မူဝါဒကောင်းများကို စောင့်မျှော်နေသော မြန်မာ့ဓာတ်ငွေ့သိုက်အသစ်များ

မြန်မာအစိုးရသည် ကမ်းလွန်ရေနံ လုပ်ငန်းလုပ်ကွက် ၁၅ ခု၊ ကုန်တွင်းပိုင်း ရေနံလုပ်ငန်းလုပ်ကွက် ၁၈ ခု အပါအဝင် အဓိကကျသော သဘာဝဓာတ်ငွေ့ ရှာဖွေရေးလုပ်ကွက်များအတွက် တင်ဒါအသစ်ကို ထုတ်ပြန်ကြေညာသွားဖွယ်ရှိသည်။ ယင်းကြေညာချက်မှာ ထုံထိုင်းလေးလံလျက်သော်လည်း အကျိုးဖြစ်ထွန်းမည့် အလားအလာကောင်းများရှိသော ရေနံနှင့် သဘာဝဓာတ်ငွေ့လုပ်ငန်းအတွက် အလွန်အမင်းလိုအပ်နေသည့် ငွေကြေးအရင်းနှီး စီးဝင်လာစေရန် ကြိုးပမ်းချက်လည်းဖြစ်သည်။

ပြီးခဲသည့် လက MPRL E&P မြန်မာကုမ္ပဏီ၊ ပြင်သစ် Total ကုမ္ပဏီနှင့် ဩစတြေးလျ Woodside Energy  ကုမ္ပဏီတို့ ရေနံနှင့် သဘာဝဓာတ်ငွေ့ရှာဖွေရေးသဘောတူညီချက်ကို လက်မှတ်ရေးထိုးခဲ့ခြင်းမှာ မြန်မာ့ရေနံနှင့်သဘာဝဓာတ်ငွေ့လုပ်ငန်းအတွက် ကြီးမားသည့် တွန်းအားတစ်ရပ် ဖြစ်စေခဲ့သော်လည်း ရင်းနှီးမြှုပ်နှံသူများမှာ အစိုးရ၏ မူဝါဒပိုင်းဆိုင်ရာအပေါ် သတိထား၍ စောင့်ကြည့်နေဆဲပင်ဖြစ်သည်။

ရေနံလုပ်ကွက် အမှတ် ၆ ဧရာဝတီဒေသ ပူးတွဲသဘောတူညီချက်တွင် ပြင်သစ် Total ကုမ္ပဏီက ၄၀ ရာခိုင်နှုန်း၊ ဩစတြေးလျ Woodside Energy ကုမ္ပဏီက ၄၀ ရာခိုင်နှုန်းနှင့် မြန်မာ MPRL E&P  ကုမ္ပဏီက ၂၀ ရာခိုင်နှုန်းပိုင်ဆိုင်ပြီး မြန်မာနိုင်ငံ၏ ပထမဆုံးရေနက်ပိုင်းသဘာဝဓာတ်ငွေ့ပရောဂျက် ဖြစ်လာတော့မည် ဖြစ်သည်။ ထို့ပြင် ဒေါ်အောင်ဆန်းစုကြည်၏ လေးနှစ်တာအုပ်ချုပ်မှုသက်တမ်းကာလအတွင်း ပထမဆုံး စတင်အကောင်အထည်ဖော်မည့် လုပ်ငန်းလည်း ဖြစ်သည်။

၎င်း ဓာတ်ငွေ့တွင်း၌ သဘာဝဓာတ်ငွေ့ပမာဏ နှစ်ထရီလီယံကုဗပေမှ သုံးထရီလီယံကုဗပေအထိရှိကြောင်း ခန့်မှန်းတွက်ချက်ထားပြီး တစ်ရက်လျှင် သဘာဝဓာတ်ငွေ့ကုဗပေသန်း ၄၀၀ ထိ ထုတ်ယူနိုင်ရန်မျှော်မှန်းထားသည်။ ယင်း ပမာဏမှာ လက်ရှိ မြန်မာနိုင်ငံတွင် နေ့စဉ်ထွက်ရှိနေသော သဘာဝဓာတ်ငွေ့ပမာဏ စုစုပေါင်း၏ ငါးပုံတစ်ပုံကျော် ရှိသည်။

