မြန်မာ့စီးပွားရေးကို ခြိမ်းခြောက်သည့် ဝူဟန်ဗိုင်းရပ်စ်

ဝူဟန်ဗိုင်းရပ်စ်က မြန်မာ့စီးပွားရေးကို အထိနာစေမည့် ထိုးနှက်ချက်တစ်ခု ဖြစ်လာသည်။

တရုတ်နိုင်ငံ ဝူဟန်မြို့တွင် စတင်ဖြစ်ပွားခဲ့သည့် ကိုရိုနာဗိုင်းရပ်စ်ကူးစက်ရောဂါသည် ကမ္ဘာ့လူသားတို့၏ အသက်ဘေးကို ခြိမ်းခြောက်ရုံသာမက ကမ္ဘာ့ခရီးသွားလုပ်ငန်းကိုပါ သက်ရောက်နိုင်ကြောင်း ခန့်မှန်းထားပြီး တရုတ်နှင့် အိမ်နီးချင်းဖြစ်သည့် မြန်မာနိုင်ငံတွင်လည်း အလားတူ ဆိုးကျိုးသက်ရောက်မှု  ရှိလာသည်။

တရုတ်နိုင်ငံသည် မြန်မာနိုင်ငံ၏  အကြီးဆုံးကုန်သွယ်ဖက်ဖြစ်ပြီး နိုင်ငံခြား ရင်းနှီးမြှုပ်နှံမှု အများဆုံး မြှုပ်နှံထားသည့် နိုင်ငံဖြစ်ခြင်းကြောင့် တရုတ်ဈေးကွက်တွင် ပြဿနာတစ်စုံတစ်ရာ ဖြစ်သည်နှင့်  မြန်မာနိုင်ငံတွင်လည်း ထိခိုက်မှုရှိသည်။

တရုတ်နိုင်ငံတွင် ကိုရိုနာဗိုင်းရပ်စ်  ပြင်းပြင်းထန်ထန်ဖြစ်ပွားခြင်းကြောင့် နှစ်နိုင်ငံ ကုန်စည်ကူးသန်းရောင်းဝယ်မှု၊ ခရီးသွားဝင်ထွက်မှုများ ရပ်ဆိုင်းသွားသည်။ တရုတ်ဈေးကွက်ကို အလေးထားတင်ပို့နေသည့် မြန်မာ့ပို့ကုန်များ အကျပ်အတည်း ဆိုက်သည်။ တရုတ်ခရီးသွား ဝင်ထွက်မှု ကန့်သတ်ခြင်းကြောင့် ခရီးသွားလုပ်ငန်းနှင့် ဆက်စပ်သည့် ဟိုတယ်၊ ခရီးသည်ပို့ဆောင်ရေး၊ စားသောက်ဆိုင်နှင့်  အမှတ်တရပစ္စည်းအရောင်းဆိုင်များ ထိခိုက်သည်။

ထိုထိခိုက်မှုက မြန်မာအတွက် မည်မျှကြီးမားသနည်း။

အထိနာ နယ်စပ်ပို့ကုန်

မြန်မာ-တရုတ်နယ်စပ် ကုန်သွယ်ရေးသည် နှစ်နိုင်ငံ ကုန်စည်ကူးသန်းရောင်းဝယ်ရေးအတွက် အရေးပါသည်။

အထူးသဖြင့် မြန်မာ-တရုတ်နယ်စပ်  မူဆယ် ၁၀၅ မိုင်သည် နယ်စပ်ကုန်သွယ်မှုအများဆုံးဖြစ်ပြီး မြန်မာနိုင်ငံ၏ နယ်စပ်ကုန်သွယ်မှုပမာဏစုစုပေါင်း၏ ၅၀  ရာခိုင်နှုန်းကျော်ရှိသည်။ မြန်မာနိုင်ငံဘက်မှ စိုက်ပျိုးရေးထွက်ကုန်၊ ရေထွက်ကုန်များတင်ပို့ပြီး တရုတ်နိုင်ငံမှ လူသုံးကုန်၊  စားသောက်ကုန်နှင့် စက်ယန္တရားများ တင်သွင်းသည်။

