ပြည်ထောင်စုမြန်မာနိုင်ငံနှင့် နိုင်ငံတကာတရားရုံး

ဗြိတိသျှကိုလိုနီတို့ထံမှ လွပ်လပ်ရေးရရှိပြီးသည့် အချိန်မှစပြီး ယနေ့အထိ ပြည်ထောင်စုမြန်မာနိုင်ငံ၏ မြန်မာနိုင်ငံရေး ကံမကောင်းပါ။ လက်နက်ကိုင်ပဋိပက္ခ၊ နိုင်ငံရေးအယူဝါဒဆိုင်ရာပဋိပက္ခ၊ ပါတီအကွဲအပြဲမှ အမျိုးသားနိုင်ငံရေးပဋိပက္ခ၊ အချုပ်အခြာအာဏာ မည်သူပိုင်ဆိုင်သည်ဆိုသည့် မတူကွဲပြားသောပဋိပက္ခ၊ အသိတရားနှင့် နှလုံးသားဆိုင်ရာ ခံစားချက်မခွဲခြားနိုင်သည့်ပဋိပက္ခများပေါင်းစုံနှင့် လုံးပန်းနေဆဲ ဖြစ်သည်။ အင်ဒီးယားနားတက္ကသိုလ်တွင် ဥပဒေဘာသာရပ်များ သင်ကြားနေစဉ် မိတ်ဆွေ မေဦးမူသရောပြောခဲ့သည့်စကားဖြစ်သည့် ကျိန်စာသင့်နိုင်ငံ ‘Curst Country’ ဆိုသည့်အတိုင်းပင် ယခုအထိ ဖြစ်နေသည်။ နိုင်ငံတကာပြစ်မှုဆိုင်ရာတရားရုံး (International Criminal Court) တွင်လည်း အမှုဖွင့်ခြင်းခံရပြီးဖြစ်သည်။ ယခုတစ်ဖန် နိုင်ငံတကာတရားရုံး (International Court of Justice)  တွင် အမှုဖွင့်ဆိုခြင်းလည်း ခံနေရသည်။ အဘယ်ကြောင့် နိုင်ငံတကာပြစ်မှုဆိုင်ရာတရားရုံးနှင့် နိုင်ငံတကာတရားရုံးတို့တွင် မြန်မာနိုင်ငံသည် ရာဇဝတ်မှုကျူးလွန်သည်ဟု စွပ်စွဲခြင်းခံနေရသည်ကို မြန်မာနိုင်ငံသားဖြစ်သူတိုင်း စဉ်းစားရမည့်အချိန်တန်ပြီဟု ယူဆပါသည်။

နိုင်ငံတကာတရားရုံး (International Court of Justice) တွင် မြန်မာနိုင်ငံအား လူမျိုးတုံးသတ်ဖြတ်မှုအပြင် ၎င်းနှင့်ဆက်နွှယ်သည့် ပြစ်မှုများကျူးလွန်ပါသည်ဟု မြန်မာနိုင်ငံမှ မိုင်ပေါင်း ၇၀၀၀ ခန့် ကွာဝေးသည့် အာဖရိကနိုင်ငံမှ နိုင်ငံငယ်လေးဖြစ်သည့် ကမ်ဘီယာနိုင်ငံက စွပ်စွဲကာ အမှုဖွင့်ထားသည်။ မြန်မာနိုင်ငံရှိ နိုင်ငံသား သန်းပေါင်း ၅၀ ကျော်အနက် လူဦးရေမည်မျှက ကမ်ဘီယာနိုင်ငံကို သိရှိပါသနည်း။ မြန်မာနိုင်ငံ၏ နိုင်ငံသားမည်မျှက ကမ်ဘီယာနိုင်ငံကို ရောက်ဖူးပါသနည်း။ ကမ်ဘီယာနိုင်ငံသား မည်မျှက မြန်မာနိုင်ငံကို အလည်ရောက်ရှိဖူးပါသနည်း။ မြန်မာနိုင်ငံတွင် သံရုံး သို့မဟုတ် ကောင်စစ်ဝန်ရုံးကိုပင် မဖွင့်လှစ်သည့် နိုင်ငံတစ်ခုက မြန်မာနိုင်ငံကို အိုအိုင်စီနိုင်ငံ ၅၀ ကျော် ကိုယ်စား နိုင်ငံတကာတရားရုံးသို့ မြန်မာနိုင်ငံသည် လူမျိုးတုံး သတ်ဖြတ်မှုအပြင် ၎င်းဥပဒေနှင့် ဆက်စပ်သည့် နိုင်ငံတကာဥပဒေများကျူးလွန်သည်ဟု ဦးတိုက်လျှောက်ထားသည်ကို မြန်မာနိုင်ငံသားများ သိရှိပြီးဖြစ်မည်ဟု ယူဆပါသည်။

