ခြိမ်းခြောက်နေသော ကိုရိုနာ တရုတ်ဗိုင်းရပ်စ်သစ်

WUHAN, CHINA - JANUARY 21 2020: Passengers wearing protective masks walk inside Hankou Railway Station in Wuhan in central China's Hubei province Tuesday, Jan. 21, 2020. A new type of coronavirus has infected hundreds of people in the city.- PHOTOGRAPH BY Feature China / Barcroft Media (Photo credit should read Feature China / Barcroft Media via Getty Images)

တရုတ်နိုင်ငံ ဟူဘေးပြည်နယ် ဝူဟန်မြို့တွင် ပျံ့နှံ့ဖြစ်ပွားလျက်ရှိသော ကိုရိုနာဗိုင်းရပ်စ်သည် ယခင်ဖြစ်ပွားခဲ့ဖူးသော ပြင်းထန်သည့် အသက်ရှူလမ်းကြောင်းဆိုင်ရာရောဂါ ဆားစ်(SARS)လောက် အန္တရာယ်ပေးဖွယ်မရှိပေ။ သို့သော်အာရှနိုင်ငံတစ်လွှား ပျံ့နှံ့ဖြစ်ပွားမည့်အရေးကိုမူ စိုးရိမ်နေကြရဆဲဖြစ်သည်။

နမိုးနီးယားရောဂါလက္ခဏာနှင့်အလားတူ ဝေဒနာမျိုးခံစားရသည့် ကိုရိုနာဗိုင်းရပ်စ်ပိုးသစ် တရုတ်နိုင်ငံအလယ်ပိုင်း ဝူဟန်မြို့တွင် ဖြစ်ပွားလျက်ရှိသည်ဟူသော သတင်းများကြောင့် တရုတ်နိုင်ငံတစ်ဝန်း ပျံ့နှံ့ဖြစ်ပွားမည့်အရေးနှင့် တစ်ကမ္ဘာလုံးပျံ့နှံ့ဖြစ်ပွားနိုင်ခြေရှိခြင်းတို့ကြောင့် စိုးရိမ်ပူပန်မှု ဖြစ်စေခဲ့သည်။ ဝူဟန်မြို့မှ ထိုင်းနိုင်ငံသို့ လာရောက်သည့် ခရီးသည်တစ်ဦးတွင် ကိုရိုနာဗိုင်းရပ်စ်ပိုး တွေ့ရှိခဲ့ကြောင်းလည်း ကမ္ဘာ့ကျန်းမာရေး အဖွဲ့ WHO က ယခုသီတင်းပတ်အတွင်း အတည်ပြုပြောကြားခဲ့သည်။ ထို့အတူ ဟောင်ကောင်နှင့် တောင်ကိုရီးယားနိုင်ငံတို့တွင် ကိုရိုနာဗိုင်းရပ်စ်ကူးစက်ခံထားရသည်ဟု သံသယရှိသောလူနာများ တွေ့ရကြောင်းလည်း သတင်းများထွက်နေခဲ့သည်။ ရောဂါကူးစက်ပျံ့နှံ့မှုမှာ ပြီးဆုံးရန်ဝေးစွ၊ ဗိုင်းရပ်စ်သစ်အကြောင်း သိနားလည်ရန် လေ့လာစရာများစွာ ရှိနေပါသေးသည်။

