လယ်ယာမြေ လွန်ဆွဲပွဲ

နိုင်ငံတော်မှ စွန့်လွှတ်ထားသည့်မြေပေါ်၌ မမှန်မကန်လုပ်ဆောင်ခြင်းများကြောင့် ဖယ်ရှားခြင်းမပြုနိုင်ဟုဆိုသူက  တောင်သူဦးမောင်ခိုင် ဖြစ်သည်။

မိဘများလက်ထက်မှစ၍ ကတက်ချဉ် စိုက်ကွင်းအတွင်း လုပ်ကိုင်လာခဲ့ပြီး ယင်းကဲ့သို့ ဖယ်ရှားခိုင်းခြင်းအပေါ် သဘောမတူဟုဆိုကာ ထွန်တုံးတိုက်ပွဲများပြုလုပ်နေသည်ဟု ပတ်လည်အင်းကျေးရွာတောင်သူ လယ်သမားသမဂ္ဂ၏ ဥက္ကဋ္ဌလည်းဖြစ်သည့် ဦးမောင်ခိုင်က ပြောသည်။

“သူတို့နဲ့ ပူးလို့ပေါင်းလို့ရတဲ့ ပုဂ္ဂိုလ်တွေကိုကျတော့ ငါးဧကကနေ ဧက ၂၀ အထိ ပေးဖို့ကြိုးစားတယ်။ ကျွန်တော်တို့ ကျတော့ တစ်ဦးကို ငါးဧက တောင်းတာ လုံးမ၀ပေးဘူး။ တောင်သူ ၁၆၂ ဦးကို တရားစွဲဆိုမယ်ဆိုပြီး ဒီဆိုင်းဘုတ်ကြီး ကပ်ထားတယ်”ဟု ၎င်းက ကတက်ချဉ် စိုက်ကွင်းအတွင်း စိုက်ထူထားသည့် သတိပေးဆိုင်းဘုတ်များကို ပြသရင်းပြောကြားသည်။

မန္တလေးတိုင်း စဥ့်ကူးမြို့နယ် ကတက်ချဉ်စိုက်ကွင်း ဝန်းကျင်ရှိ ကျေးရွာအချို့မှ တောင်သူအချို့သည် ၎င်းတို့ပိုင်မြေများကို ရောင်းချ၍ စိုက်ကွင်းအတွင်း အုပ်စုဖွဲ့နေထိုင်လုပ်ကိုင်မှုများရှိသည်ဟု တိုင်းဒေသကြီးအစိုးရအဖွဲ့က ဆိုသည်။

ထို့ကြောင့် ပြည်ထောင်စုအစိုးရမှ ပြန်လည်စွန့်လွှတ်ထားသည့် စိုက်ကွင်းကို မူလတောင်သူများထံ ပေးအပ်ရာ၌ အခက်အခဲများရှိနေသည်ဟု တိုင်းဒေသကြီးစိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနဝန်ကြီး ဒေါက်တာစိုးသန်းက ပြောသည်။

“ပြဿနာက ကျူးကျော်က လက်မခံဘူးဖြစ်နေတာ။ ကျန်တဲ့သူက လက်ခံတယ်”ဟု ၎င်းက ဆိုသည်။

ထို့ကြောင့် ယင်းပြဿနာကို ဖြေရှင်းနိုင်ရန်အတွက် ကျူးကျော်များကို ဖယ်ရှားရန် သတိပေးစာ (နို့တစ်စာ) ကို ၂၀၁၉ ခုနှစ်အတွင်းက ယင်းကျူးကျော်တောင်သူများထံပေးပို့ခဲ့ပြီး စိုက်ကွင်းအတွင်း၌လည်း သတိပေးဆိုင်းဘုတ်များ စိုက်ထူခဲ့သည်။

ယင်းသို့ ဖယ်ရှားရန် သတိပေးရာ၌ အချို့ကို ဇန်နဝါရီလအတွင်း၊ အချို့ကို မတ်လအတွင်းနောက်ဆုံးထား၍ ထွက်ခွာရန်သတိပေးထားခြင်း ဖြစ်သည်။

အစိုးရသစ်လက်ထက် မန္တလေးတိုင်းသည် မြေယာအရေးကိစ္စကို အဓိက ဖြေရှင်းရလိမ့်မည်ဟု ဝန်ကြီးက ၂၀၁၇ ခုနှစ်အတွင်း ပြောဆိုခဲ့ဖူးပြီး အစိုးရ သက်တမ်းလေးနှစ်ဝန်းကျင်အထိ ပြည်ထောင်စုအစိုးရက ပြန်လည်စွန့်လွှတ် မြေပေါင်းဧက နှစ်သောင်းကျော်ရှိခဲ့ရာ ယင်းအနက် ဧကတစ်သောင်းခွဲ (လေးပုံ သုံးပုံ) မှာ ပြီးပြတ်ခဲ့ပြီဟု ဝန်ကြီးဌာနမှတ်တမ်းများအရ သိရသည်။

