“နိုင်ငံရေးအရ အမှီအခိုကင်းကြောင်း ပြသနိုင်ရင် ရွေးကောက်ပွဲကော်မရှင်အပေါ် ယုံကြည်မှုပိုတက်တာပေါ့ဗျာ”

ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့ (People’s Alliance for Credible Elections-PACE) အမှုဆောင်ဒါရ်ိုက်တာ စိုင်းရဲကျော်စွာမြင့်နှင့် တွေ့ဆုံခြင်း

၂၀၂၀ ပြည့်နှစ် ရွေးကောက်ပွဲကို လာမည့်နိုဝင်ဘာလအတွင်း ကျင်းပဖွယ်ရှိနေသည်။ ရွေးကောက်ပွဲသည် တစ်နည်းဆိုရလျှင် အစိုးရရွေးချယ်ပွဲကြီးလည်းဖြစ်သည်။ ရွေးကောက်ပွဲ၏ ဒိုင်ဖြစ်သူ ပြည်ထောင်စုရွေးကောက်ပွဲကော်မရှင်၏ သမာသမတ်ကျမှုနှင့် မျှတမှုသည် ရွေးကောက်ပွဲအပေါ် များစွာသက်ရောက်သည်။ ရွေးကောက်ပွဲကော်မရှင်နှင့် ၂၀၂၀ အထွေထွေရွေးကောက်ပွဲအကြောင်း ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့ (People’s Alliance for Credible Elections-PACE) အမှုဆောင်ဒါရ်ိုက်တာ စိုင်းရဲကျော်စွာမြင့်နှင့် The Voice Journal က တွေ့ဆုံမေးမြန်းထားခြင်းဖြစ်သည်။

The Voice Journal – ရခိုင်နဲ့ ရှမ်းမြောက်လို တိုက်ပွဲတွေဖြစ်နေတဲ့နေရာမှာ ရွေးကောက်ပွဲကျင်းပနိုင်ပါ့မလား။ အခြေအနေဘယ်လိုရှိမလဲဗျ။

USYKSM – လက်ရှိအနေအထားအရတော့ ပဋိပက္ခတွေ ဖြစ်နေတော့ ရခိုင်ဘက်မှာ ရွေးကောက်ပွဲ ကျင်းပဖို့ တချို့နေရာတွင်မှာ ကျင်းပနိုင်မှာ မဟုတ်ဘူးလို့ ကျွန်တော်အဲဒီလိုပဲ ပြောချင်တယ်။ ဒါပေမဲ့ ရွေးကောက်ပွဲ ကော်မရှင်ဆီက တိတိကျကျထွက်မလာမချင်း ကျွန်တော်တို့လည်း သေချာတော့ ပြောလို့ရမှာ မဟုတ်ဘူး။ အဓိကတော့ ရွေးကောက်ပွဲကော်မရှင်က ဘယ်ရွာတွေ၊ ဘယ်မြို့နယ်တွေမှာ မကျင်းပဘူးဆိုတာ တိတိကျကျ ထွက်လာဖို့ အရေးကြီးတယ်။ သူတို့ ဘယ်လိုဆုံးဖြတ်လိုက်လဲဆိုတာက ပိုအရေးကြီးတယ်။

The Voice Journal – ရွေးကောက်ပွဲကော်မရှင်ကို အာဏာရပါတီက ခန့်အပ်တာကြောင့် လွတ်လပ်မျှတမှုနဲ့ အမှီအခိုကင်းမှုအပေါ် ထိခိုက်တယ်ဆိုပြီး နိုင်ငံရေးပါတီတွေက ဝေဖန်ကြတယ်။ ဆိုတော့ ဒါနဲ့ပတ်သက်ပြီး ပါတီတွေ ပြောသလို ဟုတ်လားဗျ။

