မြန်မာနှင့် တရုတ်အတွက် သမိုင်းဝင်ခရီး

၂၀၁၂ခုနှစ် နိုဝင်ဘာက အမေရိကန်သမ္မတအိုဘားမား မြန်မာနိုင်ငံသို့လာလည်သည့် သမိုင်းဝင်ခရီးစဉ်အပြီး ခုနစ်နှစ်ကျော်အကြာတွင် တရုတ်သမ္မတရှီကျင့်ဖျင် မြန်မာသို့လာလည်ခြင်းသည် သမိုင်းဝင်ခရီးစဉ်ဖြစ်ပြီး အိုဘားမားလာလည်စဉ်ကကဲ့သို့ပင် မြန်မာ့အလှည့်အပြောင်းကို ဆောင်ကြဉ်းဦးမည်။ ပြောင်းသွားမည့်လမ်းကြောင်းမှာမူ အိုဘားမားခရီးစဉ်အပြီး မြန်မာ့လမ်းကြောင်းနှင့် တူချင်မှတူပေလိမ့်မည်။

မြန်မာနှင့် တရုတ်သည် အိမ်နီးချင်းဖြစ်သော်လည်း တရုတ်နံပါတ်တစ်ခေါင်းဆောင်နှစ်ဦးသာ လာလည်ဖူးသည်။ ၁၉၇၈ တွင် တိန့်ရှောင်ဖိန်နှင့် ၂၀၀၁ ခုနှစ်တွင် ကျန်ဇီမင်း။ ရှီကျင့်ဖျင်သည် နှစ် ၇၀ ကြာ မြန်မာ-တရုတ် ဆက်ဆံရေးအတွင်း မြန်မာနိုင်ငံသို့လာလည်သည့် တတိယမြောက် တရုတ်နံပါတ်တစ်ခေါင်းဆောင်။ ၁၉ နှစ်အတွင်း မြန်မာနိုင်ငံသို့ ပထမဆုံးလာရောက်သည့် တရုတ်နံပါတ်တစ်ခေါင်းဆောင်လည်းဖြစ်သည်။ ထို့ကြောင့် တရုတ်သမ္မတ ရှီကျင့်ဖျင်ခရီးစဉ်သည် ထူးခြားသည်။

ရှီကျင့်ဖျင်သည် မော်စီတုန်းနောက်ပိုင်းတွင် အာဏာအရှိဆုံး တရုတ်ခေါင်းဆောင်အဖြစ် သတ်မှတ်ခံရခြင်း၊ တရုတ်နိုင်ငံသည် မဟာအင်အားကြီး နိုင်ငံလောင်းလျာဖြစ်နေခြင်းတို့ပါ ပေါင်းလိုက်လျှင် ရှီကျင့်ဖျင်၏ ခရီးစဉ်သည် သူ့နောင်တော် နံပါတ်တစ်ခေါင်းဆောင်နှစ်ဦး၏ ခရီးစဉ်ထက်ပင် ပိုမိုထူးခြားသည်။

ယခုခရီးစဉ်သည် နိုင်ငံငယ်လေးဖြစ်သော မြန်မာအတွက်သာမဟုတ်၊ ဧရာမတရုတ်အတွက်ပါ ထူးခြားသည်။ ပိုးလမ်းမသစ်စီမံကိန်းကြီး၏ တည်ထောင်သူ ရှီကျင့်ဖျင်၏ ခရီးစဉ်အတွင်းတွင် ပိုးလမ်းမသစ်စီမံကိန်းကြီး၏ မြန်မာအခြမ်းဖြစ်သည့် တရုတ်-မြန်မာ စီးပွားရေးစင်္ကြံပါ စီမံကိန်းကြီးအချို့ကို သဘောတူကြမည်။

မြန်မာ-တရုတ်ဆက်ဆံရေးတွင် ဆူးညှောင့်သဖွယ်ဖြစ်နေသည့် မြစ်ဆုံစီမံကိန်း၏ကံကြမ္မာကို ဆုံးဖြတ်မည်၊ မဖြတ်မည် မသိရသော်လည်း တရုတ်နိုင်ငံအတွက် အိန္ဒိယသမုဒ္ဒရာထွက်ပေါက်ရစေနိုင်သည့် ကျောက်ဖြူရေနက်ဆိပ်ကမ်းနှင့် အထူးစီးပွားရေးဇုန် စီမံကိန်းဆိုင်ရာသဘောတူစာချုပ်အချို့ကို လက်မှတ်ရေးထိုးမည်။

