ကလေးမရအောင် ပြုလုပ်နိုင်တဲ့ နည်းလမ်းများ

Cropped shot of a woman taking a pregnancy test while sitting on the toilet

ဗြဟ္မာ့ပြည်က ပစ်ချလိုက်တဲ့ အပ်တစ်ချောင်းနဲ့ လူ့ပြည်ကထောင်ထားတဲ့အပ် ထိကောင်းထိနိုင်မယ်။ လူဖြစ်ရဖို့ ခဲယဉ်းတယ်လို့ ဗုဒ္ဓမြတ်စွာက ဟောကြားခဲ့ဖူးတယ်။ တကယ်တမ်း ဖိုနဲ့ မနှစ်ဦးစလုံးက ကလေးလိုချင်လွန်းလို့ နိုင်ငံခြားထိသွားရောက်ကာ ဖန်ပြွန်နည်းနဲ့ သန္ဓေတည်အောင် ဖန်တီးရယူရာမှာ အောင်မြင်တာနည်းပြီး ၁၀၀ ရာခိုင်နှုန်း စိတ်ချရယူနိုင်စွမ်း မရှိသေးပါဘူး။ ဒါက လူဖြစ်လာဖို့ မလွယ်ကူတာ ဆိုချင်တာပါ။

ကလေးလိုချင်လျက် မရတဲ့သူတွေ ရှိသလို ကလေး မရအောင် ပြုလုပ်တဲ့သူတွေလည်း ရှိပါတယ်။ အချို့ ဘာသာရေး အစွဲအလန်းကြီးသူတို့က ဘုရားပေးတဲ့ ကလေး မတားဘူးဆိုပြီး တစ်ယောက် မက ရယူခဲ့ကြဖူးတယ်။ တကယ်တမ်း စဉ်းစားကြည့်တဲ့အခါ (၁) ကိုယ်ဝန် မရှိအောင် တားမြစ်ခြင်းဖြစ်လို့ လူသတ်ခြင်း မဟုတ်ပါ၊ (၂) ကစ်သလစ်ဘာသာဝင်တို့မှအပ ရှေးထုံးတမ်းစဉ်လာနဲ့လည်း ကိုက်ညီတယ်၊ (၃) မိခင်ရဲ့ ကျန်းမာရေးကိုလည်း အန္တရာယ်မပေးဘူး၊ (၄) လူမှုရေး ထုံးတမ်းနှင့်လည်း ကိုက်ညီတယ်၊ (၅) အကြံပေး ပြုလုပ်ပေးတဲ့ ဆရာဝန်တွေ ကလည်း ဆရာဝန်ပဋိညာဉ်နဲ့အညီ ပြုလုပ်ပေးခြင်းဖြစ်လို့ အာပတ်လွတ်တယ် နားလည်ထားတယ်။

ကလေး မရအောင် ပြုလုပ်တဲ့ နည်းများစွာ ရှိပါတယ်။ အကောင်ရေများတဲ့ အဖိုသုက်ကောင် တားဆီးတဲ့ နည်းနဲ့ တစ်လတစ်ကြိမ် မျိုးဥကြွေတဲ့ အမျိုးသမီး မျိုးဥတစ်လုံးကို အဖိုသုက်ကောင်နဲ့ မတွေ့အောင် တားနည်းပဲ ဖြစ်တယ်။

(၁) ဆရာဝန်တွေ အညွှန်းများတဲ့ နည်းတွေက စားဆေးနည်း၊ ထိုးဆေး (Depo Provia) သုံးလတစ်ကြိမ် ထိုးနည်းရှိတယ်။ ကာမစပ်ယှက်ပြီး အရေးပေါ် ပဋိသန္ဓေတားဆေး (Easy Two) ဆိုတာမျိုး ရှိလာပါတယ်။ သန္ဓေတားဆေးက ရက်ဆက်စားရတာဖြစ်လို့ မေ့ပြုတတ်လို့ မစားဖြစ်ရင် နောက်နေ့မှာ နှစ်လုံး သောက်ပေးနိုင်တယ်။ စားဆေးများမှာ (Marvelon 28) (ANNA) (Oblidan 29) (Volidin 21) (Gynaular 21) တို့ဖြစ်တယ်။ သန္ဓေ တား သုံးလကတော့ (3Mibtg Depo- m-150mg) ထိုးဆေးကတော့ အများစု အသုံးပြုနေကာ အမျိုးသမီးအနည်းငယ်တို့ ၀လာတာကလွဲပြီး ဆိုးကျိုးနည်းတယ်။ သန္ဓေတားဆေးက ရေရှည်စွဲသောက်ရင် ရင်သားကင်ဆာ ဖြစ်နိုင်ပါတယ်။