နှစ်စဉ် ဒီဇင်ဘာနှင့် ဇန်နဝါရီလ တို့သည် မြန်မာ့လယ်ယာထွက်ကုန်အနက် သစ်သီးဝလံများဖြစ်သည့် ဖရဲ၊  သခွားတို့ လှိုင်လှိုင်ထွက်ရှိပြီး တရုတ်ဈေးကွက်သို့ အလုံးအရင်းတင်ပို့သည့် ကာလဖြစ်သည်။ ထို့အတူ ရေထွက်ကုန်များဖြစ်သည့် ကဏန်း၊ ငါးရှဥ့်၊ ကင်းပုဇွန်၊  ခရု စသည့်ရေထွက်ကုန်များကို တရုတ်ဈေးကွက်သို့ အလေးထားတင်ပို့ကြသည်။

ယခုအခါ တရုတ်နိုင်ငံတွင် ကိုရိုနာဗိုင်းရပ်စ် ပြင်းပြင်းထန်ထန် ကူးစက်ပျံ့နှံနေခြင်းကြောင့် နယ်စပ်ပို့ကုန်များ တင်ပို့မှုရပ်ဆိုင်းသွားသည်။ နယ်စပ်ဂိတ် မပိတ်သော်လည်း တရုတ်ဝယ်လက်များ မရှိသဖြင့် အရောင်းအဝယ် နည်းပါးသွားကြောင်း မူဆယ်အခြေစိုက်ကုန်သည်များထံမှ သိရသည်။

“ဈေးကွက် ပိတ်လို့မဟုတ်ဘူး။ လမ်းကြောင်းပိတ်လို့ မဟုတ်ဘူး။ တရုတ်တွေကလည်း ရောဂါဖြစ်နေတော့ ဆက်လာ မဝယ်တော့တာလေ။ သစ်သီးတွေ ခူးပြီးတဲ့ သူတွေကလည်း ပုံထားရတယ်။ ဆုံးရှုံးမှု ပမာဏတော့ သေချာမသိဘူး။ တော်တော်များတော့ များမှာပဲ” ဟု မူဆယ်မြို့ ခွာညိုသစ်သီးပွဲရုံပိုင်ရှင် ဦးစိုင်းခင်မောင်က  ပြောကြားသည်။

၂၀၂၀ ပြည့်နှစ် ဇန်နဝါရီ ၂၄ ရက် နေ့မှ ၂၆ ရက်အထိ တရုတ်နှစ်သစ်ကူးပွဲတော်ကာလဖြစ်သဖြင့် မူဆယ် နယ်စပ်ကုန်သွယ်ရေးစခန်း ရပ်နားထားခဲ့သည်။

ထိုအချိန်တွင် တရုတ်နိုင်ငံ၌ လူရာပေါင်းများစွာ ကိုရိုနာဗိုင်းရပ်စ် ကူးစက်ခံနေရပြီး ဒါဇင်နှင့်ချီသည့် လူများ အသက်ဆုံးရှုံးခဲ့ရသည်။ တစ်ဆက်တည်းတွင် တရုတ်အာဏာပိုင်များသည် ရောဂါပိုးစတင်ပျံ့နှံ့ရာ ဝူဟန်မြို့၏ မြို့တွင်းသယ်ယူပို့ဆောင်ရေး လမ်းကြောင်းများကို  ဖြတ်တောက်ခဲ့သည်။

အဆိုပါဗိုင်းရပ်စ်ကူးစက်မှုကို အရေးပေါ်ကမ္ဘာ့ကျန်းမာရေးအခြေအနေအဖြစ် ကမ္ဘာ့ကျန်းမာရေးအဖွဲ့ (WHO)  က ကြေညာထားသည်။ ဖေဖော်ဝါရီလ ၅ ရက်အထိ ရောဂါဖြစ်ပွားသည့် နိုင်ငံ  ၂၈ ခု၊ ကူးစက်ခံရသူ ၂၄,၅၇၈ ဦး၊ သေဆုံးသူ ၄၉၂ ဦးအထိ ရှိကြောင်း တရုတ်အမျိုးသားကျန်းမာရေးကော်မရှင်၏ ထုတ်ပြန်ချက်များကို ကိုးကား၍ သတင်းမီဒီယာများက ဖော်ပြသည်။

