ကမ္ဘာကပြောသော မြန်မာ့အကြောင်း

ကိုရီးယား၏ တောင်ပိုင်းမူဝါဒသစ်နှင့် မြန်မာ

အာဆီယံ-တောင်ကိုရီးယားထိပသီး ဆွေးနွေးပွဲကို တက်ရောက်ခဲ့သည့် မြန်မာနိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တောင်ကိုရီးယားသမ္မတ မွန်ဂျေအင်းတို့တောင် ကိုရီးယားနိုင်ငံ ဘူဆန်မြို့တွင် တွေ့ဆုံခဲ့ကြပြီး မြန်မာနှင့် တောင်ကိုရီးယားနှစ်နိုင်ငံ၏ ဆက်ဆံရေးတိုးတက်ဖြစ်ထွန်းမှုကို သိမှတ်နားလည်ပြီး နှစ်နိုင်ငံဆက်ဆံရေး ပိုမိုလေးနက်ခိုင်မာမှုကိုလည်း မျှော်လင့်ကြောင်း နှစ်နိုင်ငံခေါင်းဆောင်များက ပြောကြားသည်။

တောင်ကိုရီးယားနိုင်ငံ ဘူဆန်မြို့တွင် ပြုလုပ်သည့် တောင်ကိုရီးယား- အာဆီယံထိပ်သီးဆွေးနွေးပွဲတွင် မြန်မာနိုင်ငံ၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နှင့် တောင်ကိုရီးယားသမ္မတ မွန်ဂျေအင်းတို့ ထိပ်သီးဆွေးနွေးပွဲပြင်ပတွင် သီးခြားတွေ့ဆုံခဲ့ကြရာတွင် ယင်းကဲ့သို့ ပြောကြားခြင်းဖြစ်ပြီး ခိုင်မာအားကောင်းသော မြန်မာ-တောင်ကိုရီးယားမိတ်ဖက်ဖြစ်မှုကို တောင်ကိုရီးယားသမ္မတမွန်ဂျေအင်းက အလေးပေးပြောကြားခဲ့သည်။

ယခုနှစ် စက်တင်ဘာလက တွေ့ဆုံခဲ့သည့် ထိပ်သီးဆွေးနွေးပွဲတွင် တောင်ကိုရီးယား၏ တောင်ပိုင်းမူဝါဒသစ်နှင့် မြန်မာနိုင်ငံ၏ စဉ်ဆက်မပြတ် စီးပွားရေး ဖွံ့ဖြိုးတိုးတက်မှုအကြား ချိတ်ဆက်ရန် သဘောတူညီခဲ့သည့်ကိစ္စနှင့် ယင်းအချိန်မှစတင်၍ စီးပွားရေးပူးပေါင်းဆောင်ရွက်မှုနှင့် ပတ်သက်၍ တိုးတက်မှုများရှိအောင် ပြုလုပ်နိုင်ခဲ့သည့် ကိစ္စရပ်များကို တောင်ကိုရီးယားသမ္မတ မွန်ဂျေအင်းက အထူးအလေးထား ပြောကြားခဲ့သည်။

တောင်ကိုရီးယား-မြန်မာနှစ်နိုင်ငံ ပူးပေါင်းဆောင်ရွက်မှုကို အလုပ်အကိုင်ရရှိမှု၊ ပညာရေး၊ သဘာဝပတ်ဝန်းကျင်နှင့် ငါးလုပ်ငန်းကဏ္ဍများသို့ ချဲ့ထွင်နိုင်ရန် မျှော်လင့်ကြောင်းလည်း တောင်ကိုရီးယားသမ္မတ မွန်ဂျေအင်းက ဆိုသည်။

ကိုရီးယားစစ်ပွဲကာလအတွင်း မြန်မာနိုင်ငံက တောင်ကိုရီးယားနိုင်ငံအား ဆန်လှူဒါန်းခဲ့သည့်အပေါ် ကျေးဇူးတင်ကြောင်း တောင်ကိုရီးယားသမ္မတမွန်ဂျေအင်းက ပြောကြားရာ မြန်မာနိုင်ငံ၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ‘ဆန်က အဓိကမဟုတ်ဘဲ၊ မြန်မာနိုင်ငံက တောင်ကိုရီးယားနှင့် လက်တွဲရပ်တည်  သွားလိုသည့် ဆန္ဒကသာ အဓိက’ ဖြစ်ကြောင်း ပြောကြားခဲ့သည်။

ထို့ပြင် မြန်မာနိုင်ငံအနေနှင့် ကိုရီးယားကျွန်းဆွယ်ငြိမ်းချမ်းရေးတွင် တတ်နိုင်သမျှ အစွမ်းကုန်ကူညီသွားလိုကြောင်းနှင့် တောင်ကိုရီးယားနှင့် မြန်မာ နှစ်နိုင်ငံပူးပေါင်းဆောင်ရွက်မှုနှင့် သွေးစည်းညီညွတ်မှုကို ပိုမိုတိုးမြှင့်သွားရန် မျှော်လင့်ကြောင်းလည်း မြန်မာနိုင်ငံ၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