 (၂) သားအိမ်တွင်း ထည့်တဲ့နည်း (Intruction Contraceptive Devices) မှာ သားအိမ်တွင်းထည့် ကိရိယာက အချင်းတစ်လက်မမှ နှစ်လက်မ ခန့် ကွေးနိုင်တဲ့သတ္တု၊ နိုင်လွန်၊ ပိုလီသင်း စတဲ့အရာတွေ ပါဝင်တယ်။ အမျိုးသမီး သားအိမ်အတွင်း နေသားတကျ ထည့်ထား ခြင်းဖြင့် ပဋိသန္ဓေကို တားဆီးတယ်။ သားအိမ် တွင်းထည့် ကိရိယာဟာ ရာနှုန်းပြည့် စိတ်ချရတဲ့ ပဋိသန္ဓေတားနည်းတော့ မဟုတ်ဘူး။ ဒီနည်းကို သဲကန္တာရတွေမှာ ကုန်သည်တွေ ကုလားအုပ်အမတွေရဲ့ သားအိမ်ထဲ ခဲလုံးတွေထည့်ကာ စမ်းသပ် ခဲ့ရာမှ အောင်မြင်လို့ လူတွေမှာ အန္တရာယ် မပေးတဲ့ပစ္စည်း ကြေးနီ (Copper Loop) ကို အသုံးပြုလာခြင်းဖြစ်တယ်။ အချို့ လက်မောင်းထဲ သန္ဓေတားတဲ့ကွင်းထည့် ပြီး သန္ဓေသားနည်းကို အသုံးပြုလာခြင်း ဖြစ်တယ်။ အဲဒီနည်းက ပိုပြီးအောင်မြင် လာပြီး အသုံးတွင်ကျယ်လာတယ်။ ကိုယ်ဝန်လိုချင်ရင် လက်မောင်းထဲက ပစ္စည်းကို ထုတ်လိုက်ရုံ၊ သားအိမ်ထဲက ကြေးနီချောင်းကို ထုတ်လိုက်ရုံပါပဲ။ သားအိမ်ထဲ ဝင်သွားခြင်းမျိုးရှိလို့ ခွဲပြီး ဖယ်ရှားရတာ၊ ကာမဆက်ဆံရင်း ပြန်ထွက်လာတာမျိုး ကြုံရတတ်ပါတယ်။ သားအိမ်တွင်းကိရိယာ ထည့်ထားပြီး ကိုယ်ဝန်ရရင်လည်း ပူစရာ မလိုပါဘူး။ ပစ္စည်းကို ဖယ်ထုတ်ကာ ကလေးကို လွယ်ကူစွာ မွေးဖွားပေးနိုင်ပါတယ်။

(၃) သားအိမ်ခေါင်းပိတ် (မိန်းမ ကိုယ်အစွပ်များ) (Cerical Caps or Diaphragm) သုံးစွဲနိုင်ပါတယ်။ လုံးဝ ဘေးအန္တရာယ် မရှိတဲ့အပြင် မှန်မှန်ကန်ကန် သုံးရင် စိတ်ချရပါတယ်။ သားအိမ်ခေါင်းပိတ်တွေကို ပျော့ပျောင်းတဲ့ ရာဘာများနဲ့ ပြုလုပ်ထားတယ်။ ပတ်ပတ်လည်မှာ သတ္တုကွင်းတစ်ခုရှိကာ အဆိုပါကွင်းက သားအိမ်ခေါင်းကို အပြင်မှ ပိတ်ထားမှ ရတယ်။ သားအိမ်ဝကို ပိတ်ထားလို့ သုက်ကောင် (အဖိုမျိုးကောင်) ဟာ သားအိမ်တွင်း မဝင်နိုင်တော့လို့၊ သားဥနဲ့ ပေါင်းခွင့်မရလို့ သန္ဓေမတည်နိုင်တော့ပါ ဘူး။ သားအိမ်ခေါင်းအပိတ်တွေ သုံးရာမှာ ပိုပြီး စိတ်ချနိုင်ဖို့ အခေါင်းပိတ်ကို ခရင် (Cream) များ၊ အကျိအချွဲ (Jel) များနှင့် နှစ်ဖက်လုံးသုတ်လိမ်းထားသင့်တယ်။ သားအိမ်ခေါင်းပိတ်တွေမှာ အရွယ်အစား အမျိုးမျိုး၊ ပုံစံအမျိုးမျိုးရှိရာ ကိုယ့်ရဲ့ သားအိမ်ခေါင်းနဲ့ သင့်တော်တဲ့ အရွယ် အစားကို အသုံးပြုဖို့လိုတယ်။ သားအိမ်ခေါင်းပိတ်ကို စတင်အသုံးပြုရင်း တတ်ကျွမ်းတဲ့ဆရာဝန်နဲ့ အကူအညီကို ပထမရယူသင့်ပါတယ်။

