ဒီမိုကရေစီအခြေခံ လူထုဆက်ဆံရေး

တရုတ်ပြည်သူ့သမ္မတနိုင်ငံတွင် စတင်ဖြစ်ပွားပြီး ယခု ကမ္ဘာအရပ်ရပ်သို့ ကူးစက်ပြန့်ပွားလျက်ရှိသော ဝူဟန်ဗိုင်းရပ်စ်ခေါ် ကိုရိုနာဗိုင်းရပ်စ်နှင့်ပတ်သက်၍ တရုတ်နှင့် အိမ်နီးချင်းဖြစ်နေသော မြန်မာနိုင်ငံတွင်လည်း အများပြည်သူ စိုးရိမ်ထိတ်လန့်ဖွယ်အကြောင်းအရာ ဖြစ်နေသည်။

ယင်းအခြေအနေအပေါ် မြန်မာနိုင်ငံရှိ သက်ဆိုင်ရာတာဝန်ရှိသူများ၏ တုံ့ပြန်ကိုင်တွယ်ဆောင်ရွက်ပုံမှာလည်း ဝေဖန်ထောက်ပြစရာများရှိနေသည်။ ကျန်းမာရေးဝန်ကြီးဌာနထံတွင် လုံလောက်သည့် ကြိုတင်စီမံမှုများ၊ အကာအကွယ်၊ အရံအတားလုပ်ငန်းများ မည်မျှစိတ်ချလုံခြုံဖွယ်ရှိကြောင်း ပြည်သူလူထု သေချာစွာမသိရသော်ငြား ကျန်းမာရေးဝန်ကြီး၏ သတင်းမီဒီယာများသို့ ပြောဆိုချက်မှာမူ များစွာယုံကြည်မှုရှိနေပုံရသည်။

အိမ်နီးချင်းနိုင်ငံသားအများအပြားတွင် ဝူဟန်ဗိုင်းရပ်စ် ကူးစက်လူနာများ တွေ့ရှိနေရလင့်ကစား ယနေ့အချိန်အထိ မြန်မာနိုင်ငံတွင် တစ်စုံတစ်ဦးမျှ မတွေ့ရသေးခြင်းမှာ ဝန်ကြီးပြောဆိုသကဲ့သို့ ကာကွယ်ရေးအစီအစဉ်များက အထူးတလည် ကောင်းမွန်သည့်သဘော သက်ရောက်နေပေသည်။

သို့သော် လက်တွေ့တွင် အဆိုပါအခြေအနေအတိုင်းမဟုတ်ဘဲ ယခင်ခေတ်အခါများကဲ့သို့ ခေါင်းဆောင်နှင့် ပြည်သူကို အဖြစ်မှန်ဖုံးကွယ်လိုသည့်သဘောဖြင့် လိမ်ညာခြင်း သို့မဟုတ် မြေပြင်အခြေအနေကို သေချာစွာ ကွင်းဆင်းစုံစမ်းစစ်ဆေး၊ အတည်ပြုခြင်းမရှိဘဲ ထုံးစံအတိုင်း စိတ်ချမ်းသာစေသော အစီအရင်ခံခြင်းမျိုးဖြစ်နေပါမူ နောက်ဆက်တွဲအကျိုးဆက်များ ကြီးစွာရိုက်ခတ်လာနိုင်သည်။

နိုင်ငံရေးရာထူးဖြစ်သည့် ဝန်ကြီးတာဝန်မှသည် နိုင်ငံတော်သမ္မတအဆင့်အထိ နိုင်ငံတွင် ဖြစ်ပေါ်နေသောအခြေအနေ သို့မဟုတ် လက်ရှိ ကြုံတွေ့နေရသော အထွေထွေရိုက်ခတ်မှုများနှင့် ပတ်သက်လျှင် ‘ဆိုခဲစေ၊ မြဲစေ’ ဆိုသည့်အတိုင်း မိမိပြောသည့်စကားတိုင်း မပြောခင် သေချာစွာချင့်ချိန်စဉ်းစားထားရန် လိုပေသည်။

ထို့အတူ အစိုးရတာဝန်ကို ထမ်းဆောင်သည့်အခါ သဘာဝအရ ပြည်သူလူထုထံမှသော်လည်းကောင်း လူထု၊ လူတန်းစားအဖွဲ့အစည်းအသီးသီးထံမှသော်လည်းကောင်း၊ အရပ်ဘက်လူ့အဖွဲ့အစည်းများထံမှလည်းကောင်း၊ သဘောတူထောက်ခံခြင်း၊ ကန့်ကွက်ဆန္ဒပြခြင်းများနှင့် မလွဲမသွေကြုံရမည်ကိုလည်း တင်ကြိုမျှော်လင့်ထားရမည်ဖြစ်သည်။

မပြောခင် သေချာစွာချင့်ချိန်စဉ်းစားပြီး လူထုသိရှိရန် ထုတ်ဖော်ပြောဆိုပြီးသည့်စကားတိုင်းကို တာဝန်ယူ၊ တာဝန်ခံရမည်မှာ နိုင်ငံရေးရာထူးလက်ခံရယူထားသူတိုင်း လိုက်နာရမည့်အချက်ဖြစ်သည်။

မိမိအား သို့မဟုတ် မိမိပါဝင်၊ ဦးဆောင်သည့် အစိုးရအဖွဲ့အား မူဝါဒများ၊ လုပ်ကိုင်ဆောင်ရွက်မှုများနှင့် ပတ်သက်၍ ဝေဖန်ကန့်ကွက်ဆန္ဒပြသည့်အခါမျိုးတွင်လည်း စိတ်လိုက်မာန်ပါ တုံ့ပြန်ခြင်းအစား ဆန္ဒပြထုတ်ဖော်သူကို စိတ်အဆာပြေသွားစေရန် ပါးနပ်ထက်မြက်စွာ ကိုင်တွယ်တုံ့ပြန်တတ်ရန် လိုပေသည်။

ဝူဟန်ဗိုင်းရပ်စ်ကဲ့သို့ ကူးစက်ရောဂါနှင့် ပတ်သက်၍ လူထုထံပြန်ကြားခြင်းမျိုးသည်လည်းကောင်း၊ အစိုးရ၏ မူဝါဒ၊ အကောင်အထည်ဖော်မှုများအပေါ် သဘောမတူ ဆန္ဒထုတ်ဖော် ကန့်ကွက်မှုမျိုးကိုသော်လည်းကောင်း ကျွမ်းကျင်လိမ္မာပါးနပ်ထက်မြက်စွာ ကိုင်တွယ်၊ ထိန်းကျောင်းနိုင်ခြင်းသည် ဒီမိုကရေစီစနစ်၏ အခြေခံလူထုဆက်ဆံရေးအချင်းအရာများသာဖြစ်ကြောင်း သိစေလိုရင်းဖြစ်သည်။ 

အယ်ဒီတာ (၃၀-၁-၂၀၂၀)

You may also like...

Leave a Reply

Your email address will not be published. Required fields are marked *