ကျန်ရှိနေသည့် ဧကငါးထောင်ခန့်အနက် ၄၅၅၀ ဧက (စိုက်ကွင်းအမှတ်ပေါင်း ၁၁ ခုရှိ) ကျယ်ဝန်းသည့် စဥ့်ကူးမြို့နယ်ရှိ ကတက်ချဉ်စိုက်ကွင်းမှာ အဓိကကျန်နေသည်။

ယင်းစိုက်ကွင်းသည် တိုင်းဒေသကြီး သိမ်းဆည်းမြေပြန်လည် စိစစ်ရေးကော်မတီ၏ တောင်းဆိုမှုကြောင့် ပြည်ထောင်စုအစိုးရက ပြန်လည်စွန့်လွှတ်ပေးထားသည်မှာ ၂ နှစ်ခန့်ရှိပြီဖြစ်သော်လည်း ပြန်လည်ခွဲဝေရာ၌ အခက်အခဲများရှိနေ၍ ကြန့်ကြာနေသည်ဟု ဝန်ကြီးက ရှင်းပြသည်။

ကတက်ချဉ်ကွင်းသည် ယခင်က တောကြီးမျက်မည်းနေရာဖြစ်ပြီး ၁၉၆၇ ခုနှစ်တွင် အကျဉ်းကျသူများ၏ လုပ်အားဖြင့် ခုတ်ထွင်ရှင်းလင်းကာ စိုက်ကွင်းအဖြစ် လုပ်ကိုင်ခဲ့သည့် နေရာဖြစ်သည်။

အကျဉ်းကျအင်အားဖြင့် မလုံလောက်သည့် အတွက် တစ်ဧကလျှင် ငွေတစ်ဆယ်ကျပ် နေ့စားခပေးကာ ခုတ်ထွင်ရှင်းလင်းခဲ့ရပြီး အချို့က နေရပ်မပြန်တော့ဘဲ ယင်းစိုက်ကွင်းအနီးတွင်ပင် အခြေချနေထိုင်ခဲ့ကြသည်။

ကတက်ချဉ်စိုက်ကွင်းတွင် ဦးပိုင်ပေါက် မြေအချို့လည်းရှိပြီး တပ်မတော်  အစိုးရလက်ထက်က ထိုစိုက်ကွင်းကို စိုက်ပျိုးမွေးမြူရေးဝန်ကြီးဌာနပိုင်အဖြစ် သိမ်းဆည်းခဲ့ရာ ကိုယ်တိုင် မလုပ်ကိုင်ဘဲ သီးစားချထားခဲ့သည်။ ထိုမှတစ်ဆင့် မြန်မာ့စီးပွားရေးဦးပိုင်လီမိတက် –  MEC (ဦးပိုင်) သို့ ထပ်ဆင့်ငှားလိုက်ပြီး ဦးပိုင်ကလည်း သီးစားချထားခဲ့သည်။

ယင်းအပြင် ကျူးကျော်နေထိုင်ကာ လုပ်ကိုင်သူများလည်းရှိနေသောကြောင့် မူလတောင်သူ၊ သီးစား (ဝန်ကြီးဌာန)၊ သီးစား (ဦးပိုင်)၊ ကျူးကျော်စသည်ဖြင့် စိုက်ကွင်းအတွင်း လယ်ယာမြေလုပ်ကိုင်သူ လေးမျိုးအထိရှိနေသဖြင့် ပြန်လည်ခွဲဝေပေးရန် အခက်အခဲရှိရခြင်းဖြစ်ကြောင်း ဝန်ကြီးဒေါက်တာစိုးသန်းက ပြောဆိုသည်။

အစိုးရအနေဖြင့် လယ်ယာမြေများကို ပြန်လည်ခွဲဝေပေးနိုင်ရန်အတွက် မူလသိမ်းဆည်းခံတောင်သူ၊ ဝန်ကြီးဌာနမှ သီးစားချပေးသည့် တောင်သူ၊ MEC မှ သီးစားချပေးသည့် တောင်သူနှင့် ကျူးကျော်စသည်ဖြင့် ခွဲခြား၍ စာရင်းများကောက်ခံလျက်ရှိနေသည်ဟု ၎င်းက ဆိုသည်။