သားအိမ်ခေါင်းပိတ်ကို လိင်ဆက်ဆံခြင်းမပြုမီ သုံးနာရီအတွင်း အဆင်ပြေတဲ့အခါ ထည့်သွင်းထားရမယ်။ သန္ဓေသား သို့မဟုတ် သုက်သတ်ခရင် (Cream) များ၊ အကျိအချွဲ (Jel) များကို သားအိမ် ခေါင်းပိတ်နှစ်ဖက်လုံးမှာ သုတ်လိမ်းပေးရမယ်။ အဝတစ်လျှောက်မှာ အနည်းငယ် သုတ်ပေးသင့်တယ်။ ခြောက်နာရီကြာ ထားရှိနိုင်တယ်။ ခြောက်နာရီအတွင်း ထပ်မံဆက်ဆံလိုရင် ထုတ်စရာမလိုဘဲ သုက်သတ်ဆေးရည်သာ ထပ်မံထည့်ပေးသင့်ပါတယ်။ သားအိမ်ခေါင်းပိတ်ကိုသုံးပြီး ဆပ်ပြာနဲ့ သေချာဆေးကာ၊ ခြောက်သွေ့ စေပြီး ပေါင်ဒါဖြူးကာ နောက်ထပ်သုံးနိုင်တယ်။ တစ်ခါသုံး သားအိမ်ခေါင်းစွပ်များ ပေါ်လာပြီဖြစ်တယ်။

(၄) လိင်တံစွပ်ကြက်ပေါင်းအိတ် (Condom Or Fl) ဟာ အမျိုးသား လိင်တံမှာစွပ်ပြီး အသုံးပြုနည်းဖြစ်တယ်။ ပြည့်တန်ဆာများနဲ့ ဆက်ဆံလိုတဲ့ ယောက်ျားတွေ အများဆုံးအသုံးပြုတဲ့ နည်းပဲဖြစ်တယ်။ မမှုတ်ရသေးတဲ့ ရော်ဘာပူဖောင်း သို့မဟုတ် လက်အိတ်နဲ့ တူတယ်။ သုက်တွေကို ယောနိအင်္ဂါနဲ့ သားအိမ်အတွင်း မဝင်အောင် ထိန်းထားပေးရုံမက လိင်မှ တစ်ဆင့် ကူးစက်တတ်တဲ့ ရောဂါများ STD, HIV ၊ အသည်းရောင်ဘီနှင့် စီများ မကူးစက်နိုင်ပါဘူး။ စိတ်ကျေနပ်မှု ရရှိတဲ့အထိ ပါးလွှာပြီး မပေါက်မပြဲနိုင်တဲ့ အစွပ် (Condom) တွေ ပေါ်နေပါပြီ။ ဂျယ် (Jel) မသုံးသင့်ပါ။

(၅) သုက်သတ်ဆေးရည် (Sper-micides) ဟာ မိန်းမရဲ့ လိင်ဆက်ဆံရာ လမ်းကြောင်းအတွင်း ထည့်သွင်းရတဲ့ဆေး ဖြစ်ကာ သုက်ကောင်တွေကို မမျိုးဥနဲ့ မတွေ့နိုင်အောင် တားဆီးသတ်နိုင်စွမ်း ရှိတယ်။ ဆေးအမျိုးမျိုး၊ ဓာတုပစ္စည်း အမျိုးမျိုးရှိရာ ပက်ဖျန်းနိုင်တဲ့ ရေမြုပ်များ၊ အကျွဲအချိနဲ့ ခရင် (Cream) များ၊ အရည်ပျော်လွယ်တဲ့ ဆေးပြားများ၊ ကိုယ်ဝန်မရတဲ့ စိတ်ချရတဲ့ဆေးရည်တို့ သုံးသင့်ပါတယ်။