အဆိုပါတွင်းမှ သဘာဝဓာတ်ငွေ့များကို စတင်ထုတ်လုပ်နိုင်ရန်မှာမူ ၂၀၂၄ ခုနှစ်မတိုင်မီအထိ ဖြစ်နိုင်ဖွယ်မရှိသော်လည်း (အချို့သောကျွမ်းကျင်သူများကမူ ၂၀၂၄ ခုနှစ် အချိန်ကာလသတ်မှတ်ချက် သည်ပင်လျှင် အကောင်းမြင်ရာကျသည်ဟု ယူဆကြသည်) အဆိုပါပရောဂျက်မှာ မြန်မာနိုင်ငံ၏ အမျိုးသားစွမ်းအင် ထောက်ပံ့နိုင်စွမ်းကို မြှင့်တင်ပေးနိုင်မည်ဖြစ်သည်။ ထို့ပြင် ကမ္ဘာပေါ်တွင် အခွန်အခရရှိမှု အနည်းဆုံးတစ်နိုင်ငံတွင် ပါဝင်သည့် မြန်မာနိုင်ငံအတွက် လိုအပ်နေသည့် အစိုးရဝင်ငွေကို ထောက်ပံ့ပေးနိုင်မည် ဖြစ်သည်။

အဆိုပါ သဘာဝဓာတ်ငွေ့ပရောဂျက်တွင် ပါဝင်ကြသည့် ကုမ္ပဏီသုံးခုမှာ အပြီးသတ်ရင်းနှီးမြှုပ်နှံမှု အစီအစဉ်နှင့် ရင်းနှီးမြှုပ်နှံမည့် ငွေပမာဏကို သဘောတူညီမှု မရရှိသေးသော်လည်း ယင်းပရောဂျက်မှ သဘာဝဓာတ်ငွေ့များကို ၂၀၂၃ ခုနှစ် မတိုင်မီ စီးပွားဖြစ် ထုတ်ယူရောင်းချသွားမည်ဟု မြန်မာအစိုးရလျှပ်စစ်နှင့် စွမ်းအင်ဆိုင်ရာဝန်ကြီး ဦးဝင်းခိုင်က ပြောကြားထားသည်။

သို့သော် ပြည်တွင်းစွမ်းအင် ထုတ်လုပ်မှုအတွက် သဘာဝဓာတ်ငွေ့မည်မျှသုံးစွဲမည်၊ ပြည်ပသို့ မည်မျှတင်ပို့ရောင်းချသွားမည်ဆိုသည်ကိုမူ ဆွေးနွေးနေကြဆဲဖြစ်သည်။ ရေနံနှင့် သဘာဝ ဓာတ်ငွေ့လုပ်ငန်းကို နောက်ကွယ်မှ အမှန်တကယ့်ကြီးကြပ်နေသည့် အဖွဲ့အစည်း ဖြစ်သော မြန်မာ့ရေနံနှင့် သဘာဝဓာတ်ငွေ့လုပ်ငန်း (MOGE) မှ အငြိမ်းစားနှင့် လက်ရှိတာဝန်ထမ်းဆောင်ဆဲ အရာရှိ အချို့ကမူ ယင်းလုပ်ကွက်မှ ရရှိသော သဘာဝဓာတ်ငွေ့များကို လျှပ်စစ်ဓာတ်အား ထုတ်လုပ်ရေးစက်ရုံအတွက် အဓိကသုံးစွဲသွားမည်ဟု ပြည်တွင်းမီဒီယာများကို ပြောကြားခဲ့သည်။ အချို့သော မီဒီယာများတွင် ရေးသားထားသည့် ပြည်တွင်းသုံးစွဲမှုအတွက် သဘာဝဓာတ်ငွေ့ ၂၅ ရာခိုင်နှုန်းကို ထားရှိမည်ဆိုသည့် ကိစ္စကို မေးမြန်းရာတွင် ယင်းကဲ့သို့သော သဘောတူညီမှုမျိုး မရှိကြောင်း MPRL မြန်မာကုမ္ပဏီ၏ သတင်းရင်းမြစ်တစ်ခုက ပြောကြားသည်။