USYKSM – ဆိုတော့ဗျာ ဒါကတော့ သူတို့အမြင် ပေါ့။ သေချာတာကတော့ ဥပဒေမူဘောင်အရ ဒီအတိုင်းရှိနေတာကတော့ ၂၀၁၀ တုန်းကလည်း ဒီအတိုင်းပဲ။ ၂၀၁၅ တုန်းကလည်း ဒီအတိုင်းပဲ။ ကျွန်တော်တို့လည်း အဲဒါကိုပဲ ပြောနေခဲ့တာပဲ။ အခု အချိန်မှာ ရွေးကောက်ပွဲကော်မရှင်ကို ပြင်ဆင်ဖို့ကတော့ ခက်ပါလိမ့်မယ်။ ခက်လိမ့်မယ်ဆိုတာ အခြေခံဥပဒေကိုပါ ပြင်ဆင်ရမယ့်အပိုင်းတွေ ပါလာတာကိုး။ ဒါပေမဲ့ ရွေးကောက်ပွဲကော်မရှင်အနေနဲ့ကတော့ အဲဒီလိုယုံကြည်မှုနည်းတာတွေကို ပျောက်အောင် လုပ်လို့ရပါတယ်။ လုပ်ငန်းစဉ်တွေနဲ့ ပတ်သက်ပြီး တော့မှ နိုင်ငံရေးပါတီတွေနဲ့ ပွင့်ပွင့်လင်းလင်း ထိတွေ့ပြောဆိုတာမျိုး၊ ရှင်းပြတာမျိုး အဲဒါမျိုးတွေလုပ်မယ်ဆိုရင် ခုနကပြောသလိုပဲ ယုံကြည်မှုက အတိုင်းအတာတစ်ခုအထိ ပြန်တက်လာမှာပေါ့။

The Voice Journal – ဆိုတော့ အာဏာရပါတီက ရွေးကောက်ပွဲကော်မရှင်ကို ပြင်ဆင်လိုစိတ်ရှိရင်ရော ပြင်လို့ရတဲ့ အခွင့်အလမ်းမျိုးရှိလားဗျ။ ဘယ်လိုမြင်လဲ။

USYKSM – အခွင့်အလမ်းရှိလားဆိုတာထက် ဒီလိုပြောရင် ပိုကောင်းမယ်။ အစိုးရက ခန့်ခန့်၊ မခန့်ခန့် ကော်မရှင်ဟာ လူတစ်ယောက်ကို ဘက်လိုက်ချင်တယ်ဆိုရင် ဘက်လိုက်လို့ရတာပဲ။ အခု ကျွန်တော်တို့ ပြောတဲ့ဟာက ရွေးကောက်ပွဲကော်မရှင်ရဲ့ ဥပဒေမူဘောင်ဟာ ကော်မရှင်ကို အဲဒီလိုအခွင့်အလမ်းမျိုး ပိုပေးထားတယ်ပေါ့ဗျာ။ ပထမတစ်ချက်ကတော့ဗျာ ကော်မရှင်အနေနဲ့ လက်ရှိအစိုးရကို သစ္စာခံသလိုမျိုး ဖြစ်နေတယ်ဆိုတော့ ကော်မရှင်ဟာ အစိုးရ အသာရစေတဲ့ ဆုံးဖြတ်ချက်မျိုး ဆုံးဖြတ်ချင်ရင် ဆုံးဖြတ်နိုင်ခွင့် ရှိနေတယ်။ ဘာလို့လဲဆိုတော့ ကော်မရှင်ကို ခန့်အပ်တယ်ဆိုတာက နိုင်ငံတော်သမ္မတက စိတ်ကြိုက်ရွေးချယ် ခန့်အပ်ထားတာကိုး။ ဒါကတော့ အဲဒီသဘော ဖြစ်နေတာပေါ့။

The Voice Journal – ဘက်လိုက်မယ်ဆို လိုက်လို့ရတဲ့ အခြေအနေမျိုးဖြစ်နေတာပေါ့။

USYKSM – ကော်မရှင်က အာဏာရအစိုးရဘက်ကို ဘက်လိုက်ပြီးတော့ ဆုံးဖြတ်မယ်ဆိုရင် ဆုံးဖြတ်လို့ရတဲ့ သဘောမျိုး ဖြစ်နေတာပေါ့။

