ဗြိတိန်ထွက်သော်လည်း မြန်မာအတွက် ကုန်သွယ်ခွန်ကင်းလွတ်ခွင့် ဥရောပသမဂ္ဂ ဆက်လက်ဆောင်ရွက်မည်

၂၀၂၀ ပြည့်နှစ် ဇန်နဝါရီလ ၃၁ ရက်နေ့တွင် ယူနိုက်တက်ကင်းဒမ်းနိုင်ငံသည် ဥရောပသမဂ္ဂမှ ထွက်သွားခဲ့ပါသည်။ ကျွန်ုပ်တို့၏ မိသားစုဝင်နိုင်ငံတစ်နိုင်ငံကို ကျွန်ုပ်တို့ ဆုံးရှုံးလိုက်ရခြင်း ဖြစ်သည်။ ထိုအချိန်သည် ကျွန်ုပ်တို့ ဥရောပနိုင်ငံသားများအတွက်၊ ထို့ပြင် များစွာသော ဗြိတိသျှနိုင်ငံသားများအတွက် ဝမ်းနည်းဖွယ်ရာ အခိုက်အတန့်ပင် ဖြစ်ပါသည်။

မည်သို့ပင်ဖြစ်စေ ကျွန်ုပ်တို့သည် ၅၂ ရာခိုင်နှုန်းသော ဗြိတိသျှမဲဆန္ဒရှင်တို့၏ လွတ်လပ်စွာ ချမှတ်ပိုင်ခွင့်ရှိသော ဆုံးဖြတ်ချက်ကို အစဉ်အမြဲ လေးစားသည့်အလျောက် ယခုအခါတွင် ကျွန်ုပ်တို့၏ ဆက်ဆံရေးများအတွက် ကဏ္ဍသစ်တစ်ခုကို စတင်လျက် မျှော်လင့်နေပြီ ဖြစ်ပါသည်။

ဖေဖော်ဝါရီလ ၁ ရက်နေ့သည် သမိုင်းဝင်နေ့ရက်တစ်ရက်ဖြစ်သော်လည်း စိတ်ခံစားချက်များမှလွဲ၍ ပြဿနာများရှုပ်ထွေးခဲ့ခြင်းမရှိပါ။ ဤကဲ့သို့ လုပ်ဆောင်နိုင်စေရန် ကျွန်ုပ်တို့ကို အဓိကကူညီပေးခဲ့သည်မှာ ‘စနစ်ကျသော Brexit’ ဖြစ်စေရန်အတွက် ကျွန်ုပ်တို့နှင့် ယူကေနိုင်ငံအကြားတွင် ညှိနှိုင်းခဲ့သော နုတ်ထွက်ရေးဆိုင်ရာ သဘောတူညီချက် ဖြစ်ပါသည်။ ထိုသဘောတူညီချက်သည် ယခုအချိန်တွင် ကျွန်ုပ်တို့နိုင်ငံသားများ၊ စီးပွားရေးလုပ်ငန်းများ၊ ပြည်သူ့အုပ်ချုပ်ရေးလုပ်ငန်းများနှင့် ကျွန်ုပ်တို့၏ နိုင်ငံတကာမိတ်ဖက်များ ကြုံတွေ့ခံစားရသော ပြောင်းလဲမှုကို အနည်းဆုံးဖြစ်အောင် လျှော့ချပေးပါသည်။

ဤသဘောတူညီချက်အရ အီးယူနှင့် ယူကေတို့သည် အနည်းဆုံး ၂၀၂၀ ပြည့်နှစ်အကုန်အထိ အသွင်ကူးပြောင်းရေးကာလတစ်ခုထားရှိ ရန် သဘောတူညီကြပါသည်။ ထိုကာလအတွင်း ယူကေနိုင်ငံသည် အဖွဲ့ဝင်နိုင်ငံတစ်နိုင်ငံ မဟုတ်တော့စေကာမူ အီးယူ၏ အကောက်ခွန်သမဂ္ဂနှင့် တစ်ခုတည်းသော ဈေးကွက်တွင် ဆက်လက်ပါဝင်မည်ဖြစ်သလို အီးယူဥပဒေကိုလည်း ကျင့်သုံးမည်ဖြစ်သည်။ ကျွန်ုပ်တို့၏ နိုင်ငံတကာမိတ်ဖက်များထံ သံတမန်ဆိုင်ရာ ဆက်သွယ်လွှာတွင် ရှင်းလင်းစွာဖော်ပြထားသည့်အတိုင်း ထိုကာလအတွင်း ယူကေနိုင်ငံသည် အီးယူ၏ အပြည်ပြည်ဆိုင်ရာသဘောတူညီချက်များကို ဆက်လက်လိုက်နာမည်ဖြစ်ပါသည်။