ကမ်ဘီယာနိုင်ငံသည် လူဦးရေ နှစ်သန်းကျော်၊ အကျယ်ဝန်း စတုရန်းမိုင်ပေါင်း လေးထောင်ကျော်နှင့် ဂျီဒီပီအမေရိကန် ဒေါ်လာ တစ်ဘီလီယံကျော်သာရှိသည့် အနောက်အဖရိကနိုင်ငံ၏ နိုင်ငံလေးပင် ဖြစ်သည်။ ဤမျှသေးငယ်ပြီး ဆင်းရဲနွမ်းပါးသည့် အာဖရိကအနောက်ပိုင်းရှိ ကမ်ဘီယာနိုင်ငံလေးတစ်ခုအနေနှင့် ၎င်းနှင့် ထိတွေ့ဆက်စပ်မှုလုံးဝမရှိသည့် အရှေ့တောင်အာရှတွင် အကြီးဆုံးနိုင်ငံတစ်ခုဖြစ်သည့် မြန်မာနိုင်ငံကို နိုင်ငံတကာတရားရုံးတွင် ရခိုင်ပြည်နယ်၊ ကချင်ပြည်နယ်နှင့် ရှမ်းပြည်နယ်မြောက်ပိုင်းတို့တွင် ဖြစ်ပွားနေသည့် ပြည်တွင်းရေးပဋိပက္ခများအတွက် တရားစွဲရန် ဦးတိုက်လျှောက်ထားရသည်ကို အလေးအနက်စဉ်းစားရန်လိုအပ်သည်ဟု မြန်မာပြည်ဖွားတစ်ဦးအနေနှင့် စဉ်းစားပါသည်။

ကမ်ဘီယာနိုင်ငံက မြန်မာနိုင်ငံကို ရခိုင်ပြည်နယ်၊ ကချင်ပြည်နယ်နှင့် ရှမ်းပြည်မြောက်ပိုင်းတွင် ဖြစ်ပွားနေသည့် ပဋိပက္ခများတွင် မြန်မာနိုင်ငံနှင့် ကမ်ဘီယာနိုင်ငံတို့ သဘောတူလက်မှတ်ရေးထိုးထားသည့် လူမျိုးတုံးသတ်ဖြတ်မှု တားဆီးရေးနိုင်ငံတကာပဋိဉာဉ် အပိုဒ် (၃) ကို ချိုးဖောက်သည်ဟု စွပ်စွဲထားပါသည်။ မြန်မာနိုင်ငံသည် အဆိုပါ နိုင်ငံတကာပဋိဉာဉ်ကို လိုက်နာရန် သဘောတူလက်မှတ်ထိုးထားသကဲ့သို့ ကမ်ဘီယာနိုင်ငံကလည်း သဘောတူလက်မှတ်ထိုးထားပါသည်။ ထို့ကြောင့် ကမ္ဘာ့ကုလသမဂ္ဂအဖွဲ့ဝင်နိုင်ငံများမှ ဖွဲ့စည်းထားသည့် နိုင်ငံတကာတရားရုံးတွင် လူမျိုးတုံးသတ်ဖြတ်မှု တားဆီးရေး နိုင်ငံတကာပဋိဉာဉ်ကို ရခိုင်ပြည်နယ်၊ ကချင်ပြည်နယ်နှင့် ရှမ်းပြည်မြောက်ပိုင်းတို့တွင် ချိုးဖောက်သည်ဟု အိုအိုင်စီနိုင်ငံပေါင်း ၅၇ နိုင်ငံကိုယ်စား တရားစွဲရန် ဦးတိုက်လျှောက်ထားခြင်း ဖြစ်ပါသည်။