The Voice Journal – နောက်တစ်ချက်က တပ်တွင်းမဲရုံမထားဘူးဆိုပြီး ကော်မရှင်ကလည်း ပြောထားပြီ။ ဒါနဲ့ပတ်သက်ပြီး PACE အဖွဲ့ရဲ့ သဘောထားက ဘယ်လိုရှိမလဲ။

USYKSM – အဓိကတော့ဗျာ။ တပ်မတော်တပ်ဖွဲ့ဝင်တွေက ပြည်သူတွေနဲ့အတူ မဲအတူပေးတာက အကောင်းဆုံးပဲ။ ဒါက ကျွန်တော်တို့ နိုင်ငံတကာမှာရော၊ ဒေသတွင်းမှာရော ကျင့်သုံးနေတဲ့ ပုံစံပဲ။ တပ်မတော်သားတွေသည် အရပ်သားတွေနဲ့အတူ မဲပေးတာမျိုး။ ဒါပေမဲ့လည်း တချို့အခြေအနေတွေမှာ မဖြစ်နိုင်ဘူး။ တပ်က လူနေရပ်ကွက်တွေနဲ့ သိပ်ဝေးတဲ့နေရာမျိုး၊ သိပ်လှမ်းတဲ့နေရာမျိုးဆိုရင် မဖြစ်နိုင်ဘူး။ သီးခြားစဉ်းစားပေးဖို့ လိုတယ်။ တပ်မဲရုံတွေ သီးခြား မရှိသင့်ဘူးဆိုတဲ့ ဆုံးဖြတ်ချက်နဲ့စာရင် အဲဒီလို စဉ်းစားတာက ပိုသင့်လျော်တယ်။ ဆိုတော့ တပ်တွင်းမှာပဲ မဲရုံတွေ လုပ်မယ်ဆိုရင်လည်း တပ်မတော်သားတွေ အနေနဲ့ လွတ်လွတ်လပ်လပ်မဲပေးခွင့်ရဖို့ ၊ ဘယ်သူ့ကိုမှ မကြောက်ဘဲ မဲပေးခွင့်ရဖို့ အဲဒီလိုအခြေအနေမျိုးကို ပိုလုပ်စေချင်တယ်။ အဲဒါဆိုရင် ပိုပြီးကောင်းတာပေါ့လေ။

The Voice Journal – တပ်တွင်းမှာ မဲရုံတွေ ရှိတာကရော လွတ်လပ်မျှတတဲ့ ရွေးကောက်ပွဲဖြစ်ရေးကို ထိခိုက်စေလားဗျ။

USYKSM – အဲဒီလိုတော့ ကောက်ချက်ဆွဲလို့ မရဘူးဗျ။ တပ်တွင်းမှာ မဲရုံရှိတာနဲ့ မလွတ်လပ်၊ မမျှတဘူးဆိုတာ အဲဒီလိုတော့ မဟုတ်ပါဘူး။ အဓိကတော့ ကျွန်တော်တို့က တပ်မတော်သားတွေက အရပ်သားတွေနဲ့အတူ မဲပေးဖို့ပဲ။ အဲဒီလိုမဖြစ်နိုင်ဘူးဆိုရင်လည်း သူတို့ဘာသာ မဲရုံဖွင့်လို့ ရပါတယ်။ ဒါက ပြဿနာ မရှိပါဘူး။ အဓိကတော့ တပ်မတော်သားတွေသည် သူတို့ဘယ်လောက် လွတ်လွတ်လပ်လပ်မဲပေးခွင့်ရမလဲဆိုတာက အရေးကြီးတာ။

The Voice Journal – ကော်မရှင်အနေနဲ့ အရပ်ဘက်အဖွဲ့အစည်းတွေနဲ့ ချိတ်ဆက်ဆောင်ရွက်မှုတွေ လုပ်ရဲ့လား။ လုပ်တယ်ဆိုရင်လည်း ဒီလိုပူးပေါင်း ဆောင်ရွက်မှုမှာ ကော်မရှင်ရဲ့ သဘောထားကရော ဘယ်လိုရှိလဲ။