ဗိုင်းရပ်စ်သစ်က ထိုးသည့် ခေါင်းလောင်းသံ

လက်ရှိဖြစ်ပွားနေသည့် ဗိုင်းရပ်စ်သစ်မှာ လွန်ခဲ့သော ဆယ်နှစ်ခန့်က ဖြစ်ပွားခဲ့သည့် ကူးစက်မြန်ပြင်းထန်အသက်ရှုလမ်းကြောင်းဆိုင်ရာရောဂါ (SARS) နှင့် မျိုးနွယ်တူပါသည်။ ဆားစ် (SARS) ဗိုင်းရပ်စ်မှာ ၂၀၀၂ – ၂၀၀၃ ခုနှစ်တွင် တရုတ်နိုင်ငံ၌ပင် စတင်ဖြစ်ပွားခဲ့ပြီး န်ိုင်ငံပေါင်း ၃၆ န်ိုင်ငံသို့ ကူးစက်ပျံ့နှံ့ခဲ့ရာ ကမ္ဘာတစ်ဝန်း သေဆုံးသူ ၇၇၀ ထိရှိခဲ့သည်။ ဗိုင်းရပ်စ်ကူးစက်ခြင်း၏ နောက်ဆက်တွဲအကျိုးဆက်များကြောင့် တရုတ်စီးပွားရေးနှင့် အရှေ့တောင်အာရှနိုင်ငံများ၏ စီးပွားရေးကို ထိခိုက်သည်အထိ ပြင်းထန်ခဲ့သည်။ ဆားစ်ဗိုင်းရပ်စ်ကဲ့သို့ပင် ယခုဗိုင်းရပ်စ်သစ်မှာလည်း သန္ဓေပြောင်းနှုန်း မြင့်မားဖွယ်ရှိသည်။ အဓိပ္ပာယ်မှာ ဆေးဝါးသစ်များ၊ ကာကွယ်ဆေးအသစ်များကို ဗိုင်းရပ်စ်သစ်က အလျင် အမြန် ခံနိုင်ရည်ရှိလာမည့်သဘောပင်။ ဗိုင်းရပ်စ်သစ်မှာ ယခင်ဆားစ်ဗိုင်းရပ်စ်နှင့် ၈၀ ရာခိုင်နှုန်း တူညီသည်ဟု သတင်းများတွင် ရေးသားဖော်ပြကြသည်။

သို့သော် ယခုဗိုင်းရပ်စ်သစ်မှာ ဆားစ်ဗိုင်းရပ်စ်လောက် အန္တရာယ်ပေးဖွယ်မရှိပေ။ ဆားစ်ဗိုင်းရပ်စ်မှာ အလွန်ကူးစက်ပျံ့နှံ့လွယ်ပြီး အသက်အန္တရာယ်ကိုခြိမ်းခြောက်စေသော ဗိုင်းရပ်စ်ဖြစ်သည်။ ဗိုင်းရပ်စ်သစ်မှာမူ ပြင်းထန်မှု၊ ကူးစက်ပျံ့နှံ့မှုအန္တရာယ် လျော့နည်းပုံရသည်။ ဇန်နဝါရီလ ၁၁ ရက်နေ့ထိ တရုတ်နိုင်ငံတွင် ဗိုင်းရပ်စ်ကူးစက်ခံရသူ ၄၁ ဦးထိ ရှိပြီး သေဆုံးသူတစ်ဦးတည်းသာရှိကြောင်း တွေ့ရှိရသည်။ (ဇန်နဝါရီလ ၂၂ ရက် BBC သတင်းတွင် သေဆုံးသူ ၁၇ ဦးနှင့် ပိုးကူးစက်ခံထားရသူ ၅၀၀ ကျော်ရှိသည် ဗိုင်းရပ်စ်သစ်မှာ လူအချင်းချင်းကြား အလွယ်တကူကူးစက်ပျံ့နှံ့ကြောင်း ရှင်းလင်းသောအထောက်အထား မတွေ့ရသေးပေ။ သို့သော်ယင်းသို့ ကူးစက်ပျံ့နှံ့နိုင်ခြေမရှိဟု ဒေသခံကျန်းမာရေးတာဝန်ရှိသူများက အပြတ်ပြောကြားခြင်း မရှိပေ။ တရုတ်နိုင်ငံတွင် တွေ့ရှိထားသည့် ဗိုင်းရပ်စ်ကူးစက်ခံထားရသူအားလုံးမှာ ဝူဟန်မြို့ရှိ တိရစ္ဆာန်ဈေးကွက်နှင့်ဆက်စပ်နေသူများဖြစ်ကြသည်။ လူနာများမှာ ကိုယ်ပူခြင်း၊ အချို့လူနာများတွင်အသက်ရှုရခက်ခဲခြင်း အပါအဝင်နမိုးနီးယားကဲ့သို့သော ရောဂါလက္ခဏာများပြသလျက်ရှိသည်။