“အစိုးရပိုင်မြေကို ကျူးကျော်ထားတယ်ဆိုပြီးတော့ သူတို့ကိုလည်း ပစ်မထားပါဘူး။ မြေနှစ်ဧက ပေးမယ်။ ၆၀ ပတ်လည်မြေတစ်ကွက်ပေးမယ်။ နေဖို့ မြေ၊ လုပ်စားဖို့ မြေ ပေးမယ်”ဟု ဝန်ကြီးက ပြောသည်။

သို့သော် ယင်းသို့ ခွဲဝေမှုကို မူလတောင်သူနှင့် သီးစားများက လက်ခံသော်လည်း ကျူးကျော်များက လက်မခံဟု ၎င်းက ထပ်လောင်းပြောဆိုသည်။

မြေယာပြဿနာကို ဖြေရှင်းရာတွင် ထင်သလောက် မလွယ်ကူပေ။ ယနေ့ ပြန်လည်စွန့်လွှတ်သည့် မြေယာအများစုသည် တပ်မတော်အစိုးရလက်ထက်က သိမ်းဆည်းခဲ့ခြင်းဖြစ်ပြီး ယင်းသို့ သိမ်းဆည်းခဲ့စဉ်က မည်သူပိုင်သည့် မြေဟု သတ်မှတ်သိမ်းဆည်းခဲ့ခြင်း မဟုတ်သည့်အတွက် ပြန်လည်စွန့်လွှတ်ချိန်တွင် မည်သူ၏ မြေ ဟူ၍ သတ်သတ်မှတ်မှတ် မပေးနိုင်တော့ကြောင်း ယင်း မြေယာပြဿနာများကို ဖြေရှင်းပေးနေရသည့် မန္တလေးတိုင်းဒေသကြီးလွှတ်တော်ကိုယ်စားလှယ်အချို့က ဆိုကြသည်။

ကတက်ချဉ်စိုက်ကွင်းကို ပြန်လည်စွန့်လွှတ်ပြီးနောက်ပိုင်းတွင် မြို့နယ်လယ်ပြန်စစ်အဖွဲ့က လေးကြိမ်အထိ ခေါ်ယူဆွေးနွေးမှုများရှိခဲ့ပြီး မိမိတို့ တောင်သူဘက်မှ အသက် ၇၀ နှင့် ၈၀ ဝန်းကျင်အရွယ်ရှိသူများ ဖြေဆိုမှုများ မခိုင်လုံဟု ငြင်းဆိုမှုများရှိသည်ဟု ဒေသခံတောင်သူ ဦးမင်းမင်းဇော်က ပြောသည်။

“ကိုယ့်မြေပေါ် ကိုယ်လုပ်စားတာကိုတောင်မှ တစ်လပိုင်းမှာ ဖယ်ထုတ်ဖို့အတွက် နို့တစ်စာတွေ ထုတ်တယ်။ မူလ တောင်သူတွေကို နို့တစ်စာထုတ်ပြီးတော့ ဖယ်ရှားဖို့ စီစဉ်တာ”ဟု ၎င်းက ဆိုသည်။

မြေပြန်လည်စွန့်လွှတ်ပေးရာ၌ ၂၅ ဧကလုပ်ကိုင်ခဲ့သည့် သီးစားသမားကို ဧက ၂၀ ပေးမည်ဟုသိရပြီး မိမိတို့ မူလတောင်သူများမှာ တစ်ဦးလျှင် နှစ်ဧကနှုန်းသာပေးမည်ဟုသိရကြောင်း၊ ယူလျှင် ယူ၊ မယူလျှင် တရားစွဲမည်ဟု ပြောဆိုမှုများလည်းရှိခဲ့ကြောင်း ဦးမင်းမင်းဇော်က ထပ်လောင်းပြောဆိုသည်။

လယ်ယာမြေပြန်လည်ခွဲဝေပေးရာ၌ သီးစားလုပ်ကိုင်လာသူ၏ နှစ်ကာလကိုလည်း တွက်ချက်၍ ခွဲဝေပေးရမှုများရှိသည်ဟု ဝန်ကြီးဒေါက်တာစိုးသန်းက ဆိုသည်။

ကတက်ချဉ်စိုက်ကွင်းတွင် ၁၂ နှစ်အထက် လုပ်ကိုင်လာခဲ့သူများလည်း ရှိနေပြီး ၎င်းတို့ကို ငါးဧက၊ ၁၂ နှစ်အောက်လုပ်ကိုင်ခဲ့သူများကို သုံးဧက၊ ကျူးကျော်များကိုမူ နှစ်ဧကစသည်ဖြင့် ခွဲဝေထားကြောင်း ၎င်းက ရှင်းပြသည်။