ထိုသို့ အသွင်ကူးပြောင်းရေးကာလ ထားရှိနိုင်သောကြောင့် အတိုင်းအတာတစ်ခုအထိ ယခင်အခြေအနေကဲ့သို့ ဆက်လက်တည်ရှိနေဦးမည်ဖြစ်သည်။ ဤကဲ့သို့ဖြစ်စေရန် ဆောင်ရွက်ရသောလုပ်ငန်း၏ ခက်ခဲမှုအတိုင်းအတာမှာ ကြီးမားသောကြောင့် အကောင်အထည်ဖော်ရသည်မှာမူ မလွယ်ကူလှပါ။ ယူကေနိုင်ငံသည် သမဂ္ဂမှထွက်ခွာခြင်းဖြင့် အဖွဲ့ဝင်နိုင်ငံများ၏ အကျိုးစီးပွားအလို့ငှာ သမဂ္ဂကိုယ်တိုင် သို့မဟုတ် သမဂ္ဂကိုယ်စားဆောင်ရွက်နေရသော ကုန်သွယ်ရေး၊ လေကြောင်းသယ်ယူပို့ဆောင်ရေး၊ ရေလုပ်ငန်း သို့မဟုတ် အရပ်ဘက် နျူကလီးယားပူးပေါင်းဆောင်ရွက်ရေး စသည့် အကြောင်းအရာအမျိုးမျိုးနှင့် သက်ဆိုင်သော အပြည်ပြည်ဆိုင်ရာသဘောတူညီချက်များမှ ဥပဒေကြောင်းအရ အလိုအလျောက် တရားဝင်ထွက်ခွာသွားခြင်းပင် ဖြစ်သည်။

ယခုအခါတွင် ကျွန်ုပ်တို့သည် အီးယူနှင့် ယူကေနိုင်ငံအကြား မိတ်ဖက်ဆက်ဆံရေးသစ်ကို တည်ဆောက်ကြရတော့မည်ဖြစ်သည်။ ကျွန်ုပ်တို့၏ တောင်းဆိုချက်များနှင့် ကျွန်ုပ်တို့၏ မဟာမိတ်၊ မိတ်ဖက်နှင့် မိတ်ဆွေအဖြစ် ဆက်လက်တည်ရှိမည့် နိုင်ငံနှင့် တတ်နိုင်သမျှ အရင်းနှီးဆုံး မိတ်ဖက်ဖွဲ့နိုင်စေရေးဟူသော ရည်မှန်းချက်များကို ထည့်သွင်းရေးဆွဲထားသည့် ဥရောပကော်မရှင်က အဆိုပြုထားသော စေ့စပ်ညှိနှိုင်းရေး ကြေညာချက်ကို အီးယူအဖွဲ့ဝင် ၂၇ နိုင်ငံက အတည်ပြုသည်နှင့်တစ်ပြိုင်နက် ထိုလုပ်ငန်းကို ရက်သတ္တပတ်အနည်းငယ်အတွင်း စတင်တော့မည်ဖြစ်သည်။

အီးယူနှင့် ယူကေနိုင်ငံတို့သည် သမိုင်းကြောင်းအရ၊ ပထဝီအနေအထားအရ၊ ယဉ်ကျေးမှုအရ၊ ဘုံတန်ဖိုးထားမှုများအရနှင့် အခြေခံမူများအရ၊ စည်းမျဉ်းအခြေပြု၍ ရည်မှန်းချက်အား နိုင်ငံတကာ ပူးပေါင်းအကောင်အထည်ဖော်ရေးဝါဒအပေါ် ခိုင်ခိုင်မာမာယုံကြည်နေမှုများအရ ဆက်နွှယ်ပတ်သက်လျက်ရှိသည်။ ကျွန်ုပ်တို့၏ အနာဂတ်မိတ်ဖက်ဖြစ်မှုတွင်လည်း ထိုဆက်နွှယ်နေမှုများနှင့် ဘုံယုံကြည်ချက်များ ထပ်ဟပ်နေမည်ဖြစ်ပါသည်။ ကျွန်ုပ်တို့သည် ယူကေနိုင်ငံနှင့် လက်တွဲဆောင်ရွက်ရာတွင် ကုန်သွယ်မှုကဏ္ဍ၌သာမက စုပေါင်းအားထုတ်မှု၏ တစ်စိတ်တစ်ပိုင်းအဖြစ် အသုံးပြုလျှင် အကျိုးရှိအထိရောက်ဆုံးဖြစ်သည့် အတွေ့အကြုံရော၊ လက်နက်အင်အားပါပိုင်ဆိုင်သည့် ယူကေနိုင်ငံနှင့် လုံခြုံရေးနှင့် ကာကွယ်ရေးကဏ္ဍတို့တွင်လည်း ဆက်လက်ပူးပေါင်းလုပ်ဆောင်သွားလိုပါသည်။

