်ပျိုးမည်ဆိုလျှင် မူလရှိသည့်အပင်များကဲ့သို့ ဖြစ်လာရန် ယင်းနှစ်ရှည်ပင်များ၏ သက်တမ်းအထိ စောင့်ရမည့်သဘော ဖြစ်သည်။ အချို့ပင်များမှာ နှစ်သက်တမ်း တစ်ရာကျော်နေပြီဖြစ်သည်။

“ရှားပါးတဲ့အပင်တွေကို လမ်းမလွတ်လို့ခုတ်ရင် ဘယ်လိုမှ အစားထိုးလို့မရဘူး” ဟု ဦးတင်အေးက မှတ်ချက်ပေးသည်။

နိုင်ငံတွင်း ရာသီဥတုပြောင်းလဲမှုကြောင့် ရာသီဥတုဖောက်ပြန်မှုဒဏ်ကို ပိုမိုခံစားနေရချိန်တွင် သစ်ပင်များ ကောင်းမွန်စွာ ရှင်သန်ရေးလိုအပ်သည်။ ရန်ကုန်တက္ကသိုလ်ထဲတွင်ရှိသည့် သစ်ပုတ်ပင်၊ ကံ့ကော်၊ စိန်ပန်းနီ၊ တောင်ပိန္နဲပင်၊ ရေတမာပင်၊ ခရေပင် အစရှိသည့် မရေတွက်နိုင်အောင်ပေါများ ထူထပ်သည့် သစ်ပင်ကြီး၊ သစ်ပင်ငယ်များ၊ သစ်ပင်မျိုးစုံများကို ထိန်းသိမ်းစောင့်ရှောက်သင့်ပေသည်။

“တက္ကသိုလ်ထဲက အင်းလျားကန်ထဲကိုပဲ (ရေ) စီးမယ်။ အင်းလျားကန် ရေဝေရေလဲဖြစ်နိုင်တာပေါ့” ဟု မြန်မာနိုင်ငံသစ်တောအသင်းမှ အထွေထွေအတွင်းရေးမှူး ဦးတင်အေးက သုံးသပ်သည်။

အင်းလျားကန်ဘေးတွင်တည်ရှိသည့် ရန်ကုန်တက္ကသိုလ်ထဲတွင် သစ်ပင်အုပ်များစွာရှိခြင်းကြောင့် အင်းလျားကန်၏ ရေဝေရေလဲဒေသဖြစ်နိုင်ကြောင်း ဆိုလိုရင်းပင်။ ရေဝေရေလဲဧရိယာဆိုသည်မှာ သစ်ပင်များပေါက်ရာနေရာဖြစ်ပြီး ရေကိုထိန်းသိမ်းထားနိုင်သည့် နေရာဖြစ်သည်။ အဆိုပါရေဝေရေလဲများ ခမ်းခြောက်သွားပါက ယင်းအနီးရှိ ရေကန်များ ခမ်းခြောက်သွားခြင်း၊ မြေဆီလွှာပျက်ဆီး ခြင်းများ ဖြစ်ပေါ်နိုင်သည်။

သစ်ပင်တစ်ပင်ကြီးထွားရန် နှစ်ပေါင်း များစွာကြာလှသည်။ ထို့ကြောင့် သစ်ပင်များကို အလွယ်တကူမခုတ်သင့်ပေ။

မည်သည့်အဆောက်အအုံပင် ဆောက်လုပ်မည့်ဖြစ်စေ ယင်းနေရာရှိ သစ်ပင်များကို အပြောင်မရှင်းသင့်ကြောင်း၊ မဖြစ်မနေခုတ်သင့်သည့်အပင်များကိုသာ ခုတ်ရမည်ဖြစ်ကြောင်း ဦးတင်အေးက ဆိုသည်။

“အကုန်လုံးပေါ့လေ။ သစ်ပင်ခုတ်မယ်ဆိုလို့ရှိရင် ထိန်းချုပ်ထားတဲ့ဌာန ရှိသင့်တယ်။ စည်ပင် (YCDC) မှာ (ခွင့်ပြုချက်) ယူမှာလား၊ သစ်တော (သစ်တောဦးစီးဌာန) မှာ ယူရမှာလား။ ပြီးစလွယ်တော့ ကိုယ့်အိမ်ဝိုင်းထဲက အပင်ပဲဆိုပြီးတော့ မခုတ်သင့်ဘူး” ၎င်းက ဆက်လက်ပြောကြားသည်။

