တိုင်းပြုပြည်ပြု ၂၀၂၀

ငါးနှစ်တစ်ကြိမ်ကျင်းပသော အထွေထွေရွေးကောက်ပွဲကျင်းပမည့်နှစ်ဖြစ်သည့်အတွက် ၂၀၂၀ သည် မြန်မာတစ်နိုင်ငံလုံးအတွက် အရေးကြီးသောနှစ်ဖြစ်သည်။

ရွေးကောက်ပွဲသည် ဒီမိုကရေစီနည်းလမ်းဖြစ်သလို နေပျော်သော နိုင်ငံတော်တစ်ရပ် တည်ဆောက်နိုင်ရန် အခွင့်အရေးတစ်ရပ် နိုင်ငံသားတိုင်းလက်ဝယ်ရောက်လာသော ငါးနှစ်တစ်ခါ အချိန်ကာလလည်း ဖြစ်သည်။ ထို့ပြင် ၂၀၂၀ ရွေးကောက်ပွဲသည် ၁၉၆၀ နောက်ပိုင်းတွင် အရပ်သားဒီမိုကရေစီအစိုးရက ကျင်းပမည့် နှစ် ၆၀ အတွင်း ပထမဆုံး အထွေထွေရွေးကောက်ပွဲဖြစ်သည်။

မြန်မာနိင်ငံသူ နိုင်ငံသားများက မည်သို့သောပုဂ္ဂိုလ်များကို မိမိတို့ကိုယ်စား နိုင်ငံစီမံအုပ်ချုပ်ခွင့်ပေးမည်နည်း။

“နိုင်ငံရေးသမားသည် လာမည့်ရွေးကောက်ပွဲကို ကြည့်သည်။ တိုင်းပြုပြည်ပြုပုဂ္ဂိုလ်များသည် လာမည့် နိုင်ငံမျိုးဆက်ကို ကြည့်သည်” ဟူသော စကားရှိသည်။ နိုင်ငံတည်ဆောက်ရန်အတွက်ဆိုလျင် သာမန်နိုင်ငံရေးသမားထက် သာလွန်မြင့်မားသော တိုင်းပြုပြည်ပြုပုဂ္ဂိုလ်များကို ရွေးချယ်ကြရမည်။ မျက်တောင်မွှေးတစ်ဆုံးသာကြည့်သူထက် နိုင်ငံ၏ ရေရှည်အကျိုးကို ကြည့်ရှုဆောင်ရွက်သူကို ရွေးရလိမ့်မည်။

စင်စစ် မြန်မာနိုင်ငံတွင် နိုင်ငံရေးသမားတို့ လွတ်လွတ်လပ်လပ်လှုပ်ရှားခွင့်ရလာသည်မှာ မကြာသေးသဖြင့် နိုင်ငံရေးသမားကိုယ်တိုင်ပင် ရှားပါးနေသေးသော်လည်း ထိုရှားပါးသည့် နိုင်ငံရေးသမားတို့အထဲမှပင် နိုင်ငံ့ရေရှည်အရေး၊ မျိုးဆက်သစ်များအရေးကို အမြင်ကျယ်ကျယ်ဖြင့်ကြည့်သူတို့ ၂၀၂၀ ရွေးကောက်ပွဲတွင် အရွေးခံရရန် အလွန်လိုအပ်နေသည်။

နိုင်ငံရင်ဆိုင်နေရသော နိုင်ငံရေး၊ စီးပွားရေး၊ လူမှုရေး အခြေအနေတို့ကို ပကတိအတိုင်း သိမြင်နားလည်ပြီး ဖြေရှင်းနိုင်သော တိုင်းပြုပြည်ပြုပုဂ္ဂိုလ်များ ၂၀၂၀ ရွေးကောက်ပွဲမှပေါ်ထွက်လာမှသာ မြန်မာနိုင်ငံသည် ခြေလှမ်းကျဲကျဲဖြင့် ခပ်သွက်သွက်လျှောက်နိုင်မည်။

တိုင်းပြုပြည်ပြု ၂၀၂၀ ဖြစ်သည့်အတွက် ပြည်သူတို့ မှန်ကန်စွာ ရွေးချယ်စေလိုသည်။ တိုင်းပြုပြည်ပြုပုဂ္ဂိုလ်များ ဝင်ရောက်ယှဉ်ပြိုင်စေလိုသည်။ 

 

အယ်ဒီတာ
၉ .၁.၂၀၂၀

You may also like...

Leave a Reply

Your email address will not be published. Required fields are marked *