လေဖြတ်နိုင်ခြေ ရှေ့ပြေးနိမိတ်ခြောက်ချက်

လေဖြတ်ခြင်းဟာ ကမ္ဘာပေါ်မှာ လူသေဆုံးမှု အများဆုံးရောဂါတစ်ခု ဖြစ်တယ်။ လေဖြတ်မယ့် ရှေ့ပြေးနိမိတ်တွေသိထားရင် ကြိုတင်ကာကွယ်ခြင်းဖြင့် လေဖြတ်ခြင်းရန်မှ ကင်းဝေးနိုင်မှာပါ။ လေဖြတ်ခြင်းမှာ ပုံစံနှစ်မျိုးရှိတယ်။ ပထမတစ်မျိုးက သွေးကြောထဲ သွေးခဲများစုပိတ်ကာ ဦးနှောက်သို့ သွေးစီးဆင်းမှု နည်းသွားခြင်း သို့မဟုတ် လုံးဝရပ်သွားခြင်းကြောင့် ဦးနှောက်လုပ်ငန်းအချို့ ရပ်ဆိုင်းကာ လေဖြတ်ရတတ်တယ်။ နောက်ပုံစံတစ်မျိုးက ဦးနှောက်သွေးကြောပေါက်ကာ ဦးနှောက်အခြားအစိတ်အပိုင်းများကို သွေးမရောက်တော့ဘဲ ခန္ဓာလုပ်ငန်းတွေ ရပ်ဆိုင်းသွားလို့ ဖြစ်တယ်။ ယင်းနောက်ဆုံးအဆင့်မရောက်မီ ရုတ်တရက်ဖြစ်တတ်တဲ့ ရှေ့ပြေးလက္ခဏာများသိထားရင် လေမဖြတ်အောင် ကာကွယ်နိုင်မှာပဲ ဖြစ်တယ်။

(၁) မြင်ကွင်းနှစ်ထပ်ဖြစ်ခြင်း

မျက်လုံးတစ်ဖက်ကကောင်းပြီး အခြားတစ်ဖက်က မြင်ကွင်းတွေ နှစ်ထပ်ဖြစ်နေ၊ ဝေဝါးနေပြီဆိုရင် လေဖြတ်မယ့် ရှေ့ပြေးနိမိတ်ဆိုတာ သတိပြုသင့်ပါတယ်။ အလုပ်ပင်ပန်းရုံ၊ စာဖတ်ရုံလောက်ရုံနဲ့ မျက်လုံးက မြင်ကွင်းနှစ်ထပ်ဖြစ်တာမျိုး တော်တော်ရှားပါတယ်။ နေရင်းထိုင်ရင်း မြင်ကွင်းနှစ်ထပ်ဖြစ်လာပြီဆိုရင် လေဖြတ်နိုင်ခြေလက္ခဏာပါပဲ။ ဦးနှောက်သွေးကြောထဲမှာ သွေးခဲစုပိတ်ကာ သွေးစီးဆင်းမှုနည်းနေပြီဆိုရင် မျက်လုံးသွေးကြောတွေကို အောက်ဆီဂျင်အရောက်နည်းလို့ အမြင်နှစ်ထပ်ဖြစ်ကာ ဝေဝါးခြင်းပဲ ဖြစ်တယ်။

(၂) ပုံမှန်ထက် ကြာကြာထုံနေခြင်း

အိပ်နေတုန်း ဖိထားမိလို့ လက်တွေ၊ ခြေတွေထုံနေပြီး လှုပ်မရတာမျိုး ထိတွေ့အာရုံမသိတာမျိုး ကြုံရတတ်တယ်။ ခဏနေရင် ပြန်ကောင်းသွားတတ်တယ်။ ပုံမှန် ပြန်မဖြစ်ဘဲ တော်တော်ကြာအောင် ထုံနေပြီဆိုရင် လေဖြတ်မယ့် ရှေ့ပြေး လက္ခဏာပဲဆိုတာ သတိထားသင့်တယ်။ ဦးနှောက်အနောက်ဘက်ခြမ်းကနေ စီးဝင်တဲ့ သွေးကြောတွေထဲမှာ သွေးကြောတွေ စုပိတ်ခြင်းမျိုး၊ သွေးယိုခြင်းမျိုး ဖြစ်ပွားရင် လက်နဲ့ခြေတွေကို ထိန်းချုပ်တဲ့ ဦးနှောက်အပိုင်းတွေကို သွေးအရောက်နည်းကာ ထိတွေ့မှုအာရုံခံနိုင်စွမ်းကျဆင်းကာ လူလည်း ထုံနေတတ်တယ်။