ယာယီရပ်ဆိုင်းခြင်း

ရန်ကုန်တက္ကသိုလ်ရာပြည့်အတွက် အကောင်အထည်ဖော်သည့် သစ်ပင်ခုတ်ကာ လမ်းဖောက်ခြင်းကြောင့် ရန်ကုန်တက္ကသိုလ်ကျောင်းသားသမဂ္ဂက ကျောင်းဝင်းအတွင်း နှစ်ကြိမ်ခန့်ဆန္ဒပြကြသည်။

ယင်းသို့ ဖြစ်ပေါ်နေချိန်တွင် နိုဝင်ဘာလ ၄ရက်နေ့တွင် အဆင့်မြင့်ပညာဦးစီးဌာန၊ ဆရာများသမဂ္ဂကိုယ်စားလှယ်များ၊ ရန်ကုန်တက္ကသိုလ်ကျောင်းသားသမဂ္ဂကိုယ်စားလှယ်များဖြင့် တက္ကသိုလ်ပတ်လမ်း Ring Road အကြောင်းဆွေးနွေး ရာတွင် ယင်းသို့ သဘောတူညီချက် ရရှိသွားသည်။

တက္ကသိုလ်ပတ်လမ်းဖောက်မှုနှင့် မြေယာရှုခင်းပြုပြင်ခြင်းတို့ကို ယာယီရပ်ဆိုင်းထားရန် သဘောတူလိုက်ပြီး အပြန်အလှန်အနေနှင့် ကျောင်းသားဆန္ဒပြမှု ယာယီရပ်ဆိုင်းကြောင်း သဘောတူခဲ့ကြသည်။

အဆိုပါသဘောတူညီချက်တွင်ပါဝင်သည့် ကျောင်းသား၊ ဆရာများနှင့် Stakeholder များဖြင့် အသေးစိတ်ညှိနှိုင်းကာ သဘောတူညီချက်ရပြီးမှ တက္ကသိုလ်ပတ်လမ်း၊ မြေယာရှုခင်းလုပ်ငန်းကို အကောင်အထည်ဖော်ရန်ဆိုသည့်အချက်မှာ ကျောင်းသားများဘက်က တောင်းဆိုထားခြင်းပင်ဖြစ်သည်။

အဆိုပါအဖွဲ့များက သဘောမတူပါက စီမံကိန်းလုံးဝပယ်ဖျက်ရန်၊ လက်ရှိလမ်းဖောက်သည့်လုပ်ငန်းများကြောင့် ပျက်စီးနေမှုများ ပြန်လည်ပြုပြင်ခြင်းတို့လည်း သဘောတူညီချက်တွင် ပါဝင်သည်။

ယင်းအပြင် သစ်တောဦးစီးဌာန၊ ကျောင်းသားနှင့် ဆရာမများ၏ သဘောထားမပါဘဲ ရန်ကုန်တက္ကသိုလ်ရှိ သစ်ပင်များကို မခုတ်ရန်၊ လိုအပ်၍ ခုတ်ယူလိုပါက သစ်တောဦးစီးဌာန၏ လမ်းညွှန်ချက်ဖြင့်သာ လုပ်ဆောင်ရမည်ဖြစ်ကြောင်းသဘော တူညီချက်တွင် ထည့်သွင်းထားသည်။

“အပေါ်ယံရုပ်ပိုင်းဆိုင်ရာ ပြောင်းလဲခြင်းတွေကို ဦးစားမပေးဘဲ Academic ၊ Infrastructure ဖွံဖြိုးရေးဘက်ဂျတ်တောင်းခံရာတွင် ဆရာနဲ့ကျောင်းသားများ၏ လိုအပ်ချက်တွေကို တောင်းခံပြီးတော့ ဆောင်ရွက်သင့်တယ်” ဟု ရန်ကုန်တက္ကသိုလ်ကျောင်းသားများသမဂ္ဂမှ ကျောင်းသားထုအခွင့်အရေးတာဝန်ခံ ကိုလေပြေစိုးမိုးက ပြောဆိုသည်။

ရန်ကုန်တက္ကသိုလ် အဓိပတိလမ်းရှိ ဘေးဝဲ၊ယာဘက်တွင် မြေယာရှုခင်းပြုပြင်ခြင်း (Landscapig) ကျပ် သိန်းတစ်ထောင်ကျော်နှင့် တက္ကသိုလ်ပတ်လမ်းဖော်လုပ်ရန်အတွက် ကျပ် ၁ ဒသမ ၄၂ ဘီလီယံကုန်ကျမည်ဖြစ်ကြောင်း ရန်ကုန် တက္ကသိုလ် ကျောင်းသားများသမဂ္ဂမှ အထွေထွေအတွင်းရေးမှူး ကိုဟေမာန်စိုးညွှန့်က ပြောကြားသည်။