ရောဂါဖြစ်ပွားမှုနှင့် ကူးစက်ခံလူနာကုသမှုအတွက် တရုတ်သမ္မတ ရှီကျင့်ဖျင် ကိုယ်တိုင် ညွှန်ကြားချက် ပေးနေပြီး ဝူဟန်နှင့် ဟူပေဒေသကို ဗဟိုပြုအဓိကထားကာ ရောဂါကာကွယ်ထိန်းချုပ်မှုစနစ်ကို တည်ဆောက်ထားကြောင်း မြန်မာနိုင်ငံဆိုင်ရာတရုတ်သံရုံး ယာယီတာဝန်ခံ Ms.LiXiaoyan  က ဖော်ဖော်ဝါရီလ ၄ ရက်တွင် မီဒီယာများသို့  ရှင်းလင်းပြောကြားခဲ့သည်။

သို့သော် ရောဂါကိုထိန်းချုပ်နိုင်ခြင်း မရှိသေးချေ။ ရောဂါဖြစ်ပွားမှုနှင့်အတူ  မြန်မာ-တရုတ် နယ်စပ်ကုန်သွယ်ရေးမှာ  အရောင်းအဝယ် အေးဆက်နေဆဲဖြစ်ကြောင်း ဦးစိုင်းခင်မောင်က ပြောကြားသည်။ ဇန်နဝါရီလ ၂၇ ရက်နေ့တွင် မူဆယ်ဈေးကွက် ပြန်ဖွင့်ခဲ့သော်လည်း သီတင်းပတ် နှစ်ခုကြာသည့်တိုင် ကူးသန်းရောင်းဝယ်မှု နည်းပါးဆဲဖြစ်ကြောင်း ၎င်းက ပြောကြား သည်။

ပုံမှန်အားဖြင့် ဖရဲနှင့် သခွားရာသီတွင် သစ်သီးတင်ကားအစီးရေ ၃၀၀ မှ  ၄၀၀ အထိ တင်ပို့မှုရှိသော်လည်း ယခုအခါ ကားအစီးရေ ဆယ်စီးခန့်သာ ရောင်းချမှုရှိကြောင်း ဦးစိုင်းခင်မောင်က ဆိုသည်။  ကုန်စည်အရောင်းအဝယ် နည်းပါးလာမှုနှင့်အတူ ဖရဲဈေးနှုန်းလည်း ၆၀ ရာခိုင်နှုန်း လျော့ကျလာကြောင်း ၎င်းက ဆက်ပြောသည်။

သစ်သီးပို့ကုန်သာမက ရေထွက်ကုန်တင်ပို့မှုလည်း ထိခိုက်ကြောင်း လှိုင်သာယာမြို့နယ်တွင် ကဏန်းအရောင်း အဝယ်လုပ်ကိုင်သူ ဦးမြင့်စန်းက ဆိုသည်။  ဦးမြင့်စန်းသည် ရန်ကုန်မှ တရုတ်နိုင်ငံသို့  ကဏန်းတင်ပို့သည့် လုပ်ငန်းရှင်များကို ကဏန်းပြန်လည်ရောင်းချသော ဝယ်ရောင်း တစ်ဦးဖြစ်သည်။

တရုတ်သို့ ကဏန်းတင်ပို့ရာတွင်  လုပ်ငန်းရှင်များသည် ရန်ကုန်မြို့တွင် ကဏန်းဒိုင်များဖွင့်၍ ရန်ကုန်၊ ဧရာဝတီ၊ရခိုင်ပြည်နယ်တို့မှ ကဏန်းများ ဝယ်ယူစုဆောင်းကာ တရုတ်နိုင်ငံသို့ တင်ပို့ရောင်းချကြောင်း ၎င်းက ဆိုသည်။

တရုတ်နှစ်သစ်ကူး ပွဲတော်အပြီးတွင် ကဏန်းတင်ပို့မှု ရပ်တန့်သွားသည်။  တရုတ်သို့ ကဏန်းတင်ပို့ခွင့် မရသဖြင့် ကဏန်းများကို ပြည်တွင်းစားသောက်ဆိုင်များထံ ပြန်လည်ရောင်းချရပြီး တရုတ်ပို့ဈေး ကဏန်းတစ်ကောင်လျှင် (အလေးချိန် အလိုက်) ၁၅,၀၀၀ ကျပ်၊ ၁၆,၀၀၀ ကျပ် ဈေးရရှိရာမှ ပြည်တွင်းဈေးကွက်တွင် ကျပ် ၅၀၀၀ ခန့်ဖြင့် ပြန်လည်ရောင်းချနေရကြောင်း ၎င်းက ပြောသည်။