(၃) ပြောမယ့်စကား ပါးစပ်ဖျားရောက်မှ မေ့သွားခြင်း

ပြောမယ့်စကား ပါးစပ်ဖျားရောက်မှ မေ့သွားတာမျိုး မကြာမကြာကြုံရပြီဆိုရင် ဦးနှောက်အတွင်း သွေးအရောက်နည်းနေပြီဆိုတာ သတိပြုသင့်တယ်။ သွေးကြောပိတ်ကာ သွေးစီးဆင်းမှု လျော့နည်းလာခြင်းကြောင့် မှတ်ဉာဏ်ကို အထောက်အကူပေးတဲ့ ဦးနှောက်အပိုင်းများကို သွေးအရောက်နည်းကာ ပြောမယ်ကြံစည်လိုက် မေ့သွားလိုက်ဆိုတာမျိုး ပိုဖြစ်ပွားရပါတယ်။ ယင်းပြဿနာကြုံပြီဆိုရင် ကျွမ်းကျင်ဆရာဝန်နဲ့ ပြသကာ လေမဖြတ်အောင် နေထိုင်မှုပုံစံ ပြုပြင်ရပါမယ်။

(၄) ယိုင်တိယိုင်တိုင် ခဏခဏဖြစ်ခြင်း

လမ်းလျှောက်ရင်း မူးခနဲဆိုသလို ဖြစ်သွားကာ လူက ယိုင်တိယိုင်တိုင်ဖြစ်သွားသလိုမျိုး ကြုံရပြီဆိုရင် လေဖြတ်အန္တရာယ် သတိပြုသင့်ပါတယ်။ ခန္ဓာကိုယ်ဟန်ချက်ကိုထိန်းတဲ့ ဦးနှောက်အပိုင်းများကို သွေးအရောက်နည်းတာကြောင့် ဦးနှောက်အလုပ်လုပ်နိုင်စွမ်းနည်းကာ ယိုင်တိယိုင်တိုင် ဖြစ်လာခြင်းပဲ ဖြစ်တယ်။ သွေးအရောက်နည်းရခြင်းဟာ သွေးကြောတွေမှာ သွေးခဲတွေ စုပိတ်လာခြင်းကြောင့် ဖြစ်နိုင်လို့ နောက်ဆုံးအဆင့်ထိ ပိတ်သွားကာ ဦးနှောက်သွေးရရှိမှု ရပ်သွားတာမျိုးမဖြစ်ခင် ကျွမ်းကျင်ဆရာဝန်နဲ့ ပြသကာ ကုသမှု ခံယူရမယ်။

(၅) ဗလုံးဗထွေး အသံထွက်ခြင်း

အကိုက်အခဲပျောက်ဆေးတွေသောက်ပြီးရင် ဘေးထွက်ဆိုးကျိုးက လျှာလိပ်ပြီး စကားဗလုံးဗထွေး ဖြစ်တတ်တယ်။ ဘာဆေးမှမသောက်ဘဲ ဗလုံးဗထွေးဖြစ်လာပြီဆိုရင် လေဖြတ်မယ့်အန္တရာယ်ရှိပါတယ်။ သွေးကြောပိတ်ခြင်း သို့မဟုတ် သွေးယိုစိမ့်ခြင်းကြောင့် ဦးနှောက်အတွင်း သွေးစီးဆင်းမှုနည်းကာ စကားပြောဆိုမှု ထိန်းချုပ်တဲ့ ဦးနှောက်အပိုင်း စွမ်းရည်ကျလာခြင်း ဖြစ်နိုင်ပါတယ်။

ခန္ဓာကိုယ်မှ အာရုံကြောနာဗ် ၁၂ ချောင်း ထောက်ပံ့ထားရှိပြီး လေဖြတ်ခါနီးမှာ စကားပြောတဲ့ အသံအိုး၊ လျှာ အထုတ်အသွင်း၊ ပါးစပ်အဖွင့်အပိတ် ဖြစ်စေတဲ့ ‘ဗေးဂတ်နာဗ်’ (Vagus Nerve) ထောက်ပံ့မှု ပျက်ယွင်းသွားရင် လျှာလိပ်ပြီး စကားပြောနေရင် ဗလုံးဗထွေးထွက်လာခြင်းပဲ ဖြစ်တယ်။ သတိထားမိရင် လေမဖြတ်အောင် ဆင်ခြင်နိုင်မှာပဲ ဖြစ်တယ်။ မိသားစုဆရာဝန်နဲ့ ပြသသင့်ပါတယ်။ အချို့လေဖြန်းသွားရင် အသံအိုးမှ အသံမထွက်ဘဲ ရှိတတ်တယ်။