အဆိုပါလုပ်ငန်းများသည် ရန်ကုန်တက္ကသိုလ်ကို အဆင့်မြှင့်တင်ရာတွင် Yangon Revitalization Committee က ရေးဆွဲထားသည့် ရန်ကုန်တက္ကသိုလ် Master Plan 2030 နှစ်အရ ပြုလုပ်ခြင်းဖြစ်ကြောင်း ရန်ကုန်တက္ကသိုလ်မှ သတင်းအချက်များ အရသိရသည်။

ယင်းစီမံကိန်းတွင် ရန်ကုန်တက္ကသိုလ် (ပင်မ) ပြုပြင်မွမ်းမံရေးနှင့် အဆင့်မြှင့်တင်ရေးဆိုင်ရာကိစ္စများ၊ သင်ကြားသင်ယူမှု မြှင့်တင်ရေး၊ သုတေသနလုပ်ငန်းများ ဆောင်ရွက်ရေး (Software) လုပ်ငန်းများပါသည်။ ယင်းအပြင် အခြေခံအဆောက်အဦးများ ပြင်ဆင်မွမ်းမံရေးလုပ်ငန်းများ၊ သင်ထောက်ကူပြုပစ္စည်းများ၊ စာကြည့်တိုက်၊ အိုင်စီတီဆိုင်ရာအခြေခံများ၊ Hardware ဆိုင်ရာလုပ်ငန်းများပါဝင်သည်။

အဆိုပါ Master Plan အရ ၂၀၂၀ ပြည့်နှစ်အတွင်း ပြီးစီးရန်လျာထားသည့်လုပ်ငန်းတွင် တက္ကသိုလ်ပတ်လမ်းဖောက်ခြင်းနှင့် မြေယာရှု့ခင်းပြုပြင်ပြောင်းလဲခြင်းများ ပါဝင်ခြင်းဖြစ်သည်။

ရန်ကုန်တက္ကသိုလ်နှစ်တစ်ရာပြည့် အထိမ်းအမှတ်အဖြစ်လုပ်ရာတွင် လက်တွေ့ကျရန်လိုအပ်ပြီး ထင်သာမြင်သာရလဒ်များ ရရှိရန်လိုအပ်ကြောင်း ရန်ကုန်တက္ကသိုလ်ပါမောက္ခချုပ် ဒေါက်တာဖိုးကောင်းက ဆိုသည်။

လိပ်ခဲတည်းလည်းစီမံကိန်း

လက်ရှိတွင် နှစ်ဘက်အပြန်အလှန် သဘောတူထားသည့် စီမံကိန်းယာယီရပ်ဆိုင်းထားသော်လည်း မည်သို့ ရှေ့မည်ကို စောင့်ကြည့်ရမည်ဖြစ်သည်။

လာမည့် နိုဝင်ဘာလလယ်တွင် ယင်းကိစ္စနှင့်ပတ်သက်ပြီး ဆက်လက်ဆွေးနွေးရန် သက်ဆိုင်သူများကို အစည်းဝေးခေါ်ထားကြောင်း အဆင့်မြင့်ပညာဦးစီးဌာနမှ ညွှန်ကြားရေးမှူးချုပ် ဒေါက်တာသိန်းဝင်းက ပြောကြားသည်။

“ယာယီရပ်ဆိုင်းထားတဲ့အတိုင်းပဲ။ အဲဒီမှာ ကလေးတွေနဲ့သဘောတူပြီးတော့ ယာယီရပ်ဆိုင်းထားတယ်။ အစည်းအဝေးပြန်ခေါ်မယ်။ ညှိနှိုင်းမယ်။ သက်ဆိုင်သူတွေဖိတ်မယ်။ အဲဒီအစည်းဝေးရောက်မှ ဘယ်လိုဆုံးဖြတ်မယ်ဆိုတာ ဆက်လုပ်မယ်” ဟု ၎င်းက ဆိုသည်။

