ကမ္ဘာကပြောသော မြန်မာ့အကြောင်း

မြန်မာ့ဖွံ့ဖြိုးရေးကို ဖျက်ဆီးနေသည့် နောက်ပြန်လေများ

ကမ္ဘာ့ဘဏ်၏ ထုတ်ပြန်ချက်အရ လာမည့်နှစ် မြန်မာ့စီးပွားရေးအလားအလာမှာ အခက်အခဲများကို ကြံ့ကြံ့ခံနိုင်ဖွယ်ရှိသော်လည်း ပြည်တွင်းပဋိပက္ခများနှင့် နိုင်ငံတကာစီးပွားရေးအလားအလာများကြောင့် ကြီးမားသော အန္တရာယ်များနှင့် ရင်ဆိုင်ရမည်ဟုဆိုသည်။

ခြောက်လတစ်ကြိမ်ထုတ်ဝေသော  Myanmar Economic Monitor နောက်ဆုံးထုတ်ပြန်ချက်ကို ပြီးခဲ့သည့် သီတင်းပတ်တွင် ထုတ်ဝေခဲ့ရာ ယခုနှစ် မြန်မာ GDP မှာ ယမန်နှစ်ကထက် အနည်းငယ်တိုး၍ ၆ ရာခိုင်နှုန်းကျော် တိုးတက်ဖွယ်ရှိကြောင်း ကမ္ဘာ့ဘဏ်က ခန့်မှန်းထားသည်။ သို့သော် ပြည်တွင်းပဋိပက္ခမှာ စီးပွားရေးလုပ်ငန်းများအတွက် အဓိကပြဿနာဖြစ်ကြောင်း နိုင်ငံတကာဘဏ္ဍာရေးအဖွဲ့အစည်းဖြစ်သော ကမ္ဘာ့ဘဏ်က သတိပေးခဲ့သည်။

“မြန်မာအနေနဲ့ ခိုင်မာအားကောင်းတဲ့ စီးပွားရေးတိုးတက်မှုကို ဆက်ပြီး ကြုံရမှာပါ။ ဒါပေမဲ့ ကမ္ဘာ့စီးပွားရေးအခြေအနေယိုယွင်းနေတာ၊ ဖြစ်ပွားနေဆဲ ပဋိပက္ခရဲ့စိန်ခေါ်ချက်လိုမျိုး ပြည်တွင်း အကြောင်းအချက်တွေကတော့ ရင်းနှီးမြှုပ်နှံသူတွေရဲ့ အမြင်သဘောထားတွေကို ထိခိုက်စေပါတယ်။ နောက်ပြီး မြန်မာရဲ့ရေရှည်အလားအလာကိုလည်း ထိခိုက်နိုင်ပါတယ်”ဟု ကမ္ဘာ့ဘဏ်၏ ဦးဆောင် စီးပွားရေးပညာရှင်ဖြစ်သူ ဟန်စ်အန်နာဘတ်ခ် (Hans Anand Beck) က ရန်ကုန်မြို့တွင် ပြုလုပ်သည့် Myanmar  Economic Monitor  မိတ်ဆက်ပွဲတွင် ပြောကြားသည်။

“ပဋိပက္ခ ဖြစ်ပွားနေတဲ့ ဒေသမှာ စီးပွားရေးလုပ်ငန်းလုပ်နေသူတွအတွက် လုပ်ငန်းတည်မြဲဖို့ဆိုရင် အပိုကုန်ကျစရိတ်တွေရှိတာ ဖြစ်တဲ့အတွက် မြန်မာနိုင်ငံမှာ လက်နက်ကိုင်အုပ်စုတွေ ရှိနေတာ၊ လက်နက်ကိုင် ပဋိပက္ခတွေ ဖြစ်ပွားနေတာဟာ အပိုစိန်ခေါ်မှုတွေ ဖြစ်ပါတယ်။ အဲဒီ စိန်ခေါ်ချက်တွေထဲမှာ ပဋိပက္ခကြောင့် ရင်းနှီးမြှုပ်နှံမှုတိုးတက်ရေးကို အားယုတ်စေပါတယ်။ အထူးသဖြင့် နိုင်ငံခြားအရင်းအမြစ်တွေကို ယုတ်လျော့စေပါတယ်”ဟု ၎င်းက ဆိုသည်။