(၆) ကိုယ်ဝန်မရတဲ့ စိတ်ချရတဲ့ ရက်ရွေးခြင်းသုံးကာ ဓာတုပစ္စည်း၊ ကိရိယာ၊ လိမ်းဆေး၊ စားဆေး၊ ထိုးဆေး မသုံးဘဲ ရက်စွဲကြည့်ကာ ကာကွယ်ခြင်း ဖြစ်တယ်။ မမျိုးဥဟာ တစ်လမှာ တစ်ကြိမ် သို့မဟုတ် ၂၈ ရက်မှာ တစ်ကြိမ် ဥကြွေတာ ကြောင့် အဆိုပါအချိန်မဆက်ဆံရင် သန္ဓေ မရနိုင်ပါဘူး။ သားအိမ်အတွင်း မမျိုးဥ မရှိတဲ့ စိတ်ချရတဲ့ရက်ဆိုတာ ပထမဆုံး ရာသီစလာတဲ့ရက်ကို ၁၄ ရက် ပေါင်းပြီး ရောက်တဲ့ရက် လိင်ဆက်ဆံမှု မပြုရဘူး ဆိုတယ်။ ပိုစိတ်ချရအောင် အရှေ့တစ်ရက် ၁၃ ရက်မြောက်နေ့၊ နောက်တစ်ရက် ၁၅ ရက်မြောက်နေ့ကိုပါ ယူလိုက်ခြင်း သို့မဟုတ် တစ်လမှာ သုံးရက်ရှောင်လိုက်ခြင်းက ကိုယ်ဝန်တားဆေး သောက်စရာ မလိုအပ်ပါဘူး။

စိတ်ချရတဲ့ရက်များ (Safe Period) နဲ့ ပတ်သက်ပြီး ရက်များမှာ ရာသီခွင်မမှန်ရင်၊ ကလေးမွေးပြီးစ သုံး၊ လေးလကြာမှ ရာသီပြန်လာရင် ဘ၀နေထိုင်မှု အပြောင်းအလဲရှိရင်၊ ခရီးဝေး သွားလို့ နေရာဒေသ၊ ရာသီဥတုအပြောင်းအလဲရှိရင်တို့ဟာ ရာသီခွင်ကိုပါ ပြောင်းလဲစေနိုင်တယ်။ နေမကောင်းရင် သို့မဟုတ် စိတ်လှုပ်ရှားလွန်းရင်၊ အစားအသောက် မှန်မှန်မစားခြင်း သို့မဟုတ် ဆရာဝန်ညွှန် ကြားတဲ့ ကင်ဆာဆေးတို့ သောက်နေရင် ရာသီခွင်မမှန်ရင် စိတ်ချရတဲ့ ရက်ရွေး နည်းကို မသုံးသင့်ဘူး။ မှားယွင်းတတ်လို့ အောင်မြင်မှုလည်း မရှိပါဘူး။

(၇) တစ်ခါတည်းမြုံစေကာ တစ်သက်လုံး ကလေးမရစေတဲ့နည်း (Sterization) ကို လင်ရော မယားပါ သုံးသင့်တယ်။ တစ်ခါတည်း မြုံအောင် ယောက်ျားမှ သုက်လွှတ်ကြော နှစ်ဖက်ဖြတ်နည်း (Total Vasectomy) နဲ့ မိန်းမသားအိမ်ပြွန် (ဥပြွန်) ဖြတ်နည်း (Sterilization) ရှိတယ်။ ယောက်ျား သားကြောဖြတ်နည်းက သုက်ရည်မထွက် နိုင်တော့လို့ အဆိုပါနည်းနဲ့ ဖြတ်တောက် တဲ့ ယောက်ျားဟာ သန္ဓေဆောင်ခွင့်မရှိ တော့ပါဘူး။ ဘယ်လိုပဲ အမျိုးသမီး မျိုးဥပြွန်ဖြတ်နည်း (Sterilization) ကလည်း လစဉ် မမျိုးဥဖြတ်သန်းရာပြွန်ကို  ဖြတ်ထုတ်တာဖြစ်လို့ မမျိုးဥမဆင်းနိုင်တော့လို့ ကိုယ်ဝန်လည်း မရနိုင်တော့ပါဘူး။