USYKSM – အကြမ်းဖျင်းပြောရင်တော့ ကော်မရှင် သည် အရပ်ဘက်အဖွဲ့အစည်းတွေနဲ့ ဆက်ဆံရေးရှိပါတယ်။ ဒါပေမဲ့ ကျွန်တော်တို့ကတော့ ဒီထက်ပိုပြီး ကျယ်ကျယ်ပြန့်ပြန့်ပိုဖြစ်စေချင်တာပေါ့။ အရပ်ဘက်အဖွဲ့အစည်းတွေမှ မဟုတ်ပါဘူး။ နိုင်ငံရေးပါတီတွေနဲ့လည်း ကျယ်ကျယ်ပြန့်ပြန့်ဆက်ဆံဖို့လိုတယ်။ ဒါမှ နိုင်ငံရေးပါတီတွေ ဘာတွေစိတ်ပူနေလဲ။ ဘာတွေ စိုးရိမ်နေလဲသိရမှာ။ ဒီလိုသိရမှ ကော်မရှင်က မူဝါဒတွေ ချမှတ်တဲ့အခါ ပိုပြီးထိရောက်မှာပေါ့။

The Voice Journal – ဒါဆို အစ်ကိုတို့ PACE အဖွဲ့ရဲ့ လေ့လာချက်အရ နိုင်ငံရေးပါတီတွေရဲ့ သဘောထားကို ရွေးကောက်ပွဲကော်မရှင်က သိရောသိရဲ့လားဗျ။ ဘယ်လိုအခြေအနေရှိလဲ။

USYKSM – အဓိကတော့ဗျာ ရွေးကောက်ပွဲကော်မရှင်က နည်းဥပဒေ ပြုပြင်ပြောင်းလဲရေးတစ်ခု တင်သွင်းတယ်။ အဲဒါကို နိုင်ငံရေးပါတီတွေက မကြိုက်ကြဘူးပေါ့ဗျာ။ အဲဒါက ဘာကိုပြလဲဆိုရင် ဒီနည်းဥပဒေ ပြုပြင်ပြောင်းလဲမှု မလုပ်ခင်မှာ ကျွန်တော်တို့ နိုင်ငံရေးပါတီတွေနဲ့ ကော်မရှင်နဲ့ ကျယ်ကျယ်ပြန့်ပြန့် တွေ့ဆုံညှိနှိုင်းတာ မလုပ်ခဲ့ဘူးဆိုတာကို ပြသနေတယ်။ ဒါက အရေးကြီးတယ်။ ဥပဒေကောင်းတာ၊ မကောင်းတာထက်စာရင် ဒီဥပဒေဟာ မှန်ကန်တယ်၊ လုပ်သင့်လုပ်ထိုက်တဲ့ ဥပဒေဖြစ်ပါစေဦးတော့။ အရေးကြီးတဲ့အချက်က ရွေးကောက်ပွဲဖြစ်စဉ်မှာ ပါဝင်ယှဉ်ပြိုင်တဲ့သူတွေအားလုံး သဘောတူညီမှုရဖို့ပဲ။ ဒီပါဝင်ယှဉ်ပြိုင်တဲ့သူတွေရဲ့ သဘောထားကလည်း အရေးကြီးတယ်။ ဒါကို ကော်မရှင်အနေနဲ့ နည်းဥပဒေနဲ့ ပတ်သက်လို့ နိုင်ငံရေး ပါတီတွေနဲ့ ကျယ်ကျယ်ပြန့်ပြန့်ဆွေးနွေးထားခဲ့ပြီး သဘောတူညီမှုရခဲ့ပုံ မပေါ်ဘူးလို့ ယူဆတယ်။ ဒါကြောင့် မို့ အခုချိန်မှာ နည်းဥပဒေနဲ့ ပတ်သက်ပြီး အငြင်းပွားနေကြတာ၊ ပါတီတွေက ကန့်ကွက်နေကြတာလို့ ကျွန်တော်ကတော့ မြင်ပါတယ်။