တရုတ်နှစ်သစ်နှင့် ဗိုင်းရပ်စ်သစ် စိန်ခေါ်ချက်များ

ယခုဖြစ်ပွားနေသည့် ကူးစက်ဗိုင်းရပ်စ်မှာ ဇန်နဝါရီ ၂၅ ရက်နေ့တွင် စတင်ကျရောက်မည့် တရုတ်နှစ်သစ်ကူးမတိုင်မီ သီတင်းပတ်အနည်းငယ်အလိုက ဖြစ်ပွားခဲ့ခြင်း ဖြစ်သည်။ ဇန်နဝါရီလလယ်မှ ဖေဖေါ်ဝါရီလလယ်ထိ တရုတ်လူမျိုး သန်းရာနှင့်ချီ၍ တရုတ်နိုင်ငံတစ်ဝန်း ခရီးသွားလာကြမည်ဖြစ်သည်။ ယင်းသို့ ခရီးသွားလာမှုသည် ယခုဖြစ်ပွားနေသည့် ကူးစက်ရောဂါကို ပျံ့နှံ့စေရန် ပိုမိုအားကောင်းသွားစေနိုင်သည်။

ဗိုင်းရပ်စ်သစ်မှာ လူအချင်းချင်းကြား ကူးစက်ပျံ့နှံ့မှုမရှိဟု ယူဆထားခြင်းကြောင့် ကူးစက်ပျံ့နှံ့မှုအန္တရာယ်မှာ နိမ့်သည်ဟု ထင်မြင်ကြသော်လည်း တရုတ်နိုင်ငံတွင် ယခင်ကတည်းက ဖြစ်ပွားနေသည့် ကူးစက်တတ်သောရောဂါမျိုးစုံမှာ နှစ်သစ်ကူးပွဲတော်ကြောင့် အခြေအနေ ပိုဆိုးဖွယ်ရှိသည်။ လက်ရှိဆိုးဆိုးဝါးဝါး ဖြစ်ပွားနေသော အာဖရိကဝက်တုပ်ကွေးအကျပ်အတည်းလည်း ပိုဆိုးသွားဖွယ်ရှိသည်။ အထူးသဖြင့် ခရီးသွားပြည်သူများကြား ရောဂါပိုးပျံ့နှံ့စေသကဲ့သို့ နှစ်သစ်ကူးရုံး ပိတ်ရက်မတိုင်မီ တရုတ်ဝက်သားထုတ်လုပ်ရောင်းချသူများကလည်း ဝက်သားများ တိုးမြှင့်ရောင်းချဖွယ်ရှိသည်။ ထို့ပြင် လွန်ခဲ့သည့်နှစ်လကျော်က အသက်အန္တရာယ်ရှိသော နမိုးနီးယားကူးစက်ရောဂါ ဝေဒနာခံစားရသူများနှင့် တိရစ္ဆာန်မှတစ်ဆင့် ကူးစက်သည့် တုပ်ကွေးကဲ့သို့သောရောဂါလက္ခဏာများပြသသည့် Brucellosis ဝေဒနာသည် ၃၀၀ ကျော် ရှိကြောင်းလည်း တရုတ်အစိုးရက သတင်းထုတ်ပြန်ထားသည်။