ကမ်းလွန်သဘာဝဓာတ်ငွေ့ရောင်းချမှုမှရရှိသော ငွေပမာဏမှာ မြန်မာ အစိုးရအတွက် အရေးအကြီးဆုံးသော ဝင်ငွေအရင်းအမြစ်လည်း ဖြစ်သည်။ အထူးသဖြင့် အိမ်နီးချင်းတရုတ်နှင့် ထိုင်းနိုင်ငံများတို့သို့ သဘာဝဓာတ်ငွေ့တင်ပို့ရောင်းချမှုမှ ရခြင်း ဖြစ်သည်။ ၂၀၁၇ – ၂၀၁၈ ခုနှစ် သဘာဝဓာတ်ငွေ့ရောင်းချမှုမှ ရရှိသော ဝင်ငွေမှာ အမေရိကန်ဒေါ်လာ ၃ ဒသမ ၁ ဘီလီယံရှိပြီး မြန်မာနိုင်ငံ၏ စုစုပေါင်းပို့ကုန်မှ ရရှိသည့် ဝင်ငွေ၏ ထက်ဝက်ခန့်ရှိသည်။

မြန်မာနိုင်ငံ၌ စွမ်းအင်လုပ်ငန်းဆိုင်ရာ ရင်းနှီးမြှုပ်နှံမှုအပါအဝင် သဘာဝ သယံဇာတထုတ်လုပ်ရေးလုပ်ငန်းများမှာ လူမျိုးစုတိုင်းရင်းသားပဋိပက္ခများနှင့် သမိုင်းကြောင်းအရ ဆက်နွှယ်လျက်ရှိသည်။ လူနည်းစုတိုင်းရင်းသားများမှာ ၎င်းတို့ဒေသတွင် ရှိသော သယံဇာတများမှ ရရှိသည့် အကျိုးကျေးဇူးများကို ပိုမိုရရှိရန်နှင့် ပိုမိုထိန်းချုပ်ခွင့်ရရန် တောင်းဆိုလျက်ရှိသည်။

မြန်မာအစိုးရ၏ ဝင်ငွေခွဲဝေမှုစနစ်တွင် ရေနံနှင့် သဘာဝဓာတ်ငွေ့ သို့မဟုတ် သယံဇာတနှင့်ဆိုင်သော ဝင်ငွေများကို ပြည်နယ်နှင့် တိုင်းဒေသကြီးမျာသို့ ခွဲဝေပေးသည့် စနစ် မရှိပေ။ ယင်းအချက်သည် အမျိုးသားငြိမ်းချမ်းရေးသဘောတူညီရရှိရေးအတွက် အဓိကပိတ်ပင်နေသည့် အတားအဆီးလည်း ဖြစ်သည်။

ယခုအခါ စွမ်းအင်ထုတ်လုပ်ရေးကျဆင်းမှုနှင့်လည်း မကြာမီကာလတွင် ကြုံတွေ့ရတော့မည်ဖြစ်သည်။ မြန်မာနိုင်ငံမှ ထွက်ရှိသော စုစုပေါင်း သဘာဝ ဓာတ်ငွေ့ထုတ်လုပ်မှု၏ ၉၀ ရာခိုင်နှုန်းထိရှိသော လက်ရှိ မြန်မာ့ကမ်းလွန်ရေနံနှင့် သဘာဝဓာတ်ငွေ့တွင်းလေးတွင်းမှ ထွက်ရှိသော သဘာဝဓာတ်ငွေ့ပမာဏမှာ ကျဆင်းလာပြီ ဖြစ်သည်။

အဆိုပါ ကမ်းလွန်ရေနံတွင်းများမှ ထွက်ရှိသော ဓာတ်ငွေ့ပမာဏမှာ ၂၀၁၅ ခုနှစ်တွင် တစ်ရက်လျှင် ၁ ဒသမ ၉ ဘီလီယံကုဗပေ ထွက်ရှိရာမှ၂၀၄၀ ပြည့်နှစ်တွင် တစ်ရက်လျှင် ကုဗပေ သန်း ၁၀၀ အောက် သာထွက်မည်ဟု အင်ဒိုနီးရှားအခြေစိုက် အာဆီယံနှင့် အရှေ့အာရှစီးပွားရေးကို သုတေသနပြုနေသည့် အဖွဲ့အစည်းတစ်ခု ဖြစ်သည့် Economic Research Institute for ASEAN And East Asia အဖွဲ့၏ ၂၀၁၈ ခုနှစ် လေ့လာချက်တွင် ဖော်ပြထားသည်။