မြန်မာနိုင်ငံတွင်း ပိုးလမ်းမစီမံကိန်းများအနီးလှုပ်ရှားနေသော တရုတ်နှင့် နီးစပ်သော လက်နက်ကိုင်တပ်ဖွဲ့များကိစ္စကို ရှီကျင့်ဖျင်ခရီးစဉ်က သက်ရောက်နိုင်သည်။

တရုတ်နိုင်ငံကို ဝန်းရံပိတ်ရန် Indo-Pacific မဟာဗျူဟာကို အမေရိကန်ပြည်ထောင်စုက တိုးမြှင့်ဖော်ဆောင်လာသည်ဟု ကျွမ်းကျင်သူများက သတ်မှတ်လာကြချိန်တွင် ကျောက်ဖြူစီမံကိန်းသည် တရုတ်နိုင်ငံအတွက် သာမန်စီးပွားရေးသဘောသာမဟုတ်ဘဲ အမေရိကန်၏ Indo-Pacific ကို တန်ပြန်နိုင်ရန် လက်နက်တစ်ခုပေးမည့် မဟာဗျူဟာမြောက်စီမံကိန်းပါ ဖြစ်လာနိုင်သည်။ ထိုစီမံကိန်းကြောင့် တရုတ်အတွက် မြန်မာ၏အရေးပါမှုသည် အခရာကျလာပါက မြန်မာနိုင်ငံအဖို့ ကောင်းကျိုး၊ ဆိုးကျိုး မည်သည့်အရာက ပိုများမည်ဆိုသည်ကိုမူ မြန်မာနိုင်ငံတွင်းတွင် ပြင်းပြင်းထန်ထန် ငြင်းခုန်ကြဆဲဖြစ်သည်။ အကောင်းရော၊ အဆိုးပါ ဒွန်တွဲနေပြီး အစိုးရများ၏ အရည်အချင်းပေါ်မူတည်မည်။

၂၀၂၀ ပြည့်နှစ်သည် မြန်မာ့ရွေးကောက်ပွဲနှစ်ဖြစ်သည်ကလည်း ထူးခြားနေပြန်သည်။ တရုတ်သမ္မတလာရောက်ခြင်းသည် ရွေးကောက်ပွဲဝင်မည့် လက်ရှိအစိုးရအပေါ် သက်ရောက်မည်။

တရုတ်သမ္မတလာရောက်ခြင်းကသာ ထူးခြားသည်မဟုတ်။ လာရောက်သည့်အချိန်ကာလသည်လည်း ထူးခြားသည်။ ရှီကျင့်ဖျင်သည် ဇန်နဝါရီ ၁၇ ရက်နေ့တွင်ရောက်ရှိပြီး နှစ်ရက်နေမည်။ ဒေါ်အောင်ဆန်းစုကြည်သွားရောက်တရားရင်ဆိုင်သည့် International Court of Justice (ICJ) က မြန်မာနိုင်ငံကို အရေးပေါ်အစီအမံများ ချမှတ်သင့်၊ မသင့် ဆုံးဖြတ်မည့်နေ့ရက်မှာ ဇန်နဝါရီ ၂၃ ရက်ဖြစ်သည်။ တရုတ်သမ္မတသည် မြန်မာ-တရုတ် သံတမန် ဆက်သွယ်မှု တရားဝင်စတင်ပြုလုပ်သည့် နှစ် (၇၀) ပြည့်ကို ဂုဏ်ပြုသောအားဖြင့်လာသည်ဆိုသော်လည်း ၂၀၂၀ ဇွန်လတွင်မှ နှစ် (၇၀) ပြည့်မည်။ အမေရိကန်အပါအဝင် အနောက်နိုင်ငံများက ဖိအားပေးနေချိန်တွင် တရုတ်က မြန်မာဘက်မှ ထင်ထင်ရှားရှား ဝင်ရပ်ပြလိုက်ခြင်း။

တရုတ်သမ္မတ ရှီကျင့်ဖျင်၏ သမိုင်းဝင်ခရီးစဉ်သည် မြန်မာနိုင်ငံအတွက်သာမက တရုတ်နိုင်ငံနှင့် ဒေသ၏ ပထဝီနိုင်ငံရေးစီးပွားရေးတွင် အလှည့်အပြောင်းမှတ်တိုင်ဖြစ်သည်။ နိုင်ငံငယ်ဖြစ်သည့် မြန်မာအတွက် ရိုက်ခတ်ချက် ပိုကြီးမည်။ 

 

အယ်ဒီတာ (၁၆.၁.၂၀၂၀)

You may also like...

Leave a Reply

Your email address will not be published. Required fields are marked *