The Voice Journal – ၂၀၂၀ ရွေးကောက်ပွဲကို ဦးဆောင်ကျင်းပတဲ့ ရွေးကောက်ပွဲကျင်းပရေး ကော်မရှင်သည် လွတ်လပ်မျှတတဲ့ ကော်မရှင်ဖြစ်၊ မဖြစ်နဲ့ လွတ်လပ်မျှတတဲ့ရွေးကောက်ပွဲကျင်းပနိုင် ရေး လုပ်နိုင်စွမ်းရှိ မရှိ အခုလက်ရှိ အခြေအနေအရ ဘယ်လိုသုံးသပ်လဲ။

USYKSM – အဲဒါတော့ ရွေးကောက်ပွဲရက်ကို ကော်မရှင်က ကြေညာပြီး လုပ်ငန်းစဉ်တွေပြီးမှပဲ ကျွန်တော်တို့ သိရမှာပဲ။ ၂၀၁၇၊ ၂၀၁၈ ရွေးကောက်ပွဲ တွေမှာတော့ ပြဿနာမရှိဘူး။ ၂၀၂၀ မှာတော့ ဘာဖြစ်မလဲ ကျွန်တော်တို့ပြောဖို့ နည်းနည်းစောနေသေးတယ်။

The Voice Journal – အစ်ကိုတို့ PACE ကနေ ရွေးကောက်ပွဲနဲ့ပတ်သက်ပြီး ကော်မရှင်ကို ဘာများ အကြံပြုထားတာရှိလဲ။

USYKSM – အဓိကတော့ ကျွန်တော်တို့က ကော်မရှင်သည် နိုင်ငံရေးအရ လွတ်လပ်ပြီး အမှီအခိုကင်းတယ်ဆိုတာကို ပြသဖို့လိုတယ်။ အဲဒါကို ကျွန်တော်တို့ တိုက်တွန်းဖို့လိုတယ်။ ပြီးတော့ နိုင်ငံသားတွေ သိရှိနိုင်အောင် ရွေးကောက်ပွဲအချိန် ဇယားအပါအဝင် သတင်းအချက်အလက်တွေအားလုံးကို စောစောစီးစီး ထုတ်ပြန်ဖို့လိုတယ်။ ရွေးကောက်ပွဲ ဘယ်နေ့ကျင်းပမယ်ဆိုတာကိုရောပေါ့။ နောက်ပြီး ရွေးကောက်ပွဲဖြစ်စဉ်တွေကို ပြည်သူတွေသိအောင် မြန်မြန်ဆန်ဆန်နဲ့ ရှင်းရှင်းလင်းလင်း ပြောပြဖို့လိုတယ်။ တတိယအချက်ကတော့ မဲဆန္ဒရှင်စာရင်းကို ဥပဒေ ပြုပြီးလုပ်ဖို့ အဲဒီလိုလုပ်ရင် ပိုပြီးမှန်မယ်၊ ပိုပြီး မြန်ဆန်မယ်။ နောက်တစ်ချက်ကတော့ ရွေးကောက်ပွဲမှာ နိုင်ငံသားတွေရဲ့ပါဝင်ဆောင်ရွက်မှုကို ကာကွယ်ပေးဖို့ လိုတယ်။ နောက်တစ်ခုက ရက်ပေါင်း ၁၈၀ ကိုဖျက်ဖို့ ကျွန်တော်တို့ ပြောတယ်။ ရက်ပေါင်း ၁၈၀ ကိုဖျက်ပြီး တခြားနည်းနဲ့ ကြိုတင်မဲပေးဖို့ ပြောခဲ့တယ်။ ဒါကတော့ ကျွန်တော်တို့ ၂၀၂၀ ရွေးကောက်ပွဲအတွက် ကျွန်တော်တို့ လက်တွေ့လုပ်နိုင်တဲ့ ကိစ္စကို အကြံပြု ထားတာပါ။

The Voice Journal – မဲဆန္ဒရှင်စာရင်းကို ဥပဒေနဲ့ ပြဋ္ဌာန်းဖို့ဆိုတာကို နည်းနည်းရှင်းပြပါ။