တောင်ကိုရီးယားသမ္မတ မွန်ဂျေအင်း၏ တောင်ပိုင်းမူဝါဒသစ်အောက်တွင် အဓိကကျသည့် ဖွံ့ဖြိုးတိုးတက်မှုဧရိယာထဲတွင် ပါဝင်ပြီး အာဆီယံစီးပွားရေးထွန်းသစ်စ နိုင်ငံများထဲတွင် တစ်နိုင်ငံအဖြစ် ပါဝင်သည့် မြန်မာနိုင်ငံတွင် တောင်ကိုရီးယားဘဏ်လုပ်ငန်းရှင်များအနေနှင့် စီးပွားရေးလုပ်ငန်းများ တိုးချဲ့ရန် ကြိုးပမ်းလျက်ရှိသည်။

ကိုရီးယားစက်မှုလုပ်ငန်းဆိုင်ရာဘဏ် (The Industrial Bank of Korea – IBK) က မြန်မာအသေးစားနှင့် အလတ်စားစီးပွားရေးရေးလုပ်ငန်းများ ဖွံ့ဖြိုးတိုးတက်ရေး လုပ်ငန်းကော်မတီနှင့် နိုဝင်ဘာ ၂၅ ရက်နေ့တွင် စီးပွားရေးပူးပေါင်းဆောင်ရွက်မှု အဖွဲ့ဖွဲ့စည်းခဲ့သည်။

ယင်းသဘောတူညီချက်အရ မြန်မာနှင့် တောင်ကိုရီးယားတို့သည် အသေးစားနှင့် အလတ်စားလုပ်ငန်းများကို မြှင့်တင်ရန် ဝန်ထမ်းနှင့် မူဝါဒအပြန်အလှန် ပူးပေါင်းဖလှယ်မှုကို တိုးမြှင့်သွားကြမည်ဖြစ်သည်။

တောင်ကိုရီးယားအစိုးရပိုင်ဘဏ် ဖြစ်သည် IBK ဘဏ်သည် မြန်မာနိုင်ငံတွင် အရည်အသွေးရှိသူများကို  SME ဘဏ္ဍာရေးလုပ်ငန်းနှင့် သက်ဆိုင်သော ကျွမ်းကျင်မှုများဖွံ့ဖြိုးတိုးတက်လာစေရန်နှင့် အခြားသော ဘဏ္ဍာရေးဆိုင်ရာအသိပညာများ တိုးတက်မှုရှိစေရန် အထောက်အကူဖြစ်စေမည့် အတွေ့အကြုံနှင့် အသိပညာများမျှဝေမည်ဖြစ်သည်။

IBK ဘဏ်သည် မြန်မာန်ိုင်ငံသို့ ဝင်ရောက်အလုပ်လုပ်ကိုင်မည့် တောင်ကိုရီးယားအသေးစားနှင့် အလတ်စား လုပ်ငန်းများကို ထောက်ပံ့ကူညီရန် ကိုရီးယားကုန်သွယ်ရေးနှင့် ရင်းနှီးမြှုပ်နှံမှုမြှင့်တင်ရေးအေဂျင်စီ Korea Trade Investment Promotion Agency (KOTRA) နှင့် ကိုရီးယားမြေယာနှင့် အိမ်ရာကော်ပိုရေးရှင်းတို့နှင့် စက်တင်ဘာလက ပူးတွဲစာချုပ်ချုပ်ဆိုခဲ့ပြီးဖြစ်သည်။

မြန်မာနိုင်ငံတွင် စီးပွားရေးလုပ်ငန်းလုပ်ကိုင်ရန် စိတ်ဝင်စားနေကြသည့် နောက်ထပ် တောင်ကိုရီးယားဘဏ်များမှာ  (KDB) နှင့် KB Kookmin Bank တို့ဖြစ်ကြပြီး မြန်မာနိုင်ငံတွင် ဘဏ်လုပ်ငန်း လိုင်စင်ရရှိရန် ကြိုးစားလျက်ရှိသည်။

စီးပွားရေး ထွန်းသစ်စစာရင်းဝင်သော အာဆီယံအဖွဲ့တွင် တောင်ကိုရီးယားဘဏ္ဍာရေးကုမ္ပဏီများ ခြေလှမ်းသွက်လျက်ရှိပြီး ဗီယက်နမ်တွင် တောင်ကိုရီးယားဘဏ္ဍာရေးဆိုင်ရာ ကုမ္ပဏီ ၅၄ ခု၊ အင်ဒိုနီးရှားတွင် ၂၂ ခုနှင့် မြန်မာန်ိုင်ငံတွင် ၂၂ ခုထိ ရှိသည်။

ဤအချက်ကိုကြည့်ပါက အာဆီယံအဖွဲ့ဝင်န်ိုင်ငံများ၌ တောင်ကိုရီးယားဘဏ္ဍာရေးကုမ္ပဏီများ ဝင်ရောက်လုပ်ကိုင်မှုတွင် မြန်မာနိုင်ငံမှာ တတိယအများဆုံးနိုင်ငံ ဖြစ်သည်။

စာညွှန်း။       ။ ၁။ S. Korea – Myanmar Summit Promises Extended Bilateral Ties

                ။ ၂။ Korean banks seeking expansion in Myanmar

ဧကျော်

You may also like...

Leave a Reply

Your email address will not be published. Required fields are marked *