နိုင်ငံတကာတရားရုံးအနေနှင့် ကမ်ဘီယာနိုင်ငံ၏ ဦးတိုက်လျှောက်ထားချက်ကို မည်သို့ကိုင်တွယ်မည်၊ ကြားနာမည်၊ စီရင်ချက်ချမည်ဆိုသည့် အပိုင်းများသည် ဥပဒေလောကသားများပင်လျှင် နားလည်ရန် အလွန်ခက်ခဲသည့် ကိစ္စများဖြစ်ပါသည်။ သို့သော် သာမန် မြန်မာနိုင်ငံသားများအနေနှင့် ဥပဒေနှင့် မသက်ဆိုင်သည့် ဖြစ်လာနိုင်ခြေရှိသော သိသင့်သိထိုက်သည့် အချက်များကို တင်ပြလိုပါသည်။

ပထမအနေနှင့် အိုအိုင်စီနိုင်ငံများကိုယ်စား မြန်မာနိုင်ငံကို တရားစွဲရန် နိုင်ငံတကာတရားရုံးသို့ ဦးတိုက်လျှောက်ထားခြင်းမှာ မြန်မာနိုင်ငံသည် ရခိုင်ပြည်နယ်၊ ကချင်ပြည်နယ်နှင့် ရှမ်းပြည်မြောက်ပိုင်းတို့တွင် လူမျိုးတုံးသတ်ဖြတ်မှုတားမြစ်ရေး နိုင်ငံတကာသဘောတူညီချက်ပဋိဉာဉ်ကို ချိုးဖောက်ကြောင်း ရုံးတော်က ကြားနာအသိအမှတ်ပြုရန် ဖြစ်ပါသည်။ အကယ်၍ နိုင်ငံတကာတရားရုံးတော်က ကမ်ဘီယာနိုင်ငံနှင့် မိတ်ဖက်နိုင်ငံများက တင်သွင်းသည့် သက်သေအထောက်အထားများအပေါ် အခြေခံပြီး သဘောတူလက်ခံပါက မြန်မာနိုင်ငံသည် လူမျိုးတုံးသတ်ဖြတ်မှုကို ကျူးလွန်သည့်နိုင်ငံဟု နိုင်ငံတကာဆက်ဆံရေးတွင် နာမည်ဆိုးဖြင့် ကျန်ရစ်ခဲ့မည် ဖြစ်ပါသည်။

ဒုတိယအနေနှင့် ကမ်ဘီယာနိုင်ငံနှင့် မိတ်ဖက်နိုင်ငံများက နိုင်ငံတကာတရားရုံးထံမှ တောင်းဆိုလာမည့်အချက်မှာ မြန်မာနိုင်ငံတွင် လူမျိုးတုံးသတ်ဖြတ်မှုများရှိသည်ကို သက်သေအထောက်အထားများဖြင့်ပြသနိုင်ရန် နိုင်ငံတကာအဖွဲ့အစည်းများကို လွပ်လပ်စွာဝင်ရောက် စုံစမ်းစစ်ဆေးခွင့်ကိုရရှိရန် တောင်းဆိုလာမည် ဖြစ်ပါသည်။

တတိယအနေနှင့် လူမျိုးတုံးသတ်ဖြတ်မှု တားမြစ်ရေး နိုင်ငံတကာပဋိဉာဉ်နှင့်အညီ မြန်မာနိုင်ငံ၏ ပြည်ထောင်စုလွှတ်တော်အနေနှင့် ဖွဲ့စည်းပုံအခြေခံဥပဒေအပါအဝင် တည်ဆဲဥပဒေများကို ပြင်ဆင်ရန် တောင်းဆိုလာမည် ဖြစ်ပါသည်။