ယောက်ျား သို့မဟုတ် မိန်းမ ဖြတ်တောက်ပြီးရင် ကလေးရယူဖို့ ပြန်မဖြစ်နိုင်ဘူး (ယခုအခါ ပလတ်စတစ်ဆာဂျရီနည်းနဲ့ ပြွန်နှစ်ခုပြန်ဆက်ပေးပြီး ကလေးပြန်လည်ရယူနိုင်အောင် ဝန်ဆောင်မှုပေးနိုင်ပြီ ဖြစ်တယ်။) အဆိုပါနည်းရဲ့ ကောင်းကျိုးက ကလေးမရစေဖို့ သေချာနေလို့ ကလေးရမှာ ကြောက်ရ၊ ပူရ ဒုက္ခငြိမ်းပါတယ်။ ခွဲစိတ်ခံထားလို့ ကျန်းမာရေး သို့မဟုတ် လိင်ဆက်ဆံမှုကို ဘယ်လိုမှ ထိခိုက်ခြင်း မရှိနိုင်ပါဘူး။

(က) ယောက်ျားကို မြုံစေခြင်း သို့မဟုတ် သုက်ပြွန်ဖြတ်နည်းမှာ မေ့ဆေးပေးပြီး ကပ်ပယ်အိတ် (Scrotum) မှ တက်လာတဲ့ သုက်ပြွန်ကိုချည်ကာ ဖြတ်ပစ်လိုက်ရုံနဲ့ သုက်ကောင်များ တက်လာတဲ့ လမ်းကြောင်းကို ပိတ်ပြီးသား ဖြစ်သွားတယ်။ ခွဲစိတ်ပြီး နှစ်ရက်အတွင်း အလုပ်ခွင်ပြန်ဝင်နိုင်လို့ ဘေးထွက်ဆိုးကျိုး မရှိပါဘူး။ သုက်ပြွန်ဖြတ်ပြီးပြီးချင်း ယောက်ျားမှာ မမြုံသေးဘူး။ တစ်လအတွင်း လိင်ဆက်ဆံရင် ကလေးရနိုင်ပါတယ်။ သုက်ရည်မှာ သုက်ကောင် မပါတော့ကြောင်း သုံးကြိမ်တိတိ စမ်းသပ်ကြည့်ပြီးမှသာ လိင်ဆက်ဆံသင့်တယ်။

(ခ) မိန်းမကို မြုံစေနည်း (Sterilization) က ဗိုက်ခွဲကာ အတွင်းဘက်ရှိ သားအိမ်ပြွန်ကို ဖြတ်ရလို့ ယောက်ျားတွေ မြုံစေတာထက် ခက်ခဲတယ်။ ရိုးရိုးဆေးခန်းမှာ မပြုလုပ်သင့်ဘူး။ ဆေးရုံမှာ ခွဲစိတ်ပြုလုပ်သင့်တယ်။

ဥပဒေအရ သားသမီးစုံလင်စွာရှိခြင်း၊ မိခင်မှာ သန္ဓေတည်လာပါက မိခင်အသက် စိုးရိမ်စရာရောဂါရှိခြင်း၊ သားသမီးများနှင့် Multiparity ကြောင့် ကလေးရယူလိုခြင်းမရှိကြောင်း ကာယကံရှင် ယောက်ျား၊ မိန်းမ၊ သားဖွားမီးယပ် ပါရဂူနဲ့ ဘုတ်အဖွဲ့ထောက်ခံချက်ရှိမှသာ သားကြောဖြတ်ပေးတတ်တယ်။ မြန်မာနိုင်ငံမှာ နောက်ဆုံးသားသမီးကို ခွဲစိတ်မွေးမြူဖို့ ပြင်ဆင်ထားရင် မိန်းမသားကြော ဖြတ်လျှောက်လွှာကိုပါ တစ်ပါထဲ လျှောက်ရမယ်။ ခွင့်ပြု ချက်ရယူကာ ခွဲစိတ်ခန်းထဲမှာပင် တစ်ခါထဲ သားသမီး နောက်ထပ်မရအောင် ဆောင်ရွက်ပေးနည်း ဖြစ်တယ်။ အနာကျက် ဆေးရုံဆင်းပြီးရင် လိင်ဆက်ဆံပါက သားသမီး မရနိုင်တော့ပါဘူး။

သားသမီး မလိုချင်သူတွေအနေနဲ့ သင့်တော်တဲ့ နည်းလမ်းအသုံးပြုကာ ဆောင်ရွက်နိုင်ပါပြီ။ မလိုချင်တဲ့ ကလေးများကို သန္ဓေတည်မှ ဖြတ်ချခြင်း မပြုလုပ်သင့်ပါဘူး။      

ဒေါက်တာလွင်သန့်

You may also like...

Leave a Reply

Your email address will not be published. Required fields are marked *