စိုက်ကွင်းအတွင်းရှိ တောင်သူ ၁၆၂ ဦးသည် မူလသိမ်းဆည်းခံရစဉ်က ဧကမည်မျှဖြစ်စေကာမူ ယခုပြန်လည်စွန့်လွှတ်ချိန်တွင် အညီအမျှခွဲဝေယူကြရန် သဘောတူညီထားသည်ဟု တောင်သူ ဦးမောင်ခိုင်က ပြောသည်။

သို့သော် သီးစားများ၊ ကျူးကျော်များအတွက်ပါ ခွဲဝေပေးရမည်ဆိုလျှင် တောင်သူတစ်ဦး နှစ်ဧကခန့်သာရရှိတော့မည်ဖြစ်သည့်အတွက် လက်ရှိ မြေပေါ်မှ ဖယ်ရှားမပေးနိုင်ဟု ၎င်းက ယတိပြတ်ပြောဆိုသည်။

အစိုးရအဖွဲ့အနေနှင့်မူ လက်ရှိ လုပ်ကိုင်နေသူများသည် မူလတောင်သူများဟု မသတ်မှတ်ပေ။ မူလတောင်သူများဟု ပြောဆိုနေကြသည့်အပေါ် ဟုတ် မဟုတ် မှတ်ပုံတင်ဖြင့် စစ်ဆေးကြည့်လျှင် အဖြေမှန်ပေါ်နိုင်မည်ဟု ဒေါက်တာစိုးသန်းကဆိုသည်။

မန္တလေးတိုင်း မြစ်သားမြို့နယ်အတွင်း တပ်မတော်က ပြန်လည်စွန့်လွှတ် ထားသည့် မြေတစ်ခုတွင် မူလဦးပိုင်ပေါက် တောင်သူနှင့် ကျူးကျော်တောင်သူတို့ရှိပြီး ဥပဒေအရ မူလဦးပိုင်ပေါက် တောင်သူကိုသာ ပေးအပ်ရန်ဖြစ်သော်လည်း နှစ်ဖက်စလုံးကို ခေါ်ယူညှိနှိုင်းပေးခဲ့သည်။

ပြန်လည်စွန့်လွှတ်သည့် မြေ၏ ၂၀ ရာခိုင်နှုန်းကို ကျူးကျော်များအား ပေးအပ်ရန် မူလတောင်သူများကလည်း သဘောတူညီခဲ့သော်လည်း ကျူးကျော်များက လက်မခံသဖြင့် အခက်အခဲဖြစ်ပေါ်ခဲ့ရသည်ဟု တိုင်းဒေသကြီးအစိုးရအဖွဲ့ထံမှ သိရသည်။

ယခု ကတက်ချဉ်စိုက်ကွင်းသည်လည်း ထိုသဘောအတိုင်းပင် ဖြစ်နေသည်ဟု ဝန်ကြီးဒေါက်တာစိုးသန်းက ပြောသည်။

“သူတို့ကပဲ ပြန်ပြီး ထွန်တုံးတိုက်ပွဲတိုက်မယ် လုပ်နေတယ်။ လုပ်ပါ။ လက်မခံတော့ ဒီဧက ၄၅၀၀ ကျော်ပြန်ပေးဖို့က ဒီ တိုင်းပဲထားရတော့မှာလား။ မဟုတ်ဘူးလေ။ တကယ် ရသင့်တဲ့ သူတွေ ရဖို့လိုတယ်”ဟု ဝန်ကြီးက ဆိုသည်။

အစိုးရအနေဖြင့် သက်တမ်းမကုန်မီ ပြန်လည်စွန့်လွှတ်မြေများကို အပြီးပြတ်ပေးအပ်လိုသည့် ဆန္ဒရှိနေသည်။ ထို့ကြောင့် ကျန်ရှိနေသည့် ကတက်ချဉ်စိုက်ကွင်းအတွင်းမှ ကျူးကျော်များသည် အစိုးရ၏ ခွဲဝေပေးမှုကို လက်မခံလျှင် ဥပဒေအရ ဖယ်ရှားရမည်ဖြစ်ပြီး ရသင့်ရထိုက်သည်ကို ပေးရမည်ဟု ဝန်ကြီး ဒေါက်တာစိုးသန်းက ပြောသည်။

“အခုစီမံချက်လုပ်ထားပြီးပြီ။ သူတို့ကိုလည်း နို့တစ်ပို့ထားပြီးပြီ။ ထွန်တုံးတိုက်ပွဲ လုပ်မယ်။ မဖယ်ဘူးဆိုရင် တရား ဥပဒေလမ်းကြောင်းကပဲ သွားမယ်။ ဖယ်ရှားမယ်”ဟု ဝန်ကြီးကသတိပေးစကား ဆိုလေသည်။

မြတ်(ကလေး)

You may also like...

Leave a Reply

Your email address will not be published. Required fields are marked *