ယင်းကြောင့် လာမည့်ဆွေးနွေးပွဲပြီးမှသာ မည်သို့ခရီးဆက်မည်ကို သိရမည်ဖြစ်ကြောင်း၊ လက်ရှိမြေပြင်တွင် ကျန်ရှိနေသည့်အပင်များနှင့် လမ်းကွေ့ဖောက်လုပ်နိုင်မည့်အကြောင်း ညှိနှိုင်းဆွေးနွေးမည်ဟု ဒေါက်တာ သိန်းဝင်းက ဆက်လက်ပြောကြားသည်။

ယင်းနောက်ပိုင်းမှသာ အဖြေထွက်လာမည်ဖြစ်၍ ဆက်လက်စောင့်ကြည့်ရမည်ဖြစ်သည်။

“တောင်းဆိုချက်ကိုပဲ မရမချင်း ဆက်သွားမယ်။ လက်ရှိမှာ သဘောတူညီချက်က ဘယ်လောက်တာဝန်ခံ၊ တာဝန်ယူအကောင်အထည်ဖော်မလဲဆိုတာ စောင့်ကြည့်မယ်” ဟု ရန်ကုန်တက္ကသိုလ် ကျောင်းသားများသမဂ္ဂ အထွေထွေအတွင်းရေးမှူး ကိုဟေမာန်စိုးညွန့်က ဆိုသည်။

မြန်မာနိုင်ငံတွင် ပြဿနာများကို ကိုင်တွယ်ဖြေရှင်းရာတွင် ခြေထောက်နှင့် မတော်လျှင် ဖနောင့်လှီးသည့် ဖြစ်ရပ်များ၊ မရောင်ရာဆီလူးသည့် ဖြစ်ရပ်များ တွေ့မြင်ရမည်ဖြစ်သည်။ သစ်ပင်ခုတ်သည့်ကိစ္စများတွင် ယင်းသို့ မကြာခဏတွေ့ရ သည်။

ယာဉ်ကြောကျပ်တည်းမှုကဲ့သို့ကို ပြဿနာများကို ဖြေရှင်းရာ၌ သစ်ပင်များကိုခုတ်ကာ လမ်းချဲ့ခြင်း၊ လူသွားပလက်ဖောင်းများ မကျန်အောင် လမ်းချဲ့ခြင်းစသော တစ်ပွဲထိုး ဖြေရှင်းနည်းများကို တွေ့ကြရမည် ဖြစ်သည်။ ထူးခြားသည့် ဥပမာတစ်ခုမှာ ရှမ်းပြည်နယ် အောင်ပန်းမြို့လယ်က သမိုင်းတန်ဖိုးကြီးသည့် ဗိုလ်မှူးကြီး ဗထူးကျောက်တိုင်ကို ဖြိုဖျက်ခဲ့ခြင်းဖြစ်သည်။ ကလော-တောင်ကြီး လေးလမ်းသွား ဖောက်သည့် ယင်းလမ်းကို ကျောက်တိုင်ကို မထိခိုက်ဘဲ မြို့ရှောင်လမ်းဖြင့်သွားလျှင် အဆင်ပြေနိုင်သည်ဟု ထောက်ပြမှုများလည်းရှိခဲ့သည်။

ယခု တက္ကသိုလ်တွင်းက သစ်ပင်ခုတ်မှုမှာလည်း အခြားသောဖြေရှင်းနည်းများကို စဉ်းစားနိုင်သည်ဟု ထောက်ပြကြသူများ ရှိလာသည်။

တက္ကသိုလ်ဝင်းအတွင်း လမ်းဖော်ရန် လမ်းအူကြောင်းရှာဖွေစဉ်ကပင် အဖိုးတန်သည့်အပင်များ လွတ်အောင်ရှာရမည်ဖြစ်ပြီး လမ်းနှင့်မလွတ်ပါက ကွေ့ပတ်ဝိုက်ကာ ရှောင်၍ဖောက်သင့်ကြောင်း မြန်မာနိုင်ငံသစ်တောအသင်းမှ အထွေ ထွေအတွင်းရေးမှူး ဦးတင်အေးကပြောဆိုပြီး အောက်ပါအတိုင်း မှတ်ချက်ပေးသည်။

“ကွေ့ဝိုက်ပြီး မောင်းရတော့ရောဘာဖြစ်လဲ။ ဟိုင်းဝေးကြီးလို နိစ္စဒူဝ အမြန်မောင်းနေမယ့်နေရာလည်း မဟုတ်ဘဲနဲ့” 

 

ဥမ္မာလွင်

 

You may also like...

Leave a Reply

Your email address will not be published. Required fields are marked *