မြန်မာအစိုးရသည် သဘာဝဓာတ်ငွေ့လုပ်ငန်းအတွက် နိုင်ငံတကာတင်ဒါသစ်များခေါ်ယူခြင်းကို ၂၀၁၉ ခုနှစ် က ပြုလုပ်ရန် စီစဉ်ခဲ့သော်လည်း လျှပ်စစ်နှင့် စွမ်းအင်ဝန်ကြီးဌာနက ရေနံဥပဒေ (Petroleum Law) သစ်ကို အရင်းဆုံး ပြဋ္ဌာန်းလိုခြင်းကြောင့် တင်ဒါခေါ်ခြင်းမှာ ကြန့်ကြာသွားခြင်းဖြစ်ကြောင်း ယင်း ဝန်ကြီးဌာနမှ သတင်းရင်းမြစ်များက ဆိုသည်။ ယခု ၂၀၂၀ ပြည့်နှစ်တွင် ကမ်းလွန်လုပ်ကွက် ၁၅ ခုနှင့် ကုန်တွင်းလုပ်ကွက် ၁၈ ခုကို တင်ဒါခေါ်ယူသွားမည်ဟု မျှော်လင့်ရသည်။

ယခုရေးဆွဲထားသော ရေနံဥပဒေကြမ်းတွင် မြန်မာ့ရေနံနှင့် သဘာဝဓာတ်ငွေ့လုပ်ငန်း (MOGE) ကို လိုအပ်သော အမိန့်ကြေညာချက်နှင့် ညွှန်ကြားချက်များထုတ်ပြန်နိုင်သည့် ကြီးကြပ်သူ (Regulator) အဖြစ်ရော၊ ကိုယ်တိုင်စီးပွားရေးလုပ်ငန်းလုပ်ကိုင်သူအဖြစ်ပါ နေရာပေးထားသည်ကို ဝေဖန်သူများက ထောက်ပြပြောဆိုကြသည်။

န်ိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်မှာ အတိုက်အခံနိုင်ငံရေးသမားဘ၀က မြန်မာ့ရေနံနှင့် သဘာဝဓာတ်ငွေ့လုပ်ငန်း (MOGE)  ကို ပွင့်လင်မြင်သာမှုနှင့် တာဝန်ခံမှုမရှိခြင်းတို့ကြောင့် ဝေဖန်ခဲ့ဖူးသည်။ ထို့ပြင် MOGE ၏ လုပ်ထုံးလုပ်နည်းများ တိုးတက်မှုမရှိသရွှေ့ ၎င်း၏ စာချုပ်စာတမ်းများကို အများပြည်သူသိအောင်ချပြခြင်း မပြုသရွေ့ နိုင်ငံခြားကုမ္ပဏီများအနေနှင့် MOGE နှင့် ဖက်စပ်လုပ်ငန်းမလုပ်ကြရန် ဆိုင်ရာအစိုးရများက တားမြစ်ပိတ်ပင်ပေးကြရန် ဒေါ်အောင်ဆန်းစုကြည်က တိုက်တွန်းပြောကြားဖူးသည်။ သို့သော် ၂၀၁၆ ခုနှစ် အာဏာစတင်ရယူပြီးကတည်းက ဒေါ်အောင်ဆန်းစုကြည်၏ ပြုပြင်ပြောင်းလဲရေးမှာ အကန့်အသတ်များ ရှိခဲ့သည်။

လက်ရှိပြဋ္ဌာန်းရန် ပြင်ဆင်နေသည့် ရေနံဥပဒေ (Petroleum Law) နှင့် ပတ်သက်၍ မြန်မာနိုင်ငံကလည်း အဖွဲ့ဝင်အဖြစ် ပါဝင်ထားသည့် သဘာဝသယံဇာတထုတ်ယူရေးလုပ်ငန်းနှင့် ပတ်သက်၍ ပွင့်လင်းမြင်သာမှုဆိုင်ရာအဖွဲ့အစည်း  (The Extractives Industries Transparence Initiative) က “ရှင်းလင်းပြီး ထိရောက်တဲ့ ရေနံဥပဒေပြဋ္ဌာန်းဖို့ မရှိမဖြစ် လိုအပ်ပါတယ်။ ဒါမှသာ မြန်မာနိုင်ငံ ပို့ကုန်ဝင်ငွေရဲ့ ၅၀ ရာခိုင်နှုန်းထိရှိတဲ့ ဒီကဏ္ဍမှာ စဉ်ဆက်မပြတ်ရင်းနှီးမြှုပ်နှံမှုကို ရရှိစေမှာ ဖြစ်ပါတယ်” ဟု ပြောကြားထားသည်။

စာညွှန်း။       ။ Myanmar seeks to rekindle its dimming gas hopes

ဧကျော်

You may also like...

Leave a Reply

Your email address will not be published. Required fields are marked *