“ပဋိပက္ခဖြစ်ပွားရတဲ့ အကြောင်းရင်းတွေကို ကိုင်တွယ်ဖြေရှင်းဖို့၊ လူမှုရေးတန်းတူညီမျှမှုတွေ တိုးတက်စေဖို့၊ စီးပွားရေးစွမ်းဆောင်ရည် ဆက်လက်ကောင်းမွန်စေရေးအတွက် ပုံစံမျိုးစုံရှိပြီး တာဝန်ခံမှုရှိတဲ့ ပုဂ္ဂလိကကဏ္ဍကို မြှင့်တင်စေဖို့နဲ့ မြန်မာ့အနာဂတ်ကြွယ်ဝချမ်းသာရေးအတွက် အခြေခံကောင်းတွေ ချမှတ်ဖို့ရာ အပူတပြင်း လုပ်ဆောင်ချက်တွေ လိုအပ်ပါတယ်”ဟု ကမ္ဘာ့ဘဏ်၏ ဦးဆောင် စီးပွားရေးပညာရှင်ဖြစ်သူ ဟန်စ်အန်နာ ဘတ်ခ် (Hans Anand Beck) က ဆိုသည်။

သို့သော် အခြားသော အကြောင်း အချက်များဖြစ်သည့် ပုဂ္ဂလိကကဏ္ဍ၏ ကုန်ထုတ်လုပ်နိုင်စွမ်းနိမ့်ခြင်း၊ ဘဏ္ဍာ ငွေကြေးရှာဖွေရာတွင် အကန့်အသတ်များ ရှိခြင်း၊ လုံခြုံစိတ်ချရသော လျှပ်စစ်ဓာတ်အားထောက်ပံ့ပေးနိုင်မှု မရှိခြင်း၊ ကျွမ်းကျင်လုပ်သားရှားပါးခြင်းနှင့် မြေယာပြဿနာများမှာ မြန်မာ့စီးပွားရေးတိုးတက်မှုကို ဟန့်တားနှောင့်ယှက်နေကြောင်း အဆိုပါထုတ်ပြန်ချက်တွင် ဖော်ပြထားသည်။

ထို့ပြင် ကမ္ဘာ့စီးပွားရေးနှင့် ဒေသတွင်း စီးပွားရေးတိုးတက်မှုမှာ မျှော်မှန်းထားသည်ထက် ပို၍ နိမ့်ကျနေသကဲ့သို့ ကုန်သွယ်ရေးတင်းမာမှုမှာလည်း ဆက်လက်ရှိနေဆဲဖြစ်ခြင်းကြောင့် မြန်မာ့အနာဂတ်စီးပွားရေးတိုးတက်မှုကို ထိခိုက်ဖွယ်ရှိကြောင်း ယင်းထုတ်ပြန်ချက်တွင် သတိပေးထားသည်။ အရှေ့အလယ်ပိုင်းဒေသ အကဲဆတ်နေသည့် အခြေအနေတွင် ရေရှည်၌ ရေနံဈေးနှုန်းကို အကျိုးသက်ရောက်စေနိုင်ပြီး၊ အမေရိကန်ဒေါ်လာဈေးနှုန်း အတက်အကျမြင့်မားနေခြင်းကြောင့်လည်း မြန်မာ့စီးပွားရေးကို ထိခိုက်နိုင်သည်။

ပို့ဆောင်ဆက်သွယ်ရေးနှင့် တယ်လီဆက်သွယ်ရေးကဏ္ဍနှင့် အစိုးရနှင့် ပုဂ္ဂလိ ကကဏ္ဍများတွင် ရင်းနှီးမြှုပ်နှံမှုတိုးလာခြင်းကြောင့် လည်းကောင်း၊ အစိုးရ၏ အခြေခံအဆောက်အဦ စီမံကိန်း ငွေကြေးသုံးစွဲမှုများကြောင့် လည်းကောင်း၊ ခိုင်မာအားကောင်းသည့် မြန်မာ့စီးပွားရေးတိုးတက်မှုမှာ ၂၀၂၀ ရွေးကောက်ပွဲအထိ ဆက်လက်တည်ရှိနေမည်ဖြစ်သည်။