စတုတ္တအနေနှင့် လူမျိုးတုံးသတ်ဖြတ်မှု တားမြစ်ရေး နိုင်ငံတကာပဋိဉာဉ်တွင်ပါရှိသည့် သဘောတူညီချက်များကို ချိုးဖောက်သည်ဟု စွပ်စွဲခံရသည့်ပုဂ္ဂိုလ်များကို နိုင်ငံတကာသဘောတူညီချက်နှင့်အညီ ပြင်ဆင်ထားသည့် ဥပဒေများအရ မြန်မာနိုင်ငံတရားရုံးများတွင်လည်းကောင်း၊ နိုင်ငံတကာတရားရုံးများတွင်လည်းကောင်း တရားစီရင်ခြင်း၊ ပြစ်ဒဏ်ချမှတ်ခြင်းများပြုလုပ်ရန်နှင့် သဘောတူညီထားသည့် နိုင်ငံတကာဥပဒေချိုးဖောက်ခြင်းကြောင့် ထိခိုက်နစ်နာသူများကို ထိုက်သင့်သည့် လျော်ကြေးများပေးရန် တောင်းဆိုလာနိုင်ပါသည်။

နောက်ဆုံးအနေနှင့် ဤပဋိပက္ခ၏ အရင်းအမြစ်ဖြစ်သည်ဆိုသည့် ၁၉၈၂ ခုနှစ် မြန်မာနိုင်ငံသားဥပဒေကို နိုင်ငံတကာစံနှုန်းစံထားများနှင့်အညီ ပြင်ဆင်၊ ဖြည့်စွက်၊ အသစ်ရေးဆွဲခြင်း နည်းလမ်းတစ်ခုခုဖြင့် လုပ်ဆောင်ကာ ထိခိုက်နစ်နာသူများကို မြန်မာနိုင်ငံသားဖြစ်ခွင့် သို့မဟုတ် တိုင်းရင်းသားဖြစ်ခွင့်များကို တောင်းဆိုလာနိုင်ပါသည်။

ကမ်ဘီယာနိုင်ငံအနေနှင့် မြန်မာနိုင်ငံကို နိုင်ငံတကာတရားရုံးတွင် တရားစွဲဆိုနိုင်ရန် ပြင်ဆင်မှုများ ကောင်းမွန်စွာပြုလုပ်ထားသည်ကို တွေ့ရှိနိုင်ပါသည်။ ကမ်ဘီယာနိုင်ငံ၏ ရှေ့နေချုပ်နှင့် တရားရေးဝန်ကြီးကို ကမ်ဘီယာနိုင်ငံနှင့် အိုအိုင်စီနိုင်ငံများကိုယ်စား တာဝန်လွှဲအပ်ခဲ့ပြီး ဖြစ်သည်။ ကမ်ဘီယာရှေ့နေချုပ်သည် ၁၉၉၄ ခုနှစ်တွင် ရဝန်ဒါနိုင်ငံ၏ လူမျိုးတုံးသတ်ဖြတ်မှုဆိုင်ရာခုံရုံးတွင် ရှေ့နေအဖြစ် တာဝန်ထမ်းဆောင်ခဲ့ဖူးသူ ဖြစ်ပါသည်။ ၎င်းအပြင် ၂၀၁၈ ခုနှစ်တွင် ဘင်္ဂလားဒေ့ရ်ှနိုင်ငံရှိ ဒုက္ခသည်စခန်းများကိုလည်း အလည်အပတ်ရောက်ရှိခဲ့သူတစ်ဦး ဖြစ်ပါသည်။

ကန်ဘီယာ ရှေ့နေချုပ်ဖြစ်သည့် တန်ဘာဒေါင်း (Tambadau) အား နိုင်ငံတကာဥပဒေဆိုင်ရာ အကြံပေးရန် အမေရိကန်နိုင်ငံ ဝါရှင်တန်မြို့တော် ကေလမ်း (K Street) ရှိ နာမည်ကြီး ဖိုလေးဟောက် (Foley Hoag LLP) ကို ငှားရမ်းထားပါသည်။ ဖိုလေးဟောက် ဥပဒေအကြံပေးအဖွဲ့သည် အမေရိကန်နိုင်ငံနှင့် နီကာရာကွာနိုင်ငံအကြား တရားစွဲဆိုမှုတွင် အမေရိကန်နိုင်ငံကပြစ်မှုကျူးလွန်ကြောင်းကို နိုင်ငံတကာတရားရုံးတွင် အနိုင်ရရှိနိုင်ရန် လုပ်ဆောင်နိုင်ခဲ့သည့် အဖွဲ့ဖြစ်ပါသည်။