တရုတ်အစိုးရကိုင်တွယ်ပုံ မှတ်တမ်းများနှင့် လက်ရှိတုံ့ပြန်မှု

လွန်ခဲ့သည့် ဆယ်နှစ်ခန့် SARS ရောဂါ ဖြစ်ပွားစဉ်အချိန်က တရုတ်အစိုးရမှာ သတင်းထုတ်ပြန်ခြင်းမရှိဘဲ ဖုံးဖိထားပြီး တုံ့ပြန်ဆောက်ရွက်မှုမရှိခဲ့ပေ။ သို့သော် ယခုတစ်ကြိမ်တွင်မူ တရုတ်အစိုးရမှာ ယခင်ကထက် လျင်လျင်မြန်မြန် တုံ့ပြန်ဆောင်ရွက်ခဲ့သည်။ ဒီဇင်ဘာလက ရောဂါစတင်ဖြစ်ပွားကြောင်း သိရှိပြီးပြီးချင်း ရောဂါထိန်းချုပ်ရေးနှင့် ကာကွယ်ရေးစင်တာက စုံစမ်းစစ်ဆေးမှုများ စတင်ခဲ့သည်။ တရုတ်အစိုးရက ကနဦးရောဂါလက္ခဏာရှာဖွေမှု၊ ရောဂါပိုးတွေ့ရှိသူများကို သီးသန့်ခွဲထားမှု၊ ဇန်နဝါရီလ ၁ ရက်နေ့တွင် ဗိုင်းရပ်စ်ပိုး စတင်ပျံ့နှံ့ခဲ့သည့် သားငါးဈေးကို ပိတ်ပစ်မှု စသည်တို့ကိုလုပ်ဆောင်ခဲ့သည်။ ထို့ပြင် ရောဂါပိုးရှိသူများနှင့် နီးနီးကပ်ကပ်ထိတွေ့ ဆက်ဆံခဲ့သူများကို ကပ်ရောဂါဆိုင်ရာ စစ်ဆေးမှုများ ပြုလုပ်ခဲ့သည်။ ဇန်နဝါရီလ ၉ ရက်နေ့တွင် တရုတ်သိပ္ပံပညာရှင်များသည် ဗိုင်းရပ်စ်ပိုး၏ မျိုးဗီဇကိုဖော်ထုတ်နိုင်ခဲ့ပြီး ရောဂါပိုးကို ရှာဖွေဖော်ထုတ်စမ်းသပ်နိုင်ခဲ့သည်။

သို့သော် ကမ္ဘာ့ကျန်းမာရေးပညာရှင်များကမူ တရုတ်အစိုးရသည် ချက်ချင်းတုံ့ပြန်ဆောင်ရွက်နိုင်ခြင်းမရှိခဲ့ဟု စိုးရိမ်နေကြသည်။ ၎င်းတို့က ထောက်ပြသည်မှာ ရောဂါဖြစ်ပွားအပြီး နှစ်ပတ်အကြာမှသာ တရုတ်အစိုးရက သတင်းအချက်အလက်အနည်းငယ် ထုတ်ပြန်ခဲ့သည်ဟု ဆိုသည်။ ဟောင်ကောင်တွင် ဗိုင်းရပ်စ်ပိုးကူးစက်ခံရသူ မြင့်တက်လာခြင်းမှာ ယင်းအချက်ကြောင့် ဖြစ်ကောင်းဖြစ်နိုင်သည်။

နိုင်ငံတကာသိပ္ပံပညာ အသိုင်းအဝိုင်းက ဖိအားပေးမှု တိုးမြှင့်လာသည့်အချိန် ဇန်နဝါရီလ ၁၂ ရက်နေ့ကျမှသာ တရုတ်အစိုးရက ဗိုင်းရပ်စ်ပိုး၏ မျိုးဗီဇအစဉ်ကို မျှဝေအသိပေးခဲ့သည်။ အခြားနိုင်ငံများအနေနှင့် ဗိုင်းရပ်စ်ပိုးကို ပို၍ မြန်မြန်ဆန်ဆန် သိရှိဖော်ထုတ်နိုင်သည့် စမ်းသပ်ကိရိယာများ တီထွင်ထုတ်လုပ်ရန် ဗိုင်းရပ်စ်၏ မျိုးဗီဇအစဉ်ကို သိရှိရန် အလွန်အရေးကြီးသည်။