“လုံးဝရပ်ထားရတယ်။ တရုတ်နှစ်သစ်ကူးပြီးနောက်ပိုင်း နှစ်ရက်လောက်ပဲ တင်တဲ့ ကုန်လေးတွေကို ရောင်းပေးလိုက်တယ်။ နောက်ရက်တွေကျတော့ ရပ်ပစ်လိုက်ပြီ။ ဘာဖြစ်လို့လဲဆိုတော့ ရှုံးတဲ့ဒဏ်ကို မခံနိုင်တော့ဘူး” ဟု ဦးမြင့်စန်းက  ဆိုသည်။

ကဏန်းအပြင် ခရု၊ ငါးရှဥ့်၊ ငါးလင်ပန်း၊ ကင်းပုဇွန် အစရှိသည့် ရေထွက်ကုန်ပစ္စည်းဈေးကွက် ရပ်ဆိုင်းသွားပြီး မြန်မာနိုင်ငံအောက်ပိုင်း ပင်လယ်ပြင်ငါးဖမ်းစက်လှေများလည်း လုပ်ငန်းရပ်နားမှုရှိကြောင်း  ၎င်းက ဆိုသည်။

လက်ရှိတွင် တရုတ်သို့ ဖရဲ၊ သခွားနှင့် ရေထွက်ကုန်အများဆုံး တင်ပို့သော ရာသီဖြစ်ပြီး အခြားထွက်ကုန်များ ပုံမှန်တင်ပို့မှုရှိသည်။ သို့ဆိုလျှင် တရုတ်ဈေးကွက်သို့တင်ပို့သည့် ပို့ကုန်ပစ္စည်း အားလုံးရပ်ဆိုင်းမည်ဖြစ်သည်။

“စိုက်ပျိုးရေးထွက်ကုန်တွေ အကုန်လုံးက နယ်စပ်က သွားတာ။ သင်္ဘောလိုင်းနဲ့ သွားတာမရှိဘူး။ လေယာဉ်နဲ့ သွားတာမရှိဘူး။ အဒါကြောင့် နယ်စပ် ထွက်ပေါက်တွေပိတ်သွားတော့ ကျွန်တော်တို့ စိုက်ပျိုးရေးထွက်ကုန်တွေ အကုန်လုံး  Block ဖြစ်သွားတာပေါ့။ အဲဒီအတွက်ကြောင့် အများကြီးရိုက်ခတ်မှုရှိတာပေါ့”ဟု ရန်ကုန်စီးပွားရေးတက္ကသိုလ် ပါမောက္ခချုပ် ဒေါက်တာတင်ဝင်းက ဆိုသည်။

ပြီးခဲ့သည့် ၂၀၁၉ ခုနှစ်က တရုတ်-မြန်မာကုန်သွယ်မှုတန်ဖိုး အမေရိကန် ဒေါ်လာ ၅ ဘီလီယံနီးပါး ရှိသည်။ ကုန်စည်ရောင်းဝယ်မှု နှေးကွေးမှုကာလ ကြာမြင့်ပါက ထိခိုက်မှုကြီးမားနိုင်ကြောင်း ရန်ကုန်စီးပွားရေးတက္ကသိုလ် ပါမောက္ခချုပ်  ဒေါက်တာတင်ဝင်းက ပြောကြားသည်။

လက်ရှိအချိန်ထိ ကိုရိုလာဗိုင်းရပ်ကို မထိန်းချုပ်နိုင်သေးသကဲ့သို့ တရုတ်နိုင်ငံတွင် ယင်းဗိုင်းရပ်စ်ကြောင့် လူသေဆုံးမှု ရှိနေဆဲဖြစ်သည်။ အီဘိုလာ၊ ဆားရောဂါများ ထိန်းချုပ်နိုင်ရန် အချိန်သုံးလမှ ခြောက်လအထိ ကြာမြင့်ခဲ့ပြီး ကိုရိုနာဗိုင်းရပ်ကို ထိန်းချုပ်နိုင်ရန် မည်မျှအချိန်ယူရမည် မသိနိုင်သေးပေ။