နိုင်ငံတကာတရားရုံးတွင် တရားစီရင်ခြင်းသည် နှစ်ပေါင်းများစွာကြာတတ်ပါသည်။ ကမ်ဘီယာနိုင်ငံအနေနှင့် ၎င်းနိုင်ငံ၏ နိုင်ငံတော်ဘတ်ဂျက်မှ ဒေါ်လာသန်းပေါင်းများစွာကုန်ကျခံကာ ဤအမှုကို အစအဆုံးလုပ်ဆောင်နိုင်ရန်မဖြစ်နိုင်ပါ။ ဖိုလေးဟောက် ဥပဒေအကြံပေးအဖွဲ့က အကျိုးဆောင်ခပင်လျှင် ဒေါ်လာသန်းနှင့်ချီပြီး ကုန်ကျနိုင်ပါသည်။ အိုအိုင်စီအဖွဲ့ဝင်များက ငွေကြေးထောက်ပံ့မှုမရှိပါက ကမ်ဘီယာနိုင်ငံအနေနှင့် ငွေးကြေးသန်းပေါင်းများစွာ အကုန်ကျခံပြီး နိုင်ငံတကာတရားရုံးတွင် မြန်မာနိုင်ငံကိုတရားစွဲရန်အကြောင်းမရှိပါ။ အိုအိုင်စီက ငွေးကြေးထောက်ပံ့သည့်တိုင် အချက်အလက်များနှင့် နိုင်ငံရေးအရ ထောက်ပံ့မှုများအတွက် ငွေးကြေးများစွာကို သုံးစွဲရအုံးမည် ဖြစ်ပါသည်။

ဤသို့သော အခြေအနေတွင် ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှုမပြိုကွဲရေးနှင့် အချုပ်အခြာအာဏာတည်မြဲရေးကို မြန်မာနိုင်ငံသားတိုင်း ဦးထိပ်ပန်ကာ ကမ်ဘီယာနှင့် အိုအိုင်စီနိုင်ငံများ၏ နိုင်ငံတကာတရားရုံးတွင် စိန်ခေါ်မှုများကို အတူတကွ လက်တွဲရင်ဆိုင်ရန်မှတစ်ပါး အခြားနည်းလမ်းမရှိဟု ယူဆပါသည်။ အစိုးရ၊ လွှတ်တော်၊ တပ်မတော်၊ နိုင်ငံရေးပါတီများ၊ လူမှုအဖွဲ့အစည်းများ၊ တိုင်းရင်းသားလက်နက်ကိုင်အဖွဲ့အစည်းများနှင့် ကျန်သည့် နိုင်ငံသားများအားလုံး ပူးပေါင်းလက်တွဲကာ ရင်ဆိုင်ဖြေရှင်းရမည့် အချက်ဖြစ်ပါသည်။ ဤအမှုတွင် မြန်မာနိုင်ငံရှုံးခဲ့သော် မြန်မာနိုင်ငံသားအားလုံး ကျဆုံးခြင်းသာ ဖြစ်ပါမည်။ ဤအမှုတွင် မြန်မာနိုင်ငံအနိုင်ရခဲ့သော် မြန်မာနိုင်ငံသားအားလုံး အနိုင်ရရှိခြင်းသာ ဖြစ်ပါသည်။ ထို့ကြောင့် မြန်မာနိုင်ငံသားအားလုံး ပူးပေါင်းရင်ဆိုင်ရမည့် စိန်ခေါ်မှုတစ်ခုဖြစ်သည်ဟု ယူဆပါသည်။

 

ဒေါက်တာ ဆလိုင်း ငွန်ကျုံးလျန်

(ဒေါက်တာ ဆလိုင်းငွန်ကျုံးလျန် (Andrew) သည် အမေရိကန်နိုင်ငံ Indiana University – Maurer School of Law မှ ဥပဒေသိပ္ပံပါရဂူဘွဲ့ Doctor of Juridical Science (SJD) ရရှိထားသည့် ပုဂ္ဂိုလ်ဖြစ်ပါသည်။ ) 

You may also like...

Leave a Reply

Your email address will not be published. Required fields are marked *