USYKSM – အဓိပ္ပာယ်က ဘာလဲဆိုတော့ ကျွန်တော်တို့မှာ မဲစာရင်းပြုစုရေးဥပဒေမရှိဘူး။ ကော်မရှင်အနေနဲ့ မဲစာရင်းပြုစုရေးအတွက်ကို ဌာနဆိုင်ရာတွေနဲ့ပြောရမယ်။ ညှိနှိုင်းရမယ်။ သူ့မှာ ဘတ်ဂျက်မရှိဘူး။ မဲစာရင်းပြုစုရေးဥပဒေသာရှိရင် နှစ်တစ်နှစ်ရဲ့ ဘယ်အချိန်မှာ မဲစာရင်းပြုစုမယ်။ နိုင်ငံတော်ဘတ်ဂျက်က ဘယ်လိုချပေးမယ်။ မဲစာရင်း ပြုစုရမှာ ဘယ်သူတွေက ဘယ်လိုပါဝင်မယ်။ တပ်မဲစာရင်းတွေ ဘယ်လိုပြုစုမယ်။ IDP မဲစာရင်းတွေ ဘယ်လိုပြုစုမယ်။ နိုင်ငံတကာကို ရောက်နေတဲ့ နိုင်ငံသား မဲစာရင်းတွေကို ဘယ်လိုပြုစုမယ်။ ဒါက ဥပဒေအဖြစ် ပြဋ္ဌာန်းလိုက်ရင် မဖြစ်မနေလုပ်ရတော့မယ့် ကိစ္စ။ ထွေ/အုပ်၊ လ၀က၊ ရဲ၊ စစ်တပ်တို့လည်း ဒီ ရွေးကောက်ပွဲဖြစ်စဉ်မှာ ပါဝင်ရမှာပဲ။ အခုကျတော့ ဥပဒေ မရှိတဲ့အခါကျ ကော်မရှင်က ပြောတယ်လေ။ သူ့မှာ မဲစာရင်းပြုစုရတာ ခက်ခဲတယ်ဆိုတာ။ ဒါ့ကြောင့် ဥပဒေတစ်ခုကို ပြဋ္ဌာန်းလိုက်။ ရွေးကောက်ပွဲဆိုင်ရာ မဲစာရင်းပြုစုရေး ဥပဒေပေါ့။ ဒါဆိုရင် ကော်မရှင်အတွက် လုပ်ရကိုင်ရတာပိုပြီး လွယ်ကူသွားမယ်။

The Voice Journal – ဒါမျိုးက နိုင်ငံတကာမှာလည်း ရှိနှင့်ပြီးသားပဲ။

USYKSM – ရှိပါတယ်ဗျ။ တစ်ကြောင်းတစ်ဂါထာ၊ တစ်ရွာတစ်ပုဒ်ဆန်းပေါ့။ အဓိကတော့ လုပ်ရ ကိုင်ရ လွယ်ကူအောင်ပေါ့ဗျာ။

The Voice Journal – အစ်ကိုတို့ အကြံပြုတဲ့ အထဲမှာပါတဲ့ လွတ်လပ်မျှတပြီး အမှီအခိုကင်းတဲ့ ရွေးကောက်ပွဲကော်မရှင်ဖြစ်ရေး အဓိကပြင်ဆင်ရမယ့် အချက်က ဘာဖြစ်မလဲ။