တည့်တည့်ထိမည့် ခရီးသွားလုပ်ငန်း

‘ကံဆိုးမ သွားရာ မိုးလိုက်လို့ ရွာ’ ဖြစ်ရသည်မှာ မြန်မာ့ခရီးသွားလုပ်ငန်းပင် ဖြစ်သည်။

ရခိုင်ပြည်နယ်အရေးကြောင့် အနောက်အုပ်စုနိုင်ငံခရီးသွားများ မြန်မာ နိုင်ငံသို့ လာရောက်လည်ပတ်မှု နည်းပါးချိန် မြန်မာအစိုးရက အရှေ့မျှော်ဝါဒအဖြစ် တရုတ်၊ ဂျပန်၊ကိုးရီးယားနိုင်ငံသုံးခုကို  ဗီဇာဖြေလျှော့ကာ ဆွဲဆောင်ခဲ့သည်။

ယင်းသို့ ဖြေလျှော့လိုက်ပြီးနောက် မြန်မာနိုင်ငံသို့ အာရှနိုင်ငံခရီးသွားဝင်ရောက်မှုလည်း တိုးတက်ခဲ့သည်။ တရုတ် ခရီးသွားဝင်ရောက်မှု အများဆုံးတိုးတက်လာပြီး ၂၀၁၈ ခုနှစ်တွင် မြန်မာနိုင်ငံသို့  တရုတ်ခရီးသည် နှစ်သိန်းကျော် ဝင်ရောက်ခဲ့ရာမှ ၂၀၁၉ ခုနှစ်တွင် ခြောက်သိန်းနီးပါးအထိ ဝင်ရောက်လာခဲ့သည်။ တရုတ်ခရီးသွား ၁၆၁ ရာခိုင်နှုန်း တိုးလာကြောင်း ဟိုတယ်နှင့် ခရီးသွားလာရေးဝန်ကြီးဌာန ထံမှ သိရသည်။

ယခုအခါ ကိုရိုနာဗိုင်းရပ်စ်ကြောင့်  မြန်မာနိုင်ငံသို့ ခရီးသွားဝင်ရောက်မှု လျော့ကျလာသည်။ ကိုရိုနာဗိုင်းရပ်စ် ထိန်းချုပ်ကာကွယ်ရန် ယခုလ ၁ ရက်နေ့မှ  စတင်ကာ တရုတ်နိုင်ငံမှ မြန်မာသို့ လာရောက်မည့်ခရီးသွားများကို ဆိုက်ရောက် ဗီဇာပေးခြင်း မြန်မာအစိုးရက ယာယီရပ်ဆိုင်းခဲ့သည်။

ရန်ကုန်နှင့် မန္တလေးအပြည်ပြည် ဆိုင်ရာလေဆိပ်မှ တရုတ်နိုင်ငံသို့ ချိတ်ဆက်ပျံသန်းသည့် လေကြောင်းလိုင်းများ ဖျက်သိမ်းခဲ့သည်။ မြန်မာနိုင်ငံသို့ လာရောက်လည်ပတ်ရန် ကြိုတင်စာရင်းပေးသွင်းထားသည့် ခရီးစဉ်များလည်း ဖျက်သိမ်းသွားကြောင်း ခရီးသွားလုပ်ငန်းအသိုင်းအဝိုင်းထံမှ သိရသည်။

ကိုရိုနာဗိုင်းရပ်စ်ကြောင့် တရုတ်ခရီးသွားဝင်ရောက်မှုနည်းပါးခြင်းသည်  မြန်မာသာမက ဒေသတွင်းနိုင်ငံများပါ  ရိုက်ခတ်မည်ဖြစ်သည်။ သို့သော် မြန်မာနိုင်ငံသို့ တရုတ်ခရီးသွား အများဆုံးဝင်ရောက်နေပြီး ဆိုက်ရောက်ဗီဇာ ရပ်ဆိုင်းခြင်း၊ လေကြောင်းလိုင်းများ ဖျက်သိမ်းခြင်းကြောင့် ဧည့်သည်ဝင်ရောက်မှု ရပ်ဆိုင်းသွားမည်ဖြစ်ကြောင်း မြန်မာနိုင်ငံ ခရီးသွားဈေးကွက်မြှင့်တင်ရေးအသင်း အကြံပေး  ဦးဖြိုးဝေရာဇာက ပြောကြားသည်။