မြန်မာအစိုးရ၏ ပြုပြင်ပြောင်းလဲမှုများကြောင့် ကမ္ဘာ့ဘဏ်က ထုတ်ပြန်သည့် ၂၀၂၀ စီးပွားရေးလုပ်ခင်းသာသည့် နိုင်ငံအဆင့်တွင် မြန်မာမှာ အဆင့်တက်လာသော်လည်း ပျှမ်းမျှ စွမ်းဆောင်ရည်မှာမူ နိုင်ငံ ၁၉၀ တွင် အဆင့် ၁၆၅ သာရှိ၍ ဆိုးဝါးနေဆဲပင်ဖြစ်သည်။ ပျှမ်းမျှ စွမ်းဆောင်ရည်မှာ ၂၀၁၉ ခုနှစ်က အဆင့် ၁၇၁ ရှိရာ ယခုနှစ်တွင် အဆင့်တက်လာခဲ့သည်။

မြန်မာနိုင်ငံရှိ စီးပွားရေးလုပ်ငန်းများကို တာဝန်ယူမှုရှိသော ပုဂ္ဂလိကကဏ္ဍအဖြစ် ထောက်ပံ့ပေးရန်အတွက် ဘဏ္ဍာငွေကြေးပိုမိုရရှိနိုင်မှု၊ မြေယာနှင့် ကျွမ်းကျင်လုပ်သား၊ ပိုမိုကောင်းမွန်သော ဆက်သွယ်ရေးနှင့် စီးပွားရေးလုပ်ခင်းသာသည့် ပတ်ဝန်းကျင်မျိုး ရရှိစေရန်လိုအပ်သည်။

ယင်းသို့ ဖြစ်စေရန် ဈေးကွက်တိုးချဲ့မှုကို မြှင့်တင်ပေးခြင်း၊ သယံဇာတအရင်းအမြစ်ခွဲဝေရာတွင် တိုးတက်ကောင်းမွန်အောင်ပြုလုပ်ပေးခြင်းနှင့် ဈေးကွက်တွင်ပါဝင်လုပ်ကိုင်နေသူများ၏ အရည်အသွေးကို ဖွံ့ဖြိုးအောင် ပြုလုပ်ပေးခြင်း နည်းလမ်းများဖြင့် ပုဂ္ဂလိကကဏ္ဍ ဦးဆောင်သော စီးပွားရေးဖွံ့ဖြိုးမှုကို ဦးတည်သည့် မူဝါဒများ ချမှတ်သင့်ကြောင်း ယင်းထုတ်ပြန်ချက်တွင် ဖော်ပြထားသည်။

အတန်အသင့် အကောင်းမြင်သည်ဟုဆိုနိုင်သော ကမ္ဘာ့ဘဏ်သုံးသပ်ချက်ကို မြန်မာနိုင်ငံတွင် လုပ်ငန်းလုပ်ကိုင်နေသော ဥရောပကုမ္ပဏီများက ထောက်ခံအတည်ပြုထားဖွယ် ရှိသည်။ ထို့အတူ ကမ္ဘာ့ဘဏ်၏ စိုးရိမ်ချက်ကိုလည်း ယင်းအစီရင်ခံစာတွင် ထင်ဟပ်နေသည်။ Euro Cham Myanmar အဖွဲ့၏  Business Confidence Survey  စစ်တမ်းကောက်ခံချက်အရ ၂၀၁၉ ခုနှစ် ဒီဇင်ဘာလတွင် ထုတ်ပြန်ချက်အရ ဥရောပ စီးပွားရေးလုပ်ငန်းရှင်များသည် မြန်မာနိုင်ငံ၏ ရေရှည်အလားအလာအပေါ် ယုံကြည်မှုပိုရှိကြသလို၊ လွန်ခဲ့သည့် တစ်နှစ်ကထက် စီးပွားရေးလုပ်ကိုင်နိုင်စွမ်းအလားအလာပေါ်လည်း ပို၍ ယုံကြည်မှုရှိကြသည်ဟု ဖော်ပြထားသည်။

“လက်ရှိစီးပွားရေးပတ်ဝန်းကျင်ကို မည်သို့ရှုမြင်သနည်းဆိုသည့် စစ်တမ်းမေးခွန်းကို တိုးတက်ကောင်းမွန်သည်ဟု ဖြေကြားသူမှာ ယမန်နှစ်ကထက် ၃၅ ရာခိုင်နှုန်းမြင့်တက်လာပါတယ်။ အဲဒီလို အကောင်းဘက်ပြောင်းလဲတဲ့ အကြောင်းကတော့ ဥပဒေဆိုင်ရာမူဘောင်တွေ တိုးတက်ကောင်းမွန်လာလို့ပါ”ဟု Euro Cham Myanmar ၏ စီးပွားရေးလုပ်ငန်း ဖွံ့ဖြိုးရေမန်နေဂျာဂါဒီယန်ဗယ်လင့် (Gerdien Velink) က Asia Focus အဖွဲ့သို့ ပြောကြားသည်။