ဝူဟန်မြို့သားများနှင့် တရုတ်နိုင်ငံသားများ၏ တုံ့ပြန်မှု

တရုတ်အစိုးရက ဗိုင်းရပ်စ်နှင့် ပတ်သက်သော သတင်းအချက်အလက်များကို လက်ဝါးကြီးအုပ် ထိန်းချုပ်ထားသည်ဖြစ်ရာ တရုတ်လူမှုကွန်ရက်မီဒီယာများတွင် ဗိုင်းရပ်စ်အကြောင်း ဆွေးနွေးပြောဆိုမှု နည်းပါးသည်။ သတင်းအမှားများ ဖြန့်ဝေသူကို ထောင်ချမည်ဟု ဒေသခံရဲများက ခြိမ်းခြောက်ထားသည်။ အကျိုးဆက်အနေနှင့် တရုတ်ပြည်သူများမှာ လုံလောက်သောသတင်းအချက်အလက်မရသကဲ့သို့ နိုင်ငံတကာသိပ္ပံပညာရှင်များအနေနှင့်လည်း ဝူဟန်မြို့ပြင်ပတွင် ဗိုင်းရပ်စ်ပိုးကူးစက်ခံရသူ မည်မျှရှိသူဆိုသည်ကို သေသေချာချာ မသိကြပေ။

တရုတ်အစိုးရက ဇန်နဝါရီလ ၃ ရက်နေ့မှစ၍ ဗိုင်းရပ်စ်ပိုးကူးစက်ခံထားရသူ အသစ်မတွေ့ရှိဟု ကြေညာခဲ့သော်လည်း ရောဂါပိုးကူးစက် ပျံ့ပွားမှုများ ရပ်တန့်သွားခြင်း မရှိပါ။ ဝူဟန်မြို့မှ ထိုင်းနိုင်ငံသို့ ဇန်နဝါရီလ ၈ ရက်နေ့တွင် ရောက်ရှိလာသည့် အမျိုးသမီးတွင် ကိုရိုနာဗိုင်းရပ်စ်ကူးစက်ခံထားရကြောင်း တွေ့ရှိခဲ့ရာ တရုတ်နိုင်ငံပြင်ပတွင် ပထမဆုံးရောဂါတွေ့ရှိမှုဖြစ်သည်။ ၎င်းအမျိုးသမီးသည် ကိုရိုနာဗိုင်းရပ်စ်ဖြစ်ပွားခဲ့နှင့်ဆက်စပ်နေသည့်ဈေးသို့ သွားရောက်ခဲ့ခြင်း မရှိသော်လည်း သူမတွင် ရောဂါပိုးတွေ့ရှိရခြင်း ဖြစ်သည်။

တရုတ်အစိုးရအနေနှင့် ဗိုင်းရပ်စ်နှင့်ပတ်သက်၍ ဆက်လက်စုံစမ်းစစ်ဆေးမှုလုပ်ရန် လိုအပ်သကဲ့သို့ အခြားနိုင်ငံများအနေနှင့်လည်း ဗိုင်းရပ်စ်နှင့် ပတ်သက်၍ ပြင်ဆင်မှုများ ပြုလုပ်ထားကြရန် လိုအပ်ကြောင်း ကမ္ဘာ့ကျန်းမာရေးအဖွဲ့ WHO က ထုတ်ပြန်ကြေညာထားသည်။ 

စာညွှန်း။ ။ Why Experts Are Worried About a New Virus in China
ဉာဏကျော်

You may also like...

Leave a Reply

Your email address will not be published. Required fields are marked *