USYKSM – အမှန်ကတော့ ကော်မရှင်ဖွဲ့စည်းခန့်အပ်ပုံကို ပြောင်းဖို့လိုတယ်။ လက်ရှိ ၂၀၂၀ မှာ တော့ မဖြစ်နိုင်ဘူး။ ကော်မရှင်ကို ဘယ်လိုခန့်အပ်ရမယ်။ ဘယ်လိုလုပ်ရမယ်ဆိုတာ အခုတော့ မဖြစ်နိုင်တော့ဘူး။ ဆိုတော့ ဘာလုပ်ဖို့လိုလဲဆိုရင် ကော်မရှင်အနေနဲ့ သူလွတ်လပ်တယ်၊ သူ တရားမျှတတယ်။ သူက နိုင်ငံရေးအရ အမှီအခိုကင်းတယ်ဆိုတာကို ပြသဖို့ ပထမဆုံးအချက်က နိုင်ငံရေးပါတီတွေနဲ့ များများဆက်ဆံရမယ်။ နိုင်ငံရေးပါတီတွေကို သူ ပွင့်ပွင့်လင်းလင်းပြောရမယ်။ နောက်တစ်ခုက သူရဲ့ လုပ်ငန်းစဉ်တွေကို အများပြည်သူနဲ့ လူတိုင်း သိအောင် ပြောပြဖို့လိုတယ်။ ပွင့်လင်းမြင်သာမှုရှိရမယ်။ ဥပမာပြောရရင် ရွေးကောက်ပွဲနေ့ကို အခုကတည်းက သတ်မှတ်လို့ရရင် သတ်မှတ်ရမယ်။ နောက်မို့ဆိုရင် ရွေးကောက်ပွဲနေ့ကို နောက်ကျမှသတ်မှတ်မယ်ဆိုရင် အနိုင်ရပါတီကတော့ ရွေးကောက်ပွဲနေ့ကို ဘယ်နေ့ သတ်မှတ်မလဲဆိုတာ သိမှာပဲ။ လက်ရှိအစိုးရက သိမှာပဲ။ ကျန်တဲ့ပါတီတွေက မသိဘူး။ အဲဒီလိုမဖြစ်ရအောင် ရွေးကောက်ပွဲကို နိုဝင်ဘာလရဲ့ ဘယ်နေ့မှာ သတ်မှတ်လိုက်ပြီဆိုပြီး ပြောရမယ်။ ဒါဆိုရှင်းသွားပြီ။  ဒါဆိုရင် ကော်မရှင်ဟာ ရွေးကောက်ပွဲနေ့ သတ်မှတ်တာဟာ အာဏာရပါတီအလိုကျမဟုတ်ဘဲ အခုကတည်းက သတ်မှတ်လိုက်တယ်ဆိုပြီး အမြင်ရှင်းသွားတာပေါ့။ နောက် ကိုယ်စားလှယ်လောင်းအမည်စာရင်း တင်သွင်းတာ။ ဒါမျိုးကို သူပွင့်ပွင့်လင်းလင်း မီဒီယာတွေနဲ့လည်း စကားပြောမယ်ဆိုရင် အနိမ့်ဆုံးအဆင့် ဥပဒေမူဘောင်အရ သူ မပြောင်းလဲနိုင်ဘူးဆိုရင်တောင် ကော်မရှင်ရဲ့ဆောင်ရွက်ချက်တွေဟာ နိုင်ငံရေးအရ အမှီအခိုကင်းကြောင်း ပြသနိုင်ရင် ရွေးကောက်ပွဲကော်မရှင်အပေါ် ယုံကြည်မှုပိုတက်တာပေါ့ဗျာ။ ကျွန်တော်တို့က အဲဒါမျိုးကို တိုက်တွန်းတာပါ။

The Voice Journal – ၂၀၂၀ ရွေးကောက်ပွဲဟာ လွတ်လပ်မျှတတဲ့ ရွေးကောက်ပွဲဖြစ်ရေး ဘာများ အကြံပြုချင်လဲ။ နောက် မဲပေးမယ့် ပြည်သူတွေကိုရော ဘာများ Sharing လုပ်ချင်လဲဗျ။

USYKSM – အဓိကတော့ ကျွန်တော်က ကော်မရှင်ကို တိုက်တွန်းချင်ပါတယ်။ ရွေးကောက်ပွဲရက်ကို စောစောကြေညာပါ။ တတ်နိုင်သမျှ စောစောကြေညာတာက အကောင်းဆုံးပဲ။ ရွေးကောက်ပွဲရက်အပါအဝင် ရွေးကောက်ပွဲဖြစ်စဉ်တွေကို ကြေညာပေးဖို့လိုတယ်။ ဒါဟာ အရေးအကြီးဆုံး အချက်တစ်ချက်ပဲ။