မြန်မာနိုင်ငံ၏ အလားအလာများ နှင့်ပတ်သက်၍ ဥရောပသားများ၏ ယုံကြည်မှုမှာ တိုးတက်လာသော်လည်း နောက်ထပ်လာမည့် ရင်းနှီးမြှုပ်နှံမှုများမှာမူ အကန့်အသတ်များ ရှိနေပါသည်။ စစ်တမ်းကောက်ယူခဲ့သည့် ကုမ္ပဏီများတွင် ထက်ဝက်ခန့်မှာ လာမည့်နှစ်တွင် ရင်းနှီးမြှုပ်နှံရန်အစီအစဉ်မရှိဟု ဆိုသည်။ စိန်ခေါ်ချက်များမှာ ယခင်ကကဲ့သို့ အဟောင်းများဖြစ်ပြီး ယမန်နှစ်က သတ်မှတ်ပြောကြားခဲ့သည့် စိန်ခေါ်ချက်များနှင့် အတူတူလောက်ပင် ဖြစ်သည်။

ယင်းစိန်ခေါ်ချက်များမှာ စည်းမျဉ်းများ ရှင်းလင်းမှု မရှိခြင်း၊ ဥပဒေစည်းမျဉ်း မူဘောင်လုပ်ငန်းတွင် စွမ်းဆောင်ရည် မရှိခြင်းနှင့် တရားဥပဒေအရ သေချာရေရာမှုအတိုင်းအတာတို့ ဖြစ်သည်။ မြန်မာ ဈေးကွက်ဖွံ့ဖြိုးမှုနှင့် ရင်းနှီးမြှုပ်နှံမှုကို အတားအဆီးဖြစ်နေသည့် အဓိကအချက်မှာ ကျွမ်းကျင်လုပ်သား မရှိခြင်း ဖြစ်ကြောင်း ဥရောပစီးပွားရေးကုမ္ပဏီများက ယူဆသည်။

“ဒါ့အပြင် ဒီမှာ (မြန်မာနိုင်ငံမှာ) စီးပွားရေးလုပ်နေတဲ့ ဥရောပကုမ္ပဏီတွေ အတွက် မဖြစ်မနေသတိထားရမယ့် အန္တရာယ်သစ်ကတော့ ရခိုင်အကျပ်အတည်း၊ လူ့အခွင့်အရေးအခြေအနေတွေနဲ့ ဆက်စပ်နေတဲ့ ဂုဏ်သတင်း ကျော်စောမှု စိန်ခေါ်ချက်ဖြစ်ပါတယ်” ဟု Euro Cham Myanmar ၏ ဥက္ကဋ္ဌဒယ်လန်က ပြောကြားသည်။

ယင်း အခြေခံအရေးကိစ္စများကို ကိုင်တွယ်ဖြေရှင်းခြင်းသည် မြန်မာ၏ အနာဂတ်အလားအလာ အထူးသဖြင့် ဥရောပကုမ္ပဏီများကဲ့သို့သော ရေရှည် ရင်းနှီးမြှုပ်နှံသူများအတွက် တံခါးဖွင့်စေရာတွင် အခြေခံသောအချက်များ ဖြစ်သည်။

ကျန်းမာရေးစောင့်ရှောက်မှုညံ့ဖျင်းခြင်း၊ ပညာရေးညံ့ဖျင်းခြင်း၊ အခြေခံအဆောက်အဦ တိုးတက်ကောင်းမွန်စေရန် အပူတပြင်းဆောင်ရွက်စရာများစသည့် စိန်ခေါ်မှုများကို ကိုင်တွယ်ဖြေရှင်းသင့်သည်။ သို့သော် အစိုးရ၏ အဓိကဦးစားပေးဆောင်ရွက်စရာများတွင် တစ်ခုပါဝင်သည့် ကိစ္စမှာ လူ့စွမ်းအားအရင်းအမြစ်နှင့် ပတ်သက်၍ လေ့ကျင့်သင်ကြားပေးခြင်းပင် ဖြစ်သည်။

စာညွှန်း။       ။ Headwinds in Myanmar

ဧကျော်

You may also like...

Leave a Reply

Your email address will not be published. Required fields are marked *