“အခုပဲ ဟိုတယ်က မန်နေဂျာတွေဆို အသံတွေထွက်လာကြပြီ။ သူတို့မှာ အခန်းတွေ မပြည့်တော့ဘူးဆိုတာမျိုး  ဖြစ်သွားတဲ့အခါကျတော့ပေါ့။ ဒါက ချက်ချင်းမြင်သာတဲ့ဟာပေါ့။ ဧည့်သည်တွေ အလာနည်းရင် ဟိုတယ်တွေက ချက်ချင်း Empty ဖြစ်သွားမှာပေါ့။  ဒီရိုက်ခတ်မှုကြောင့် ခရီးသွားလုပ်ငန်း ဝင်ငွေက ကျသွားမှာပေါ့” ဟု ၎င်းက  ဆိုသည်။

တရုတ်ခရီးသွားများသည် သုည ဘတ်ဂျက်ခရီးသွားများဖြစ်ခြင်းကြောင့် ခရီးသွားလုပ်ငန်းအပေါ် သက်ရောက်မှု မရှိကြောင်း ယူဆချက်များရှိသည်။  သို့သော်လည်း မြန်မာနိုင်ငံသို့ ဝင်ရောက်ရာတွင် ဗီဇာကြေး၊ တည်းခိုစရိတ်၊ စားသောက်စရိတ်များ သုံးစွဲရသဖြင့်  အကျိုးအမြတ်ရှိသည်။ တရုတ်ခရီးသွားများ မဝင်လျှင် အဆိုပါ ငွေကြေးများ မရနိုင်ကြောင်း ၎င်းက ဆိုသည်။

တရုတ်နိုင်ငံသည် ယင်းဗိုင်းရပ်စ် မပျံ့နှံအောင် ထိန်းချုပ်ခြင်း၊ ကုသခြင်းလုပ်ငန်းများ ဆောင်ရွက်နေခြင်းကြောင့် အချိန်မကြာခင် အခြေအနေ တည်ငြိမ်လာနိုင်ကြောင်း ၎င်းက မျှော်လင့်သည်။ စီးပွားရေးအရ ထိခိုက်သော်လည်း နိုင်ငံတိုင်းသည် ယင်းတို့၏ နိုင်ငံသားများ အသက်အန္တရာယ် မထိခိုက်စေရန် တရုတ်ခရီးသွားကို ကန့်သတ်ကြောင်း ဦးဖြိုးဝေရာဇာက ဆိုသည်။

ခရီးသွားဝင်ရောက်မှုနည်းသဖြင့်  ဟိုတယ်၊ တည်းခိုခနှင့် ခရီးစဉ်ဈေးနှုန်းများ လျော့ကျလာနိုင်ကြောင်း ၎င်းက ဆိုသည်။ အကောင်းဘက်က စဉ်းစားပါက ဈေးနှုန်းကြီးမြင့်သည်ဟု နာမည်ကြီးသော မြန်မာခရီးစဉ်များ ဈေးနှုန်းလျော့ကျသဖြင့်  ဆွဲဆောင်မှုရှိနိုင်ကြောင်း ၎င်းက ဆိုသည်။

သို့သော် မြန်မာအစိုးရအနေနှင့်  ခရီးသွားဝင်ရောက်မှုနည်းပါးခြင်းကြောင့် ထိခိုက်လာမည့် အခြေအနေများကို ကူညီသင့်ကြောင်း ၎င်းက ဆိုသည်။ အိမ်နီးချင်း ထိုင်းနိုင်ငံတွင် တရုတ်ခရီးသွားလျော့ခြင်း ကြောင့် ခရီးသွားလုပ်ငန်း မထိခိုက်စေရန်  အခွန်လျှော့ပေါ့ခြင်း၊ ချေးငွေများထုတ်ပေးခြင်း ဆောင်ရွက်လျက်ရှိသည်။