နောက်တစ်ချက်က နိုင်ငံရေးပါတီတွေအနေနဲ့ မဲဆွယ်စည်းရုံးတဲ့အခါမှာ မူဝါဒတွေ၊ လုပ်ငန်းစဉ်တွေ အပေါ်မှာ အသားပေးစေချင်တယ်။ ဒါတော့ အရေး ကြီးတဲ့ကိစ္စပဲ။ နောက်အရေးကြီးတာက ၂၀၂၀ မှာ မဲပေးတဲ့ ရာခိုင်နှုန်း နည်းမလားဆိုပြီး စိတ်ပူကြတာလည်းရှိတယ်။ အဲဒီအတွက်ကိုလည်း အရပ်ဘက်အဖွဲ့အစည်းတွေက သူတို့နည်း သူတို့ဟန်နဲ့ Voter Education လုပ်နေတာရှိတယ်။ အဲဒါမျိုးကို အစိုးရအနေနဲ့ လုပ်ပိုင်ခွင့် ကျယ်ကျယ်ပြန့်ပြန့်ပေးဖို့လိုတယ်။ ကျွန်တော်တို့ သင်တန်းပေးခါနီးမှ လျှောက်လွှာတင်ရတာမျိုး၊ ကန့်သတ်တာမျိုး အဲဒါမျိုးတွေကို လုပ်တာဟာ ရွေးကောက်ပွဲမှာပါဝင်ဖို့ ကြိုးစားနေတဲ့ အရပ်ဘက်အဖွဲ့အစည်းတွေကို ဟန့်တားရာရောက်တယ်လို့ ကျွန်တော် ယူဆတယ်။ ဥပမာ ကျွန်တော်တို့တွေ သင်တန်းဖွင့်ဖို့အတွက်ကို အဆင့်ဆင့်တင်ပြရတယ်။ တချို့နေရာတွေမှာ ခွင့်မပြုဘူး။ ဒါတွေ ကျွန်တော်တို့ တဖြည်းဖြည်းနဲ့တွေ့လာရတယ်။ အစိုးရအနေနဲ့ အဲဒီလိုမျိုး Voter Education လုပ်နေတာကို အားပေးဖို့လိုတယ်။ ဒါမျိုးတွေ အားကောင်းလာမှ ပြည်သူလူထုက ရွေးကောက်ပွဲအကြောင်း ပိုသိမယ်။ ပိုပြီးတော့ ပါဝင်မယ်။ ရွေးကောက်ပွဲက ပိုပြီးတော့ အဓိပ္ပာယ်ရှိလာမယ်။ အရပ်ဘက်အဖွဲ့အစည်းတွေက ရွေးကောက်ပွဲမှာ မပါဝင်နိုင်ရင် ဒါကပြဿနာရှိတယ်။ စည်ပင်ရွေးကောက် ပွဲဟာ အကောင်းဆုံးဥပမာပဲ။ စည်ပင်ရွေးကောက်ပွဲကို နီးကပ်မှ ကြေညာတယ်။ ပန်းခြံတွေမှာ သင်တန်းတွေ၊ ပြကွက်တွေလုပ်ဖို့ ပြောတဲ့အခါ လုပ်လို့မရဘူး။ မရတဲ့အခါမှာ စည်ပင်ကို ၁၂ ရာခိုင်နှုန်းလောက်ကပဲ မဲလာပေးတယ်။ အစိုးရအနေနဲ့ ပြည်သူတွေ ရွေးကောက်ပွဲကို ကျယ်ကျယ်ပြန့်ပြန့်ပါဝင်လာစေချင်တယ်ဆိုရင် အဲဒီအုပ်ချုပ်ရေးပိုင်းဆိုင်ရာ လုပ်ထုံးလုပ်နည်းအဆင့်တွေကို လျှော့ချပစ်ဖို့လိုတယ်။

The Voice Journal – အချိန်ပေးဖြေကြားပေးတာ ကျေးဇူးပါခင်ဗျ။

ရဲနိုင်ဦး

You may also like...

Leave a Reply

Your email address will not be published. Required fields are marked *