(၆) ခေါင်း မကြာမကြာကိုက်ခြင်း

ဦးနှောက်ထဲမှာ မာဂျရင်းတွေများနေရင် ခေါင်းကိုက်တာ ထုံးစံပဲဖြစ်ပါတယ်။ ‘မာဂျရင်း’ မများဘဲ ကိုက်နေပြီဆိုရင်တော့ လေဖြတ်နိုင်ခြင်းကို သတိထားသင့်ပါတယ်။ မာဂျရင်းများလို့ ခေါင်းကိုက်ခြင်းနဲ့ ဦးနှောက်ထဲသွေးမရောက်လို့ ခေါင်းကိုက်လာခြင်းဟာ ပုံစံချင်းဆင်တူတတ်ပါတယ်။ သက်ဆိုင်ရာ ကျွမ်းကျင်ဆရာဝန်နဲ့ ပြသစစ်ဆေးခံမှသာ အဖြေကို တွေ့ရတတ်ပါတယ်။

လေဖြတ်ခြင်းကာကွယ်နိုင်ရန်

ဦးနှောက်သွေးကြောတွေထဲ သွေးခဲများ၊ အနည်အနှစ်များ စုပုံလာခြင်းကြောင့် သွေးကြောပိတ်ကာ ဦးနှောက်ဟာ သွေးလည်ပတ်မှုနှေးသွားခြင်း၊ ယာယီရပ်ဆိုင်းခြင်းမျိုးဖြစ်စဉ်ကို လေဖြတ်ခြင်းလို့ ခေါ်ပါတယ်။ ဦးနှောက်သွေးကြောပေါက်ရင်လည်း ဦးနှောက်ဟာ သွေးမရတော့ဘဲ လေဖြတ်နိုင်ပါတယ်။ အဓိက သွေးကြောကိုပိတ်ဆို့နေတဲ့ သွေးခဲနဲ့ အနည်အနှစ်တွေ သွေးထဲနည်းနိုင်သမျှနည်းအောင် နေထိုင်ဖို့ ဖြစ်တယ်။ ကိုလက်စထရောများစေတဲ့ အစားအစာများ ဥပမာ – အသင့်အမြန်စားအစားအစာ (Snack) များဖြစ်တဲ့ ဟမ်ဘာဂါ၊ ဆင်းဒဝစ်၊ ပီဇာ၊ အာလူးချောင်းကြော်တို့ဟာ ဝက်ဆီ၊ ဆီအုန်း၊ နှစ်ခါပြန်ကြော်ဆီတို့နဲ့ စီမံထားရှိလို့ သွေးအတွင်း ကိုလက်စထရောများစေတယ်။ ဒါကြောင့် ရှောင်ရှားသင့်တယ်။

အိုင်တီ (IT – Information Technology) ခေတ်မှာ ‘အထိုင်’ အလုပ်များလာတာနဲ့အမျှ လူတွေ ကာယအားကစား နည်းပါးလာတယ်။ လူတိုင်း နေ့စဉ် နာရီဝက်မှ တစ်နာရီ အပြေး၊ လမ်းလျှောက်၊ စက်ဘီး၊ ရေကူး တစ်ခုခု လုပ်ပေးသင့်တယ်။ ပိုလျှံနေတဲ့ ကယ်လိုရီတွေ ချွေးအဖြစ်ထွက်သွားလို့ အဆီအဖြစ် မစုဆောင်းနိုင်တော့လို့ အဝလွန်ခြင်း၊ ဆီးချို၊ နှလုံး၊ သွေးတိုးနဲ့ လေဖြတ်ခြင်းတို့ မှ ကင်းဝေးစေလို့ လူတိုင်း နေ့စဉ် တစ်နာရီလောက် အားကစားလုပ်ပေးသင့်ပါတယ်။

ခန္ဓာကိုယ်တွင်း သွေးလှည့်ပတ်မှုကောင်းအောင် တက်ကြွလှုပ်ရှားစွာ နေထိုင်ခြင်း၊ နေ့စဉ်အားကစားလုပ်ပေးခြင်းကနေ သွေးအတွင်းမှ အမှိုက်ကင်းကာ သွေးအားကောင်းပြီး လေဖြတ်ခြင်းမှ ကင်းဝေးနိုင်မှာဖြစ်တယ်။ ဆေးလိပ်၊ အရက်၊ ကွမ်းဖြတ်ရမယ်။ သွေးတိုးမျိုးရိုးရှိသူတွေ မိသားစုဆရာဝန်နဲ့ပြသပြီး အမြဲစွဲသောက်သင့်တဲ့ သွေးထိန်းဆေး စသည်ဖြင့် သောက်သင့်ပါတယ်။ 

ဒေါက်တာလွင်သန့်

You may also like...

Leave a Reply

Your email address will not be published. Required fields are marked *