ပြင်းထန်သော စိန်ခေါ်မှုများနှင့် အပြောင်းအလဲများရှိရာ၊ မတည်ငြိမ်သောအခြေအနေများနှင့် အသွင်ကူးပြောင်းမှုများရှိရာကမ္ဘာကြီး၌ ကျွန်ုပ်တို့သည် အချင်းချင်း တိုင်ပင်ခြင်း၊ ပူးပေါင်းဆောင်ရွက်ခြင်းတို့ကို ဆောင်ရွက်ရမည်ဖြစ်သလို ဒေသတွင်းနှင့် တစ်ကမ္ဘာလုံးဆိုင်ရာ နှီးနှောဆွေးနွေးရာများဖြစ်သော ကုလသမဂ္ဂ၊ ကမ္ဘာ့ကုန်သွယ်ရေးအဖွဲ့အစည်း၊ နေတိုးနှင့် G20 တို့တွင်လည်း ပါဝင်လုပ်ဆောင်ကြရမည် ဖြစ်သည်။

အယူအဆဟောင်းတစ်ရပ် ဖြစ်ကောင်းဖြစ်နိုင်သော်လည်း အခြေခံအမှန်တရားမှာ မျက်မှောက်ခေတ်၏ တစ်ကမ္ဘာလုံးဆိုင်ရာစိန်ခေါ်မှုများဖြစ်သည့် ရာသီဥတုဖောက်ပြန်ပြောင်းလဲခြင်းမှသည် ဆိုက်ဘာရာဇဝတ်မှု၊ အကြမ်းဖက်ဝါဒ သို့မဟုတ် တန်းတူညီမျှမရှိမှုတို့ကို ရင်ဆိုင်ရာတွင် စုပေါင်းတုံ့ပြန်ဖြေရှင်းရန် လိုအပ်ပါသည်။ ယူကေနိုင်ငံသည် အီးယူနှင့် ရင်ဘောင်တန်းလက်တွဲလုပ်ဆောင်နိုင်လေလေ၊ ကမ္ဘာတစ်ဝန်းမှ မိတ်ဖက်များနှင့် အတူတကွလုပ်ဆောင်နိုင်လေလေ၊ ထိုစိန်ခေါ်မှုများကို ထိထိရောက်ရောက် ရင်ဆိုင်နိုင်မည့် အခွင့်အလမ်းပိုရှိလေလေ ဖြစ်ပါသည်။

အီးယူစီမံကိန်း၏ အနှစ်သာရမှာ ကျွန်ုပ်တို့ အတူတကွရပ်တည်ပါက ပိုမိုအားကောင်းမည်ဖြစ်ပြီး ကျွန်ုပ်တို့၏ ရင်းမြစ်များကို စုစည်း၍ စီမံချက်များကို စုပေါင်းလုပ်ဆောင်ခြင်းက ဘုံရည်မှန်းချက်ပန်းတိုင်များကို ဖြစ်ထွန်းအောင်မြင်စေမည့် အကောင်းဆုံးနည်းလမ်းဖြစ်သည်ဟူသော အယူအဆပင် ဖြစ်ပါသည်။ ထိုအချက်ကို Brexit က ပြောင်းလဲမည်မဟုတ်ပါ။ ကျွန်ုပ်တို့သည် ထိုစီမံကိန်းကို နိုင်ငံ ၂၇ နိုင်ငံအဖြစ် အတူတကွဆက်လက်ဆောင်ရွက်သွားမည် ဖြစ်ပါသည်။

အဖွဲ့ဝင်နိုင်ငံ ၂၇ နိုင်ငံသည် နိုင်ငံသား သန်းပေါင်း ၄၅၀ နှင့် စီးပွားရေးလုပ်ငန်းပေါင်း သန်း ၂၀ ကျော်၏ တစ်ခုတည်းသော ဈေးကွက်အဖြစ် အတူတကွ ဆက်လက်ဆောင်ရွက်သွားမည်ဖြစ်သည်။