သို့သော် မြန်မာနိုင်ငံအနေနှင့်  ယင်းကဲ့သို့ အစီအစဉ် မရှိကြောင်း ဟိုတယ် နှင့် ခရီးသွားညွှန်ကြားမှုဦးစီးဌာန၊ ဒုတိယ ညွှန်ကြားရေးမှူးချုပ် ဦးအောင်အေးဟန် က ပြောကြားသည်။ ထိုင်းနိုင်ငံသို့ နှစ်စဉ် တရုတ်ခရီးသွား ဆယ်သန်းနီးပါး ဝင်ရောက်နေပြီး ထိုင်းနိုင်ငံသို့ လာရောက်သည့် ခရီးသွား စုစုပေါင်း၏ သုံးပုံတစ်ပုံရှိသည်။

ယင်းသို့ တရုတ်ခရီးသွားများကို  ပမာဏများပြားစွာ မှီခိုနေရခြင်းကြောင့် အစိုးရက ထောက်ပံ့ကူညီနိုင်သည်။ မြန်မာနိုင်ငံမှာမူ တရုတ်ခရီးသွား ကိုးသိန်းမှ တစ်သန်းကြားသာ ဝင်ရောက်သဖြင့် ထိုင်းနိုင်ငံနှင့်နှိုင်းယှဉ်လျှင် ထိခိုက်မှုနည်းသည်။  မြန်မာနိုင်ငံ၏ ဖွံ့ဖြိုးတိုးတက်မှုရေချိန် အရလည်း ယင်းကဲ့သို့ မထောက်ပံ့နိုင်ကြောင်း ၎င်းက ပြောသည်။

“ဒီလိုလုပ်ပေးဖို့က လိုအပ်ချက်တွေ ရှိတယ်။ ကျွန်တော်တို့မှာ ကျွန်တော်တို့ တိုင်းပြည်အနေအထားက ပြည်တွင်းခရီးသွားနဲ့ ဖာထေးနိုင်မယ်လို့ ထင်ပါတယ်” ဟု ၎င်းက ဆိုသည်။

မြန်မာ့ ဂျီဒီပီ ထိ မထိ

မည်သို့ဆိုစေ တရုတ်သည် ကမ္ဘာ့အင်အားကြီးနိုင်ငံဖြစ်ပြီး လူဦးရေ ၁ ဒသမ ၃ ဘီလီယံကျော်ရှိသည့် ဈေးကွက်ကြီးတစ်ခု ဖြစ်သည်။

ကမ္ဘာပေါ်တွင် ကုန်စည်တင်သွင်းမှု အများဆုံးနိုင်ငံဖြစ်ပြီး ဝူဟန်မြို့မှ စတင်ခဲ့သည့် ကိုရိုနာဗိုင်းရပ်စ်ကြောင့် ဝယ်လိုအားများ ကျဆင်းလာကြောင်း နိုင်ငံတကာ သတင်းမီဒီယာများက ရေးသားသည်။ ယင်းဗိုင်းရပ်စ်ကြောင့် တရုတ် စီးပွားရေးတိုးတက်မှုနှုန်း ကျဆင်းနိုင်ကြောင်း ခန့်မှန်းကြသည်။

တရုတ်ခရီးသွားများ ပိတ်ပင်မှုကြောင့် အမေရိကန်ပြည်ထောင်စု၊ အီတလီစသည့်နိုင်ငံများ၏ ခရီးသွားဝင်ငွေမှာ အမေရိကန်ဒေါ်လာ ဘီလီယံချီ နစ်နာနိုင်ကြောင်း နိုင်ငံတကာသတင်းများက ရေးသားသည်။

မြန်မာတွင်လည်း ရိုက်ခတ်မှုရှိသည်။ မြန်မာ့ခရီးသွားလုပ်ငန်းနှင့် ပို့ကုန်မှာ ထိခိုက်မှု အပြင်းထန်ဆုံးဖြစ်သည်။  ရောဂါထိန်းချုပ်မှုကြာမြင့်ပါက မြန်မာ့ နိုင်ငံ၏ စီးပွားရေးကိုပါ ထိခိုက်နိုင်ကြောင်း ရန်ကုန်စီးပွားရေးတက္ကသိုလ် ပါမောက္ခ ချုပ် ဒေါက်တာတင်ဝင်းက ပြောကြား သည်။

“လချီသွားမယ်ဆိုရင် ဂျီဒီပီကို ထိခိုက်မှုက တော်တော်လေးကို သိသာလာမယ်”

နိုင်လင်းအောင်

You may also like...

Leave a Reply

Your email address will not be published. Required fields are marked *