ကျွန်ုပ်တို့သည် ကမ္ဘာ့အကြီးဆုံးကုန်သွယ်ရေးအုပ်စုအဖြစ် အတူတကွ ဆက်လက်တည်ရှိသွားမည်ဖြစ်သည်။

ကျွန်ုပ်တို့သည် ကမ္ဘာ့အကြီးဆုံး ဖွံ့ဖြိုးတိုးတက်မှုအထောက်အကူပြုအလှူရှင်များအဖြစ် အတူတကွ ဆက်လက်တည်ရှိသွားမည်ဖြစ်သည်။

ကျွန်ုပ်တို့သည် ကုန်သွယ်ရေးနှင့် ရင်းနှီးမြှုပ်နှံမှုတို့တွင်လည်းကောင်း၊ ရာသီဥတုဆိုင်ရာလှုပ်ရှားမှုနှင့် ဒစ်ဂျစ်တယ်ဆိုင်ရာတွင်လည်းကောင်း၊ ဆက်သွယ်ရေးတွင်လည်းကောင်း၊ လုံခြုံရေးနှင့် အကြမ်းဖက်မှုတိုက်ဖျက်ရေးတို့တွင်လည်းကောင်း၊ လူ့အခွင့်အရေးနှင့် ဒီမိုကရေစီတွင်လည်းကောင်း၊ သို့မဟုတ် ကာကွယ်ရေးနှင့် နိုင်ငံခြားရေးမူဝါဒတို့တွင်လည်းကောင်း ရည်မှန်းချက်ရှိရှိဖြင့် အခြားသူများ၏ အကျိုးစီးပွားကို ထည့်သွင်းစဉ်းစားပေးကာ ဆက်လက်လုပ်ဆောင်သွားမည်ဖြစ်ကြောင်း ကျွန်ုပ်တို့၏ မိတ်ဖက်များအနေနှင့် စိတ်ချယုံကြည်နိုင်ပါသည်။

ကျွန်ုပ်တို့သည် ကျွန်ုပ်တို့၏ ကတိကဝတ်များကို ဆက်လက်ထိန်းသိမ်းသွားမည် ဖြစ်ပါသည်။ မြန်မာနိုင်ငံအတွက် ကုန်သွယ်ခွန်ကင်းလွတ်ခွင့်နှင့် အာဆီယံပေါင်းစည်းရေးကဲ့သို့သော နိုင်ငံတကာမိတ်ဖက်များနှင့် ချိတ်ဆက်ထားသည့် သဘောတူညီချက်များကိုလည်း ဆက်လက်လုပ်ဆောင်သွားမည် ဖြစ်ပါသည်။ ရည်မှန်းချက်ကို နိုင်ငံတကာပူးပေါင်းအကောင်အထည်ဖော်ရေး မူဝါဒမူဘောင်များကို ရေးဆွဲချမှတ်ရန်အတွက်လည်း ကမ္ဘာတစ်ဝန်းတွင် ဆက်လက်လုပ်ဆောင်သွားမည် ဖြစ်ပါသည်။

ဥရောပသမဂ္ဂသည် ယုံကြည်စိတ်ချရသော မိတ်ဖက်အဖြစ် ဆက်လက်တည်ရှိနေမည် ဖြစ်ပါသည်။ စည်းမျဉ်းအခြေပြု၍ ရည်မှန်းချက်ကို နိုင်ငံတကာပူးပေါင်းအကောင်အထည်ဖော်ရေးဝါဒကို မဖောက်မပြန် ကာကွယ်မည့် အဖွဲ့အစည်းအဖြစ် ပိုမိုလုံခြုံပြီး တရားမျှတသောကမ္ဘာကြီးဖြစ်လာစေရေးအတွက် ကျွန်ုပ်တို့၏ မိတ်ဖက်များနှင့် အတူတကွ လုပ်ဆောင်သွားမည်ဖြစ်သည်။ 

ဥရောပသမဂ္ဂ၏ ပြောရေးဆိုခွင့်ရှိသူနှင့် ယူနိုက်တက်ကင်းဒမ်းနိုင်ငံနှင့် ဆက်ဆံရေးအလုပ်အဖွဲ့အကြီးအကဲ

You may also like...

Leave a Reply

Your email address will not be published. Required fields are marked *